കോതമംഗലം: കോവിഡ് 19 ൻ്റെ പശ്ചാത്തലത്തിൽ കോതമംഗലം മണ്ഡലത്തിലെ മുഴുവൻ പൊതു ജനാരോഗ്യ കേന്ദ്രങ്ങളും, പൊതു ഇടങ്ങളും, പ്രധാന സർക്കാർ ഓഫീസുകളും, പൊതുജന സമ്പർക്കം പുലർത്തുന്ന പ്രഥാന കേന്ദ്രങ്ങൾ ഉൾപ്പെടെ അണു വിമുക്തമാക്കുമെന്ന് ആൻ്റണി ജോൺ എംഎൽഎ അറിയിച്ചു. കോതമംഗലം ഫയർഫോഴ്സ് യൂണിറ്റിൻ്റെ നേതൃത്വത്തിലാണ് ശുചീകരണ പ്രവർത്തനങ്ങൾ നടത്തുന്നതെന്നും ഇതിനു വേണ്ട നിർദ്ദേശം കോതമംഗലം ഫയർ ആന്റ് റെസ്ക്യൂ സ്റ്റേഷൻ ഓഫീസർക്ക് നല്കിയതായും എംഎൽഎ പറഞ്ഞു.
നാളെ കോതമംഗലം താലൂക്ക് ആശുപത്രി അണു വിമുക്തമാക്കിക്കൊണ്ട് പ്രവർത്തനം ആരംഭിക്കുമെന്നും, തുടർന്ന് ഘട്ടം ഘട്ടമായി മുഴുവൻ കേന്ദ്രങ്ങളും അണു വിമുക്തമാക്കുമെന്നും, പ്രസ്തുത പ്രവർത്തനങ്ങളിൽ മുഴുവൻ ജനങ്ങളുടെയും സഹായ സഹകരങ്ങൾ ഉണ്ടാകണമെന്നും എംഎൽഎ അഭ്യർത്ഥിച്ചു.
