Connect with us

Hi, what are you looking for?

NEWS

മഞ്ഞപ്പിത്ത വ്യാപനം തടയാൻ സൗജന്യ വാക്സിൻ ഉറപ്പുവരുത്തണം: എൽദോസ് കുന്നപ്പള്ളി എംഎൽഎ

പെരുമ്പാവൂർ : വേങ്ങൂർ ,മുടക്കുഴ പഞ്ചായത്തുകളിലെ ആവശ്യമുള്ള എല്ലാ ആളുകൾക്കും സൗജന്യ മഞ്ഞപ്പിത്ത പ്രതിരോധ വാക്സിൻ വിതരണം ചെയ്യണമെന്ന് എൽദോസ് കുന്നപ്പള്ളി എംഎൽഎ ആവശ്യപ്പെട്ടു .189 ആളുകൾക്കാണ് ഇതുവരെ രോഗം പിടിപെട്ടത് .ഇതിൽ ആറുപേരുടെ നില ഗുരുതരമായി തുടരുകയാണ് ..ഒരു രൂപ പോലും സർക്കാരിൽ നിന്ന് സ്ഥിതിഗതികൾ ഇത്ര രൂക്ഷമായിട്ടും, രോഗികൾക്ക് ലഭിക്കാത്തത് വളരെ വിഷമകരമായ അവസ്ഥയാണ് ഓരോ കുടുംബങ്ങളിലും സൃഷ്ടിച്ചിട്ടുള്ളത്. ഈ സാഹചര്യത്തിൽ ജില്ലാ പഞ്ചായത്ത് മെമ്പർ ഷൈമി വർഗീസിൻ്റേയും ,വേങ്ങൂർ പഞ്ചായത്ത് പ്രസിഡൻറ് ശില്പ സുധീഷിന്റെയും പേരിൽ സംയുക്തമായി ഒരു ബാങ്ക് അക്കൗണ്ട് തുടങ്ങുകയും ,അക്കൗണ്ടിലേക്ക് മുഴുവൻ ഗ്രാമപഞ്ചായത്ത് മെമ്പർമാരുടെയും നേതൃത്വത്തിൽ രോഗബാധിതരായ ആളുകളുടെ ചികിത്സയ്ക്ക് വേണ്ടി പണം സ്വരൂപിക്കാനും ഇന്നത്തെ യോഗത്തിൽ ധാരണയായതായി എംഎൽഎ പറഞ്ഞു.

ബെന്നി ബഹനാൻ എംപിയുടെ സാന്നിധ്യത്തിൽ ചേർന്ന യോഗത്തിൽ കൂവപ്പടി ബ്ലോക്ക് പഞ്ചായത്ത് പ്രസിഡണ്ട് അജിത് കുമാർ , മുടക്കുഴ ഗ്രാമപഞ്ചായത്ത് പ്രസിഡണ്ട് പി പി. അവറാച്ചൻ , ബ്ലോക്ക് പഞ്ചായത്ത് മെമ്പർമാരായ ഡെയ്സി ജെയിംസ് പി ആർ നാരായണൻ നായർ ,വേങ്ങൂർ ഗ്രാമപഞ്ചായത്ത് വൈസ് പ്രസിഡണ്ട് പിസി കൃഷ്ണൻകുട്ടി വികസന സ്റ്റാൻഡിങ് കമ്മിറ്റി ചെയർമാൻ ശ്രീജ ഷിജോ , ക്ഷേമകാര്യ സ്റ്റാൻ്റിംങ്ങ് കമ്മിറ്റി ചെയർമാൻ ബിജു ടി കെ, ആരോഗ്യ സ്റ്റാൻഡിങ് കമ്മിറ്റി ചെയർമാൻ ഷീബ ചാക്കപ്പൻ തുടങ്ങിയവർ സംബന്ധിച്ചു . കുന്നത്തുനാട് തഹസിൽദാർ താജുദ്ദീൻ, ഡിഎംഒ ഡോ. സഹീനാ കെ ,വാട്ടർ അതോറിറ്റി എക്സിക്യൂട്ടീവ് എൻജിനീയർ, തുടങ്ങിയവരുടെ നേതൃത്വത്തിൽ വിവിധ ഡിപ്പാർട്ട്മെന്റുകളിലെ ഉദ്യോഗസ്ഥരും സന്നിഹിതരായിരുന്നു .

You May Also Like

CRIME

കോതമംഗലം: അടയ്ക്ക മോഷ്ടാക്കൾ അറസ്റ്റിൽ. ഇരമല്ലൂർ ചെറുവട്ടൂർ ഉരംകുഴി പള്ളിപ്പടി ഭാഗത്ത് മോനിക്കാട്ടിൽ വീട്ടിൽ സത്താർ (30), ചെറുവട്ടൂർ സ്കൂൾപ്പടി ഭാഗത്ത് പഴയവീട്ടിൽ മനൂപ് (24) എന്നിവരെയാണ് കോതമംഗലം പോലീസ് അറസ്റ്റ് ചെയ്തത്....

NEWS

കോതമംഗലം: റബ്ബർ ബോർഡ് ഡെവലെപ്മെൻ്റ് ഓഫീസ് കോഴിപ്പാളി പാർക്ക് ജംങ്ഷനിൽ കാനറാബാങ്കിന് സമീപമുള്ള അതിരംപുഴ ബിൽഡിങ്ങിലേക്ക് മാറ്റി പ്രവർത്തനം ആരംഭിച്ചു. മുവാറ്റുപുഴ റബ്ബർ ബോർഡ് റീജി യണൽ ഓഫീസിലെ ഡെപ്യൂട്ടി റബ്ബർ പ്രൊഡക്ഷൻ...

NEWS

കോതമംഗലം: കോതമംഗലം നിയമസഭാ മണ്ഡല ശാസ്ത്ര ക്വിസ് സംഘടിപ്പിച്ചു. യുവജനക്ഷേമ ബോർഡും അവളിടം ക്ലബ്ബും ചേർന്ന് യുവജനങ്ങളിൽ ശാസ്ത്രബോധം, ചരിത്ര ബോധം യുക്തിചിന്ത എന്നിവ വളർത്തുന്നതിനായി സംഘടിപ്പിച്ച ക്വിസ് കോതമംഗലം ഗവ ടൗൺ...

NEWS

കോതമംഗലം: കെ.സി.ബി.സി. മദ്യവിരുദ്ധസമിതി, ഗ്രീൻ വിഷന്‍-കേരള, മദ്യവിരുദ്ധ ഏകോപന സമിതി, സജീവം ലഹരിവിരുദ്ധ ക്യാമ്പയിന്‍, എന്നിവയുടെ സംയുക്ത ആഭിമുഖ്യത്തില്‍ സംസ്ഥാന സർക്കാരിൻറെ വികലമായ മദ്യനയത്തിനെതിരെ കോതമംഗലം എക്സൈനസ് ഓഫീസിനു മുന്നിൽ നില്‍പ്പു സമരം...