കോതമംഗലം: ശക്തമായ മഴയെത്തുടർന്ന് കോതമംഗലത്ത് വിവിധ പ്രദേശങ്ങളിൽ വെള്ളം കയറി. കോതമംഗലം ടൗണിൽ തങ്കളം റോട്ടറി ഭവൻ, സമീപത്തെ വീടുകൾ, സ്ഥാപനങ്ങൾ എന്നിവ വെള്ളത്തിൽ മുങ്ങി. A M റോഡിൽ തങ്കളം ഭാഗത്ത് വെള്ളം കയറിയതിനാൽ വാഹനങ്ങൾ മറ്റൊരു വഴിയിലൂടെയാണ് കടന്നു പോകുന്നത്. തങ്കളം – കാക്കനാട് നാലുവരിപ്പാതയുടെ നിർമാണമാരംഭിച്ചപ്പോൾ മുതൽ ഈ മേഖല വെള്ളപ്പൊക്ക കെടുതിയുടെ ഭീഷണി നേരിടുകയാണ്.
മണികണ്ഠൻചാൽ പാലവും കുടമുണ്ടപ്പാലവും വെള്ളത്തിനടിയിലായി. ഇതിലൂടെയുള്ള ഗതാഗതം തടസപ്പെട്ടു. വെള്ളം കയറി കൃഷിയിടങ്ങളും നശിച്ചിട്ടുണ്ട്. തൃക്കാരിയൂരിലും പതിവ് തെറ്റിക്കാതെ വെള്ളം കയറി.
