Connect with us

Hi, what are you looking for?

NEWS

നാളെ മുതൽ സൗജന്യ റേഷൻ വിതരണത്തിനുള്ള ക്രമീകരണങ്ങൾ പൂർത്തിയായി : ക്രമീകരണങ്ങളോട് ജനങ്ങൾ സഹകരിക്കണമെന്ന് ആൻറണി ജോൺ MLA

കോതമംഗലം:- താലൂക്കിലെ 122 റേഷൻ കടകളിലും റേഷൻ വിതരണത്തിന് ആവശ്യമായ മുന്നൊരുക്കങ്ങൾ നടത്തിക്കഴിഞ്ഞതായി ആൻറണി ജോൺ MLA അറിയിച്ചു. റേഷൻ വിതരണവുമായി ബന്ധപ്പെട്ട് സർക്കാർ ഏർപ്പെടുത്തിയിട്ടുള്ള മുഴുവൻ ക്രമീകരണങ്ങളോടും മുഴുവൻ ജനങ്ങളും സഹകരിക്കണമെന്നും MLA അഭ്യർത്ഥിച്ചു. കുട്ടമ്പുഴ പഞ്ചായത്തിലെ ഉറിയമ്പെട്ടി, തെര, വാരിയംകുടി എന്നീ ആദിവാസി ഊരുകളിൽ റേഷൻ വിഹിതം വീടുകളിൽ എത്തിച്ചു നൽകും.

കടകളിലെ തിരക്ക് ഒഴിവാക്കാൻ രാവിലെ 9 മുതൽ ഉച്ചക്ക് 1 മണി വരെ മുൻഗണന-അന്ത്യോദയ കാര്ഡുകൾക്ക് മാത്രമായിരിക്കും വിതരണം. ഉച്ചക്ക് ശേഷം 2 മുതൽ വൈകിട്ട് 5 വരെ മറ്റ് കാര്ഡുകൾക്കും വിതരണം നടത്തും. തദ്ദേശ സ്ഥാപനങ്ങളിലെ സന്നദ്ധ പ്രവർത്തകരെ ഉപയോഗപ്പെടുത്തി തിരക്ക് നിയന്ത്രിക്കാനും അവശ്യം വേണ്ടി വരുന്ന കുടുംബങ്ങൾക്ക് റേഷൻ വീട്ടിൽ എത്തിച്ചു നൽകാനും റേഷൻ വ്യാപാരികൾക്ക് നിർദേശം നൽകിയിട്ടുണ്ട്.

മുഴുവൻ റേഷൻ കടകളിലും ബ്രേക്ക് ദി ചെയിൻ പദ്ധതിയിൽ കൈ കഴുകാൻ സോപ്പും വെള്ളവും, സാനിട്ടയ്‌സറും ലഭ്യമായിരിക്കും. ഉപഭോ‌ക്കാക്കൾ ഇവ ഉപയോഗപ്പെടുത്തേണ്ടതാണ്. താലൂക്കിലെ ഒരു പെട്രോൾ പമ്പിൽ 24 മണിക്കൂർ ഇന്ധനം ലഭ്യമായിരിക്കും. ഇപ്പോൾ ധർമഗിരി ജംഗ്ഷൻ ൽ ഉള്ള രാമസ്വാമി ആൻഡ് സൺസ് എന്ന പമ്പാണ് ഈ സേവനം നൽകുന്നതെന്നും, കോവിഡ് 19 ൻ്റെ പശ്ചാത്തലത്തിൽ റേഷൻ കടകളിൽ ഒരേ സമയം 5 പേർ മാത്രമേ പാടുള്ളൂ എന്നും റേഷൻ വിതരണവുമായി ബന്ധപ്പെട്ട് സാമൂഹ്യ അകലം പാലിക്കുന്നത് ഉൾപ്പെടെയുള്ള സർക്കാർ നിർദ്ദേശങ്ങൾ എല്ലാവരും കൃത്യമായി പാലിക്കണമെന്നും MLA അഭ്യർത്ഥിച്ചു.

You May Also Like

NEWS

കോതമംഗലം : കോട്ടപ്പടിയിൽ 12.14 കോടി രൂപ ചിലവഴിച്ച് 2 ഘട്ടങ്ങളിലായി നടപ്പിലാക്കിയ ഗ്രാമീണ ഭവന കുടിവെള്ള പദ്ധതിയുടെ ഉദ്ഘാടനം പഞ്ചായത്ത് ഓഫീസിന് സമീപം വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...

NEWS

കോതമംഗലം :കോതമംഗലം മണ്ഡലത്തിൽ പുതിയ മുൻഗണന കാർഡുകൾ വിതരണം ചെയ്തു. 240 മുൻഗണന കാർഡുകളുടെ വിതരണ ഉദ്ഘാടനം ആന്റണി ജോൺ എം എൽ എ നിർവഹിച്ചു .താലൂക്ക് കോൺഫറൻസ് ഹാളിൽ ചേർന്ന ചടങ്ങിൽ...

NEWS

കോതമംഗലം :പിണ്ടിമന ഹെൽത്ത് സെന്ററിന്റെ ഈവനിംഗ് ഒ പി വിഭാഗത്തിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു .പഞ്ചായത്ത് പ്രസിഡന്റ് ജസി സാജു അദ്ധ്യക്ഷയായി .വൈസ് പ്രസിഡന്റ് ജയ്സൺ ദാനിയൽ...

NEWS

കോതമംഗലം : കോതമംഗലം മാർ ബേസിൽ ഹയർ സെക്കൻഡറി സ്കൂളിൽ 88-)0 വാർഷികവും സ്തുത്യർഹമായ സേവനത്തിനു ശേഷം വിരമിക്കുന്ന അദ്ധ്യാപകർക്ക് യാത്രയയപ്പും, പഠന- കലാ-കായിക പ്രതിഭകൾക്ക് പുരസ്കാര വിതരണവും നടത്തി. വി. മാർ...