കോതമംഗലത്ത് കിണറിൽ വീണ കൂറ്റൻ മൂർഖൻ പാമ്പിനെ രക്ഷപെടുത്തി

കോതമംഗലം:  കോതമംഗലത്ത് കിണറിൽ വീണ കൂറ്റൻ മൂർഖൻ പാമ്പിനെ രക്ഷപെടുത്തി. വായനശാല, പാറപ്പടി സ്വദേശി അറമ്പൻകുടി ഷൈജുവിൻ്റെ പറമ്പിലെ കിണറിലാണ് ഇന്ന് രാവിലെ പാമ്പുവീണത്. വാർഡ് കൗൺസിലർ നോബി വിവരമറിയിച്ചതിനെ തുടർന്ന് പാമ്പുപിടുത്ത വിദഗ്ദ്ധൻ മാർട്ടിൻ മേയ്ക്കമാലി സ്ഥലത്തെത്തി ഉച്ചയോടെ മൂർഖനെ പിടികൂടി വനംവകുപ്പിന് കൈമാറുകയായിരുന്നു. ഏകദേശം അഞ്ചടിയോളം നീളം വരുന്ന പുല്ലാനി മൂർഖനെയാണ് പിടികൂടിയത്.