കോതമംഗലം: ഭിന്നശേഷിക്കാർക്ക് സ്വയംതൊഴിൽ സംരംഭങ്ങൾ ആരംഭിക്കുന്നതിന് സാമ്പത്തിക സഹായം നൽകുന്ന സർക്കാർ പദ്ധതിയായ കൈവല്യ നിലച്ചതിലും ഭിന്നശേഷിക്കാരുടെ വിവിധ ആവശ്യങ്ങൾ ഉന്നയിച്ച് കൊണ്ട് ഓൾ കേരള വീൽചെയർ റൈറ്റ്സ് ഫെഡറേഷൻ എറണാകുളം ജില്ലാ കമ്മിറ്റിയുടെ നേതൃത്വത്തിൽ കോതമംഗലം സിവിൽ സ്റ്റേഷൻ ഓഫീസിന് മുന്നിൽ പ്രതിഷേധ ധർണ്ണ സംഘടിപ്പിച്ചു.
സംസ്ഥാന കമ്മിറ്റിയുടെ ആഹ്വാനപ്രകാരം സംസ്ഥാന വ്യാപകമായി നടക്കുന്ന പ്രതിഷേധ പരിപാടിയുടെ ഭാഗമായാണ് പ്രതിഷേധ ധർണ്ണ
പ്രതിഷേധ ധർണ്ണ എ കെ ഡബ്യൂ ആർ എഫ് സംസ്ഥാന ജനറൽ സെക്രട്ടറി രാജീവ് പള്ളുരുത്തി ഉദ്ഘാടനം ചെയ്തു.
എ കെ ഡബ്യൂ ആർ എഫ് ജില്ലാ പ്രസിഡന്റ് മത്തായി വാരപ്പെട്ടി അദ്ധ്യക്ഷത വഹിച്ചു.
ഭിന്നശേഷിക്കാരായ ബഹുഭൂരിപക്ഷം ആളുകളും സ്വന്തമായി തൊഴിൽ വരുമാന മാർഗ്ഗം ഇല്ലാത്തവരാണ്. കുടുംബത്തെയോ, മറ്റുള്ളവരെയോ ആശ്രയിച്ചാണ് മിക്കവരും ജീവിക്കുന്നത്. സർക്കാർ പ്രഖ്യാപിച്ച കൈവല്യ പദ്ധതി നിലവിൽ നിലച്ചിരിക്കുകയാണ്. .ആദ്യഘട്ടത്തിൽ അപേക്ഷ നൽകിയവർക്ക് 2020_21 ൽ കൊടുത്ത ശേഷം 2021 മുതൽ അപേക്ഷ നൽകിയ ഗുണഭോക്താക്കളായവർക്ക് 2024 അവസാനം ആയിട്ടും ലോൺ അനുവദിച്ചിട്ടില്ല.
സാമ്പത്തിക സഹായ വിതരണം നിലച്ചതോടെ സ്വയം തൊഴിൽ ചെയ്യാൻ എംപ്ലോയ്മെന്റ് എക്സ്ചേഞ്ച് വഴി അപേക്ഷ സമർപ്പിച്ച പലരും പ്രതിസന്ധിയിലായിരിക്കുകയാണ്.
ഭിന്നശേഷിക്കാർക്ക് വിവിധ പദ്ധതികൾ പ്രഖ്യാപിച്ച് കുറച്ച് കഴിയുമ്പോൾ അത് മുന്നോട്ട് കൊണ്ട് പോകാൻ ഉള്ള നടപടികൾ സ്വീകരിക്കുന്നില്ല. സാമ്പത്തിക പ്രതിസന്ധി പറഞ്ഞു. ഈ വിഭാഗത്തിന്റെ ആനുകൂല്യങ്ങളാണ് അവതാളത്തിൽ ആകുന്നത്.
മൂന്ന് വർഷക്കാലമായി ഈ പദ്ധതിയിൽ അപേക്ഷ നൽകി കാത്തിരിക്കുന്ന ഭിന്നശേഷിക്കാർക്ക് എത്രയും വേഗം വായ്പ അനുവദിക്കാൻ വേണ്ട നടപടികൾ ഭരണാധികാരികൾ സ്വീകരിക്കണമെന്നും ഭിന്നശേഷിക്കാരുടെ പദ്ധതികളും , കുടിശ്ശിക ആയ ആശ്വാസ കിരണം തുകയും , പെൻഷൻ വർദ്ധനവ്, ആരോഗ്യ ഇൻഷുറൻസും നടപ്പിലാക്കണമെന്ന് ഉദ്ഘാടനം ചെയ്ത് കൊണ്ട് രാജീവ് പള്ളുരുത്തി പറഞ്ഞു.
യോഗത്തിൽ എ കെ ഡബ്യൂ ആർ എഫ് സംസ്ഥാന എക്സിക്യൂട്ടീവ് കമ്മിറ്റി അംഗം പൈലി നെല്ലിമറ്റം, എ കെ ഡബ്യൂ ആർ എഫ് ജില്ലാ സെക്രട്ടറി അജി മോൻ,
മുൻ ജില്ലാ സെക്രട്ടറി കെ ഒ ഗോപാലൻ , എ കെ ഡബ്യൂ ആർ എഫ് ജില്ലാ ഉപദേശ സമിതി അംഗങ്ങളായ മണി ശർമ്മ, ദീപ മണി, ജില്ലാ ട്രഷറർ എം കെ സുധാകരൻ , മത്തായി കോലഞ്ചേരി, ശ്രീദേവി പറവൂർ എന്നിവർ സംസാരിച്ചു.
ചിത്രം : കോതമംഗലത്ത് നടന്ന പ്രതിഷേധ ധർണ്ണ രാജീവ് പള്ളുരുത്തി ഉദ്ഘാടനം ചെയ്യുന്നു
