Connect with us

Hi, what are you looking for?

NEWS

തൊഴിലുറപ്പ് – ആശാ -അങ്കണവാടി-ഹരിത കർമ്മ സേനായിലെ മുഴുവൻ അംഗങ്ങളും കോതമംഗലത്തെ നവകേരള സദസ്സിൽ പങ്കാളികളാകും

കോതമംഗലം :തൊഴിലുറപ്പ് – ആശാ-അങ്കണവാടി- ഹരിത കർമ്മ സേനാ എന്നീ മേഖലകളിലെ മുഴുവൻ അംഗങ്ങളും കോതമംഗലത്തെ നവകേരള സദസ്സിൽ പങ്കാളികളാകും. ഈ മേഖലകളിലെ മുഴുവൻ അംഗങ്ങളുടെയും പങ്കാളിത്തം ഉറപ്പുവരുത്താൻ കോതമംഗലത്ത് ചേർന്ന് സംയുക്ത യോഗം തീരുമാനിച്ചു. പൊതുമരാമത്ത് റസ്റ്റ് ഹൗസ് ഹാളിൽ ചേർന്ന യോഗം ആന്റണി ജോൺ എംഎൽഎ ഉദ്ഘാടനം ചെയ്തു.ജനക്ഷേമ പ്രവർത്തനങ്ങളിലും വികസന കാര്യത്തിലും ഭരണനിർവഹണത്തിലും കേരളം രാജ്യത്തിനും, ലോകത്തിനും മാതൃകയാണെന്നും പൊതുജന പങ്കാളിത്തം കൊണ്ട് കോതമംഗലത്തെ നവ കേരള സദസ്സ് ചരിത്രസംഭവമായി മാറുമെന്നും ആന്റണി ജോണി എംഎൽഎ പറഞ്ഞു. നിയോജകമണ്ഡലത്തിലെ മുനിസിപ്പൽ- പഞ്ചായത്ത് തലങ്ങളിലെ തൊഴിലുറപ്പ് ഉദ്യോഗസ്ഥർ,തൊഴിലുറപ്പ് മേറ്റ് മാർ,അസിസ്റ്റന്റ് സെക്രട്ടറിമാർ, പ്ലാൻ ക്ലർക്കുമാർ , ഹരിത കർമ്മ സേനയുടെ പ്രതിനിധികൾ, ആശാവർക്കർമാരുടെ പ്രതിനിധികൾ ,അങ്കണ വാടി ജീവനക്കാരുടെ പ്രതിനിധികൾ, സൂപ്പർവൈസർമാർ എന്നിവരാണ് കോതമംഗലത്ത് ചേർന്ന സംയുക്ത യോഗത്തിൽ പങ്കെടുത്തത് .മുഴുവൻ പഞ്ചായത്ത്- മുനിസിപ്പൽ തലങ്ങളിലും ഈ നാല് വിഭാഗവുമായി ബന്ധപ്പെട്ട യോഗങ്ങൾ 22,23 തീയതികളിൽ ചേരുന്നതിനും യോഗം തീരുമാനിച്ചു.നാല് വിഭാഗങ്ങളുടെ നേതൃത്വത്തിലും തനതായ പ്രചാരണ പരിപാടികൾ സംഘടിപ്പിക്കണമെന്ന് യോഗം തീരുമാനിച്ചു.യോഗത്തിൽ ബ്ലോക്ക്‌ ഡെവലപ്പ്മെന്റ് ഓഫീസർ ഡോക്ടർ അനുപം എസ് അധ്യക്ഷത വഹിച്ചു. ജോയിന്റ് കൺവീനർ തഹസിൽദാർ(LR) കെ എം നാസർ, സി ഡി പി ഒ ജിഷ ജോസഫ് എന്നിവർ സംസാരിച്ചു.

You May Also Like

NEWS

കോതമംഗലം: കെ.സി.ബി.സി. മദ്യവിരുദ്ധസമിതി, ഗ്രീൻ വിഷന്‍-കേരള, മദ്യവിരുദ്ധ ഏകോപന സമിതി, സജീവം ലഹരിവിരുദ്ധ ക്യാമ്പയിന്‍, എന്നിവയുടെ സംയുക്ത ആഭിമുഖ്യത്തില്‍ സംസ്ഥാന സർക്കാരിൻറെ വികലമായ മദ്യനയത്തിനെതിരെ കോതമംഗലം എക്സൈനസ് ഓഫീസിനു മുന്നിൽ നില്‍പ്പു സമരം...

NEWS

കോതമംഗലം: കുട്ടമ്പുഴ കുഞ്ചിപ്പാറയില്‍ അങ്കണവാടി കെട്ടിടത്തിന് നേരെ കാട്ടാനകൂട്ടത്തിന്റെ ആക്രമണം. നിരവധി സാമഗ്രികള്‍ അടിച്ചുതകര്‍ത്തു. കെട്ടിടത്തിന്റെ വാതിലും ഫര്‍ണീച്ചറും ഗ്യാസ് അടുപ്പും പാത്രങ്ങളുമടക്കം നശിപ്പിച്ചു. അങ്കണവാടി കെട്ടിടം അറ്റകുറ്റപ്പണി നടക്കുന്നതിനാല്‍ സമീപത്തെ മറ്റൊരു...

NEWS

മൂവാറ്റുപുഴ: സംസ്ഥാനത്തെ മികച്ച ഗ്രാമ പഞ്ചായത്ത് അംഗത്തിനുള്ള ജവഹർലാൽ നെഹ്റു കൾച്ചറൽ സൊസൈറ്റി ഏർപ്പെടുത്തിയ ജവഹർ പുരസ്കാരം – 2024 ന് പായിപ്ര ഗ്രാമപഞ്ചായത്ത് അംഗം ഇ എം ഷാജിക്ക് ലഭിച്ചു. തിരുവനന്തപുരത്ത്...

ACCIDENT

കോതമംഗലം : മരം മുറിക്കുന്നതിനിടയിൽ ദേഹത്ത് മരകമ്പ് വീണ് ഊന്നുകൽ സ്വദേശിക്ക് ദാരുണാന്ത്യം. ഇന്ന് ചൊവ്വെ രാവിലെ പത്തരമണിയോടെയാണ് സംഭവം നടന്നത്. പ്ലാവിൻ മരം, മരവ്യാപാരി കൂടിയായ ഊന്നുകൽ കാരോത്ത് ഷാജൻ കെ...