NEWS
പോത്താനിക്കാട്, മഞ്ഞള്ളൂര് കുടുംബരോഗ്യകേന്ദ്രങ്ങള് ആരോഗ്യമന്ത്രി നാടിന് സമര്പ്പിച്ചു

കോതമംഗലം : കൂട്ടായ പ്രവര്ത്തനം തുടര്ന്നാല് ആരോഗ്യമേഖയില് കേരളത്തിന് ഇനിയും നേട്ടങ്ങളേറെ കൈവരിക്കാന് കഴിയുമെന്ന് ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. ആരോഗ്യ വകുപ്പിന്റെ സെക്രട്ടറിയേറ്റ് മുതല് താഴെ തലംവരെ ഒരു ടീമായിട്ടാണു നീങ്ങുന്നത്. അതിന്റെ ഭാഗമായി രോഗ നിര്മാര്ജനം തുടങ്ങി നിരവധി നേട്ടങ്ങള് കൈവരിക്കാന് നമുക്കു കഴിഞ്ഞതായും മന്ത്രി പറഞ്ഞു.
പോത്താനിക്കാട് കുടുംബാരോഗ്യ കേന്ദ്രത്തിന്റെ ഉദ്ഘാടനം നിര്വഹിച്ചു സംസാരിക്കുകയായിരുന്നു മന്ത്രി.
ജീവിതശൈലി രോഗിങ്ങളെ നേരിടാന് വലിയ ഉദ്യമത്തിന് ആരോഗ്യവകുപ്പ് തുടക്കമിടുകയാണ്. വരുന്ന മെയ് 17 ന് ജീവിതശൈലി രോഗങ്ങളെ നേരിടാനുള്ള പ്രവര്ത്തനങ്ങളുടെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിക്കും. ജീവിത ശൈലി രോഗത്തിനു ചികിത്സയെക്കാള് പ്രധാനം പ്രതിരോധ ശേഷി വര്ധിപ്പിക്കലാണ്. ഇതിനായി ഒരു ജനകീയ ഇടപെലാണ് ആരോഗ്യവകുപ്പ് ആസൂത്രണം ചെയ്തിട്ടുള്ളത്. ആദ്യഘട്ടത്തില് എല്ലാ നിയോജക മണ്ഡലങ്ങളിലെയും ഓരോ പഞ്ചായത്തില് തുടങ്ങി, മൂന്നു വര്ഷത്തിനുള്ളില് എല്ലാ തദ്ദേശസ്വയംഭരണ സ്ഥാപനങ്ങളിലേക്കും പദ്ധതി വ്യാപിപ്പിക്കും. ആര്ദ്രം മിഷന്റെ പ്രവര്ത്തനങ്ങളെ കൂടുതല് ശക്തമാക്കുമെന്നും മന്ത്രി വ്യക്തമാക്കി.
സംസ്ഥാന സര്ക്കാരിന്റെ നൂറുദിന കര്മ പദ്ധതിയുടെ ഭാഗമായി ആര്ദ്രം പദ്ധതിയില് ഉള്പ്പെടുത്തിയാണ് പോത്താനിക്കാട് പ്രാഥമികാരോഗ്യ കേന്ദ്രത്തിന്റെ സൗകര്യങ്ങള് വര്ധിപ്പിച്ചു കുടുംബാരോഗ്യ കേന്ദ്രമാക്കി ഉയര്ത്തി നാടിനുസമര്പ്പിച്ചത്. കുടുംബാരോഗ്യ കേന്ദ്രമായി ഉയര്ത്തുന്നതിന്റെ ഭാഗമായി ഒ.പി വിഭാഗവും പൊതുജനാരോഗ്യ വിഭാഗവും ലാബും നവീകരിച്ചു.
ദേശീയ ആരോഗ്യമിഷന്റെ 14 ലക്ഷം രൂപയും ബ്ലോക്ക് പഞ്ചായത്ത് വിഹിതമായ 12.5 ലക്ഷം രൂപയും ഉപയോഗിച്ച് ആര്ദ്രം മിഷന് വിഭാവനം ചെയ്ത വിധമാണു നവീകരണ പ്രവര്ത്തനങ്ങള് പൂര്ത്തിയാക്കിയത്.
കുടുംബാരോഗ്യ കേന്ദ്രമായി ഉയര്ത്തിയ മഞ്ഞള്ളൂര് സര്ക്കാര് ആശുപത്രിയും ഓണ്ലൈന് ഉദ്ഘാടനത്തിലൂടെ ആരോഗ്യ മന്ത്രി നാടിനു സമര്പ്പിച്ചു.
ചടങ്ങില് ഡോ.മാത്യു കുഴല്നാടന് എം.എല്.എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് മുഖ്യാതിഥിയായിരുന്ന ചടങ്ങില് ദേശീയ ആരോഗ്യ മിഷന് ജില്ലാ പ്രോഗ്രാം മാനേജര് ഡോ.സജിത്ത് ജോണ് റിപ്പോര്ട്ട് അവതരിപ്പിച്ചു, ബ്ലോക്ക് പഞ്ചായത്ത് പ്രസിഡന്റ് പി.എ.എം ബഷീര്, പോത്താനിക്കാട് പഞ്ചായത്ത് പ്രസിഡന്റ് എന്.എം ജോസഫ്, ജില്ലാ പഞ്ചായത്തംഗം റാണിക്കുട്ടി ജോര്ജ്, ബ്ലോക്ക് പഞ്ചായത്ത് വൈസ് പ്രസിഡന്റ് നിസാമോള് ഇസ്മായില്, ബ്ലോക്ക് പഞ്ചായത്ത് സ്റ്റാന്റിങ് കമ്മിറ്റി അധ്യക്ഷരായ ജെയിംസ് കോറമ്പേല്, ജോമി തെക്കേക്കര, സാലി ഐപ്പ്, പോത്താനിക്കാട് പഞ്ചായത്ത് വൈസ് പ്രസിഡന്റ് ഡോളി സജി, ഗ്രാമ പഞ്ചായത്ത് സ്ഥിരംസമിതി അധ്യക്ഷരായ ആശ ജിമ്മി, ജിനു മാത്യു, മേരി തോമസ്, വാര്ഡ് മെമ്പര്മാരായ വില്സന് ഇല്ലിക്കല്, ഫിജിന അലി, ജോസ് വര്ഗീസ്, ബിസിനി ജിജോ, സജി കെ. വര്ഗീസ്, സുമ ദാസ്, ടോമി ഏലിയാസ്, രാജന് കുമാരന്, ജില്ലാ മെഡിക്കല് ഓഫീസര് (ആരോഗ്യം) ഡോ.വി.ജയശ്രീ, ബ്ലോക്ക് മെഡിക്കല് ഓഫീസര് ബി. ആഷിശ്, പോത്താനിക്കാട് എഫ്.എച്ച്.സി മെഡിക്കല് ഓഫീസര് സുജേഷ് മേനോന്, വിവിധ രാഷ്ട്രീയകക്ഷി പ്രതിനിധികള്, ആശുപത്രി മാനേജ്മെന്റ് കമ്മിറ്റി അംഗങ്ങള്, ഉദ്യോഗസ്ഥര് തുടങ്ങിയവര് യോഗത്തില് പങ്കെടുത്തു.
മഞ്ഞള്ളൂര് കുടുംബരോഗ്യ കേന്ദ്രത്തില്
പ്രാദേശികമായി നടന്ന പൊതുയോഗത്തിന്റെ ഉദ്ഘാടനം മൂവാറ്റുപുഴ ബ്ലോക്ക് പഞ്ചായത്ത് പ്രസിഡന്റ് ജോസ് അഗസ്റ്റിന് നിര്വഹിച്ചു. കേന്ദ്ര സര്ക്കാരിന്റെ പ്രളയ ദുരിതാശ്വാസ ഫണ്ടില് നിന്നുള്ള 50 ലക്ഷവും എം.എല്.എയുടെ ആസ്തിവികസന ഫണ്ടില് നിന്നുള്ള 60 ലക്ഷവും, ദേശീയ ആരോഗ്യമിഷന്റെ വിഹിതവും ഉപയോഗിച്ചാണ് മഞ്ഞള്ളൂര് കുടുംബരോഗ്യ കേന്ദ്രത്തിലെ നിര്മ്മാണ പ്രവര്ത്തനം പൂര്ത്തീകരിച്ചത്.
കുടുംബാരോഗ്യ കേന്ദ്രമായി ഉയര്ത്തിയതോടെ പോത്താനിക്കാട് ആശുപത്രിയിലും മഞ്ഞള്ളൂര് ആശുപത്രിയിലും
ഒ.പി സേവനം രാവിലെ 9 മുതല് വൈകിട്ട് 6 വരെ ഇവിടെ ലഭ്യമാകും. ജീവിതശൈലി രോഗനിര്ണയ നിയന്ത്രണ ക്ലിനിക്കുകള് ഉള്പ്പെടെയുള്ള സേവനങ്ങള് ജനങ്ങള്ക്ക് ഇവിടെനിന്നു ലഭിക്കും.
ചിത്രം : പോത്താനിക്കാട്ട് കുടുംബാരോഗ്യ കേന്ദ്രം നാടിന് സമർപ്പിച്ച് ആരോഗ്യ മന്ത്രി വീണ ജോർജ് സംസാരിക്കുന്നു.
NEWS
ഷീ കൗണ്ടർ പ്രവർത്തനം ആരംഭിച്ചു

കോതമംഗലം: മഹാ പരിശുദ്ധനായ ബസേലിയസ് ബാവയുടെ 332മത് ഓർമ്മ പെരുന്നാൾ കന്നി 20 നോടനുബന്ധിച്ച് വ്യാപാരി വ്യവസായി ഏകോപനസമിതി വനിതാ വിംഗ് കോതമംഗലം
നിയോജക മണ്ഡലം കമ്മറ്റിയുടെ നേതൃത്വത്തിൽ ഷീ കൗണ്ടർ പ്രവർത്തനം തുടങ്ങി. പെരുന്നാളിനെത്തുന്ന വനിതാ തീർത്ഥാടകർക്കായി അടിസ്ഥാന സൗകര്യങ്ങൾ ഒരുക്കാനാണ് പള്ളി കോമ്പൗണ്ടിൽ ഷീ കൗണ്ടർ തുറന്നിട്ടുള്ളത്. കൈ കുഞ്ഞുങ്ങൾ
ആയി വരുന്ന സ്ത്രീകൾ ഉൾപ്പെടെയുള്ള വനിതകൾക്ക് മുഴുവൻ സമയ സേവനങ്ങൾ ഷീ കൗണ്ടറിൽ നിന്നും ലഭിക്കും. മുഴുവൻ സർക്കാർ വകുപ്പുകളുടെയും ഏകോപനം ഷീ കൗണ്ടറിൽ നിന്നും ലഭിക്കും. ഇതോടെപ്പം ഗ്രീൻ പ്രോട്ടോക്കോൾ പ്രകാരം തുണി സഞ്ചികളും വിതരണം ചെയ്യും.
ഷീ കൗണ്ടർ എൽ എ ആന്റണി ജോണും തഹിദാർ റേച്ചൽ കെ വറുഗീസും ചേർന്ന് ഉത്ഘാടനം ചെയ്തു. നഗരസഭ പ്രതിക്ഷ നേതാവ് എ.ജി.ജോർജ്ജ് കൗൺസിലർ കെ വി തോമസ്,.വ്യാപാരി വ്യവസായി ഏകോപനസമിതി ടൗൺ യൂണിറ്റ് പ്രസിഡന്റ് എൽദോസ് വർഗീസ്, സെക്രട്ടറി മൈതീൻ ഇഞ്ചക്കുടി, ചെറിയ പ്പള്ളി വികാരി ഫാ.ജോസ് പരുത്തുവയലിൽ, ട്രസ്റ്റി ബിനോയ് മണ്ണച്ചേരി,വ്യാപാരി വ്യവസായി ഏകോപനസമിതി നിയോജക മണ്ഡലം പ്രസിഡന്റ് ആശാ ലില്ലി തോമസ്, സെക്രട്ടറി മേരി പൗലോസ്, ട്രഷറാർ റിൻസി ബിനോയ് , ജില്ലാ സെക്രട്ടറിയേറ്റ് അംഗം ജെസി മോൾ ജോസ്, യുത്ത് വിങ്ങ് നിയോജകമണ്ഡലം പ്രസിഡന്റ് ഷംജൽ പി എം,
ബിന്ദു റാണി , ഷീജാ സജി , ഫൗസിയാ ജമാൽ , നമിന ഷാഹിദ്, അനിതാ രജിത്ത്, ഷീല മനോജ്, ശ്രീനാ വിനോദ്, മോൻ സി , ഗിരിജാ അനീഷ് തുടങ്ങിയവർ പങ്കെടുത്തു.
NEWS
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.

കോതമംഗലം : കോതമംഗലം നഗരത്തിലെ വിവിധ ഹോട്ടലുകളിൽ പഴകിയ ഭക്ഷണസാധനങ്ങൾ വീണ്ടും ചൂടാക്കി വിൽപ്പന നടത്തുന്നതായും വ്യത്തിഹീനമായ സാഹചര്യമാണ് പലയിടത്തുമെന്ന പരാതി ഉയർന്ന സാഹചര്യത്തിൽ കോതമംഗലം ഹെൽത്ത് വിഭാഗം പരിശോധന നടത്തി. പരിശോധനയിൽ വിവിധ സ്ഥാപനങ്ങളിൽ നിന്നും പഴകിയ ഭക്ഷണസാധനങ്ങൾ പിടിച്ചെടുത്തു.
കഫേ മനാര, എടപ്പന ഹോട്ടൽ, ഡിലൈറ്റ് ബേക്കറി ആൻഡ് റെസ്റ്റോറന്റ്, എറിൻസ് പാർക്ക് എന്നിവിടങ്ങളിൽ നിന്നാണ് പഴകിയ ഭക്ഷണസാധനങ്ങൾ പിടിച്ചെടുത്തത്. ഭക്ഷണസാധനങ്ങൾ ഹെൽത്ത് വിഭാഗം നശിപ്പിക്കുകയും സ്ഥാപന ഉടമകൾക്ക് നോട്ടീസ് നൽകുകയും ചെയ്തു. നഗരത്തിലെ ചില ഹോട്ടലുകളും രാത്രികാലങ്ങളിൽ പ്രവർത്തിക്കുന്ന ചില തട്ടുകടകളും വൃത്തിഹീനമായ സാഹചര്യത്തിലാണ് പ്രവർത്തിക്കുന്നത്. ഓടകൾക്കു മുകളിൽ പോലും പ്രവർത്തിക്കുന്ന തട്ടുകടകളുണ്ട്. പാചകം ചെയ്യുന്ന പാത്രങ്ങൾ അടക്കം വ്യത്തിയാക്കുന്നതിന് ആവശ്യമായ വെള്ളം പോലും പലയിടത്തുമില്ല. പഴകിയ എണ്ണ വീണ്ടും ഉപയോഗിച്ച് പാചകം ചെയ്യുന്നതായും പരാതിയുണ്ട്. കണ്ടാൽഅറപ്പു തോന്നുന്ന പഴകിയ പാത്രങ്ങളാണ് പലയിടത്തും ഉപയോഗിക്കുന്നത്. മഴക്കാലമായതോടെ ചെളിയും ഭക്ഷണ അവശിഷ്ടങ്ങളും നീക്കം ചെയ്യാതെയാണ് പലയിടത്തും ഭക്ഷണ വിതരണം.
കോതമംഗലം മാർ തോമ ചെറിയ പള്ളിയിലെ കന്നി 20 പെരുന്നാൾ ആരംഭിച്ചതോടെ നഗരത്തിൽ വൻ തിരക്കാണ് അനുഭവപ്പെടുന്നത്. ഒക്ടോബർ 4 ന് പെരുന്നാൾ അവസാനിക്കുംവരെ പെരുന്നാളിൽ പങ്കെടുക്കാൻ വിശ്വാസികളായ പതിനായിരങ്ങൾ എത്തിച്ചേരും. ശുദ്ധമായ വെള്ളവും ഭക്ഷണവും വിതരണം ചെയ്യണമെന്നും നഗരം വ്യത്തിഹീനമാകാതിരിക്കാൻ ഗ്രീൻ പ്രോട്ടോക്കോൾ പാലിക്കണമെന്ന് നഗരസഭാധികൃതരടക്ക മുള്ളവർ നിർദേശം നൽകിയിട്ടുണ്ട്.
ഹോട്ടലുകളിലും സ്ഥാപനങ്ങളിലും കർശനമായ പരിശോധനയും ബന്ധപ്പെട്ട വകുപ്പുകളുടെ നിരീക്ഷണവും പെരുന്നാൾ പ്രമാണിച്ച് നഗരത്തിലുണ്ടാകും.
NEWS
ഇളങ്ങവം സ്കൂളിൽ വർണ്ണകൂടാരം പദ്ധതി:ആന്റണി ജോൺ എംഎൽഎ ഉദ്ഘാടനം ചെയ്തു

\കോതമംഗലം : വാരപ്പെട്ടി ഇളങ്ങവം ഗവ ഹൈടെക് എൽ പി സ്കൂളിൽ പ്രീ പ്രൈമറി സ്റ്റാർസ് വർണ്ണകൂടാരം പദ്ധതിയുടെ ഭാഗമായി നിർമ്മിച്ച പാർക്കിന്റെയും പ്രീ പ്രൈമറി ക്ലാസ്സ് സജ്ജീകരണങ്ങളുടെയും നവീകരിച്ച സ്കൂൾ ഗ്രൗണ്ടിന്റെയും ഉദ്ഘാടനം ആന്റണി ജോൺ എം എൽ എ നിർവഹിച്ചു. പഞ്ചായത്ത് പ്രസിഡന്റ് പി കെ ചന്ദ്ര ശേഖരൻ നായർ അധ്യക്ഷത വഹിച്ചു. 24 ലക്ഷം രൂപ ചിലവഴിച്ചാണ് നിർമ്മാണ പ്രവർത്തനങ്ങൾ പൂർത്തീകരിച്ചത്. ചടങ്ങിൽ ജില്ലാ പഞ്ചായത്ത് വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ റാണിക്കുട്ടി ജോർജ്, പഞ്ചായത്ത് വൈസ് പ്രസിഡന്റ് ബിന്ദു ശശി, ബ്ലോക്ക് പഞ്ചായത്തംഗം ഡയാന നോബി, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ എം സെയ്ത്, വികസന കാര്യ സ്റ്റാൻഡിങ് കമ്മിറ്റി ചെയർമാൻ എം എസ് ബെന്നി, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ദീപ ഷാജു, മെമ്പർമ്മാരായ ദിവ്യ സലി, പ്രിയ സന്തോഷ്, ഷജി ബെസ്സി, ബി ആർ സി ബ്ലോക്ക് പ്രൊജക്റ്റ് കോ ഓർഡിനേറ്റർ സജീവ് കെ ബി, എ ഇ ഒ സീനിയർ സൂപ്രണ്ട് ഷാജി ചാക്കോ, പഞ്ചായത്ത് സെക്രട്ടറി എം എ ഷംസുദ്ദീൻ എന്നിവർ സംബന്ധിച്ചു. ഹെഡ്മിസ്ട്രസ് ഷെർമി ജോർജ് സ്വാഗതവും എസ് എം സി ചെയർമാൻ സീമോൻ സി എസ് നന്ദിയും രേഖപ്പെടുത്തി.
-
CRIME4 days ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS7 days ago
അഭിമാന നേട്ടവുമായി കോതമംഗലം സ്വദേശി: ബ്രിട്ടനിൽ ഗവേഷണത്തിന് 1.5 കോടിയുടെ സ്കോളർഷിപ്പ്
-
NEWS19 hours ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME5 days ago
കോതമംഗലത്ത് വൻ ചീട്ടുകളി സംഘം പിടിയിൽ
-
CRIME7 days ago
ഏഴാന്തറ കാവിലെ ഭണ്ഡാരം മോഷ്ടിച്ച പ്രതി അറസ്റ്റിൽ
-
CRIME7 days ago
നിയമപരമല്ലാത്ത രീതിയില് മദ്യവില്പ്പന: പുതുപ്പാടി സ്വദേശി എക്സൈസ് പിടിയില്
-
NEWS1 week ago
ആലുവ – കോതമംഗലം നാല് വരിപ്പാത: റവന്യൂ മന്ത്രി കെ.രാജന് 5000 പേർ ഒപ്പിട്ട നിവേദനം നൽകി.
-
NEWS1 week ago
നെല്ലിക്കുഴി പഞ്ചായത്തില് സെക്രട്ടറിയും വാര്ഡ് മെമ്പറും തമ്മില് അസഭ്യവര്ഷം