കോതമംഗലം – പോത്താനിക്കാട് എക്സൈസ് നടത്തിയ റെയ്ഡിൽ സ്പിരിറ്റ് പിടികൂടി; ഒരാൾകസ്റ്റഡിയിൽ; രണ്ട് ഇരുചക്രവാഹനങ്ങളും പിടിച്ചെടുത്തു. കോതമംഗലം എക്സൈസ് ഇൻസ്‌പെക്ടർ പി ഇ ഷൈബുവും സംഘവും രഹസ്യ വിവരത്തിന്റെ അടിസ്ഥാനത്തിൽ പോ ത്താനിക്കാട് നടത്തിയ അന്വേഷണത്തിലാണ് 4 ലിറ്റർ സ്പിരിറ്റ് വാഹനങ്ങൾ സഹിതം പിടികൂടിയത്. പോത്താനിക്കാട് ഉന്നത്തും വീട്ടിൽ ബിബിൻ ജോസ് (31)എന്നയാൾക്കെതിരെ അബ്കാരി കേസ് എടുത്തു. ബിബിനോടൊപ്പം ഉണ്ടായിരുന്ന ജിതിൻ, റോമി, റെജി എന്നിവർ സംഭവസ്ഥലത്തു നിന്നും ഓടി രക്ഷപെട്ടു.

ഇവർ ഉപയോഗിച്ച് വരുന്ന വാഹനം സംഭവസ്ഥലത്തു നിന്നും തെളിവ് സഹിതം കണ്ടെടുത്തു. പ്രതികളുടെ വീടുകളിൽ നടത്തിയ പരിശോധനയിൽ ഇവർക്കെതിരെ കൂടുതൽ തെളിവുകൾ ലഭിച്ചിട്ടുണ്ട്. ഇൻസ്‌പെക്ടറെ കൂടാതെ സിവിൽ എക്സൈസ് ഓഫിസർമാരായ ലിബു, റസാഖ്, വിനോദ്, അമൽ, അനൂപ്, പ്രിവന്റീവ് ഓഫീസർ പി പി ഹസ്സൈനാർ അസിസ്റ്റന്റ് എക്സൈസ് ഇൻസ്‌പെക്ടർ ജോർജ് ജോസഫ് എന്നിവരും പങ്കെടുത്തു. ചാരായമെന്ന വ്യാജേന സ്പിരിറ്റ് വിൽക്കുന്നുണ്ടെന്ന് രഹസ്യവിവരം ലഭിച്ചതിനെ തുടർന്ന് നടത്തിയ പരിശോധനയിലാണ് സ്പിരിട്ട് വിൽപ്പന കണ്ടെത്തിയ തെന്ന് കോതമംഗലം എക്സൈസ് ഇൻസ്പെക്ടർ PE ഷൈബു പറഞ്ഞു.

കോതമംഗലം : ഫോർട്ടുകൊച്ചിയിൽ മാരക ലഹരിമരുന്നായ1.9 gm MDMA യുമായി രണ്ട് യുവാക്കൾ അറസ്റ്റിൽ. ഫോർട്ടുകൊച്ചിയിൽ ഹോം സ്റ്റേകൾ കേന്ദ്രീകരിച്ച് ലഹരി വസ്തുക്കളുടെ വിൽപനയും ഉപയോഗവും വർദ്ധിച്ചു വരുന്നതായി പോലീസിന് രഹസ്യവിവരം ലഭിച്ചതിനെ തുടർന്ന് നടത്തിവന്ന അന്വേഷണത്തിൽ ഞാലിപ്പറമ്പ് ഭാഗത്ത് വച്ച് സംശയകരമായി ഓടിച്ചു വന്ന ഡൽഹി രജിസ്ട്രേഷൻ ആഡംഭര കാറിലെ യാത്രക്കാരായ കോതമംഗലം സ്വദേശി പാനിപ്ര, കുറ്റിച്ചിറ വീട്ടിൽ ഉസ്മാൻ മകൻ മുഹമ്മദ് നിസ്സാം (26) പാനിപ്ര, കുറ്റിച്ചിറ വീട്ടിൽ കരിം മകൻ ഫർസിൻ കരിം (26) എന്നിവരെ ഫോർട്ടുകൊച്ചി എസ് .എച്ച്.ഒ. ദാസ് പി കെ യുടെ നേതൃത്വത്തിൽ പ്രിൻസിപ്പിൾ എസ് .ഐ. ബിജു കെ.ആർ. അഡീഷ്ണൽ എസ്.ഐ. മുകേഷ് റ്റി.ഡി. സീനിയർ സി പി ഒ റെജിമോൻ, സി പി ഒ മാരായ എഡ്വിൻ റോസ്, അരുൺ കെ.എ, ജോബിൻ തോമസ് എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.

അന്തർ സംസ്ഥാന വാഹന വിൽപനയുടെ മറവിൽ ബാംഗ്ലൂർ ,ഗോവ, ഡൽഹി, എന്നിവിടങ്ങളിൽ നിന്നും ലഹരിമരുന്ന് വിൽപനയ്ക്കായി ആവശ്യക്കാർക്ക് എത്തിച്ചു കൊടുക്കുകയാണ് പ്രതികൾ ചെയ്തിരുന്നത്, കേരളത്തിൽ പല ഭാഗങ്ങളിലും ഇവർ വിൽപന നടത്തിയിട്ടുള്ളതായി പോലീസിന്‌ വിവരം ലഭിച്ചിട്ടുണ്ട്. അതിനെക്കുറിച്ച് പോലീസ് അന്വേഷിച്ചുവരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

കോതമംഗലം: ബൈക്ക് മോഷ്ടിച്ച് പൊളിച്ചു വിറ്റ മൂന്നുപേർ കോതമംഗലം പോലീസിൻറെ പിടിയിൽ . നെല്ലിക്കുഴി ചാത്തനാട്ട് വീട്ടിൽ റഫീസ് (24), ഇരമല്ലൂർ കൊട്ടാരത്തിൽ വീട്ടിൽ ആഷിക്ക് (26), ഓടക്കാലി കുറ്റിച്ചിറ വീട്ടിൽ ഫൈസൽ (25) എന്നിവരാണ് പിടിയിലായത്. നെല്ലിക്കുഴിയിലെ ഒരു തടിമില്ലിൽ വച്ചിരുന്ന ബൈക്ക് ഈ സംഘം മറ്റൊരു ബൈക്കിൽ കെട്ടിവലിച്ചു കൊണ്ടു പോവുകയും, തുടർന്ന് വാഹനം പൊളിച്ച് കുറച്ച് ഭാഗം തങ്കളത്തുള്ള ആക്രിക്കടയിൽ വിൽപന നടത്തുകയായിരുന്നു. ബാക്കി ഭാഗം പ്രതികളുടെ വീട്ടിൽ നിന്നും, പാറമടയിൽ നിന്നും കണ്ടെടുത്തു. സബ് ഇൻസ്പെക്ടർ അനൂപ് മോൻ, സി.പി. ഒ ഷിയാസ് എന്നിവർ ഉൾപ്പെട്ട സംഘമാണ് പിടികൂടിയത്. കോടതിയിൽ ഹാജരാക്കിയ പ്രതികളെ റിമാന്റ് ചെയ്തു.