Connect with us

Hi, what are you looking for?

NEWS

രണ്ടാം ഘട്ട സൗജന്യ അരി വിതരണം നാളെ (20-04-2020) ആരംഭിക്കും : ആൻ്റണി ജോൺ എംഎൽഎ

കോതമംഗലം : കോവിഡിൻ്റെ പശ്ചാത്തലത്തിൽ PMGKAY പ്രകാരം പ്രഖ്യാപിച്ച രണ്ടാം ഘട്ട സൗജന്യ അരി വിതരണം (ഓരോ അംഗങ്ങൾക്ക് 5 കിലോ വീതം) നാളെ (20 – 04 – 2020) ആരംഭിക്കുമെന്ന് ആൻ്റണി ജോൺ എംഎൽഎ അറിയിച്ചു.20,21 തീയതികളിലായി AAY(മഞ്ഞ) കാർഡുകൾക്കായുള്ള വിതരണം പൂർത്തീകരിക്കാൻ ആണ് ഉദ്ദേശിക്കുന്നത്.22 മുതൽ മുൻഗണനാ (പിങ്ക്)കാർഡുകൾക്ക് അരിയോടൊപ്പം സംസ്‌ഥാന സർക്കാരിന്റെ ഭക്ഷ്യ കിറ്റും റേഷൻ കാർഡിന്റെ അവസാനിക്കുന്ന നമ്പർ അടിസ്ഥാനത്തിൽ വിതരണം ചെയ്യും.

22 ന് 1 ൽ അവസാനിക്കുന്ന കാർഡുകൾ,23 ന് 2 ൽ അവസാനിക്കുന്ന കാർഡുകൾ,24 ന് 3 ൽ അവസാനിക്കുന്ന കാർഡുകൾ,25 ന് 4 ൽ അവസാനിക്കുന്ന കാർഡുകൾ,26 ന് 5 ൽ അവസാനിക്കുന്ന കാർഡുകൾ,27 ന് 6 ൽ അവസാനിക്കുന്ന കാർഡുകൾ,28 ന് 7 ൽ അവസാനിക്കുന്ന കാർഡുകൾ,29 ന് 8 ൽ അവസാനിക്കുന്ന കാർഡുകൾ, 30 ന് 9,0 എന്നീ നമ്പറുകളിൽ അവസാനിക്കുന്ന കാർഡുകൾക്കുമാണ് വിതരണം നടത്തുന്നത്.

ഏപ്രിൽ 1 ന് ആരംഭിച്ച സൗജന്യ റേഷൻ വിതരണം താലൂക്കിൽ 98.5% പൂർത്തിയായി.സംസ്ഥാന സർക്കാരിന്റെ ഭക്ഷ്യ കിറ്റ് AAY കാർഡുകൾക്ക് പൂർണമായും വിതരണം നടന്നു.സഞ്ചരിക്കുന്ന റേഷൻ കട പദ്ധതിയുടെ ഭാഗമായി ഉറിയം പെട്ടി,തേര,വാരിയം ആദിവാസി ഊരുകളിൽ റേഷൻ വീടുകളിൽ എത്തിച്ചു നൽകിയിരുന്നു.

PMGKAY അരിയും മേൽ പറഞ്ഞ ഊരുകളിൽ നേരിട്ട് എത്തിക്കും.ജില്ലയും,താലൂക്കും മാറി താമസിക്കുന്ന കാർഡ് ഉടമകൾക്ക് ഭക്ഷ്യ കിറ്റ് അടുത്തുള്ള കടയിൽ നിന്ന് വാങ്ങുന്നതിന് വാർഡ് മെമ്പർ നൽകുന്ന സാക്ഷ്യപത്രം മുഖേന വാങ്ങാൻ അവസരം ഉണ്ട്.അങ്ങനെ ആവശ്യമുള്ള ആളുകൾ സാക്ഷ്യപത്രം ഏപ്രിൽ 21 ന് അകം റേഷൻ കടകളിൽ ഹാജരാക്കണമെന്നും,അതിന്റെ അടിസ്ഥാനത്തിൽ അവർക്ക് പിന്നീട് കിറ്റ് എത്തിച്ചു നൽകുന്നതാണെന്നും എംംഎൽഎ അറിയിച്ചു.

കോവിഡ് 19 ൻ്റെ പശ്ചാത്തലത്തിൽ റേഷൻ – ഭക്ഷ്യധാന്യ കിറ്റ് വിതരണവുമായി ബന്ധപ്പെട്ട് സർക്കാർ ഏർപ്പെടുത്തിയിട്ടുള്ള ക്രമീകരണങ്ങളോട് എല്ലാവരും സഹകരിക്കണമെന്ന് എംംഎൽഎ അഭ്യർത്ഥിച്ചു.

You May Also Like

NEWS

കോതമംഗലം :ഇളങ്ങവം ഗവ ഹൈടെക് എൽ പി സ്കൂൾ 62 -)മത് വാർഷികാഘോഷവും, സ്തുത്യർഹമായ സേവനത്തിനു ശേഷം സെർവീസിൽ നിന്നും വിരമിക്കുന്ന രജനി ടീച്ചർക്കുള്ള യാത്രയയപ്പും സംഘടിപ്പിച്ചു. ഉദ്ഘാടനം ആന്റണി ജോൺ എംഎൽഎ...

NEWS

കോതമംഗലം : കോതമംഗലം നിയോജക മണ്ഡലത്തിൽ എം എൽ എയുടെ ആസ്തി വികസന ഫണ്ട് 3.5 കോടി രൂപ ചിലവഴിച്ചുള്ള കനാൽ ബണ്ട് നവീകരണത്തിന് തുടക്കമായി. മെയിൻ കനാൽ, ഹൈ ലെവൽ, ലോ...

NEWS

കോതമംഗലം :ദേശീയപാത നവീകരണവുമായി ബന്ധപ്പെട്ട്‌ കോതമംഗലം നഗരസഭ പരിധിയിലും, കവളങ്ങാട്‌ ഗ്രാമപഞ്ചായത്തിലും ഉണ്ടായിട്ടുള്ള കുടിവെള്ള വിതരണത്തിലെ തടസ്സങ്ങള്‍ അടിയന്തിരമായി പരിഹരിക്കുന്നതിന്‌ ദേശീയപാത അതോറിറ്റി തയ്യാറാകണമെന്ന്‌ കോതമംഗലം താലൂക്ക്‌ വികസന സമിതി യോഗം ആവശ്യപ്പെട്ടു....

NEWS

കോതമംഗലം : ആന്റണി ജോൺ എം എൽ എ യുടെ പ്രത്യേക വികസന ഫണ്ടിൽ നിന്നും കോതമംഗലം നിയോജക മണ്ഡലത്തിലെ 23 ലൈബ്രറികൾക്ക് പുസ്തകങ്ങൾ വിതരണം ചെയ്തു. കേരളീയത്തിൻ്റെ ഭാഗമായി കേരള നിയമസഭ...