Connect with us

Hi, what are you looking for?

NEWS

ചേലാട് അന്താരാഷ്ട്ര സ്റ്റേഡിയ നിര്‍മ്മാണം:നെല്‍വയല്‍ തണ്ണീര്‍ത്തട നിയമത്തില്‍ ഇളവ് പരിഗണിച്ചുവരുന്നതായി മന്ത്രി കെ രാജന്‍

കോതമംഗലം : കോതമംഗലം ചേലാട് അന്താരാഷ്ട്ര സ്റ്റേഡിയ നിർമ്മാണവുമായി ബന്ധപ്പെട്ട് നെൽവയൽ തണ്ണീർത്തട നിയമത്തിൽ ഇളവ് നൽകുന്നത് കൃഷി വകുപ്പ് പ്രിൻസിപ്പൽ സെക്രട്ടറി പരിഗണിച്ചു വരുന്നതായി മന്ത്രി കെ രാജൻ നിയമസഭയിൽ അറിയിച്ചു. ആന്റണി ജോൺ എംഎൽഎയുടെ ചോദ്യത്തിന് മറുപടിയായിട്ടാണ് മന്ത്രി സഭയിൽ ഇക്കാര്യം വ്യക്തമാക്കിയത്. നെൽവയൽ തണ്ണീർത്തട സംരക്ഷണ നിയമത്തിലെ ഇളവ് നൽകുന്ന നടപടികൾ വേഗത്തിൽ പൂർത്തീകരിക്കണമെന്ന ആന്റണി ജോൺ എം എൽ എ യുടെ ചോദ്യത്തിന് മറുപടിയായിട്ടാണ് മന്ത്രി ഇക്കാര്യം വ്യക്തമാക്കിയത്. കായിക കേരളത്തിന്റെ തലസ്ഥാനമായ കോതമംഗലത്തിന്റെ സ്വപ്ന പദ്ധതിയായ ചേലാട് അന്താരാഷ്ട്ര സ്റ്റേഡിയം നിർമ്മാണം ആരംഭിക്കുന്നതിന് തടസമായുള്ള കേരള നെൽവയൽ തണ്ണീർത്തട സംരക്ഷണ നിയമത്തിൽ ഇളവ് നൽകുന്ന നടപടി വേഗത്തിൽ പൂർത്തീകരിക്കണമെന്ന് എം എൽ എ ആവിശ്യപ്പെട്ടു.കോതമംഗലം ചേലാട്‌ അന്താരാഷ്ട്ര സ്റ്റേഡിയം പദ്ധതിക്കായി നെല്‍വയല്‍ പരിവര്‍ത്തനപ്പെടുത്തുന്നതിന്‌ 2008-ലെ കേരള നെല്‍വയല്‍ തണ്ണീര്‍ത്തട സംരക്ഷണ നിയമത്തിലെ വകുപ്പ്‌ (5) പ്രകാരം പിണ്ടിമന പഞ്ചായത്ത്‌ പ്രാദേശിക നിരീക്ഷണ സമിതി കണ്‍വീനര്‍ സമര്‍പ്പിച്ച ശുപാര്‍ശ, സംസ്ഥാനതല സമിതി കണ്‍വീനര്‍ കൂടിയായ കൃഷി വകുപ്പ്‌ പ്രിന്‍സിപ്പല്‍ സെക്രട്ടറി മുമ്പാകെ NCA2/228/2023-AGRI നമ്പര്‍ ഫയല്‍ ആയി പരിഗണനയിലിരിക്കുന്നതും നടപടി സ്വീകരിച്ചു വരുന്നതുമാണ്‌.

എറണാകുളം ജില്ലയില്‍ പിണ്ടിമന ഗ്രാമപഞ്ചായത്തില്‍ പിണ്ടിമന വില്ലേജില്‍ സര്‍വ്വേ നമ്പര്‍ 591/2-1-2, 592/7-4, 592/7-5, 592/8-1, 592/8-1-2, 592/8-2-10-3, 592/8-2-10-4, 592/8-2- 2, 601/1-2-10-7, 591/2-2-5, 592/8-2-10-2-2-ല്‍ ഉള്‍പ്പെട്ട 69.27 ആര്‍സ്‌ നിലം പൊതു ആവശ്യത്തിന്‌ പരിവര്‍ത്തനപ്പെടുത്തി സ്റ്റേഡിയം നിര്‍മ്മിക്കുന്നതിനായി പിണ്ടിമന ഗ്രാമപഞ്ചായത്ത്‌ സെക്രട്ടറി കേരള നെല്‍വയല്‍ തണ്ണീര്‍ത്തട സംരക്ഷണ നിയമ പ്രകാരം ഫോം നമ്പര്‍ 2-ല്‍ സമര്‍പ്പിച്ച അപേക്ഷയും, അതോടൊപ്പമുള്ള പ്രാദേശികതല നിരീക്ഷണ സമിതിയുടെ ശിപാര്‍ശ സഹിതം സര്‍ക്കാരില്‍ ലഭ്യമായിരുന്നു. ടി വിഷയം കേരള നെല്‍വയല്‍-തണ്ണീര്‍ത്തട സംരക്ഷണ നിയമത്തിലെ വകുപ്പ്‌ 8 പ്രകാരം രൂപീകൃതമായ സംസ്ഥാനതല സമിതി 06.10.2023-ല്‍ പരിശോധിക്കുകയും സംസ്ഥാന സമിതിയിലെ വിദഗ്ധ അംഗം എറണാകുളം പ്രിന്‍സിപ്പല്‍ കൃഷി ഓഫീസറുടെ സാന്നിധ്യത്തില്‍ സ്ഥലം പരിശോധിച്ച്‌ റിപ്പോര്‍ട്ട്‌ സമര്‍പ്പിക്കുവാനും, ആയത്‌ അടുത്ത സമിതി യോഗത്തില്‍ പരിശോധിക്കുവാനും തീരുമാനിക്കുകയുമുണ്ടായി.ടി തീരുമാനത്തിന്റെ അടിസ്ഥാനത്തില്‍ സംസ്ഥാന സമിതിയിലെ വിദഗ്ധ അംഗം സ്ഥലം പരിശോധിക്കുകയും റിപ്പോര്‍ട്ട്‌ ലഭ്യമാക്കിയിട്ടുള്ളതുമാണ്‌. ടി റിപ്പോര്‍ട്ടില്‍ സ്റ്റേഡിയം നിര്‍മ്മാണവുമായി ബന്ധപ്പെട്ട ഏജന്‍സിയായ M/S KITCO , Ernakulam -ല്‍ നിന്നും സ്റ്റേഡിയം നിര്‍മ്മാണത്തിന്‌ ഉദ്ദേശിക്കുന്ന സ്ഥലത്തിനടുത്ത്‌ കൂടി ഒഴുകുന്ന തണ്ണീര്‍ത്തടങ്ങളുടെ സംരക്ഷണവുമായി ബന്ധപ്പെട്ട റിപ്പോര്‍ട്ട്‌ ലഭ്യമാക്കുന്നതിന്‌ പിണ്ടിമന ഗ്രാമപഞ്ചായത്ത്‌ സെക്രട്ടറിയോട്‌ ആവശ്യപ്പെട്ടിരിക്കുകയാണ്‌.
റിപ്പോര്‍ട്ട്‌ ലഭ്യമാകുന്ന മുറയ്ക്ക്‌ പ്രസ്തുത വിവരങ്ങള്‍ പരിശോധിച്ച്‌,നിയമ പ്രകാരം ആവശ്യമായ തുടര്‍നടപടി സ്വീകരിക്കുന്നതാണെന്ന് മന്ത്രി കെ രാജൻ നിയമസഭയിൽ അറിയിച്ചു.

You May Also Like

ACCIDENT

കോതമംഗലം: കോതമംഗലത്ത് സ്കൂൾ വിദ്യാർത്ഥിയെ തോട്ടിൽ മരിച്ചനിലയിൽ കണ്ടെത്തി. കള്ളാട് കീഴേത്തുകുടി ബിനോജിൻ്റെ മകൻ അഭിമന്യു (12) വിനെയാണ് സ്കൂളിൽ നിന്ന് വിട്ടിലേക്ക് പോകുന്ന വഴിയിലുള്ള ചെറിയ കൈ തോട്ടിൽ മരിച്ചനിലയിൽ കണ്ടെത്തിയത്....

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...