എറണാകുളം: കാർഷിക യന്ത്രവൽക്കരണം പ്രോത്സാഹിപ്പിക്കുന്നതിനായി കേന്ദ്ര-സംസ്ഥാന സർക്കാരുകൾ ചേർന്ന് നടപ്പിലാക്കുന്ന കാർഷിക യന്ത്രവത്കരണ ഉപപദ്ധതിയിൽ സബ്സിഡി നിരക്കിൽ കാർഷികയന്ത്രങ്ങൾ വാങ്ങുന്നതിന് എസ്.സി, എസ്.ടി വിഭാഗക്കാർക്ക് അപേക്ഷിക്കാം. കാടുവെട്ട് യന്ത്രം, തെങ്ങുകയറ്റ യന്ത്രം, ചെയിൻ സോ, ട്രാക്ടറുകൾ, പവർ ടില്ലർ, ഗാർഡൻ ടില്ലർ , സ്പ്രേയറുകൾ, ഏണികൾ, വീൽ ബാരോ, കൊയ്ത്തുയന്ത്രം, ഞാറ് നടീൽ യന്ത്രം, നെല്ല് കുത്ത് മിൽ , ഓയിൽ മിൽ, ഡ്രയറുകൾ, വാട്ടർ പമ്പ് എന്നിവ സബ്സിഡിയോടെ ലഭിക്കും. ചെറുകിട കർഷകർക്ക് 50 മുതൽ 60 ശതമാനം സബ്സിഡി നിബന്ധനകളോടെ ലഭിക്കും.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
അംഗീകത കാർഷിക കൂട്ടായ്മകൾക്ക് ഫാം മെഷിനറി ബാങ്ക് സ്ഥാപിക്കുന്നതിന് പദ്ധതി തുകയുടെ 80 ശതമാനം സബ്സിഡി നിരക്കിൽ നിബന്ധനകളോടെ 8 ലക്ഷം രൂപ വരെയും കാർഷിക യന്ത്രങ്ങളുടെ വാടക കേന്ദ്രങ്ങൾ സ്ഥാപിക്കുന്നതിന് നിബന്ധനകളോടെ പദ്ധതി തുകയുടെ 40 ശതമാനം സബ്സിഡിയായും ലഭിക്കും. ഓൺലൈൻ പോർട്ടലായ http://agimachinery.nic.in സന്ദർശിച്ച് കർഷകർക്ക് രജിസ്റ്റർ ചെയ്യാം.
അക്ഷയ കേന്ദ്രം, കൃഷിഭവൻ, ഡീലർമാർ, കൃഷി അസിസ്റ്റൻറ് എക്സിക്യൂട്ടീവ് എഞ്ചിനീയറുടെ കാര്യാലയം എന്നിവ മുഖേനയും രജിസ്റ്റർ ചെയ്യണം. ആധാർ കാർഡ്, പാസ്പോർട്ട് സൈസ് ഫോട്ടോ ,കരം അടച്ച രസീത് / പാട്ട കരാർ, ബാങ്ക് പാസ്ബുക്കിൻ്റെ ആദ്യ പേജ് , ജാതി തെളിയിക്കുന്ന സർട്ടിഫിക്കറ്റ്, പാൻ കാർഡ്/ വോട്ടർ ഐഡി /ഡ്രൈവിംഗ് ലൈസൻസ് എന്നിവ സഹിതം രജിസ്റ്റർ ചെയ്യണം. കൂടുതൽ വിവരങ്ങൾക്ക് 8606069173, 9846761272
![](https://kothamangalamnews.com/wp-content/uploads/2023/11/kothamangalamnews.png)