കോതമംഗലം: കുറച്ചു ദിവസങ്ങൾക്ക് മുൻപാണ് ലോക്ക്ഡൗണിൽ ദുരിതം അനുഭവിക്കുന്ന രോഗികൾക്ക് കെ പി സി സി വൈസ് പ്രസിഡന്റ് ജോസഫ് വാഴയ്ക്കൻ മരുന്നു വിതരണം ചെയ്യുന്ന പരിപാടി അദേഹത്തിന്റെ ഫേസ്ബുക്ക് പേജിലൂടെ അറിയിച്ചത് . ആ പോസ്റ്റ് കണ്ടപ്പോഴാണ് വാടാട്ടുപറ കോൺഗ്രസ്സ് മണ്ഡലം പ്രസിഡന്റ് റോയ് ഇ സി, നാട്ടുക്കാരി കൂടിയായ കോതമംഗലം സ്വദേശിയായ കിഡ്നി രോഗിയുടെ കാര്യം പോസ്റ്റിനടിയിൽ കമന്റ് ചെയ്യുന്നത്. ബധിരരും മൂകരുമായ അവർക്ക് രണ്ട് പെൺകുട്ടികളാണെന്ന സാഹചര്യം കൂടി അറിയിക്കുകയുണ്ടായി. കമന്റ് കണ്ട പ്രിയ വാഴക്കൻ അദേഹത്തെ വിളിക്കുകയും കാര്യങ്ങൾ തിരക്കുകയും ചെയ്തു. മൂവാറ്റുപുഴയിലും, കോതമംഗലത്തും ലഭിക്കാത്ത മരുന്നു കോട്ടയത്ത്‌ നിന്നും വാങ്ങി എത്തിച്ചു നൽകി. കോൺഗ്രസ്‌ ബ്ലോക്ക് പ്രസിഡന്റ് എബി എബ്രഹാം വഴി രോഗിക്ക് മരുന്നു കൈമാറാൻ സാധിച്ചു.
അദ്ദേഹത്തിന്റെ നിർദ്ദേശ പ്രകാരം മരുന്നും പച്ചക്കറി ഭക്ഷ്യധന്യ കിറ്റുകളും വടാട്ടുപാറ ചക്കിമേട് കുടുംബത്തിന്റെ വസതിയിൽ വച്ച് കൈമാറി കോൺഗ്രസ്‌ കവളങ്ങാട് ബ്ലോക്ക് കോൺഗ്രസ്‌ എബി എബ്രഹാം, വടാട്ടുപാറ കോൺഗ്രസ്‌ മണ്ഡലം പ്രസിഡന്റ് പി സി റോയ് യൂത്ത് കോൺഗ്രസ്‌ നേതാക്കൾ ആയ കെ എ സിബി, റഫീക്ക് വെണ്ടുവഴി, എൽദോസ് വടാട്ടുപാറ, ബേസിൽ തണ്ണിക്കോട്, കോൺഗ്രസ്‌ ബൂത്ത്‌ പ്രസിഡന്റ് പി വി കുഞ്ഞച്ചൻ എന്നിവർ പങ്കെടുത്തു.
