Connect with us

Hi, what are you looking for?

EDITORS CHOICE

മരം കോച്ചുന്ന തണുപ്പത്ത് കോതമംഗലം സ്വദേശിയുടെ കരം ചേർത്ത് പിടിച്ചു രാഹുൽ ഗാന്ധി


പഞ്ചാബ് : സംഘടനാതലത്തിൽ കോൺഗ്രസ് നടപ്പാക്കിയ ഏറ്റവും വലിയ യജ്ഞമായ ഭാരത് ജോഡോ പദയാത്ര നൂറ്റിപതിനെട്ടാമത്തെ ദിനത്തിലേക്ക് കടന്നപ്പോൾ കോതമംഗലം സ്വദേശികൾക്ക് അഭിമാന കാഴ്ച്ച സമ്മാനിച്ച് രാഹുൽ ഗാന്ധി. പഞ്ചാബിലെ ഡൽഹി- ജമ്മു ദേശീയപാതയിലെ മരം കോച്ചുന്ന തണുപ്പത്ത് ദുരഹയിൽ നിന്നും ലുധിയാനയിലേക്ക് രാഹുൽ ഗാന്ധിയുടെ നേതൃത്വത്തിൽ നടക്കുന്ന ഭാരത് ജോഡോ പദയാത്രയിൽ പങ്കെടുത്ത പങ്കെടുത്ത അനുര മത്തായിയെ ശ്രദ്ധയിൽ പെട്ട രാഹുൽ ഗാന്ധി മുൻനിരയിലേക്ക് വിളിച്ചു കയറ്റി കരം ചേർത്ത് പിടിച്ചു യാത്ര നയിക്കുകയായിരുന്നു. കോതമംഗലത്തെ കലാലയ രാഷ്ട്രീയത്തിലൂടെ വളർന്നുവന്ന അനുര മത്തായി പ്രവാസ ജീവിതത്തിലും പൊതുപ്രവർത്തനത്തിൽ സജീവമായിരുന്നു. കോതമംഗലം മാര്‍ അത്തനേഷ്യസ് കോളേജില്‍ രണ്ടുതവണ യൂണിയൻ ചെയർമാൻ കൂടിയായിരുന്നു അനുര.

ദുബായിൽ നടന്ന ഇന്ത്യൻ കമ്മ്യൂണിറ്റി മീറ്റിംഗ് കൺവെൻഷനിൽ തുടങ്ങിയ അടുപ്പം രാഹുൽ ഗാന്ധി ഓർത്തെടുക്കുകയായിരുന്നു. ഇന്ത്യൻ ഓവർസീസ് കോൺഗ്രസിന്റെ ഗ്ലോബൽ കോഓർഡിനേറ്റർ കൂടിയാണ് അനുര മത്തായി. ഐഒസിക്ക് കീഴില്‍ വിവിധ രാജ്യങ്ങളില്‍ പരിപാടികൾ സംഘടിപ്പിക്കുന്നതിന്റെ ചുമതലക്കാരൻ കൂടിയാണ് അനുര. കോതമംഗലം കുറ്റിലഞ്ഞി സ്വദേശിയായ ഇദ്ദേഹം ദുബായിലെ പ്രമുഖ കമ്പനിയുടെ ഡയറക്ടറാണ്.

തമിഴ്നാട്ടിലെ കന്യാകുമാരിയിൽ നിന്ന് സെപ്റ്റംബർ ഏഴിന് ആരംഭിച്ച യാത്ര കേരളം, കർണാടക, ആന്ധ്ര, തെലങ്കാന, മഹാരാഷ്ട്ര, മധ്യപ്രദേശ്, യുപി, ഡൽഹി, ഹരിയാന, പഞ്ചാബ്, ജമ്മു എന്നിവ പിന്നിട്ട് ജനുവരി 26നു ശ്രീനഗറിൽ സമാപിക്കും. ഭാരത് ജോഡോ പദയാത്രയിൽ രാഹുൽ ഗാന്ധിക്കൊപ്പം കൈകോർത്ത് പദയാത്രയുടെ ഭാഗമായി തീരുവാൻ സാധിച്ചത് ജീവിതത്തിലെ വലിയ നേട്ടമായാണ് കരുതുന്നത് എന്ന് അനുര മത്തായി വെളിപ്പെടുത്തുന്നു.

You May Also Like

NEWS

കോതമംഗലം: പെരിയാറില്‍ യുവാവ് ഒഴുക്കില്‍പ്പെട്ട് മുങ്ങിമരിച്ചു. കോതമംഗലത്തിന് സമീപം വേട്ടാമ്പാറ ഭാഗത്ത് പെരിയാറില്‍ കുളിക്കാന്‍ ഇറങ്ങിയ, കണ്ണൂര്‍ ഏഴിമല കരിമ്പാനില്‍ ജോണിന്റെ മകന്‍ ടോണി (38) ആണ് മരിച്ചത്. കൊച്ചി മെട്രോ ട്രാഫിക്...

NEWS

കോതമംഗലം: പുന്നേക്കാട് ഗവ എൽപി സ്കൂളിന്റെ 51-)മത് വാർഷികാ ഘോഷവും ,അധ്യാപക രക്ഷാകർതൃ ദിനവും, പൂർവ്വ വിദ്യാർത്ഥി സമ്മേളനവും, കിച്ചൺ കം സ്റ്റോർ ഉദ്ഘാടനവും ആന്റണി ജോൺ എം എൽ എ നിർവഹിച്ചു....

NEWS

കോതമംഗലം : കവളങ്ങാട് പഞ്ചായത്തിൽ 34.50 കോടി രൂപയുടെ ഗ്രാമീണ ഭവന കുടിവെള്ള പദ്ധതിയുടെ നിർമ്മാണോദ്ഘാടനം കവളങ്ങാട് സർവീസ് സഹകരണ ബാങ്ക് ഓഡിറ്റോറിയത്തിൽ വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ നിർവ്വഹിച്ചു....

NEWS

കോതമംഗലം : കീരംപാറ പഞ്ചായത്തിൽ 26 കോടി രൂപയുടെ ഗ്രാമീണ ഭവന കുടിവെള്ള പദ്ധതിയുടെ നിർമ്മാണോദ്ഘാടനം വെളിയച്ചാൽ സെന്റ് ജോസഫ് ചർച്ച് ഫെറോന ഓഡിറ്റോറിയത്തിൽ വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...