പെരുമ്പാവൂര്‍: മധ്യവയസ്‌കനെ വെട്ടേറ്റ് മരിച്ച നിലയില്‍ കണ്ടെത്തി. കിഴക്കേ ഐമുറി കീരേത്തിമല വേലായുധന്‍ (50 )ആണ് മരിച്ചത്. ഇന്നലെ വൈകിട്ടോടെയാണ് പെട്ടമലയിലെ വിജനമായ സ്ഥലത്ത് ഇയാളെ വെട്ടേറ്റ നിലയില്‍ കണ്ടെത്തിയത്. കാല്‍മുട്ടിനാണ് മാരകമായ വെട്ടേറ്റത്. ചോര വാര്‍ന്ന് അവശ നിലയിലായ വേലായുധനെ നാട്ടുകാര്‍ ആശുപത്രിയില്‍ എത്തിച്ചെങ്കിലും മരിച്ചിരുന്നു. കോടനാട് പോലീസ് മേല്‍നടപടികള്‍ പൂര്‍ത്തിയാക്കി മൃതദേഹം പോസ്റ്റ്‌മോര്‍ട്ടത്തിനായി കൊണ്ടുപോയി. പാണിയേലി സ്വദേശിയായ ലിന്റോ എന്നയുവാവിനെ പോലീസ് അന്വേഷിക്കുന്നുണ്ട്. കൊല്ലപ്പെട്ടയാളുമായി മുന്‍ വൈരാഗ്യം ഉള്ള ആളാണ് യുവാവ്. ഒരു മാസം മുമ്പ് ഇവര്‍ തമ്മില്‍ വാക്കു തര്‍ക്കം ഉണ്ടായതായി പറയുന്നുണ്ട്. ഇരുവരും പല കേസുകളിലും ഉള്‍പ്പെട്ടിട്ടുള്ളവരാണ് എന്നും പോലീസ് പറഞ്ഞു.
