Connect with us

Hi, what are you looking for?

NEWS

റോഡ് അവഗണനയ്ക്കെതിരെ നഗ്നപാദ പ്രതിഷേധ യാത്രയുമായി എൽദോസ് കുന്നപ്പള്ളി എംഎൽഎ

പെരുമ്പാവൂർ: പിണറായി സർക്കാർ പ്രഖ്യാപനങ്ങളും പിആർ വർക്കുകളും അല്ലാതെ മറ്റൊന്നും നടത്തുന്നില്ലെന്ന് നഗ്നപാത പ്രതിഷേധ യാത്ര ഉദ്ഘാടനം ചെയ്ത കെപിസിസി വൈസ് പ്രസിഡണ്ട് വി ടി ബൽറാം കുറ്റപ്പെടുത്തി. പ്രഖ്യാപനങ്ങളോട് അല്പമെങ്കിലും നീതിപുലർത്തുന്ന സമീപനം ഗവൺമെന്റിന്റെ ഭാഗത്തുനിന്ന് ഉണ്ടാകണമെന്ന് അദ്ദേഹം ആവശ്യപ്പെട്ടു. പെരുമ്പാവൂരിനെ അവഗണിക്കുന്ന എൽഡിഎഫ് സർക്കാരിന് എങ്ങനെയാണ് കേരളത്തെ കേന്ദ്രം അവഗണിക്കുന്നു എന്ന് പറയാൻ കഴിയുക എന്നദ്ദേഹം കൂട്ടിച്ചേർത്തു. എൽദോസ് കുന്നപ്പള്ളി എംഎൽഎയുടെ നേതൃത്വത്തിൽ വലിയകുളം കവലയിൽ നിന്ന് ആരംഭിച്ച പ്രതിഷേധ യാത്ര ഊട്ടിമറ്റം ജംഗ്ഷനിൽ അവസാനിച്ചു. എംഎൽഎ ചെരിപ്പിടാതെ നടന്ന് സഹനപ്രതിഷേധയാത്രയാക്കി ഗവൺമെന്റിനെതിരെ പ്രതിഷേധിച്ചു. പെരുമ്പാവൂരിൽ വികസനം ഇല്ലാത്തത് എംഎൽഎയുടെ കഴിവുകേടാണെന്ന് പറയുന്ന ഇടതുപക്ഷക്കാർ, കേന്ദ്രത്തിൽ നിന്നും ഫണ്ട് ലഭിക്കാത്തത് മുഖ്യമന്ത്രിയുടെ കഴിവുകേടാണെന്ന് പറയാൻ തയ്യാറാകുമോയെന്ന് എൽദോസ് കുന്നപ്പള്ളി എംഎൽഎ ചോദിച്ചു. കേന്ദ്രം കേരളത്തെ അവഗണിക്കുന്നത് പോലെ തന്നെയാണ് പ്രതിപക്ഷ എംഎൽഎമാരുടെ മണ്ഡലങ്ങളെ സംസ്ഥാന ഗവൺമെന്റ് അവഗണിക്കുന്നത് എന്നും എംഎൽഎ കൂട്ടിച്ചേർത്തു. നിയോജകമണ്ഡലത്തിലെ 25 വർഷമായിട്ടുപോലും പൂർണ്ണമായി ടാർ ചെയ്യാത്ത റോഡുകൾ നിരവധി ആണെന്നും പെരുമ്പാവൂരിനെ ഇടതുപക്ഷ സർക്കാർ അവഗണിക്കുകയാണെന്നും ,ആർജ്ജവമുണ്ടെങ്കിൽ ഗവൺമെന്റിന്റെ ഈ നിലപാടിനെതിരെ പ്രതിഷേധിക്കുവാൻ ഭരണകക്ഷി സംഘടനകൾ മുന്നോട്ടുവരണമെന്നും എൽദോസ് കുന്നപ്പിള്ളി എംഎൽഎ ആവശ്യപ്പെട്ടു.

റോഡുകളുടെ നിജസ്ഥിതി പരിശോധിച്ചു മുൻഗണനാക്രമം നിശ്ചയിക്കുന്നതിനായി വിളിച്ചുചേർത്ത പൊതുമരാമത്ത് റോഡ് അദാലത്ത് സർവ്വ കക്ഷി യോഗത്തിൽ നിന്ന് ഭരണകക്ഷി അംഗങ്ങൾ വിട്ടു നിൽക്കുകയാണ് ചെയ്തതെന്ന് എംഎൽഎ കുറ്റപ്പെടുത്തി .താൻ എംഎൽഎയായി പെരുമ്പാവൂരിൽ തിരഞ്ഞെടുക്കപ്പെടുമ്പോൾ തൊട്ടടുത്ത നിയോജക മണ്ഡലങ്ങളിൽ ബിഎംബിസി നിലവാരത്തിൽ ഒട്ടേറെ റോഡുകൾ ഉണ്ടായിരുന്നുവെന്നും പെരുമ്പാവൂരിൽ ഒരു കിലോമീറ്റർ പോലും ബി എംബിസി റോഡ് ഇല്ലാതിരുന്നു എന്നുള്ളതും പൊതുജനങ്ങൾ ഓർമ്മയിൽ സൂക്ഷിക്കുന്ന കാര്യങ്ങളാണ്. മുൻവർഷങ്ങളെ അപേക്ഷിച്ച് പ്രധാന റോഡുകൾ പലതും ടാർ ചെയ്തിട്ടുണ്ടെങ്കിലും ,ഗ്രാമപ്രദേശങ്ങളിലെ പല റോഡുകളിലും യാത്ര ചെയ്യാനാകാത്ത സ്ഥിതിവിശേഷമാണ് സംജാതമായിരിക്കുന്നത്. കിഫ്ബി പദ്ധതികൾ ഇഴയുമ്പോൾ ഒരു നാടിൻറെ അതിവേഗത്തിലുള്ള വികസനമാണ് ഇല്ലാതാകുന്നത് എന്ന് ചിന്തിക്കാനുള്ള മനസ്സ് കക്ഷിരാഷ്ട്രീയത്തിന് അതീതമായി ഉണ്ടാകണമെന്ന് എംഎൽഎ പറഞ്ഞു . അറയ്ക്കപ്പടി മണ്ഡലം പ്രസിഡൻറ് അഡ്വ. അരുൺ പോൾ ജേക്കബ് അധ്യക്ഷത വഹിച്ച യോഗം കെപിസിസി വൈസ് പ്രസിഡൻറ് വിടി ബലറാം ഉദ്ഘാടനം ചെയ്തു.

ജില്ലാ പഞ്ചായത്ത്‌ പ്രസിഡന്റ് മനോജ്‌ മൂത്തേടൻ,യുഡിഎഫ് നിയോജകമണ്ഡലം കൺവീനർ സുബൈർ ഓണംമ്പിള്ളി, സെക്രട്ടറി ഒ ദേവസി,കേരള കോൺഗ്രസ് സംസ്ഥാന സ്റ്റിയറിങ് കമ്മിറ്റി അംഗം ജോർജ് കിഴക്കമശ്ശേരി,ജില്ലാ പ്രസിഡൻറ് എൻ. ഒ ജോർജ് ,ബ്ലോക്ക് കോൺഗ്രസ് പ്രസിഡണ്ട് മാരായ ഷാജി സലിം, ജോയി പൂണേലി, ഡിസിസി സെക്രട്ടറി ബേസിൽ പോൾ, കൂവപ്പടി ബ്ലോക്ക് പഞ്ചായത്ത്‌ പ്രസിഡന്റ് എ റ്റി അജിത് കുമാർ, മുടക്കുഴ പഞ്ചായത്ത്‌ പ്രസിഡന്റ് പി പി അവറാച്ചൻ,ജില്ലാ പഞ്ചായത്ത് മെമ്പർ ഷൈനി വർഗീസ്,ബ്ലോക്ക് പഞ്ചായത്ത് വൈസ് പ്രസിഡണ്ട് അംബിക മുരളീധരൻ , മുൻ പഞ്ചായത്ത് പ്രസിഡൻറ് എം പി ഹമീദ്,പഞ്ചായത്ത് മെമ്പർമാരായ പി പി എൽദോസ്, എം. ഒ ജോസ്,ബ്ലോക്ക് ഭാരവാഹികളായ കെ എൻ സുകുമാരൻ, രാജു മാത്തറ, അലി മൊയ്‌ദീൻ, എൽദോ മോസസ്, യുഡിഎഫ് നേതാക്കളായ പി കെ മുഹമ്മദ്‌ കുഞ്ഞ്, സുബൈർ ഓണമ്പിള്ളി, ഇ പി ഷെമീർ, ജോർജ് കിഴക്കുമശ്ശേരി, എൻ ഒ ജോർജ്, ടി അലി, എം കെ തോമസ്, കെ പി വർഗീസ്, നേതാക്കളായ എം എം ഷാജഹാൻ, കെ വൈ യാക്കോബ്, എം പി ജോർജ്, വി എച് മുഹമ്മദ്‌, ഗോപകുമാർ, എം ബി ജോയി, ജലിൻ രാജൻ, നകുൽ ബോസ്, പഞ്ചായത്ത്‌ മെമ്പർമ്മാർ, യുഡിഎഫ് നേതാക്കൾ, പോഷക സംഘടന ഭാരവാഹികൾ, തുടങ്ങിയവർ പങ്കെടുത്തു.

You May Also Like

ACCIDENT

കോതമംഗലം: കോതമംഗലത്ത് സ്കൂൾ വിദ്യാർത്ഥിയെ തോട്ടിൽ മരിച്ചനിലയിൽ കണ്ടെത്തി. കള്ളാട് കീഴേത്തുകുടി ബിനോജിൻ്റെ മകൻ അഭിമന്യു (12) വിനെയാണ് സ്കൂളിൽ നിന്ന് വിട്ടിലേക്ക് പോകുന്ന വഴിയിലുള്ള ചെറിയ കൈ തോട്ടിൽ മരിച്ചനിലയിൽ കണ്ടെത്തിയത്....

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...