കോതമംഗലം : ഐ.സി.ഐ. സ്റ്റുഡൻസ് ചാപ്റ്ററിന് കോതമംഗലം മാർ അത്തനേഷ്യസ് എൻജിനീയറിംഗ് കോളേജിൽ തിരിതെളിഞ്ഞു . എം എ കോളേജ് ഓഫ് എൻജിനിയറിങ്ങ് സിവിൽ വിഭാഗം HOD പ്രൊഫസർ റീന കുരുവിളയുടെ അധ്യക്ഷതയിൽ ചേർന്ന ചടങ്ങിൽ മദ്രാസ് ഐ ഐ ടി റിട്ടേഡ് പ്രൊഫസർ എംഎസ് മാത്യൂസ് ഭദ്രദീപം തെളിയിച്ച് ഉദ്ഘാടന കർമ്മം നിർവഹിച്ചു. പഠനകാലത്ത് തന്നെ പ്രവർത്തി പരിചയവും സാങ്കേതികമികവും സ്വയക്തമാക്കുവാൻ വിദ്യാർഥികൾക്ക് ഇത്തരം പ്രസ്ഥാനങ്ങളിലെ അംഗത്വവും പ്രവർത്തനവും ഏറെ ഗുണകരമാണെന്ന് ഉദ്ഘാടനപ്രസംഗത്തിൽ പ്രൊഫസർ മാത്യൂസ് സൂചിപ്പിച്ചു.
ഒറിഗോൺ സ്റ്റേറ്റ് യൂണിവേഴ്സിറ്റി സീനിയർ പ്രൊഫസർ ഡോക്ടർ ഡേവിഡ് ട്രാഹോ, അൾട്രാടെക് സാങ്കേതിക വിദഗ്ധൻ എം എ ജോസഫ്, CTARC പ്രൈവറ്റ് ലിമിറ്റഡ് ഡയറക്ടർ ശ്യാംകുമാർ, ഐ സി ഐ കൊച്ചിൻ ചാപ്റ്റർ സെക്രട്ടറി ഡോക്ടർ എൽസൻ ജോൺ എന്നിവർ സംസാരിച്ചു. സ്റ്റുഡൻറ് കോഡിനേറ്റർ പ്രൊഫസർ പോൾ ഷാജി നന്ദിയും പറഞ്ഞു. തുടർന്ന് നല് മേഘലകളിൽ നടന്ന ക്ലാസ് ശ്രദ്ദേയമായി. സമീപകാലത്ത് കൊച്ചിയിൽ ഉണ്ടായ ബ്ലാസ്റ്റിംഗിൻ്റെ രീതികളും അതിൻ്റെ സാങ്കേതികവശങ്ങൾ കുറിച്ചും കൂടുതൽ അറിവുകൾ പകർന്നു കൊണ്ട് പ്രൊഫസർ എം എസ് മാത്യൂസ് ക്ലാസ് നയിച്ചു.
കെട്ടിടങ്ങളുടെ അറ്റകുറ്റപ്പണികൾ കുറയ്ക്കുവാനും കൂടുതൽ കാലം ഈടു നിൽക്കുവാനും ആവശ്യമായ നിർദ്ദേശങ്ങൾ നൽകിക്കൊണ്ടാണ് ഒറിഗോൺ സ്റ്റേറ്റ് യൂണിവേഴ്സിറ്റി സീനിയർ പ്രൊഫസർ ഡേവിഡ് ട്രാഹോ ക്ലാസെടുത്തത്. കോൺക്രീറ്റ് നിർമാണത്തിൽ പാലിക്കേണ്ട ഗുണനിലവാര ചട്ടങ്ങളെ പറ്റിയും സിവിൽ എഞ്ചിനീയറിംഗ് ജോലി സാധ്യതകൾ പറ്റിയും ഒരു അവബോധം നൽകിക്കൊണ്ട് CTARC പ്രൈവറ്റ് ലിമിറ്റഡ് ഡയറക്ടർ ശ്യാംകുമാർ എസ് പ്രസാദ് ക്ലാസ് നയിച്ചു. ഉച്ചക്ക് ശേഷം നടന്ന ക്ലാസ് അൾട്രാടെക് സിമൻ്റ് ലിമിറ്റഡ് അവരുടെ ഏറ്റവും ആധുനിക നിർമാണസാമഗ്രികളുടെയും wheather plus സിമൻ്റിൻ്റേയും പ്രായോഗീക ഉപയോഗത്തെക്കുറിച്ച് വിദ്യാർത്ഥിക്ക് ക്ലാസ് നൽകി.
