Connect with us

Hi, what are you looking for?

NEWS

രാത്രികാലങ്ങളില്‍ ലോറികളില്‍ നിന്ന് ബാറ്ററി മോഷണം: രണ്ടുപേര്‍ പോലീസ് പിടിയില്‍

പെരുമ്പാവൂര്‍: രാത്രികാലങ്ങളില്‍ സ്‌കൂട്ടറില്‍ കറങ്ങി നടന്ന് പാര്‍ക്ക് ചെയ്തിരിക്കുന്ന ടോറസ് ലോറികളില്‍ നിന്ന് ബാറ്ററി മോഷണം നടത്തുന്ന രണ്ടുപേര്‍ പിടിയില്‍. ചുള്ളി അയ്യമ്പുഴ കോലാട്ടുകുടി ബിനോയി (40), പോഞ്ഞാശ്ശേരി അഞ്ജനത്ത് നൗഷാദ് (57) എന്നിവരാണ് പെരുമ്പാവൂര്‍ പോലീസിന്റെ പിടിയിലായത്. ജനുവരി പതിനെട്ടിന് പുലര്‍ച്ചെയാണ് പോഞ്ഞാശ്ശേരി, മരോട്ടിച്ചോട് ഭാഗങ്ങളില്‍ നിന്നായി രണ്ട് ടോറസ് ലോറികളില്‍ നിന്ന് ബാറ്ററികള്‍ മോഷണം പോയത്. തുടര്‍ന്ന് പെരുമ്പാവൂര്‍ പോലീസ് നടത്തിയ ശാസ്ത്രീയ അന്വേഷണത്തിലാണ് പ്രതികളെ ചെമ്പറക്കിയില്‍ നിന്ന് പിടികൂടിയത്. ബിനോയിക്ക് പെരുമ്പാവൂര്‍ പുത്തന്‍കുരിശ്, അയ്യമ്പുഴ കാലടി , അങ്കമാലി, ഹില്‍പാലസ്, ചാലക്കുടി തുടങ്ങിയ സ്റ്റേഷനുകളിലായി 25 ഓളം മോഷണക്കേസുകള്‍ ഉണ്ട്. പത്ത് ദിവസം മുമ്പാണ് ബിനോയ് മോഷണക്കേസില്‍ തൊടുപുഴ മുട്ടം ജയിലില്‍ നിന്ന് പുറത്തിറങ്ങിയത്. നൗഷാദ് രണ്ടുമാസം മുമ്പ് അനധികൃത മദ്യ വില്പന നടത്തിയ കേസില്‍ ജയിലില്‍ പോയിരുന്നു. ജയിലില്‍ വച്ച് പരിചയപ്പെട്ട ഇവര്‍ ജയിലില്‍ നിന്ന് പുറത്തിറങ്ങിയ ശേഷം ഒരുമിച്ച് മോഷണം നടത്തുകയായിരുന്നു. മോഷ്ടിച്ച ബാറ്ററികള്‍ ചാലക്കുടിയില്‍ നിന്ന് പോലീസ് കണ്ടെടുത്തു. ഇന്‍സ്‌പെക്ടര്‍ ആര്‍.രഞ്ജിത്ത്, എസ്.ഐമാരായ ഒ.എ രാധാകൃഷ്ണന്‍ , എന്‍.പി ശശി, എ.എസ്.ഐമാരായ പി.എ അബ്ദുല്‍ മനാഫ്, എം.എന്‍ ബിനു, സി.പി.ഒ കെ.എ അഭിലാഷ് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.

 

You May Also Like

NEWS

കോതമംഗലം : നെല്ലിക്കുഴി രണ്ടുമാസം മുൻപ് ചിറയിൻകീഴിൽ ഉണ്ടായ വാഹന അപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന ആലുവ UC കോളേജ് MBA വിദ്യാർത്ഥിനി മഹാരാഷ്ട്ര സാംഗ്ലി സ്വദേശി ഹനുമന്ത്...

NEWS

കോട്ടപ്പടി : കോട്ടപ്പടി പ്ലാച്ചേരിയിൽ കിണറിൽ വീണ കാട്ടാനയെ തുറന്നുവിടുന്നത് സംബന്ധിച്ച് പഞ്ചായത്ത് സമിതി അംഗങ്ങളുമായി ചർച്ച നടത്തിയാണ് തീരുമാനമെടുത്തത് എന്ന മലയാറ്റൂർ ഡി എഫ് ഒ യുടെ വാദം ശുദ്ധ നുണയെന്ന്...

NEWS

കോട്ടപ്പടി: കോട്ടപ്പടിയിൽ ജനവാസ മേഖലയിലെ കിണറ്റിൽ വീണ ആനയെ കയറ്റിവിട്ടതുമായി ബന്ധപ്പെട്ട് ജനപ്രതിനിധികളും, ആർ ഡി ഒ അടക്കമുള്ള സർക്കാർ ഉദ്യോഗസ്ഥന്മാരും കാണിച്ച കൊടിയ വഞ്ചനക്കെതിരെ കിഫ എറണാകുളം ജില്ലാ കമ്മിറ്റി ശക്തമായ പ്രതിഷേധം...

NEWS

പെരുമ്പാവൂർ : കോട്ടപ്പടിയിൽ കിണറ്റിൽ വീണ ആന ജനങ്ങൾക്ക് ഭീഷണിയായി സമീപപ്രദേശത്ത് തന്നെ തുടരുന്ന അവസ്ഥ സംജാതമായത് ഗുരുതരമായ വീഴ്ചയെന്ന് എൽദോസ് കുന്നപ്പള്ളി എംഎൽഎ കുറ്റപ്പെടുത്തി .ജനപ്രതിനിധികളുടെ സാന്നിധ്യത്തിൽ ആനയെ മയക്കു വെടി...