Connect with us

Hi, what are you looking for?

NEWS

സംസ്ഥാനത്തെ മികച്ച ഗ്രാമപഞ്ചായത്ത് അംഗത്തിനുള്ള ജവഹർ പുരസ്കാർ 2024 ഇ എം ഷാജിക്ക്

മൂവാറ്റുപുഴ: സംസ്ഥാനത്തെ മികച്ച ഗ്രാമ പഞ്ചായത്ത് അംഗത്തിനുള്ള ജവഹർലാൽ നെഹ്റു കൾച്ചറൽ സൊസൈറ്റി ഏർപ്പെടുത്തിയ ജവഹർ പുരസ്കാരം – 2024 ന് പായിപ്ര ഗ്രാമപഞ്ചായത്ത് അംഗം ഇ എം ഷാജിക്ക് ലഭിച്ചു. തിരുവനന്തപുരത്ത് നടന്ന ചടങ്ങിൽ മൃഗസംരക്ഷണ വകുപ്പ് മന്ത്രി ജെ. ചിഞ്ചുറാണി അവാർഡ് സമ്മാനിച്ചു. മുൻ മന്ത്രി അഡ്വ. ആൻറണി രാജു എംഎൽഎ അധ്യക്ഷത വഹിച്ചു. സ്നേഹാദരവ് സമർപ്പണം അഡ്വ.ഐ.ബി സതീഷ് എംഎൽഎ നിർവഹിച്ചു.

 

ആരോഗ്യ – ചികിത്സാ – വിദ്യാഭ്യാസ- ജീവകാരുണ്യ മേഘലയിലെ സമഗ്ര ഇടപെടലുകളാണ് ഷാജിയെ അവാർഡിന് അർഹനാക്കിയത്. പായിപ്ര ഗ്രാമപഞ്ചായത്ത് നാലാം വാർഡിൽ നിന്നും വിജയിച്ച ഷാജി പഞ്ചായത്ത് അംഗം എന്ന നിലയിൽ തനിക്ക് ലഭിച്ച ഓണററിയം നാളിതുവരെ വാർഡിലെ നിർദ്ധനരരായ രോഗികൾക്ക് നൽകി.ഇതോടൊപ്പം വീട് നിർമ്മാണം, വീട് അറ്റകുറ്റപണികൾ, വിദ്യാഭ്യാസ അവാർഡ് സമർപ്പണം, ധന സഹായ വിതരണം, സാംസ്കാരിക രംഗത്തെ ഉന്നമനത്തിനായി ലൈബ്രറി നവീകരണം, കാർഷിക മേഖലയുടെ ഉന്നമനത്തിനായി കാർഷിക മേഖലയിൽ നടപ്പിലാക്കിയ പ്രവർത്തനങ്ങൾ എന്നിവ പരിഗണിച്ചാണ് അവാർഡിന് അർഹനാക്കിയത്. സി കെ ആശ എംഎൽഎ, ബിഷപ്പ് റൈറ്റ് റവ:ഗ്രിഗോറിയോസ് മാർ സ്തെഫാനോസ് ,സ്വാമി ഗുരുരത്നം ജ്ഞാന തപസ്വി , പാളയം ഇമാം ഡോക്ടർ വി പി സുഹൈബ് മൗലവി മറ്റ് വിവിധ ജന പ്രതിനിതികൾ, സാമൂഹിക പ്രവർത്തകർ മാധ്യമപ്രവർത്തകർ എന്നിവരെയും ചടങ്ങിൽ അവാർഡ് നൽകി ആദരിച്ചു.

പൂവച്ചല്‍ സുധീര്‍ സ്വാഗതം പറഞ്ഞു. ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ വിളപ്പിൽ രാധാകൃഷ്ണൻ, തിരുവനന്തപുരം കോർപ്പറേഷൻ സ്റ്റാൻഡിങ് കമ്മറ്റി ചെയർമാൻ പാളയം രാജൻ. ഭിന്നശേഷി വികസന കോർപ്പറേഷൻ ചെയർമാൻ എം വി ജയ ഡാളി. സംസ്ഥാന ശിശുക്ഷേമ സമിതി ജനറൽ സെക്രട്ടറി ജി എൽ അരുൺ ഗോപി,എപിജെ അബ്ദുൽ കലാം സ്റ്റഡി സെൻറർ ഉപദേശക സമിതി ചെയർമാൻ പി എം ഹുസൈൻ ജിഫ്രി തങ്ങൾ എൽബിആർഎൻ ഫൗണ്ടേഷൻ ചെയർമാൻ മുഹമ്മദ് അസിഫ്,ജൂറി കമ്മിറ്റി ചെയർമാൻ എം എൻ ഗിരി,ജഗത്മയൻ ചന്ദ്രപുരി, വില്ലറ്റ് കൊറയാ,അയ്യൂബ് മേലേടത്ത് ,സൈദ് സബർമതി ,കെ പി ഹരികുമാർ എന്നിവർ സംസാരിച്ചു. ഷമീജ് കാളികാവ് നന്ദി പറഞ്ഞു.

You May Also Like

NEWS

കോതമംഗലം: കീരമ്പാറ വനാതിര്‍ത്തി മേഖലയില്‍ ആനശല്യത്തെ പ്രതിരോധിക്കാന്‍ ലക്ഷങ്ങള്‍ ചെലവഴിച്ച് നടപ്പാക്കുന്ന ഫെന്‍സിംഗ് അശാസ്ത്രീയമെന്ന് ആരോപണം. കീരമ്പാറ പഞ്ചായത്തിലെ പുന്നേക്കാട് മേഖലയില്‍ പെരിയാര്‍ കടന്ന് ചേലമലയില്‍ തമ്പടിച്ചെത്തുന്ന ആനകളെ പ്രതിരോധിക്കാനായി എട്ട് കിലോമീറ്റര്‍...

NEWS

കോതമംഗലം: വടാട്ടുപാറ റൂറൽ സഹകരണ സംഘത്തിന്റെ അഭിമുഖ്യത്തിൽ എസ് എസ് എൽ സി, പ്ലസ് ടു പരീക്ഷയിൽ മുഴുവൻ വിഷയത്തിലും എ പ്ലസ് നേടിയ വിദ്യാർത്ഥികളെ ആദരിച്ചു. സംഘം പ്രസിഡന്റ് എൽദോസ് ബേബി...

ACCIDENT

കോതമംഗലം : സ്‌കൂട്ടര്‍ അപകടത്തില്‍ പരിക്കേറ്റ് ചികിത്സയിലായിരുന്ന എല്‍ഐസി ഏജന്റ് മരിച്ചു. കുടമുണ്ട പുല്‍പറമ്പില്‍ പി.ജെ പൈലി (ബെന്നി, 58) ആണ് മരിച്ചത്. കുടമുണ്ടയില്‍ ശനിയാഴ്ച രാത്രി പള്ളിയില്‍ നിന്നു വീട്ടിലേക്കു മടങ്ങുകയായിരുന്ന...

CHUTTUVATTOM

കോതമംഗലം: കരിമ്പാനി വനത്തില്‍ ബൈക്കില്‍ ബീറ്റ് പട്രോളിംഗിന് പോയ വനപാലകര്‍ക്ക് നേരെ കാട്ടാന പാഞ്ഞടുത്തു. ബൈക്ക് ഉപേക്ഷിച്ച് രക്ഷപ്പെടുന്നതിനിടെ ഒരാള്‍ക്ക് വീണ് പരിക്കേറ്റു. തുണ്ടം ഫോറസ്റ്റ് റേഞ്ചിലെ കരിമ്പാനി സ്റ്റേഷനിലെ എസ്എഫ്ഒ സി.ടി....