കോതമംഗലം : കാർഷിക വികസന കർഷക ക്ഷേമ വകുപ്പിൻ്റെ ഞങ്ങളും കൃഷിയിലേക്ക് പദ്ധതി പ്രകാരം പിണ്ടിമന കൃഷിഭവൻ്റെ നേതൃത്വത്തിൽ ചേലാട് ഗവ.യു.പി സ്കൂളിൽ പച്ചക്കറി കൃഷിക്ക് തുടക്കം കുറിച്ചു. ബ്ലോക്ക് പഞ്ചായത്ത് പ്രസിഡൻ്റ് പി.എ.എം ബഷീർ കുട്ടികൾക്ക് പച്ചക്കറിതൈകൾ വിതരണം ചെയ്തു കൊണ്ട് പദ്ധതിയുടെ ഉത്ഘാടനം നടത്തി.പഞ്ചായത്തിലെമുഴുവൻ സ്കുൾ കുട്ടികൾക്കും നൽകുന്ന പച്ചക്കറിവിത്തുകളുടെയും, ഞങ്ങളും കൃഷിയിലേക്ക് പദ്ധതിയുടെ ബോധവത്കരണത്തിൻ്റെ ഭാഗമായി കുട്ടികൾക്കായി പ്രസിദ്ധീകരിച്ച നെയിംസ്ലിപ്പുകളുടെയും,മുഴുവൻസ്കൂളുകൾക്കുംഒരുവർഷത്തേക്ക്സൗജന്യമായിനൽകുന്നകേരളകർഷകൻ
മാസികകളുടേയും വിതരണ ഉത്ഘാടനവും ഇതിനോടനുബന്ധിച്ച് ബ്ലോക്ക് പഞ്ചായത്ത് പ്രസിഡൻ്റ് നിർവ്വഹിച്ചു.

പഞ്ചായത്ത് പ്രസിഡൻ്റ് ജെസ്സി.സാജു അദ്ധ്യക്ഷത വഹിച്ച ചടങ്ങിൽ സ്ഥിരം സമിതി അദ്ധ്യക്ഷമരായ സിബി പോൾ, മേരി പീറ്റർ, ബ്ലോക്ക് മെമ്പർ ലിസ്സി.ജോസഫ്, ഗ്രാമ പഞ്ചായത്തംഗങ്ങളായ ലത ഷാജി, എസ്.എം.അലിയാർ, സിജി ആൻ്റണി, ലാലി ജോയി, ബി.പി.സി സജീവ്,അദ്ധ്യാപകരായ ലിജി.വി.പോൾ, ഷിജി ഡേവിഡ്, ദീപൻ വാസു, ബി.രശ്മി, എ.കെ. ദിവ്യമോൾ, പി.റ്റി.എ പ്രസിഡൻ്റ് അനീഷ് തങ്കപ്പൻ, കാർഷിക വികസന സമിതിയംഗങ്ങൾ, കുട്ടികൾ എന്നിവർ പങ്കെടുത്തു.കൃഷി ഓഫീസർ ഇ.എം.അനീഫ പദ്ധതി വിശദീകരണം നടത്തി.സ്കൂൾ എച്ച്.എം വി.കെ അജിത സ്വാഗതവും, കൃഷി അസിസ്റ്റൻ്റ് വി.കെ.ജിൻസ് നന്ദിയും പറഞ്ഞു. പഞ്ചായത്തിലെ മുഴുവൻ സ്കുളുകളിലും ഞങ്ങളും കൃഷിയിലേക്ക് പദ്ധതി പ്രകാരം പച്ചക്കറി കൃഷി വ്യാപിപ്പിക്കാനാണ് പിണ്ടിമന കൃഷിഭവൻ്റെ ലക്ഷ്യം.

കോതമംഗലം : കൃഷിയുടെ നല്ല പാഠം രചിക്കാൻ ഒരുങ്ങുകയാണ് കോതമംഗലം എം. എ. ഇന്റർനാഷണൽ സ്കൂളിലെ വിദ്യാർത്ഥികൾ.ഞങ്ങളും കൃഷിയിലേക്ക് പദ്ധതിയുടെ ഭാഗമായി നൂറോളം വിദ്യാർത്ഥികളാണ് കൃഷിയിലേക്ക് ചുവടുവച്ചത്. കുട്ടിക്കൃഷിക്കൂട്ടം വഴി സ്കൂൾ അങ്കണത്തിലുള്ള കൃഷി കൂടാതെ ലഭ്യമായ സ്ഥലത്തെല്ലാം ഗ്രോബാഗുകളിൽ കൃഷി ചെയ്യാനാണ് ലക്ഷ്യമിടുന്നത്. കാർഷിക ക്ലബ് രൂപീകരണവും തൈ നടീൽ ഉദ്ഘാടനവും കോതമംഗലം കൃഷി അസിസ്റ്റൻ്റ് ഡയറക്ടർ വി.പി സിന്ധു ഉദ്ഘാടനം ചെയ്തു. യോഗത്തിൽ സ്കൂൾ പ്രിൻസിപ്പാൾ അനിതാ ജോർജ് അദ്ധ്യക്ഷയായി. ക്ലബ്ബിലെ വിദ്യാർത്ഥികളെ വിവിധ ബാച്ചുകളായി തിരിച്ച് മത്സരാടിസ്ഥാനത്തിൽ കൃഷി നടത്താനുള്ള നടപടികൾ സ്വീകരിക്കും.

വെണ്ട,പയർ,മുളക്, ചീര,മത്തൻ, വെള്ളരി, തക്കാളി, വഴുതന തുടങ്ങി എല്ലാ ഇനങ്ങളും കൃഷി ചെയ്യും. ഇതു വഴി ഉൽപ്പാദിപ്പിക്കുന്ന പച്ചക്കറികൾ കുട്ടികളുടെ ഉച്ചഭക്ഷണത്തിന് ഉപയോഗപ്പെടുത്താനാണ് ഉദ്ദേശിക്കുന്നത് എന്ന് പ്രിൻസിപ്പൽ അറിയിച്ചു. കോതമംഗലം കൃഷിഭവൻ്റെ നേതൃത്വത്തിലായിരിക്കും കാർഷിക ക്ലബ്ബിലെ പ്രവർത്തനങ്ങൾ നടപ്പിലാക്കുക. പ്രകൃതിയെ സ്നേഹിക്കാനും കാർഷിക മേഖലയ്ക്ക് വിദ്യാർത്ഥികൾ വഴി പുത്തനുണർവ്വ് നൽകാനും, പച്ചക്കറികൾ വീടുകളിൽത്തന്നെ ഉൽപ്പാദിപ്പിച്ച് മാതൃകയാവാനും ഉദ്ഘാടന പ്രസംഗത്തിൽ കൃഷി അസിസ്റ്റൻ്റ് ഡയറക്ടർ അറിയിച്ചു.

കോതമംഗലം: കവളങ്ങാട് കൃഷിഭവൻ്റെയും ഗ്രാമ പഞ്ചായത്തിൻ്റെയും ആഭിമുഖ്യത്തിൽ പഞ്ചായത്തിലെ ട്രൈബൽ വിഭാഗത്തിലുള്ള കർഷകരെ ഉൾപ്പെടുത്തി കാർഷിക പഠനയാത്ര സംഘടിപ്പിച്ചു. കൃഷി വകുപ്പ് ആത്മയുടെ പ്രത്യേക ഘടകപദ്ധതിയിൽ ഉൾപ്പെടുത്തിയാണ് പഠനയാത്ര സംഘടിപ്പിച്ചത്.സംസ്ഥാന സർക്കാരിൻ്റെ ഞങ്ങളും ക്യഷിയിലേക്ക് എന്ന പദ്ധതിയുടെ ഭാഗമായി എല്ലാ വിഭാഗം ജനങ്ങളെയും കാർഷിക മുഖ്യധാരയിലേക്ക് കൊണ്ടുവരിക എന്ന ലക്ഷ്യത്തോടെയാണ് പദ്ധതി നടപ്പിലാക്കുന്നത്.സംയോജിത കൃഷി , നൂതന കാർഷിക രീതികൾ പ്രാവർത്തികമാക്കിയിട്ടുള്ള അടിമാലി, മൂന്നാർ എന്നിവങ്ങളിലെ കൃഷിയിടങ്ങൾ സംഘം സന്ദർശിക്കും.

നേര്യമംഗലം ടൗണിൽ സംഘടിപ്പിച്ച ചടങ്ങിൽ പഞ്ചായത്ത് വൈസ് പ്രസിഡൻറ് ജിൻസിയ ബിജു യാത്ര ഫ്ളാഗ് ഓഫ് ചെയ്തു കൊണ്ട് ഉത്ഘാടനം ചെയ്തു.ബാബു എ എൻ, ശോഭ തങ്കപ്പൻ, പ്രമോട്ടർ അഞ്ചുമോൾ ഭാസ്കരൻ, ഷിബു കെ.കെ, കൃഷി ഓഫീസർ സജി കെ.എ, അസിസ്റ്റൻറ് കൃഷി ഓഫീസർ സാജു കെ.സി, കൃഷി അസിസ്റ്റൻ്റുമാരായ ദീപ വി കെ, വിനീഷ് പി.എൻ, രജ്ഞിത്ത് തോമസ് എന്നിവർ സംസാരിച്ചു.