കോതമംഗലം: പിണ്ടിമന പഞ്ചായത്തിലെ ചെങ്കര മുതൽ പിണ്ടിമന പഞ്ചായത്ത് കാര്യലയം സ്ഥിതി ചെയ്യുന്ന മുത്തംകുഴിവരെയുള്ള പെരിയാർവാലി മെയിൻ കനാൽ ബണ്ട് റോഡ് പൊട്ടിപൊളിഞ്ഞ് തകർന്ന് കിടക്കുവാൻ തുടങ്ങിയിട്ട് നാളുകൾ ഏറെയായി.ദിവസേന നൂറുകണക്കിന് വാഹനങ്ങളും, സ്കൂൾ കോളേജു വിദ്യാർത്ഥികൾ ഉൾപ്പെടെയുള്ള ആളുകൾ സഞ്ചരിക്കുന്ന ഒരു റോഡാണ് അധികൃതർ അവഗണിച്ചിരിക്കുന്നത്. ഭുതത്താൻകെട്ട്, ഇടമലയാർ, തട്ടേക്കാട് ,ഇഞ്ചതൊട്ടി എന്നി വിനോദ സഞ്ചാര മേഖലയിലേക്ക്, കനാലിലൂടെ ഒഴുകുന്ന വെള്ളത്തിൻ്റെ ഭംഗിയും, ഗ്രാമിണസൗന്ദര്യവും ഒക്കെ ആസ്വാദിച്ച് എളുപ്പത്തിൽ എത്തിച്ചേരുവാൻ സാധിക്കുന്ന ഒരു റോഡുകുടിയാണിത്.
കാലാകാലങ്ങളിൽ അറ്റകുറ്റപണികൾ നടത്തത്തതാണ് റോഡ് തകർന്നടിയാൻ കാരണമായത്. രാത്രി കാലങ്ങളിൽ ഇരുചക്രവാഹനങ്ങളിൽ സഞ്ചരി ക്കുന്ന പലരും ഈ മരണക്കുഴിയിൽ വീണിട്ടുണ്ട്. ചിലർ കനാലിലേക്കും തെറിച്ച് വീണ സംഭവങ്ങൾ ഉണ്ട്. റോഡ് എത്രയും വേഗം സഞ്ചാരയോഗ്യമാക്കണമെന്നാണ് പ്രദേശവാസികളുടെ ആവശ്യം.
