Connect with us

Hi, what are you looking for?

NEWS

പെരിയാര്‍വാലി കനാല്‍ തുറന്നെങ്കിലും ബ്രാഞ്ച് കനാലുകളില്‍ വെള്ളമെത്തിയില്ല

കോതമംഗലം: പെരിയാര്‍വാലി ബ്രാഞ്ച് കനാലുകളില്‍ വെള്ളമെത്തിയില്ല. കുടിവെള്ള സ്രോതസുകള്‍ വറ്റി വരളുന്നു. പെരിയാര്‍വാലിയുടെ ബ്രാഞ്ച് കനാലിലെ വെള്ളമാണ് അമ്പലപ്പറമ്പ്, വായനശാലപ്പടി, കുത്തുകുഴി, മാരമംഗലം തുടങ്ങിയ പ്രദേശങ്ങളെ ജലസമൃദ്ധമാക്കുന്നത്. കിണറുകളിലും കുളങ്ങളിലുമെല്ലാം നീരുറവയുണ്ടാകാന്‍ കനാലില്‍ വെള്ളമൊഴുകണം. എന്നാല്‍ കനാല്‍ ഇപ്പോള്‍ വറ്റിവരണ്ടുകിടക്കുകയാണ്. അതിനാല്‍ ഈ പ്രദേശങ്ങളിലെല്ലാം കടുത്ത ജലക്ഷാമം അനുഭവപ്പെടുന്നു. കിണറുകളില്‍ വെള്ളമില്ല. പാചകത്തിനോ, മറ്റ് വീട്ടാവശ്യങ്ങള്‍ക്കോ വെള്ളം കിട്ടുന്നില്ലെന്ന് നാട്ടുകാര്‍ പറഞ്ഞു.

വെള്ളമുള്ള കിണറുകള്‍ തേടിപ്പിടിച്ച് വെള്ളം ശേഖരിക്കുകയാണ് പ്രദേശത്തെ വീട്ടമ്മാര്‍.ചിലര്‍ പണംകൊടുത്ത് വെളളം വാങ്ങുന്നു. ഇത്രയും വലിയ ജലക്ഷാമം ആദ്യമായിട്ടാണെന്നും നാട്ടുകാര്‍ പറയുന്നു. ബ്രാഞ്ച് കനാല്‍ തുറന്നെങ്കിലും കാടും മാലിന്യങ്ങളും മൂലം അവസാന ഭാഗങ്ങളിലേക്ക് വെള്ളം ഒഴുകിയെത്തുന്നില്ല. ഇത്തരമൊരു സാഹചര്യം മുന്നില്‍കണ്ട് കനാല്‍ ശുചീകരിക്കാത്തതാണ് നാട്ടുകാരെ ബുദ്ധിമുട്ടിലാക്കിയത്. പെരിയാര്‍വാലി അധികാരികളോട് പലതവണ പരാതി അറിയിച്ചിട്ടും ഒരു നടപടിയുമുണ്ടാകുന്നില്ല. അധികാരികള്‍ ഇടപെട്ട് എത്രയുംവേഗം ജലക്ഷാമം പരിഹരിക്കണമെന്ന് നാട്ടുകാര്‍ ആവശ്യപ്പെട്ടു.

You May Also Like

NEWS

തടത്തിക്കവല :എൽ ഡി എഫ് സ്ഥാനാർഥി ജോയ്സ് ജോർജിന്റെ കോതമംഗലം, മൂവാറ്റുപുഴ മണ്ഡലങ്ങളിലെ അവസാനഘട്ട പര്യടനത്തിന് തടത്തിക്കവലയിൽ തുടക്കം. പച്ചക്കറി തൈകളും അമ്പും വില്ലും നൽകി ജോയ്സ് ജോർജിനെ പ്രവർത്തകർ സ്വീകരിച്ചു. രാജ്യത്ത്...

NEWS

കോതമംഗലം: പ്രാര്‍ത്ഥനയോടെ വോട്ടവകാശം വിനിയോഗിക്കേണ്ടത് കാലഘട്ടത്തിന്റെ ആവശ്യമെന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. കോതമംഗലം രൂപത പാസ്റ്റല്‍ കൗണ്‍സില്‍ സമ്മേളനം മൂവാറ്റുപുഴ നെസ്റ്റ് പാസ്റ്ററല്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ആധുനിക...

NEWS

പൈങ്ങോട്ടൂർ: ബസ് ഉടമയെ ആക്രമിച്ച കേസിൽ ഒരാൾ അറസ്റ്റിൽ. കടവൂർ പൈങ്ങോട്ടൂർ കൊമ്പനാൽ വീട്ടിൽ ജോമേഷ് (40) നെയാണ് പോത്താനിക്കാട് പോലീസ് അറസ്റ്റ് ചെയ്തത്. 20 ന് വെകീട്ട് പൈങ്ങോട്ടൂർ ഗാന്ധി സ്ക്വയറിന്...

NEWS

മൂവാറ്റുപുഴ: പാലക്കുഴയില്‍ ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസ് തീയിട്ട് നശിപ്പിച്ച നിലയില്‍. പഞ്ചായത്ത് കമ്മറ്റി നിര്‍മ്മിച്ച ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസാണ് ഇന്നലെ രാത്രിയില്‍ തീയിട്ട് നശിപ്പിച്ചത്. ഇന്നലെ രാത്രിയിലും പ്രവര്‍ത്തകരെത്തി സജീവമായിരുന്ന...