Connect with us

Hi, what are you looking for?

NEWS

ഓണവിപണിയെ മുന്നില്‍ കണ്ട് ചെണ്ടുമല്ലികൃഷി നടത്തിയ കോതമംഗലത്തെ കര്‍ഷകര്‍ ദുരിതത്തില്‍

കോതമംഗലം: ഓണവിപണി ലക്ഷ്യമാക്കി ചെണ്ടുമല്ലിപ്പൂ കൃഷി നടത്തിയ കര്‍ഷകര്‍ ദുരിതത്തിലായി. പൂവിന് ഓണക്കാലത്ത് പോലും ആവശ്യക്കാര്‍ കുറവായത് കോതമംഗലം മേഖലയിലെ ചെറുകിട കര്‍ഷകര്‍ക്ക് ഇരുട്ടടിയായത്. ഓണക്കാലത്തും ഓണത്തിന് ശേഷവും പൂവ് എടുക്കുവാന്‍ ചെറുകിട വ്യാപാരികള്‍ താത്പപര്യം കാണിക്കാത്തതാണ് കര്‍ഷകര്‍ക്ക് വിനയായത്. കേരള സര്‍ക്കാര്‍ താല്‍പര്യത്തോടെ സബ്‌സിഡി നല്‍കി പൂകൃഷിയെ പ്രോത്സാഹിപ്പിക്കുമ്പോഴും വിപണി കണ്ടെത്തുന്നതില്‍ വലിയ ബുദ്ധിമുട്ടാണ് കര്‍ഷകര്‍ അനുഭവിക്കുന്നത്. വാരപ്പെട്ടി പഞ്ചായത്തില്‍ കക്കാട്ടൂര്‍ പബ്ലിക് ലൈബ്രറി ഒരേക്കറോളം വരുന്ന സ്ഥലത്ത് പാട്ടത്തിന് സ്ഥലം എടുത്ത് ചെണ്ടുമല്ലി കൃഷി ചെയ്തിരുന്നു. ചെണ്ടുമല്ലി കൃഷിയില്‍ പൂക്കള്‍ നൂറുമേനി വിളഞ്ഞെങ്കിലും ഓണ നാളുകളില്‍ കുറച്ചു വിറ്റു പോയതല്ലാതെ പൂക്കള്‍ ശേഖരിക്കുവാന്‍ ചെറുകിട വ്യാപാരികള്‍ സന്നദ്ധമാകുന്നില്ല.കുറഞ്ഞ നിരക്കില്‍ തമിഴ്‌നാട്ടില്‍ നിന്ന് പൂവ് ലഭിക്കും എന്നാണ് ചെറുകിട വ്യാപാരികള്‍ പറയുന്നത്. പൂകൃഷിയിലെ പ്രതിസന്ധിയെ മുന്നില്‍ കാണാതെയാണ് സര്‍ക്കാരിന്റെ നിര്‍ദ്ദേശാനുസരണം കൃഷിവകുപ്പിന്റെ കൂടി സഹകരണത്തോടെ കക്കാട്ടൂര്‍ പബ്ലിക് ലൈബ്രറി ഉള്‍പ്പെടെയുള്ള ആളുകള്‍ വായ്പയെടുത്ത് കൃഷിയിറക്കിയത്. നൂറുകണക്കിന് കിലോ വരുന്ന പൂക്കള്‍ പറിച്ച് വില്‍ക്കാനാകാതെ ചെടിയില്‍ നിന്ന് നശിച്ചു പോകുന്ന സ്ഥിതിയാണ് ഇപ്പോള്‍ കാണാന്‍ കഴിയുന്നത്. സര്‍ക്കാര്‍ ഇടപെട്ട് സംവിധാനം ഉണ്ടാക്കിയില്ലെങ്കില്‍ വരുന്ന നാളുകളില്‍ കേരളത്തില്‍ പ്രത്യേകിച്ച് മധ്യകേരളത്തില്‍ പൂകര്‍ഷകര്‍ വലിയ പ്രതിസന്ധിയായിരിക്കും നേരിടേണ്ടി വരിക. അടിയന്തരമായി കര്‍ഷകരെ സഹായിക്കുന്ന ഒരു നിലപാട് സര്‍ക്കാര്‍ സ്വീകരിക്കണമെന്ന് കക്കാട്ടൂര്‍ പബ്ലിക് ലൈബ്രറിയുടെ ഭാരവാഹികള്‍ പറഞ്ഞു.

 

You May Also Like

NEWS

കോട്ടപ്പടി: മുട്ടത്തുപാറ പ്ലാച്ചേരിയിൽ കിണറിൽവീണ കാട്ടാനയെ രക്ഷപ്പെടുത്തിയ സംഭവത്തിൽ വനംവകുപ്പ് ഉദ്യോഗസ്ഥർക്ക് വീഴ്ചയുണ്ടായിട്ടില്ലെന്ന് മന്ത്രി എ.കെ.ശശീന്ദ്രൻ പറഞ്ഞു.കോടതി വിധി നിലനിൽക്കുന്നതിനാലാണ് ആനയെ മയക്കുവെടിവച്ച് പുനരധിവാസ കേന്ദ്രത്തിലേക്ക് മാറ്റാൻ കഴിയാതിരുന്നത്.കാട്ടാന വീണ്ടും ജനവാസമേഖലകളിലേക്ക് ഇറങ്ങുന്ന...

NEWS

കോതമംഗലം: പിണ്ടിമന ഗ്രാമപഞ്ചായത്തിന്റെയും കോതമംഗലം ഫയർ ഫോഴ്സിസിന്റെയും ജില്ലാ സ്പോർട്സ് കൗൺസിലിന്റെയും സംയുക്താഭിമുഖ്യത്തിൽ സൗജന്യനീന്തൽ പരിശീലനം ആരംഭിച്ചു. രാവിലെ 9 മുതൽ 11വരെ കരിങ്ങഴ തോട്ടിലാണ് പരിശീലനം. എസ്.ടി.ഒ പി.കെ. എൽദോസ്, എ.എസ്.ടി.ഒ...

NEWS

കോതമംഗലം : അരവിന്ദ് കെജിരിവാളടക്കമുള്ള മുഖ്യ മന്ത്രിമാരെ പോലും കള്ള കേസിൽ കുടുക്കി ജയിലിട്ട മോദി സർക്കാർ പിണറായി വിജയന്റെ കൊള്ളകൾ കണ്ടില്ല എന്ന് നടിക്കുന്നത് സിപിഎമ്മും ബിജെപിയും തമ്മിലുള്ള അന്തർധാര മൂലമാണെന്ന്...

NEWS

കോതമംഗലം: കോട്ടപ്പടി കുളങ്ങാട്ടുകുഴിയില്‍ ജനവാസമേഖലയിൽ കാട്ടാനക്കൂട്ടമിറങ്ങി കൃഷി നാശം വരുത്തി. കുളങ്ങാട്ടുകുഴിയില്‍ സെന്റ് ജോര്‍ജ് യാക്കോബായ പള്ളിക്ക് സമീപത്താണ് ആനക്കൂട്ടം കാടുവിട്ട് പുറത്തിറങ്ങി നാശം വിതച്ചത്.വിവിധ കൃഷിയിടങ്ങളില്‍ കാര്‍ഷീകവിളകള്‍ നശിപ്പിച്ചു.കൊറ്റാലില്‍ തങ്കച്ചന്റെ പറമ്പില്‍...