Connect with us

Hi, what are you looking for?

NEWS

എറണാകുളം ജില്ലയിൽ തന്നെ ശ്രദ്ധേയമായി കോതമംഗലം തങ്കളം കോവിഡ് കെയർ സെന്റർ.

കോതമംഗലം : തങ്കളം വിവേകാനന്ദ വിദ്യാലയത്തിൽ 5ബെഡ്ഡുമായി സേവാഭാരതി ആരംഭിച്ച ക്വാറന്റൈൻ സെന്റർ, ഇന്ന് 30 ബെഡ്ഡുകളുള്ള കോവിഡ് കെയർ സെന്റർ ആയി മാറിയിരിക്കുന്നു. സ്ത്രീകൾക്കും പുരുഷന്മാര്ക്കും പ്രത്യേക വാർഡുകളും ക്രമീകരിച്ചിട്ടുണ്ട്.
കോവിഡ് രോഗം ബാധിച്ചപ്പോൾ നോക്കാൻ ആളില്ലാതെ ആശ്രയരില്ലാതെ വീടുകളിൽ ഒറ്റപ്പെട്ടുപോയ അമ്മമാരെയും സേവാ ഭാരതിയുടെ ഈ കോവിഡ് സെന്റർ ഏറ്റെടുത്ത് പരിപാലിച്ചു വരുന്നു. 24മണിക്കൂറും പ്രവർത്തന സജ്ജമായ കോവിഡ് ഹെല്പ് ഡെസ്ക്ക്‌ സഹായങ്ങൾ അഭ്യർത്ഥിച്ചു വരുന്നവർക്ക് താങ്ങും തണലുമായി മാറിയിരിക്കുകയാണ്.
താലൂക്കിലെ എല്ലാ പൊതു കേന്ദ്രങ്ങളും , പൊതു ഇടങ്ങളും കൃത്യമായ ഇടവേളകളിൽ സേവാഭാരതി വോളന്റിയർമാർ സാനിറ്റൈസ് ചെയ്ത് വരുന്നു.

കൊറോണ രോഗികളെ ആശുപത്രിയിൽ എത്തിക്കുന്നതിനും, തിരിച്ചെത്തിക്കുന്നതിനും ആംബുലൻസ് സംവിധാനവും ഉണ്ട്‌. ഭക്ഷണത്തിനും മരുന്നുകൾക്കുമായി കാൾ സെന്ററിലേക്ക് വിളിക്കുന്നവർക്ക് ഇതെല്ലാം വീടുകളിലും എത്തിച്ചു നൽകി വരുന്നു. കൊറോണ ബാധിച്ച് മരണമടയുന്നവരുടെ സംസ്കാര ചടങ്ങുകളും ഏറ്റെടുത്ത് നടത്തിക്കൊടുക്കുന്നതിന് പ്രത്യേക വോളന്റിയർമാരുമുണ്ട്. എറണാകുളം ജില്ലയിൽ തന്നെ സർക്കാർ ഇതര സന്നദ്ധ സംഘടനകൾ നടത്തുന്ന ഇത്തരത്തിലൊരു കോവിഡ് കെയർ സെന്റർ കോതമംഗലത്ത് മാത്രമാണുള്ളത് എന്ന പ്രത്യേകതയും ഈ സെന്ററിനുണ്ട്. പൂർണ്ണ സമയം കൊടുത്ത് ഈ പ്രവത്തനങ്ങളുടെ ഭാഗമായി എൺപതോളം സേവാഭാരതി വോളന്റിയർമാരുമുണ്ട് . സുമനസ്സുകളുടെ സഹായങ്ങൾ ഒന്ന് കൊണ്ടുമാത്രമാണ് ഈ കോവിഡ് സെന്റർ നടന്നു പോകുന്നത്.

You May Also Like

ACCIDENT

കോതമംഗലം: കോതമംഗലത്ത് സ്കൂൾ വിദ്യാർത്ഥിയെ തോട്ടിൽ മരിച്ചനിലയിൽ കണ്ടെത്തി. കള്ളാട് കീഴേത്തുകുടി ബിനോജിൻ്റെ മകൻ അഭിമന്യു (12) വിനെയാണ് സ്കൂളിൽ നിന്ന് വിട്ടിലേക്ക് പോകുന്ന വഴിയിലുള്ള ചെറിയ കൈ തോട്ടിൽ മരിച്ചനിലയിൽ കണ്ടെത്തിയത്....

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...