കോതമംഗലം :കോതമംഗലം റവന്യൂ ടവറിന്റെ പരിസരം നവീകരണത്തിന് ധനകാര്യവകുപ്പ് പ്രത്യേക അനുമതി നൽകി ഉത്തരവായതായി ആന്റണി ജോൺ എം എൽ എ അറിയിച്ചു.എം എൽ എ ആസ്തി വികസന ഫണ്ടിൽ നിന്നും റവന്യൂ ടവറിന്റെ മുറ്റവും പരിസരവും നവീകരിക്കുന്നതിന് 12 ലക്ഷം രൂപ അനുവദിച്ചിരുന്നു. എം എൽ എ ആസ്തി വികസന ഫണ്ട്‌ വിനിയോഗത്തിലെ മാനദണ്ഡങ്ങളും, നിബന്ധന കളും ഈ ഫണ്ട്‌ വിനിയോഗത്തിന് തടസമായി നിന്ന സാഹചര്യത്തിലാണ് പ്രത്യേക അനുമതി ആവിശ്യപ്പെട്ടുകൊണ്ട് ധനകാര്യ വകുപ്പിന് കത്ത് നൽകിയിരുന്നത്. ഈ ആവശ്യം പരിഗണിച്ചു.
റോഡ് നവീകരണം, ടൈൽ വിരിക്കൽ,കോൺക്രീറ്റിങ് അടക്കമുള്ള പ്രവർത്തികൾ നടത്താൻ അനുമതി നൽകി ധനകാര്യ വകുപ്പ് ഉത്തരവായിട്ടുള്ളത്. ടെൻഡർ നടപടികൾ വേഗത്തിൽ പൂർത്തീകരിക്കുമെന്ന് എം എൽ എ അറിയിച്ചു.
