Connect with us

Hi, what are you looking for?

NEWS

മഴപെയ്യ്തു പാൽനുരയായി ഒഴുകി ചീയപ്പാറ.

ഏബിൾ. സി. അലക്സ്‌ 

കോതമംഗലം : മഴ പെയ്യ്തതോടുകൂടി ചിയപ്പാറ ജല സമൃദ്ധമായി.പാൽ നുരയായി പതഞ്ഞു വരുന്ന ചീയപ്പാറ വെള്ളച്ചാട്ടം സഞ്ചാരികളെ ആകർഷിക്കുകയാണ്….ഹൈറേഞ്ചിന്റെ കുളിരു തേടി കൊച്ചി – ധനുഷ്‌കോടി ദേശീയ പാത വഴി വരുന്ന വിനോദ സഞ്ചാരികളുടെ വാഹനങ്ങൾ നേര്യമംഗലം കഴിഞ്ഞാൽ ഈ നയന മനോഹര വെള്ളച്ചാട്ടത്തിനരികെ നിർത്താതെ പോകില്ല.കാലവർഷമെത്തും മുമ്പെ തന്നെ സജീവമായിമാറി ചീയപ്പാറ വെള്ളച്ചാട്ടം.ഇവിടെ നിന്ന് സെൽഫി എടുത്ത് കുളിരണിഞ്ഞാണ് പിന്നീടുള്ള യാത്ര.ഇത്തവണ വേനലിൽ ജീവൻ നഷ്ടപ്പെട്ടിരുന്ന ചീയപ്പാറ വെള്ളച്ചാട്ടം വീണ്ടും ജല സമൃദ്ധമായി .വെള്ളച്ചാട്ടത്തിന് ഭംഗിയേറിയതോടെ കാണാൻ സഞ്ചാരികളുടെ തിരക്കുമേറി.

കാലവർഷമെത്താൻ ഏതാനും ദിവസം മുമ്പെ ചീയപ്പാറ വെള്ളച്ചാട്ടം സജീവമായി.

തട്ടുതട്ടായി താഴേക്ക് പതിക്കുന്നുവെന്നതും ജലപാതത്തിൻ്റെ ഒത്ത താഴെ കൊച്ചി ധനുഷ്ക്കോടി ദേശിയപാതയിൽ നിന്ന് വെള്ളച്ചാട്ടം കണ്ടാസ്വദിക്കാമെന്നതുമാണ് ചീയപ്പാറ വെള്ളച്ചാട്ടത്തിൻ്റെ പ്രത്യേകത. മഴ ലഭിച്ചതോടെ വെള്ളച്ചാട്ടത്തിന് ഭംഗിയേറിയതോടെ കാണാൻ സഞ്ചാരികളുടെ തിരക്കുമേറി.

കാലവർഷം കനക്കുന്നതോടെ ചീയപ്പാറ കൂടുതൽ മനോഹരമാകും. ദേശിയപാതയിലൂടെ മൂന്നാറിലേക്ക് കടന്നു പോകുന്ന സഞ്ചാരികളിൽ ഭൂരിഭാഗവും കാടിന് നടുവിലെ പാറക്കെട്ടിൽ വെള്ളിവര തീർക്കുന്ന ചീയപ്പാറ വെള്ളച്ചാട്ടത്തിൻ്റെ ഭംഗിയാസ്വദിച്ചും ചിത്രങ്ങൾ പകർത്തിയും മാത്രമെ കടന്നു പോകാറുള്ളു.ജലപാതത്തിന് ചുറ്റുമുള്ള കാട് തീർക്കുന്ന ഭംഗിയും വർണ്ണനാതീതമാണ്.

ചീയപ്പാറക്ക് പുറമെ വാളറയും ആറ്റുകാടും ശ്രീനാരായണപുരവുമടക്കമുള്ള ഹൈറേഞ്ചിലെ മറ്റ് വെള്ളച്ചാട്ടങ്ങൾക്കും വേനൽമഴ ജീവൻ നൽകി കഴിഞ്ഞു….

 

 

You May Also Like

ACCIDENT

കോതമംഗലം: കോതമംഗലത്ത് സ്കൂൾ വിദ്യാർത്ഥിയെ തോട്ടിൽ മരിച്ചനിലയിൽ കണ്ടെത്തി. കള്ളാട് കീഴേത്തുകുടി ബിനോജിൻ്റെ മകൻ അഭിമന്യു (12) വിനെയാണ് സ്കൂളിൽ നിന്ന് വിട്ടിലേക്ക് പോകുന്ന വഴിയിലുള്ള ചെറിയ കൈ തോട്ടിൽ മരിച്ചനിലയിൽ കണ്ടെത്തിയത്....

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...