കോതമംഗലം: എന്റെ നാട് പെയിന്‍ ആന്റ് പാലിയേറ്റീവ് കെയര്‍ ട്രസ്റ്റും കോതമംഗലം മാര്‍ ബസേലിയോസ് മെഡിക്കല്‍ മിഷന്‍ ആശുപത്രിയും ചേര്‍ന്ന് കുട്ടമ്പുഴയില്‍ മെഗാ മെഡിക്കല്‍ ക്യാമ്പ് നടത്തി. എന്റെ നാട് ചെയര്‍മാന്‍ ഷിബു തെക്കുംപുറം ഉദ്ഘാടനം നിര്‍വഹിച്ചു. ആശുപത്രി സെക്രട്ടറി ബിനോയ് മണ്ണഞ്ചേരില്‍ അധ്യക്ഷത വഹിച്ചു. വിവിധ വിഭാഗങ്ങളിലായി നിരവധി ആളുകള്‍ ക്യാമ്പില്‍ പങ്കെടുത്തു. ക്യാമ്പില്‍ പങ്കെടുത്തവര്‍ക്ക് സൗജന്യമായി മരുന്ന് വിതരണവും നടത്തി.
കൂടാതെ സാമ്പത്തികമായി പിന്നോക്കം നില്‍ക്കുന്ന രോഗികള്‍ക്ക് കാല്‍മുട്ടുമാറ്റല്‍ ഹെര്‍ണിയ, അപ്പന്റിക്‌സ് തുടങ്ങിയവയ്ക്കുള്ള ശസ്ത്രക്രിയകള്‍ക്ക് 50% സാമ്പത്തിക ഇളവ് നല്‍കുമെന്ന് ഹോസ്പിറ്റല്‍ സെക്രട്ടറി പറഞ്ഞു. പഞ്ചായത്ത് വൈസ് പ്രസിഡന്റ് മേരി കുര്യാക്കോസ്, പാലിയേറ്റീവ് ട്രസ്റ്റ് അംഗം ബീന ഷാജി, ഡോക്ടര്‍മാരായ ജോണ്‍സ് ജോണ്‍ റോയ്, മാര്‍ക്കോസ്,സി.ജെ എല്‍ദോസ്, പി.എ പാദുഷ എന്നിവര്‍ പ്രസംഗിച്ചു.
