Connect with us

Hi, what are you looking for?

NEWS

വൈദ്യുത പോസ്റ്റ് സ്ഥാപിക്കാനെടുത്ത കുഴിയില്‍ വീണ് വയോധികനു ദാരുണാന്ത്യം.

കോതമംഗലം : റോഡില്‍ വൈദ്യുത പോസ്റ്റ് സ്ഥാപിക്കാനെടുത്ത കുഴിയില്‍ വീണ് വയോധികന് ദാരുണാന്ത്യം. പുളിന്താനം പുഞ്ചിറക്കുഴിയില്‍ മാത്യു കോരയെയാണ് മരിച്ച നിലയില്‍ കണ്ടെത്തിയത്. പോത്താനിക്കാട് കക്കടാശ്ശേരി കാളിയാര്‍ റോഡില്‍ പുളിന്താനം ഗവ യു പി സ്‌കൂളിന് സമീപം വൈദ്യുത പോസ്റ്റ് സ്ഥാപിക്കാനായി എടുത്തിരുന്ന കുഴിയില്‍ വീണാണ് വയോധികന്‍ മരിച്ചത്. സമീപത്തെ ചായക്കടയില്‍ നിന്നും രാവിലെ ചായ കുടിച്ച് വീട്ടിലേക്ക് മടങ്ങുന്ന വഴി കുഴിയില്‍ വീഴുകയായിരുന്നുവെന്ന് കരുതുന്നു. റോഡിലൂടെ പോയ സ്‌കൂട്ടര്‍ യാത്രികരായ യുവാക്കളാണ് കുഴിക്ക് മുകളിലായി ഒരു കാല്‍ കണ്ട് സമീപവാസികളെ വിവരം അറിയിച്ചത്. നാട്ടുകാര്‍ ചേര്‍ന്ന് കരയ്‌ക്കെടുത്തപ്പോഴേയ്ക്കും മരണം സംഭവിച്ചിരുന്നു.

തലകീഴായി കമിഴ്ന്ന് കിടക്കുന്ന നിലയിലാണ് മൃതദേഹം കണ്ടെത്തിയത്. മൃതദേഹം മൂവാറ്റുപുഴ താലൂക്ക് ആശുപത്രി മോര്‍ച്ചറിയില്‍. വെള്ളിയാഴ്ച പോസ്റ്റ് മോര്‍ട്ടത്തിനു ശേഷം പുളിന്താനം സെന്റ് ജോണ്‍സ് ബസ്ഫാഗെ യാക്കോബായ പള്ളിയില്‍ സംസ്‌കരിക്കും. ഭാര്യ: തളിയിച്ചിറയില്‍ മറിയാമ്മ. മക്കള്‍: വറുഗീസ്, പരേതനായ ജോണി, ലീല, പരേതയായ സജി. മരുമക്കള്‍: മാറാടി കുന്നപ്പിള്ളില്‍ ചിന്നമ്മ, മാവുടി വണ്ടാനത്ത് സാറാക്കുട്ടി, കുന്നയ്ക്കല്‍ പാറക്കാട്ട് ചാക്കോ, ഊന്നുകല്‍ ഒടുവേലില്‍ റാണി.

ODIVA
വൈദ്യുതി വകുപ്പ് ഉദ്യോഗസ്ഥരുടെ അനാസ്ഥയാണ് വയോധികന്റെ ദാരുണാന്ത്യത്തിന് കാരണമെന്ന് നാട്ടുകാര്‍ ആരോപിച്ചു. പറമ്പഞ്ചേരി മുതല്‍ പുളിന്താനം വരെ 11 കെ വി ലൈന്‍ മാറ്റി സ്ഥാപിക്കാന്‍ രണ്ടാഴ്ചയിലേറെയായി വലിയ കുഴികള്‍ റോഡിനരുകില്‍ എടുത്തിരുന്നു. ഇതുവരെ പോസ്റ്റുകള്‍ സ്ഥാപിക്കുകയോ അപകട മുന്നറിയിപ്പായി കുഴികളുടെ വശങ്ങളില്‍ ഒന്നും സ്ഥാപിക്കുകയോ ചെയ്തിട്ടില്ല.

You May Also Like

CRIME

പോത്താനിക്കാട്: പോത്താനിക്കാട് വീടിന് തീവച്ച കേസിൽ പ്രതി അറസ്റ്റിൽ . പൈങ്ങോട്ടൂർ ആയങ്കര പറക്കാട്ട് വീട്ടിൽ ബേസിൽ ബെന്നി (22) യെയാണ് പോത്താനിക്കാട് പോലീസ് അറസ്റ്റ് ചെയ്തത്. തൃക്കേപ്പടി ഭാഗത്തുള്ള പോഞ്ചാലി ശിവന്റെ വീടിനാണ്...

NEWS

പോത്താനിക്കാട്: പോത്താനിക്കാട് സ്വദേശിയെ യുഎഇയില്‍ മരിച്ചനിലയില്‍ കണ്ടെത്തി. യുഎഇ ഉമ്മുല്‍ഖുവൈനിലെ താമസസ്ഥലത്താണ് പോത്താനിക്കാട് മറ്റത്തില്‍ ആല്‍ബിന്‍ സ്‌കറിയയെ (38) വ്യാഴാഴ്ച രാവിലെ മരിച്ചനിലയില്‍ കണ്ടെത്തിയത്. മൃതദേഹം ഉമ്മുല്‍ഖുവൈന്‍ ഷെയ്ഖ് ഖലീഫ ആശുപത്രി മോര്‍ച്ചറിയില്‍...

CRIME

പോത്താനിക്കാട് : അമ്പലത്തിലെ ഭണ്ഡാരമോഷ്ടാവ് അറസ്റ്റിൽ . പോത്താനിക്കാട് മാവുടി അപ്പക്കൽ വീട്ടിൽ പരീത് (അപ്പക്കൽ പരീത് 59) നെയാണ് പുത്തൻകുരിശ് പോലീസ് അറസ്റ്റ് ചെയ്തത്. തിരുവാണിയൂർ കുംഭ പ്പിള്ളി അമ്പലം, മോനിപ്പിള്ളി...

CRIME

പോത്താനിക്കാട് : നിരന്തര കുറ്റവാളിയെ കാപ്പ ചുമത്തി ജയിലിലടച്ചു. മുവാറ്റുപുഴ ആവോലി തലപ്പിള്ളി വീട്ടിൽ അമൽരാജ് (31) നെയാണ് കാപ്പ ചുമത്തി വിയ്യൂർ സെൻട്രൽ ജയിലിലടച്ചത്. ഓപ്പറേഷൻ ഡാർക്ക് ഹണ്ടിന്റ ഭാഗമായി ജില്ലാ...