Connect with us

Hi, what are you looking for?

NEWS

കാട്ടാനകളുടെ കണക്കെടുപ്പ് ആരംഭിച്ചു

കോതമംഗലം: കോതമംഗലം, തട്ടേക്കാട്, ഇടമലയാര്‍, കുട്ടന്പുഴ, തുണ്ടം, നേര്യമംഗലം, മുള്ളരിങ്ങാട് വനമേഖലകളില്‍ കാട്ടാനകളുടെ കണക്കെടുപ്പ് ആരംഭിച്ചു. കേരളം, തമിഴ്‌നാട്, കര്‍ണാടക, ആന്ധ്രപ്രദേശ് എന്നീ സംസ്ഥാനങ്ങള്‍ സംയുക്തമായാണ് കണക്കെടുപ്പ് നടത്തുന്നത്. മൂന്നു ദിവസത്തെ കണക്കെടുപ്പ് എല്ലാ സംസ്ഥാനങ്ങളിലും ഒരേസമയം നടന്നുവരികയാണ്. നാളെയാണ് സമാപിക്കുന്നത്. അന്താരാഷ്ട്ര മാനദണ്ഡങ്ങളാണ് സെന്‍സസിനായി സ്വീകരിച്ചിട്ടുള്ളത്. ഓരോ ദിവസവും ഓരോ തത്വങ്ങളാണ് അടിസ്ഥാനമാക്കുന്നത്. പരിശീലനം ലഭിച്ച വനപാലകരും ഉദ്യോഗസ്ഥരുമാണ് സര്‍വേയ്ക്കാക്കായി നിയോഗിക്കപ്പെട്ടിട്ടുള്ളതെന്ന് തട്ടേക്കാട് റെയിഞ്ച് ഓഫീസര്‍ സി.റ്റി. ഔസേഫ് പറഞ്ഞു. വനങ്ങളെ ബ്ലോക്കുകളായി തിരിച്ചിട്ടുണ്ട്. ഓരോ ബ്ലോക്കിലും നിശ്ചിത എണ്ണം ഉദ്യോഗസ്ഥര്‍ കണക്കെടുപ്പില്‍ പങ്കെടുക്കും.

കോതമംഗലം, തട്ടേക്കാട്, ഇടമലയാര്‍, കുട്ടന്പുഴ, തുണ്ടം, നേര്യമംഗലം, മുള്ളരിങ്ങാട് തുടങ്ങി എല്ലാ ഫോറസ്റ്റ് റെയിഞ്ചുകളുടെ പരിധിയിലും സര്‍വേ പുരോഗമിക്കുകയാണ്. കണക്കെടുപ്പില്‍ ലഭിക്കുന്ന വിവരങ്ങള്‍ വിശകലനം ചെയ്ത് കാട്ടാനകളുടെ എണ്ണം കണ്ടെത്തും. അടുത്ത മാസം 23ന് കരട് റിപ്പോര്‍ട്ടും ജൂലൈ ഒന്‍പതിന് അന്തിമ റിപ്പോര്‍ട്ടും നല്‍കാനാണ് തീരുമാനം. കേരളത്തില്‍ ഇതിന് മുന്പ് 2022ലാണ് കാട്ടാനകളുടെ സെന്‍സസ് നടത്തിയത്. അന്നത്തെ കണക്കെടുപ്പില്‍ പുറത്തുവന്ന കാട്ടാനകളുടെ കണക്ക് യഥാര്‍ഥമല്ലെന്ന് ആക്ഷേപം ഉയര്‍ന്നിരുന്നു. ആനകളെ എണ്ണം വളരെ കുറച്ചുകാണിച്ചുവെന്നായിരുന്നു ആക്ഷേപം. റെയ്ഞ്ച്തലത്തിലുളള കണക്ക് പുറത്തുവിട്ടിരുന്നുമില്ല.

You May Also Like

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...

ACCIDENT

കോതമംഗലം: മുനിസിപ്പൽ ബസ് സ്റ്റാൻഡിനു മുന്നിൽ തടി കയറ്റിവന്ന ലോറി മറിഞ്ഞു. ആലുവ-മൂന്നാർ റൂട്ടിലാണ് അപകടം നടന്നത്. സംഭവത്തിൽ ആർക്കും പരിക്കില്ല. ഇന്ന് രാവിലെ ആറ് മണിയോടെയാണ് ഹൈറേഞ്ച് ഭാഗത്തുനിന്ന് യൂക്കാലിയുടെ തടി...