Connect with us

Hi, what are you looking for?

NEWS

കമ്പനിപ്പടിയിലുണ്ടായ വാഹനാപകടത്തില്‍ യുവാക്കള്‍ക്ക് ദാരുണാന്ത്യം; അന്വേഷണം ആരംഭിച്ച് പോലീസ്

കോതമംഗലം: വാഹനാപകടത്തില്‍ യുവാക്കള്‍ക്ക് ദാരുണാന്ത്യം. ഇന്ന് പുലര്‍ച്ചെ നെല്ലിക്കുഴി കമ്പനിപ്പടിയില്‍ ഉണ്ടായ അപകടത്തില്‍ ഞാറയ്ക്കല്‍ എടവനക്കാട് അഴിവേലിയ്ക്കത്ത് അമാനുദ്ദീന്‍ (28), കുഴിപ്പിള്ളി സ്വദേശി മുഹമ്മദ് സാജിദ് (23) എന്നിവരാണ് മരിച്ചത്. കോതമംഗലം ഭാഗത്ത്നിന്നും ആലുവ ഭാഗത്തേയ്ക്ക് പോവുകയായിരുന്ന ബൈക്കാണ് അപകടത്തില്‍പെട്ടത്.

കാനയിലേയ്ക്ക് തെറിച്ച് വീണ നിലയിലാണ് ഇരുവരെയും കണ്ടെത്തിയത്. പുലര്‍ച്ചെ 4ഓടെ റോഡരികില്‍ ബൈക്ക് മറിഞ്ഞ് കിടക്കുന്നത കണ്ട് ഇതുവഴിയെത്തിയ യാത്രക്കാര്‍ നടത്തിയ തെരച്ചിലിലാണ് യുവാക്കളെ സമീപത്തെ കാനയില്‍ വീണുകിടക്കുന്ന നിലയില്‍ കണ്ടെത്തിയത്. തുടര്‍ന്ന് വിവരമറിഞ്ഞെത്തിയ ഫയര്‍ഫോഴ്‌സ് സംഘം ഇരുവരെയും കോതമംഗലത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഇവര്‍ വിനോദയാത്രയ്ക്കായി 2 ദിവസം മുന്‍പ് വീടുകളില്‍ നിന്നും പുറപ്പെട്ടതായാണ് പോലീസിന് ലഭിച്ച വിവരം.

ഗ്രേഡ് എഎസ്ടിഒ അനില്‍കുമാറിന്റെ നേതൃത്വത്തില്‍ സേനാംഗങ്ങളായ വില്‍സണ്‍, അനുരാജ്, രാഗേഷ്, വൈശാഖ്, സുധീഷ്, ജേക്കബ്, ബിനുകുമാര്‍ എന്നിവര്‍ രക്ഷാപ്രവര്‍ത്തനത്തില്‍ പങ്കാളികളായി. കോതമംഗലം പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. അപകട കാരണം വ്യക്തമല്ല.

You May Also Like

NEWS

കോതമംഗലം : നെല്ലിക്കുഴി രണ്ടുമാസം മുൻപ് ചിറയിൻകീഴിൽ ഉണ്ടായ വാഹന അപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന ആലുവ UC കോളേജ് MBA വിദ്യാർത്ഥിനി മഹാരാഷ്ട്ര സാംഗ്ലി സ്വദേശി ഹനുമന്ത്...

NEWS

കോട്ടപ്പടി : കോട്ടപ്പടി പ്ലാച്ചേരിയിൽ കിണറിൽ വീണ കാട്ടാനയെ തുറന്നുവിടുന്നത് സംബന്ധിച്ച് പഞ്ചായത്ത് സമിതി അംഗങ്ങളുമായി ചർച്ച നടത്തിയാണ് തീരുമാനമെടുത്തത് എന്ന മലയാറ്റൂർ ഡി എഫ് ഒ യുടെ വാദം ശുദ്ധ നുണയെന്ന്...

NEWS

കോട്ടപ്പടി: കോട്ടപ്പടിയിൽ ജനവാസ മേഖലയിലെ കിണറ്റിൽ വീണ ആനയെ കയറ്റിവിട്ടതുമായി ബന്ധപ്പെട്ട് ജനപ്രതിനിധികളും, ആർ ഡി ഒ അടക്കമുള്ള സർക്കാർ ഉദ്യോഗസ്ഥന്മാരും കാണിച്ച കൊടിയ വഞ്ചനക്കെതിരെ കിഫ എറണാകുളം ജില്ലാ കമ്മിറ്റി ശക്തമായ പ്രതിഷേധം...

NEWS

പെരുമ്പാവൂർ : കോട്ടപ്പടിയിൽ കിണറ്റിൽ വീണ ആന ജനങ്ങൾക്ക് ഭീഷണിയായി സമീപപ്രദേശത്ത് തന്നെ തുടരുന്ന അവസ്ഥ സംജാതമായത് ഗുരുതരമായ വീഴ്ചയെന്ന് എൽദോസ് കുന്നപ്പള്ളി എംഎൽഎ കുറ്റപ്പെടുത്തി .ജനപ്രതിനിധികളുടെ സാന്നിധ്യത്തിൽ ആനയെ മയക്കു വെടി...