കോതമംഗലം: ആൻ്റണി ജോൺ എം എൽ എ യുടെ സമഗ്ര വിദ്യാഭ്യാസ പ്രൊജക്ടായ കൈറ്റ് വിദ്യാഭ്യാസ പദ്ധതിയുടെ ഭാഗമായിട്ടുള്ള ഡിജിറ്റൽ ഹൈടെക് പ്രീ സ്കൂൾ മണ്ഡലതല ഉദ്ഘാടനം കോതമംഗലം ടൗൺ യു പി സ്കൂളിൽ വച്ച് ആൻ്റണി ജോൺ എം എൽ എ നിർവ്വഹിച്ചു. മുൻസിപ്പൽ ചെയർമാൻ കെ കെ ടോമി അധ്യക്ഷത വഹിച്ചു. കുട്ടികൾക്കുള്ള പഠനോപകരണ വിതരണം മുൻസിപ്പൽ വൈസ് ചെയർപേഴ്സൺ സിന്ധു ഗണേശൻ നിർവഹിച്ചു.വികസനകാര്യ സ്റ്റാൻഡിങ് കമ്മിറ്റി ചെയർമാൻ കെ എ നൗഷാദ് ഹരിത ഓഫീസ് പ്രഖ്യാപനവും,ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ വി തോമസ് കളിപ്പാട്ട വിതരണവും നിർവഹിച്ചു. വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സിജോ വർഗീസ് എൽ എസ് എസ് സ്കോളർഷിപ്പ് നേടിയ കുട്ടികൾക്കുള്ള അവാർഡ് വിതരണം നടത്തി.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
പ്രീ പ്രൈമറി വികസനത്തിൽ കൈറ്റിൻ്റെ കാഴ്ചപ്പാട് സമഗ്ര ശിക്ഷാ കേരളം കോതമംഗലം ബ്ലോക്ക് പ്രോജക്ട് കോഡിനേറ്റർ പി ജ്യോതിഷ് വിശദമാക്കി.ചടങ്ങിൽ ഡി ഇ ഒ ലതാ കെ,റോട്ടറി ക്ലബ്ബ് പ്രസിഡൻ്റ് ജോജു, പൂർവ്വ വിദ്യാർത്ഥി എൽദോസ് ഔസേപ്പ്,റഹീം അയിരൂർപ്പാടം,എം എ കോളേജ് എൻ എസ് എസ് യൂണിറ്റ് ടീച്ചർ ഇൻ ചാർജ് ജാനി എന്നിവർ സംസാരിച്ചു.ഹെഡ്മിസ്ട്രസ് ഉഷ സി എം സ്വാഗതവും,പി ടി എ പ്രസിഡൻ്റ് എം എം അനസ് കൃതജ്ഞതയും പറഞ്ഞു.
![](https://kothamangalamnews.com/wp-content/uploads/2023/11/kothamangalamnews.png)