കോതമംഗലം: നിരന്തര കുറ്റവാളിയായ നെല്ലിക്കുഴി സ്വദേശിയെ കാപ്പ ചുമത്തി നാട് കടത്തി. ഇരമല്ലൂര്‍ നെല്ലിക്കുഴി മറ്റത്തില്‍ മഹിന്‍ ലാല്‍ (23) നെയാണ് കാപ്പ ചുമത്തി ഒരു വര്‍ഷത്തേക്ക് നാട് കടത്തിയത്. ഓപ്പറേഷന്‍ ഡാര്‍ക്ക് ഹണ്ടിന്റെ ഭാഗമായി ജില്ലാ പോലീസ് മേധാവി
വിവേക് കുമാറിന്റെ റിപ്പോര്‍ട്ടിന്റെ അടിസ്ഥാനത്തില്‍ റേഞ്ച് ഡി ഐ ജി ഡോ: എ.ശ്രീനിവാസ് ആണ് ഉത്തരവ് പുറപ്പെടുവിച്ചത്. കോതമംഗലം, കുറുപ്പംപടി, മൂവാറ്റുപുഴ, കൂത്താട്ടുകുളം, ആലുവ, പോലീസ് സ്റ്റേഷന്‍ പരിധികളില്‍ പോലീസ് ഉദ്യോഗസ്ഥരുടെ ഔദ്യോഗിക കൃത്യ നിര്‍വഹണം തടയല്‍, മോഷണം ഉള്‍പ്പടെയുള്ള നിരവധി കേസുകളില്‍ പ്രതിയാണ്. കഴിഞ്ഞ ജനുവരിയില്‍ കോതമംഗലം പോലീസ് സ്റ്റേഷനില്‍ രജിസ്റ്റര്‍ ചെയ്ത മോഷണ കേസില്‍ പ്രതിയായതിനെ തുടര്‍ന്നാണ് കാപ്പ ചുമത്തി നാട് കടത്തിയത്. ഓപ്പറേഷന്‍ ഡാര്‍ക്ക് ഹണ്ടിന്റെ ഭാഗമായി 60 പേരെ നാട് കടത്തി. 82 പേരെ കാപ്പ ചുമത്തി ജയിലിലടച്ചു.
