കോതമംഗലം : കൊച്ചി ധനുഷ്കോടി ദേശീയ പാതയിൽ നേര്യമംഗലം മുതൽ വളരെ വരെയുള്ള 14.5 കിലോമീറ്റർ ദൂരം ദേശീയ പാത വികസനവുമായി ബന്ധപ്പെട്ട് വനം വകുപ്പ് തടസപ്പെടുത്തിപ്പോയതിനെതുടർന്ന്, 1932 മുതൽ ഇത്രയും ദൂരം റോഡിൻറ്റെ നടുക്കുനിന്നും ഇരുവശങ്ങളിലേക്കും അമ്പത് അടി വീതം നൂറ് അടി വീതിയിൽ രേഖകൾ പ്രകാരം റവന്യു ഭൂമിയാണെന്നും, നിർമ്മാണ പ്രവർത്തനങ്ങൾ തടസപ്പെടുത്തുന്നതിൽ നിന്നും വനംവകുപ്പിനെ തടയണമെന്നും ആവശ്യപ്പെട്ട് മുവാറ്റുപുഴ, നിർമ്മലാ കോളേജ് ബിരുദ വിദ്യാർത്ഥിനി കിരൺ സിജു, നേര്യമംഗലം വാളറ റോഡ് സൈഡിൽ കരിക്ക് വിറ്റു എന്നതിൻറ്റെ പേരിൽ 2022 ഓഗസ്റ്റ് 15 ന് വനം വകുപ്പ് പിടിച്ച് ജയിലിൽ അടച്ച മീരാൻ ഇരുമ്പുപാലം, ഫാർമേഴ്‌സ് അവേർനെസ് റിവൈവൽ മൂവ്മെൻറ്റ് (ഫാം) ജനറൽ സെക്രട്ടറി സിജുമോൻ ഫ്രാൻസിസ്, ട്രെഷറർ ബബിൻ ജെയിംസ് എന്നിവർ കേരളാ ഹൈ കോടതിയിൽ ഫയൽ ചെയ്ത കേസിൽ അനുകൂല വിധിവാങ്ങി നിർമ്മാണപ്രവർത്തനങ്ങൾ നടന്നുവരവേ, വിധിക്കെതിരെ അപ്പീൽ പോകാനുള്ള വനംവകുപ്പ് നീക്കത്തിന് ചിഫ് സെക്രട്ടറി അനുമതി നിഷേധിച്ചതിനെ തുടർന്ന് തൊടുപുഴ സ്വദേശിയും, പരിസ്ഥിതി പ്രവർത്തകനുമായ എം എൻ ജയചന്ദ്രൻ എന്നയാൾ ഹൈ കോടതിയെ സമീപിച്ച് റിവ്യൂ പെറ്റീഷൻ ഫയൽ ചെയ്യുകയായിരുന്നു.
അദ്ദേഹത്തിനുവേണ്ടി മുൻ ഫോറസ്ററ് ജി. പി സന്ദേശ് രാജ ഹാജരാക്കുകയും ചെയ്തിരുന്നു. ആ റിവ്യൂ പെറ്റീഷനാണ് കോടതി തീർപ്പാക്കിയത്. കേസിൽ വിശദമായ വാദം കേട്ടതാണെന്നും, നിലവിലുള്ള രേഖകൾ പ്രകാരം റോഡിനിരുവശവും റവന്യു ഭൂമിയാണെന്നും, കേന്ദ്രസർക്കാർ നാഷണൽ ഹൈ വേ അതോറിറ്റിക്ക് നിർമ്മാണപ്രവർത്തനത്തിനുള്ള അനുമതി നേരത്തെതന്നെ കൊടുത്തിരുന്നതാണെന്നും അന്ന് വനം വകുപ്പ് കേന്ദ്രസർക്കാരിൻറ്റെ നടപടികളെ എതിർത്തിരുന്നില്ലന്നും വ്യക്തത വരുത്തിയാണ് ഹർജി തള്ളിയത്. രണ്ട് കേസുകളിലും കിരൺ സിജു അടക്കമുള്ളവർക്ക് വേണ്ടി അഡ്വ. ബിജോ ഫ്രാൻസിസ്, അഡ്വ. ജോസ് കുര്യാക്കോസ് വിളങ്ങാട്ടിൽ, അഡ്വ. ലൂയിസ് ഗോഡ്‌വിൻ എന്നിവർ ഹാജരായി.
