Connect with us

EDITORS CHOICE

ക്വാറൻ്റൈനിൽ പോകേണ്ടി വരുന്നവർക്ക് ഇന്ത്യക്കകത്തും പുറത്തും ആധുനിക സൗകര്യങ്ങൾ ഒരുക്കി കോതമംഗലം സ്വദേശിയുടെ ഷോയി ഇൻ്റർനാഷണൽ ശ്രദ്ധനേടുന്നു

ലണ്ടൻ : ആധുനിക സൗകര്യങ്ങളോടെ ക്വാറന്റെയിന്‍ സൗകര്യമൊരുക്കി ഷോയി ഇന്റര്‍നാഷ്ണല്‍. കൊറോണക്കാലത്ത് ക്വാറൻ്റൈനിൽ പോകേണ്ടി വരുന്നവർക്ക് ഇന്ത്യക്കകത്തും പുറത്തും ആധുനിക സൗകര്യങ്ങൾ ഒരുക്കി കോവിഡ് ദുരിതർക്ക് സാന്ത്വനമേകാൻ ഷോയി ഇൻ്റർനാഷണൽ രംഗത്ത്. കോതമംഗലം സ്വദേശിയുമായ ഷോയി കുര്യാക്കോസാണ് ഈ സ്ഥാപനത്തിൻ്റെ അമരക്കാരൻ. കൊറോണക്കാലത്ത് ജന്മനാട്ടിൽ തിരിച്ചെത്തുന്നവർക്ക് സുരക്ഷിതവും ഉല്ലാസപ്രദവുമായ ജീവിത സൗകര്യങ്ങൾ നൽകാൻ ആകർഷകമായ ക്വാറന്റൈൻ പാക്കേജുകളുമായി ഷോയി ഇന്റർനാഷണൽ കമ്പനി ലിമിറ്റഡ്. കോവി ഡ് ഭീക്ഷണിയുമായി വിദേശത്തു നിന്നെത്തുന്നവർക്കും, സ്വദേശത്തുള്ളവർക്കും അവരുടെ ആവശ്യങ്ങൾക്കും, ഇഷ്ടങ്ങൾക്കും അനുസരിച്ച് മികച്ച ആധുനിക കേന്ദ്രങ്ങളിലാകും സേവനം ലഭിക്കുക.

നാടുകളിലെത്തി ക്വാറന്റൈനിൽ പോകേണ്ടി വരുന്നവർക്ക് ഭയരഹിതവും, ആനന്ദകരവുമായ താമസ സൗകര്യങ്ങളാണ് ഷോയി ഇന്റർനാഷണൽ ഓഫർ ചെയ്യുന്നത്. ഇന്ത്യയിലും, വിദേശത്തും ഈ സൗകര്യങ്ങൾ ലഭ്യമാണ്. എയർപോർട്ടിലും, റെയിൽവേ സ്റ്റേഷനിലും എത്തുന്നവരെ ക്വാറന്റൈനുകളിലെത്തിച്ച് അവർക്കാവശ്യമുള്ള ഭക്ഷണം , വൈദ്യപരിശോധന തുടങ്ങിയവ ഉറപ്പാക്കുന്നു. എയർപോർട്ടുകൾ, റെയിൽവേ സ്റ്റേഷനുകൾ എന്നിവയുടെ സമീപത്തു തന്നെ ഇത്തരം സൗകര്യങ്ങൾ നൽകുന്നു എന്നതാണ് പ്രത്യേകത.

സ്വന്തമായി പാചകം ചെയ്ത് കഴിക്കാനാഗ്രഹിക്കുന്നവർക്ക് അതിനു വേണ്ട ഉപകരണങ്ങളും മറ്റും നൽകും. ഇവയ്ക്ക് പ്രത്യേക നിരക്ക് ഈടാക്കും. ഇഷ്ടഭക്ഷണം ആവശ്യപ്പെടുന്നവർക്ക് അവലഭ്യമാക്കും. സർക്കാർ വക ക്വാറന്റൈനുകളിൽ സൗകര്യം കുറവാണന്ന പരാതി ഉയരുന്ന സാഹചര്യത്തിൽ സ്വകാര്യ സംരംഭക ഫൈവ് സ്റ്റാർ ക്വാറന്റൈൻ കേന്ദ്രങ്ങൾ ശ്രദ്ദേയമാകുന്നുണ്ട്. എയർപോർട്ടിലും, റെയിൽവേ സ്റ്റേഷനിലും എത്തുന്നവർക്ക് ആവശ്യപ്പെടുന്ന പ്രകാരം പ്രത്യേക നിരക്കിൽ ക്വാറന്റൈൻ സെന്ററുകളിലെത്താൻ വാഹനം ഉൾപ്പെടെ നൽകും. നഴ്സിന്റെ പരിചരണം ആവശ്യമാണെങ്കിൽ പ്രത്യേക നിരക്കിൽ ലഭ്യമാക്കും.

യു.കെ., യു.എസ്.എ. എന്നിവിടങ്ങളിലൊക്കെ ഷോയി ഇന്റർനാഷണലിന്റെ മികച്ച ക്വാറന്റൈൻ സംവിധാനങ്ങൾ ലഭ്യമാണ്. കേരളത്തിലെ പ്രധാന വിനോദ കേന്ദ്രങ്ങളിലെ ആധുനിക ഹോട്ടലുകളും, റിസോർട്ടുകളുമാണ് കോവി ഡ് ദുരിതർക്ക് സാന്ത്വന തീരമായി നൽകുന്നത്. യു.കെ. കേന്ദ്രമായി പ്രവർത്തിച്ചു വരുന്ന ഷോയി പ്രവാസികൾക്കായി നാടുകളിൽ വിപുലമായ താമസ സൗകര്യങ്ങൾ തയ്യാറാക്കിയിട്ടുണ്ട്. പ്രായമായ രോഗികൾക്ക് പ്രാഥമിക പരിശോധനകൾക്കുളള സൗകര്യങ്ങ ആവശ്യാനുസരണം പ്രത്യേക നിരക്കിൽ ലഭ്യമാക്കും.

ആരോഗ്യ വകുപ്പിന്റെ നിർദ്ദേശങ്ങളും, നിബന്ധനകളും പാലിച്ചാകും എല്ലാത്തരം ക്രമീകരണങ്ങളും. ദുരന്തമുഖത്തു നിന്നും ആശ്വാസതീരത്തെത്തുന്നവർക്ക് ഐസോലേ ഷനിൽ കഴിയുവാൻ എല്ലാ സൗകര്യങ്ങളും ഒരുക്കിയിട്ടുള്ള ഷോയി ഇന്റർനാഷണലുമായി ബന്ധപ്പെടാൻ www.shoy.uk , Email – [email protected]  ( whatsapp number +44 7709 037035 )

EDITORS CHOICE

പേപ്പറിൽ വർണ്ണവിസ്മയം തീർത്ത് ഇരട്ടകുട്ടികൾ

കോതമംഗലം: പേപ്പർ ക്രാഫ്റ്റിൽ വർണ്ണ വിസ്മയം തീർക്കുകയാണ് ജോണും, ജോആനും.
ലോക് ഡൗൺ കാലത്ത് വീട്ടിലിരുന്ന് സ്മാർട്ട് ഗെയിമുകൾ കളിച്ചു സമയം കളയാതെ തങ്ങളുടെ ഉള്ളിൽ ഒളിച്ചുകിടന്ന കഴിവുകളെ ഉണർത്തിയെടുക്കുകയാണ് ഈ ഇരട്ടകുട്ടികൾ. കൊറോണ തുടങ്ങി പെട്ടന്നുള്ള ലോക്ഡൗണ് മൂലം സ്കൂൾ അടച്ചപ്പോൾ ക്ലാസ്സില്ലാത്ത സമയങ്ങൾ എങ്ങനെ തള്ളി നീക്കും എന്നാലോചനയിലാണ് പാഴായി പോകുന്ന പേപ്പർ കൊണ്ടുള്ള കരകൗശല വസ്തുക്കൾ ഉണ്ടാക്കി തുടങ്ങിയത്. ലോക് ഡൗൺ വിരസത ഒഴിവാക്കുവാനും ടി.വി കാണുന്നത് കുറയ്ക്കുവാനും വേണ്ടി മാതാപിതാക്കൾ പറഞ്ഞു കൊടുത്ത വഴിയാണ് ഈ കുരുന്നുകൾ ഇപ്പോൾ കൗതുകമുള്ള കലാസൃഷ്ടികളായി മാറ്റുന്നത്. തങ്കളം മേലേത്ത് വിനോദ്- അലിൻ ദമ്പതികളുടെ മക്കളാണ്. ഗ്രീൻവാലി പബ്ലിക് സ്കൂളിൽ നാലാം ക്ലാസിൽ പഠിക്കുന്ന ഈ ഇരട്ടകൾ.

യൂട്യൂബ് നോക്കിയും അല്ലാതെയുമാണ് ഈ കുരുന്നുകൾ ക്രാഫ്റ്റ്സ് ഉണ്ടാക്കുന്നത്. സ്വന്തം കിടപ്പ് മുറി മുതൽ ബുർജ് ഖലീഫ മാതൃക വരെ ഉണ്ടാക്കിയിട്ടുണ്ട്. പേപ്പർ ക്രാഫ്റ്റ്, കൂടാതെ ബോട്ടിൽ ആർട്ട്, പൈയിന്റിങ്, മൈക്രോ ഗ്രീൻ എന്നിവ കൂടി ചെയ്യുന്നുണ്ട് ഈ കുരുന്നുകൾ. ഇവ തന്നെയാണ് ഇവരുടെ ഇഷ്ട വിനോദങ്ങളും. ഓണ്ലൈൻ പഠനം ആരംഭിച്ചതോടെ ഇപ്പോൾ ഒഴിവു സമയങ്ങളിൽ മാത്രമാണ് ഇവരുടെ കലാവിരുത്. മാതാപിതാക്കളും കുടുംബാംഗങ്ങളും പ്രോത്സാഹനവുമായി ഈ കുരുന്നുകൾക്കൊപ്പമുണ്ട്.

Continue Reading

EDITORS CHOICE

പഴമക്കാർ പറയുന്ന പൂച്ചക്കണ്ണൻ പാമ്പ് തട്ടേക്കാടിൽ ; വ്യക്തത തേടി ഗവേഷകർ

കോതമംഗലം : പാമ്പുകളെപ്പറ്റിയുള്ള ഐതിഹ്യങ്ങൾ നിരവധിയാണ്. പേടിപ്പെടുത്തുന്നതും, കൗതുകം ജനിപ്പിക്കുന്നതുമായ കെട്ടുകഥകളും അതിൽപ്പെടുന്നു. അങ്ങനെയുള്ള ഒരു പാമ്പിനെയാണ് തട്ടേക്കാട് പക്ഷി സങ്കേതത്തിലെ ഗൈഡും ഫോട്ടോഗ്രാഫറുമായ രാജീവിന്റെ മുന്നിൽ പ്രത്യക്ഷപ്പെട്ടത്. ഇരുപത് വർഷത്തിന് മുകളിലായി കുട്ടമ്പുഴ പൂയംകുട്ടി വന മേഖലയിലും, പെരിയാറിന്റെ ഓളപ്പരപ്പിലും സജീവമായ രജീവ് ആദ്യമായാണ് ഇങ്ങനെയൊരു പാമ്പിനെ കാണുന്നത്. കേരളത്തിൽ കേട്ടുകേൾവി മാത്രമുള്ള പൂച്ച പാമ്പുകൾ (Forsten’s Cat Snake)  അപൂർവ്വമായി മാത്രമേ മനുഷ്യരുടെ ദൃഷ്ടിയിൽ പതിയാറുള്ളു. പൂച്ചയുടെ കണ്ണിനോട് സാമ്യം തോന്നുന്ന കണ്ണ് ഉള്ളതുകൊണ്ടാകാം ഇവക്ക് ഈ വിളിപ്പേര് ലഭിച്ചിരിക്കുന്നത് എന്നുവേണം അനുമാനിക്കാൻ.

പൊതുവേ മരങ്ങളിലെ പൊത്തുകളിൽ വസിക്കുന്ന പൂച്ച പാമ്പുകൾ രാത്രികാലമാണ് പൊതുവേ ഇരതേടിയിറങ്ങാറുള്ളതെന്നും, പല്ലികൾ, പക്ഷികൾ, പക്ഷി മുട്ടകൾ, വവ്വാലുകൾ തുടങ്ങിയവെ ഭക്ഷിക്കുമെന്നും കരുതപ്പെടുന്നു. അസാമാന്യ നീട്ടമുള്ള മഞ്ഞ കലർന്ന തവിട്ടുനിറമുള്ള പൂച്ചക്കണ്ണൻ പാമ്പുകൾ മരങ്ങളിൽ ചുറ്റികിടക്കുമ്പോൾ തിരിച്ചറിയാൻ പറ്റാത്തതും ഇവയുടെ സവിശേഷതയാണ്. വാട്ടർ സ്നേക്ക് വിഭാഗത്തിൽ പെടുത്താവുന്ന പാമ്പാണോ എന്ന സംശയവും വിദഗ്ധർ പങ്കുവെക്കുന്നു.

തട്ടേക്കാടിൽ കാണപ്പെട്ട പൂച്ചക്കണ്ണൻ പാമ്പിനെ കുറിച്ച് ആധികാരികമായുള്ള രേഖപ്പെടുത്തലുകൾ കുറവായതും, ഇവയുടെ സ്പെസിമെൻ ലഭ്യമല്ലാത്തതും ഇവ പഴമക്കാർ പറയുന്ന രാത്രി സഞ്ചാരിയായ പൂച്ചക്കണ്ണൻ തന്നെയാണോ എന്ന് സ്ഥിതീകരിക്കുവാൻ വനം വന്യജീവി വകുപ്പുമായി ബന്ധപ്പെട്ടുനിൽക്കുന്നവർ തയ്യാറാകുന്നുമില്ല. എന്നിരുന്നാൽ തന്നേയും ജീവിതത്തിൽ ആദ്യമായി പഴമക്കാർ പറഞ്ഞ വിശ്യരൂപത്തെ ദർശിക്കാനുള്ള ഭാഗ്യം ലഭിച്ച സന്തോഷത്തിലാണ് തട്ടേക്കാട് സ്വദേശിയായ രജീവ്.

കോതമംഗലത്ത് സ്ഥിര താമസമാക്കാൻ ആഗ്രഹിക്കുന്നവരാണോ നിങ്ങൾ ? എങ്കിൽ ഇതാ പുത്തൻ ലക്ഷ്വറി വില്ല വിൽപ്പനക്ക്.

Continue Reading

EDITORS CHOICE

ചെറിയ പള്ളി കോമ്പൗണ്ടിൽ മുസ്ലീം വിശ്വാസികൾ നിസ്ക്കാരം നടത്തിയതിനെതിരെ റമ്പാൻ തോമസ് പോൾ കേന്ദ്ര ആഭ്യന്തര മന്ത്രാലയത്തിൽ പരാതി നൽകി.

കോതമംഗലം: യാക്കോബായ സഭയുടെ പൂർണ്ണ നിയന്ത്രണത്തിലിരിക്കുന്ന ചരിത്ര പ്രസിദ്ധമായ കോതമംഗലം മാർതോമ ചെറിയ പള്ളിയുടെ കോമ്പൗണ്ടിൽ മുസ്ലിം സമുദായ നേതാക്കൻമാരുടെ നേതൃത്വത്തിൽ മഗ് രിബ് നിസ്ക്കാരം നടത്തിയതിനെതിരെയാണ് മാർതോമ പള്ളിയിൽ പ്രവേശിക്കുവാൻ കോടതിയിൽ നിന്ന് ഉത്തരവ് നേടിയ മലങ്കര ഓർത്തഡോക്സ് വൈദീകനായ കോതമംഗലം കുത്തുകുഴി മാറാച്ചേരി വീട്ടിൽ തോമസ് പോൾ റമ്പാൻ കേന്ദ്ര ആഭ്യന്തര മന്ത്രാലയത്തിൽ പരാതി നൽകിയത്.

കോടതി നിയമിച്ച നിയമാനുസൃത വികാരി താനാണെന്നും, തൻ്റെ അനുവാദം വാങ്ങാതെ അനധികൃതമായി 2019 ഡിസംബർ 28ന് പള്ളി കോമ്പൗണ്ടിൽ മുസ്ലീം സമുദായംഗങ്ങളായ നിരവധി ആളുകൾ പ്രവേശിച്ച് അവരുടെ നിസ്ക്കാരം നടത്തിയതും പള്ളിയുടെ മൈക്കിലൂടെ ബാങ്ക് മുഴക്കുകയും ചെയ്തത് മലങ്കര ഓർത്തഡോക്സ് സഭയുടെ വിശ്വാസങ്ങൾക്ക് എതിരാണെന്നും, ഇത് മൂലം തങ്ങളുടെ മത വിശ്വാസത്തിന് ക്ഷതം ഏറ്റതായും കേന്ദ്ര ആഭ്യന്തര മന്ത്രിക്ക് നൽകിയ പരാതിയിൽ പറയുന്നു.

പള്ളി കോമ്പൗണ്ടിൽ നിസ്ക്കാരത്തിന് അനുമതി നൽകിയവർക്കെതിരെയും, മതസൗഹാർദത്തിന്റെ മറവിൽ നിയമത്തെ വെല്ലുവിളിച്ചവർക്കെതിരെയും കർശന നിയമ നടപടി വേണമെന്നും പരാതിയിൽ ആവശ്യപ്പെട്ടിട്ടുണ്ട്. ഇക്കാര്യത്തിൽ കേന്ദ്ര ആഭ്യന്തര മന്ത്രാലയം അന്വേഷണം പ്രഖ്യാപിച്ചിട്ടുണ്ട്. കേന്ദ്ര സർക്കാർ ഈ പരാതിയിൽ നടപടികളുമായി മുമ്പോട്ട് പോയാൽ ക്രിസ്ത്യൻ പള്ളി മുറ്റത്ത് നിസ്ക്കാരത്തിന് നേതൃത്വം നൽകിയ മുസ്ലീം സമുദായത്തിൻ്റെ മത നേതാവ് പാണക്കാട് സയ്യിദ് മുനവറലി ശിഹാബ് തങ്ങൾ അടക്കം നിരവധി പേർ കേസിൽ പ്രതിയായേക്കാം.

എല്ലാ മതവിഭാഗവും കോതമംഗലം മുത്തപ്പനായി ആദരിക്കുന്ന യൽദോ മോർ ബസേലിയോസ് ബാവ കബറടങ്ങിയ മാർ തോമ ചെറിയ പള്ളിയുടെ കൽക്കുരിശിന് മുന്നിലായിരുന്നു കോതമംഗലത്തിൻ്റെ മതേതരത്വം വിളിച്ചോതി കൊണ്ട് കഴിഞ്ഞ വർഷം ഡിസംബർ മാസം മുസ്ലീം മത വിഭാഗത്തിൻ്റെ നിസ്ക്കാരം നടന്നത്.

കേരളത്തിന്റെ ചരിത്രത്തിൽ തങ്കലിപികളിൽ എഴുതി ചേർത്ത സുവർണ്ണ സന്ധ്യയാണിതെന്നും, ഒരു ക്രിസ്ത്യൻ പള്ളിക്ക് മുന്നിൽ മുസ്ലീം മത വിശ്വാസികൾക്ക് നിസ്‌കാരത്തിന് സ്ഥലം അനുവദിച്ചതും, ബാങ്ക് വിളിച്ചതും രാജ്യത്തുതന്നെ ഒരുപക്ഷേ ആദ്യ സംഭവമായിരിക്കുമെന്ന് ഇതര മതസ്ഥരടക്കം ആയിരക്കണക്കിന് ജനങ്ങളെ സാക്ഷിയാക്കി അന്ന് പാണക്കാ​ട് സയ്യിദ് മു​ന​വ​റ​ലി ശിഹാബ് ത​ങ്ങ​ൾ പറഞ്ഞപ്പോൾ കൈയ്യടികളോടെയാണ് ആ വാക്കുകളെ പൊതുസമൂഹം സ്വീകരിച്ചത്. ഇക്കാര്യം കേരള നിയമ സഭയിൽ ഡോ.എം.കെ മുനീർ എം.എൽ.എയും പ്രസ്താവിച്ചിരുന്നു.

കോതമംഗലത്തിൻ്റെ മതസാഹോദര്യത്തിൻ്റെ ഏറ്റവും വലിയ തെളിവായിരുന്നു മാർതോമ ചെറിയ പള്ളിയുടെ കോമ്പൗണ്ടിൽ മുസ്ലീം വിശ്വാസികൾക്ക് മഗ് രിബ് നമസ്ക്കാരത്തിന് സൗകര്യം ഒരുക്കിയത്. അതിനെ തെറ്റായ രീതിയിൽ വ്യാഖ്യാനിക്കുന്നത് അംഗീകരിക്കാനാകില്ലെന്ന് എം.എൽ.എ ആൻറണി ജോൺ കോതമംഗലം വാർത്തയോട് പറഞ്ഞു. അതിൻ്റെ ഏറ്റവും വലിയ തെളിവാണ് കന്നി പെരുന്നാൾ പ്രദക്ഷിണത്തിൽ ഹൈന്ദവ യുവാവ് വിളക്കേന്തുന്നതെന്നും എം.എൽ.എ കൂട്ടി ചേർത്തു.

Kothamangalam News

ചരിത്രത്തിൽ ആദ്യമായി കോതമംഗലം ചെറിയപളളിയിൽ മൈക്കിലൂടെ മഗ് രിബ് ബാങ്ക് വിളി..

Gepostet von കോതമംഗലം വാർത്ത am Samstag, 28. Dezember 2019

 

മാർ തോമ ചെറിയ പള്ളി മതേതരത്വത്തിൻ്റെ ആണിക്കല്ലാണെന്നും, കോതമംഗലം മുത്തപ്പൻ്റെ കബറിടത്തിൽ പ്രാർത്ഥനക്കെത്തുന്നവർ ജാതിയോ മതമോ നോക്കാറില്ലെന്നും, നൂറ്റാണ്ടുകളായി യാക്കോബായ സഭയുടെ വിശ്വാസാചാരങ്ങൾ പിന്തുടരുന്ന മാർ തോമ ചെറിയ പള്ളിയിൽ കോടതി വിധിയുടെ ബലത്തിൽ കൈയ്യേറി അധികാരം സ്ഥാപിക്കാൻ ഓർത്തഡോക്സ് വിഭാഗത്തിലെ തോമസ് പോൾ റമ്പാന് കഴിയാത്തതിൻ്റെ വൈരാഗ്യമാണ് ചെറിയ പള്ളിയിൽ നടന്ന മുസ്ലീം സമുദായത്തിൻ്റെ മഗ് രിബ് നിസ്ക്കാരത്തിനെതിരെ പരാതി നൽകിയതെന്നും മതമൈത്രി നേതാക്കളായ കെ.എ നൗഷാദ്, ഷമീർ പനക്കൻ എന്നിവർ കോതമംഗലം വാർത്തയോട് പ്രതികരിച്ചു. മാർ തോമ ചെറിയ പള്ളിയുടെ വിശ്വാസ സംരക്ഷണത്തിന് ജാതി മത ചിന്തകൾ മാറ്റി വച്ച് പൊതു സമൂഹം ഇനിയും ഒറ്റക്കെട്ടായിരിക്കുമെന്നും ഇവർ പറഞ്ഞു.

കോതമംഗലത്ത് സ്ഥിര താമസമാക്കാൻ ആഗ്രഹിക്കുന്നവരാണോ നിങ്ങൾ ? എങ്കിൽ ഇതാ പുത്തൻ ലക്ഷ്വറി വില്ല വിൽപ്പനക്ക്.

Continue Reading

Recent Updates

NEWS17 hours ago

കാട്ടാന ശല്യം രൂക്ഷമായ പ്രദേശങ്ങൾ ജോസഫ് വാഴയ്ക്കൻ സന്ദർശിച്ചു.

കുട്ടമ്പുഴ : പൂയംകുട്ടി ജനവാസ മേഖലയിൽ കാട്ടാന ശല്യം രൂക്ഷമായ പ്രദേശങ്ങൾ KPCC വൈസ് പ്രസിഡൻ്റ് ജോസഫ് വാഴയ്ക്കൻ സന്ദർശിച്ചു. കഴിഞ്ഞ ദിവസങ്ങളിൽ നിരവധി കർഷകരുടെ കൃഷിയിടങ്ങളാണ്...

CHUTTUVATTOM17 hours ago

തുറ പാലം നിർമ്മാണ പ്രവർത്തനങ്ങൾ ഈ മാസം ആരംഭിക്കും: എൽദോസ് കുന്നപ്പിള്ളി

പെരുമ്പാവൂർ : വെങ്ങോല ഗ്രാമ പഞ്ചായത്തിലെ തുറ പാലത്തിന്റെ നിർമ്മാണ പ്രവർത്തനങ്ങൾ ഈ മാസം തന്നെ ആരംഭിക്കുമെന്ന് അഡ്വ. എൽദോസ് കുന്നപ്പിള്ളി എം.എൽ.എ അറിയിച്ചു. എം.എൽ.എയോടൊപ്പം ജനപ്രതിനിധികളും...

EDITORS CHOICE18 hours ago

പേപ്പറിൽ വർണ്ണവിസ്മയം തീർത്ത് ഇരട്ടകുട്ടികൾ

കോതമംഗലം: പേപ്പർ ക്രാഫ്റ്റിൽ വർണ്ണ വിസ്മയം തീർക്കുകയാണ് ജോണും, ജോആനും. ലോക് ഡൗൺ കാലത്ത് വീട്ടിലിരുന്ന് സ്മാർട്ട് ഗെയിമുകൾ കളിച്ചു സമയം കളയാതെ തങ്ങളുടെ ഉള്ളിൽ ഒളിച്ചുകിടന്ന...

AGRICULTURE18 hours ago

ഓണത്തിന് ഒരു മുറം പച്ചക്കറി കൃഷിക്ക് കവളങ്ങാട് തുടക്കമായി.

കോതമംഗലം : കാർഷിക വികസന കർഷക ക്ഷേമ വകുപ്പിന്റെ സുഭിക്ഷ കേരളം പദ്ധതി പ്രകാരം ഭക്ഷ്യ സ്വയം പര്യാപ്തതയ്ക്കൊപ്പം സുരക്ഷിത ഭക്ഷണവും എന്ന സന്ദേശവുമായി ഓണത്തിനൊരുമുറം പച്ചക്കറി...

NEWS20 hours ago

ജൂലായ് 10 ന് വാഹന പണിമുടക്കിന് ആഹ്വാനം ചെയ്ത് എച്ച്.എം.എസ്.

കോതമംഗലം: ഓട്ടോ-ടാക്സി വാഹനങ്ങളുടെ നിരക്ക് പുതിക്കി നൽകുക , ഓട്ടോ- ടാക്സി വാഹനങ്ങൾക്ക് സബ്സഡി നിരക്കിൽ പെട്രോൾ-ഡീസൽ നൽകുക, പെട്രോളിയം ഉൽപ്പന്ന വിതരണം ജി.എസ്.ടി.പരിധിയിൽപ്പെടുത്തുക. കേന്ദ്ര മോട്ടോർ...

CHUTTUVATTOM20 hours ago

എം എൽ എ ആന്റണി ജോൺ പ്രതിഭാ കേന്ദ്രം സന്ദർശിച്ചു.

പല്ലാരിമംഗലം: കോവിഡിന്റെ പശ്ചാത്തലത്തിൽ ഓൺലൈൻ പഠനത്തിന് സൗകര്യമില്ലാത്ത വിദ്യാർത്ഥികൾക്കായി പല്ലാരിമംഗലം വൊക്കേഷണൽ ഹയർ സെക്കന്ററി സ്കൂളിൽ പ്രവർത്തിക്കുന്ന പ്രതിഭാ കേന്ദ്രം എം എൽ എ ആന്റണി ജോൺ...

ACCIDENT20 hours ago

നെല്ലിമറ്റത്ത് വാഹനാപകടം: യാത്രക്കാർ അത്ഭുതകരമായി രക്ഷപെട്ടു.

നെല്ലിമറ്റം: ഇന്ന് രാവിലെ പത്ത് മണിയോടെ തമിഴ്നാട് സ്വദേശികളുടെ പച്ചക്കറികൾ കോതമംഗലത്ത് മാർക്കറ്റിലിറക്കി തിരികെ തമിഴ്നാട്ടിലേക്ക് പോകുകയായിരുന്ന പിക്കപ് വാൻ നെല്ലിമറ്റം കോളനിപടിയിലെ കൊടുംവളവിൽ വച്ച് നിയന്ത്രണം...

NEWS21 hours ago

വെളിച്ചം പദ്ധതി:ആവോലിച്ചാൽ ജംഗ്ഷനിൽ സ്ഥാപിച്ച മിനി മാസ്റ്റ് ലൈറ്റിന്റെ സ്വിച്ച് ഓൺ കർമ്മം ആന്റണി ജോൺ എംഎൽഎ നിർവ്വഹിച്ചു.

കോതമംഗലം: കോതമംഗലം മണ്ഡലത്തെ പ്രകാശ ഭരിതമാക്കുവാൻ എംഎൽഎ നടപ്പിലാക്കി വരുന്ന വെളിച്ചം പദ്ധതിയുടെ ഭാഗമായി ആവോലിച്ചാൽ ജംഗ്ഷനിൽ സ്ഥാപിച്ച മിനിമാസ്റ്റ് ലൈറ്റിന്റെ സ്വിച്ച് ഓൺ കർമ്മം ആന്റണി...

NEWS2 days ago

ഷാർജയിൽ നിന്നെത്തിയ പിണ്ടിമന സ്വദേശിക്ക് കോവിഡ് രോഗം സ്ഥിരീകരിച്ചു.

എറണാകുളം : ജില്ലയിൽ ഇന്ന് 21 പേർക്ക് രോഗം സ്ഥിരീകരിച്ചു. • ജൂലൈ 1 ന് രോഗം സ്ഥിരീകരിച്ച തോപ്പുംപടി സ്വദേശിയുമായി അടുത്ത സമ്പർക്കത്തിൽ വന്ന 60...

NEWS2 days ago

“ഭൂതത്താൻകെട്ട് പുതിയ പാലം” ജൂലൈ 10 ന് നാടിന് സമർപ്പിക്കും: ആന്റണി ജോൺ എംഎൽഎ.

കോതമംഗലം: കോതമംഗലം മണ്ഡലത്തിലെ ഭൂതത്താൻകെട്ട് ബാരേജിന് സമാന്തരമായി  നിർമ്മിച്ച പുതിയ പാലം ജൂലൈ 10 ന് ബഹു: ജലവിഭവ വകുപ്പ് മന്ത്രി കെ കൃഷ്ണൻകുട്ടി നാടിന് സമർപ്പിക്കുമെന്ന്...

NEWS2 days ago

ബ്ലഡ് ഡൊണേഷൻ ആപ്പുമായി എംബിറ്റ്സ് വിദ്യാർത്ഥികൾ

കോതമംഗലം: രക്തം ആവശ്യമുള്ളവരുടെ എണ്ണം ദിനം പ്രതി വർദ്ധിച്ചു വരുന്ന സാഹചര്യത്തിൽ രക്തം ദാനം ചെയ്യാൻ താൽപര്യമുള്ളവരെ കണ്ടെത്തുന്നതിനായി ബ്ലഡ് ഡൊണേഷൻ മൊബൈൽ ആപ് വികസിപ്പിച്ചെടുത്ത് കോതമംഗലം...

AGRICULTURE2 days ago

ഓണത്തിനൊരു മുറം പച്ചക്കറി പദ്ധതിയുടെ ബ്ലോക്ക് തല ഉദ്ഘാടനം ആന്റണി ജോൺ എംഎൽഎ നിർവ്വഹിച്ചു

കോതമംഗലം: ഓണത്തിന് ഓരോ വീട്ടിലും ഒരു മുറം പച്ചക്കറി എന്ന ലക്ഷ്യവുമായി കൃഷി വകുപ്പ് നടപ്പിലാക്കുന്ന പദ്ധതിയുടെ ബ്ലോക്ക് തല ഉദ്ഘാടനം ആൻ്റണി ജോൺ എംഎൽഎ നിർവ്വഹിച്ചു....

NEWS2 days ago

പല്ലാരിമംഗലം ഗവൺമെന്റ് വൊക്കേഷണൽ ഹയർ സെക്കന്ററി സ്ക്കൂളിൽ 3.5 കോടി രൂപയുടെ നിർമ്മാണ പ്രവർത്തികൾ ആരംഭിച്ചു.

കോതമംഗലം – കോതമംഗലം മണ്ഡലത്തിലെ പല്ലാരിമംഗലം ഗവൺമെന്റ് വൊക്കേഷണൽ ഹയർ സെക്കന്ററി സ്കൂൾ അന്താരാഷ്ട്ര നിലവാരത്തിലേക്ക് ഉയർത്തുന്നതിന്റെ ഭാഗമായുള്ള 3 കോടി 50 ലക്ഷം രൂപയുടെ നിർമ്മാണ...

CHUTTUVATTOM2 days ago

നേര്യമംഗലത്ത് ബസ് സ്റ്റാന്റിലെ കാത്തിരിപ്പ് കേന്ദ്രം പൂർണ്ണമായി തകർന്നു.പുനർനിർമ്മിച്ചില്ലെങ്കിൽ പ്രക്ഷോപം: ജനതാദൾ (എൽ.ജെ.ഡി )

കോതമംഗലം: കവളങ്ങാട് പഞ്ചായത്ത് ഉടമസ്ഥതയിലുള്ള നേര്യമംഗലത്തെ ബസ് സ്റ്റാന്റിലെ കാത്തിരിപ്പ് കേന്ദ്രം തകർന്നിട്ട് രണ്ട് വർഷം കഴിഞ്ഞു. നാട്ടുകാരും യാത്രക്കാരും നിരവതി തവണ പരാതി പറഞ്ഞിട്ടും പഞ്ചായത്ത്...

NEWS3 days ago

ബ്രേക്ക് ദ ചെയിൻ ഡയറി പ്രകാശനം ചെയ്തു.

കോതമംഗലം: മാതിരപ്പിള്ളി ഗവൺമെന്റ് വി എച്ച് എസ് എസിലെ എൻ എസ് എസ് യൂണിറ്റ് വിദ്യാർത്ഥികൾ തയ്യാറാക്കിയ ബ്രേക്ക് ദ ചെയിൻ ഡയറി ആന്റണി ജോൺ എം...

Trending

error: Content is protected !!