Connect with us

Hi, what are you looking for?

NEWS

കോതമംഗലം മണ്ഡലത്തിൽ 2.5 കോടി രൂപ ചിലവഴിച്ച് ഹാങ്ങിങ് ഫെൻസിങ് സ്ഥാപിക്കാൻ അനുമതിയായി

കോതമംഗലം : കോതമംഗലം നിയോജകമണ്ഡലത്തിലെ കുട്ടമ്പുഴ, കവളങ്ങാട്, പിണ്ടിമന,കോട്ടപ്പടി, കീരംപാറ എന്നീ പഞ്ചായത്തുകളിൽ വന്യമൃഗ ശല്യം രൂക്ഷമായ സാഹചര്യത്തിൽ കാട്ടാനകളെ പ്രതിരോധിക്കുന്നതിന് ഹാങ്ങിങ് ഫെൻസിങ് സ്ഥാപിക്കുന്നതിനെക്കുറിച്ച് ആലോചിക്കുന്നതിനായി ആന്റണി ജോൺ എം എൽ എയുടെ അധ്യക്ഷതയിൽ കോതമംഗലം പി ഡബ്ല്യു ഡി റസ്റ്റ് ഹൗസിൽ വച്ച് യോഗം കൂടി.രാഷ്ട്രീയ കൃഷി വികാസ് യോജന ക്രോപ്പ് ഹെൽത്ത് മാനേജ്മെന്റ് എന്നീ പദ്ധതികളിൽ ഉൾപ്പെടുത്തി ഹാങ്ങിങ് ഫെൻസിങ് നിർമ്മിക്കാൻ മണ്ഡലത്തിൽ 2.5 കോടി രൂപയുടെ പദ്ധതിക്കാണ് അനുമതിയായിട്ടുള്ളത്. അനുവദനീയമായ തുകയുടെ അന്തിമ എസ്റ്റിമേറ്റ് അടിയന്തിരമായി തയ്യാറാക്കാൻ കൃഷി അസിസ്റ്റന്റ് ഡയറക്ടറെ ചുമതലപ്പെടുത്തി. നിലവിൽ നബാർഡ് സ്കീമിൽ ഉൾപ്പെടാത്ത പഞ്ചായത്തുകളായ കവളങ്ങാട് 18 കിലോമീറ്റർ, പിണ്ടിമന 11 കിലോമീറ്റർ, കുട്ടമ്പുഴ 80 കിലോമീറ്റർ,കീരംപാറ 14 കിലോമീറ്റർ എന്നീ ദൂരത്തിലാണ് ഹാങ്ങിങ് ഫെൻസിങ് നിർമ്മിക്കുന്നത്.കോട്ടപ്പടിയിലും നീണ്ട പാറയിലും നബാർഡ് സ്കീമിൽ ഉൾപ്പെടുത്തിയുള്ള ഹാങ്ങിങ് ഫെൻസിങ് സ്ഥാപിക്കുന്ന പ്രവർത്തി ഉടൻ ആരംഭിക്കുമെന്നും,വടാട്ടുപാറയിൽ 7 കിലോമീറ്റർ ദൂരത്തിൽ ഹാങ്ങിങ് ഫെൻസിങ് സ്ഥാപിക്കൽ അവസാനഘട്ടത്തിൽ ആണെന്നും എം എൽ എ യോഗത്തിൽ പറഞ്ഞു. കവളങ്ങാട് ഗ്രാമ പഞ്ചായത്ത്‌ പ്രസിഡന്റ്‌ സിബി മാത്യു,കോട്ടപ്പടി പഞ്ചായത്ത്‌ പ്രസിഡന്റ്‌ മിനി ഗോപി, കുട്ടമ്പുഴ ഗ്രാമ പഞ്ചായത്ത്‌ പ്രസിഡന്റ്‌ കാന്തി വെള്ളക്കയൻ, പിണ്ടിമന ഗ്രാമ പഞ്ചായത്ത് പ്രസിഡന്റ്‌ ജെസ്സി സാജു,കോതമംഗലം കൃഷി അസിസ്റ്റന്റ് ഡയറക്ടർ ഇൻ ചാർജ് അമ്പിളി സദാനന്ദൻ,കൃഷി ഓഫീസർമാർ,വിവിധ ഫോറസ്റ്റ് റേഞ്ചുകളിലെ റേഞ്ച് ഓഫീസർമാർ എന്നിവർ യോഗത്തിൽ പങ്കെടുത്തു.

You May Also Like

NEWS

തടത്തിക്കവല :എൽ ഡി എഫ് സ്ഥാനാർഥി ജോയ്സ് ജോർജിന്റെ കോതമംഗലം, മൂവാറ്റുപുഴ മണ്ഡലങ്ങളിലെ അവസാനഘട്ട പര്യടനത്തിന് തടത്തിക്കവലയിൽ തുടക്കം. പച്ചക്കറി തൈകളും അമ്പും വില്ലും നൽകി ജോയ്സ് ജോർജിനെ പ്രവർത്തകർ സ്വീകരിച്ചു. രാജ്യത്ത്...

NEWS

കോതമംഗലം: പ്രാര്‍ത്ഥനയോടെ വോട്ടവകാശം വിനിയോഗിക്കേണ്ടത് കാലഘട്ടത്തിന്റെ ആവശ്യമെന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. കോതമംഗലം രൂപത പാസ്റ്റല്‍ കൗണ്‍സില്‍ സമ്മേളനം മൂവാറ്റുപുഴ നെസ്റ്റ് പാസ്റ്ററല്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ആധുനിക...

NEWS

പൈങ്ങോട്ടൂർ: ബസ് ഉടമയെ ആക്രമിച്ച കേസിൽ ഒരാൾ അറസ്റ്റിൽ. കടവൂർ പൈങ്ങോട്ടൂർ കൊമ്പനാൽ വീട്ടിൽ ജോമേഷ് (40) നെയാണ് പോത്താനിക്കാട് പോലീസ് അറസ്റ്റ് ചെയ്തത്. 20 ന് വെകീട്ട് പൈങ്ങോട്ടൂർ ഗാന്ധി സ്ക്വയറിന്...

NEWS

മൂവാറ്റുപുഴ: പാലക്കുഴയില്‍ ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസ് തീയിട്ട് നശിപ്പിച്ച നിലയില്‍. പഞ്ചായത്ത് കമ്മറ്റി നിര്‍മ്മിച്ച ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസാണ് ഇന്നലെ രാത്രിയില്‍ തീയിട്ട് നശിപ്പിച്ചത്. ഇന്നലെ രാത്രിയിലും പ്രവര്‍ത്തകരെത്തി സജീവമായിരുന്ന...