കോതമംഗലം :പിണ്ടിമന അയിരൂർ പാടത്ത് കനാൽ ബണ്ട് സംരക്ഷണ ഭിത്തിയുടെയും, റോഡ് സംരക്ഷണ ഭിത്തിയുടെയും സുരക്ഷാ വേലിയുടെയും നിർമ്മാണത്തിനായി 30 ലക്ഷം രൂപ അനുവദിച്ചതായി ആന്റണി ജോൺ എം എൽ എ അറിയിച്ചു.എം എൽ എ ആസ്തി വികസന ഫണ്ടിൽ നിന്നുമാണ് തുക അനുവദിച്ചിട്ടുള്ളത്. ഹൈലെവൽ കനാലിന്റെ 1/200 കിലോമീറ്ററിൽ ആണ് സംരക്ഷണ ഭിത്തികളുടെയും സുരക്ഷാ വേലിയുടെയും പ്രവർത്തികൾ നിർവഹിക്കുന്നത്.ദീർഘകാലം ആയിട്ടുള്ള ചോർച്ചയ്ക്കും അപകടങ്ങൾക്കും പരിഹാരമാകുന്നതോടെ ബണ്ടിന് താഴെയുള്ള കളിസ്ഥലത്തുള്ള വെള്ളക്കെട്ടിനും ചെളിക്കെട്ടിനും പരിഹാരമാകും.ടെണ്ടർ നടപടികൾ വേഗത്തിൽ പൂർത്തീകരിച്ച് നിർമ്മാണ പ്രവർത്തനങ്ങൾ ആരംഭിക്കുമെന്ന് എം എൽ എ പറഞ്ഞു.
