കോതമംഗലം : പ്രായപൂർത്തിയാകാത്ത പെൺകുട്ടിക്കെതിരെ ലൈംഗികാതിക്രമണം നടത്തിയ കരാട്ടെ പരിശീലകൻ അറസ്റ്റിൽ. അശമന്നൂർ ഓടക്കാലി നൂലേലി ഭാഗത്ത് ചിറ്റേത്തുകുടി വീട്ടിൽ അന്ത്രു (39) വിനെയാണ് കോട്ടപ്പടി പോലീസ് അറസ്റ്റ് ചെയ്തത്. എസ്.ഐ പി.എൻ.പ്രസാദ്, എ.എസ്.ഐ മാരായ ജോബി ജോർജ്ജ്, എൽദോ കുര്യാക്കോസ്, എസ്.സി.പി.ഒ മാരായ പോൾ ജേക്കബ്, ഷിബു ജോൺ, അൽ അമീൻ, സി.പി.ഒ ബിബിൻ രാജ് എന്നിവർ ചേർന്നാണ് പ്രതിയെ പിടികൂടിയത്.

നെല്ലിക്കുഴി: നെല്ലിക്കുഴി സപ്ലൈക്കോ സൂപ്പര്‍മാര്‍ക്കറ്റില്‍ മോഷണം.
സൂപ്പര്‍ മാര്‍ക്കറ്റിന്‍റെ ഒരുവശത്തെ ഷട്ടര്‍ ലോക്ക് തകര്‍ത്താണ് മോഷ്ടാവ് അകത്ത് കയറിയത്.  പരിസരത്തുള്ള ഷോപ്പിലെ സി സി ടി വി യില്‍ മോഷ്ടാവിനെ കുറിച്ചുള്ള വിവരങ്ങൾ ലഭിക്കാന്‍ ഇടയുണ്ടന്നാണ് പോലീസ് നിഗമനം.

മോഷ്ടാവ് അകത്ത് കയറാന്‍ ഉപയോഗിച്ച ഇരുമ്പ് ബാര്‍ ക്യാഷ് കൗണ്ടറിന് മുകളില്‍ നിന്ന് പോലീസിന് ലഭിച്ചിട്ടുണ്ട്. സൂപ്പര്‍ മാര്‍ക്കറ്റിലെ ശനിയാഴ്ച്ചത്തെ കളക്ഷനും കുടുംബശ്രീയുടെ കുറച്ച് ഫണ്ടുകളും ആണ് നഷ്ടമായിട്ടുളളതെന്ന് സൂപ്പര്‍ മാര്‍ക്കറ്റ് നടത്തിപ്പുകാര്‍ വെക്തമാക്കി. നഷ്ടപെട്ട തുകയുടെ കണക്ക് എടുത്ത് വരികയാണ്. മറ്റ് സാധനങ്ങള്‍ എന്തങ്കിലും നഷ്ടപെട്ടിട്ടുണ്ടൊ എന്ന് പരിശോധിക്കുന്നു. കോതമംഗലം പോലീസ് കേസെടുത്ത് അന്വേഷണം ആരംഭിച്ചു.വിരലടയാള വിദക്ധരെ അടക്കം സംഭവസ്ഥലത്ത് എത്തിച്ച് തെളിവെടുപ്പ് നടത്താനാണ് പോലീസ് നീക്കം.

കോതമംഗലം: മോഷ്ടിച്ച ബൈക്കിൽ കറങ്ങി നടന്നവർ കോതമംഗലം പോലീസിൻ്റെ പിടിയിൽ. മോഷ്ടിച്ച ബൈക്കിൽ കറങ്ങി നടന്ന പ്രായപൂർത്തിയാകാത്ത ഒരാൾ ഉൾപ്പെടെ മൂന്നുപേരാണ് പിടിയിലായത്. മാതിരപ്പിള്ളി മൂലേച്ചാൽ വീട്ടിൽ സച്ചിൻ സിബി (22), ഇരമല്ലൂർ നെല്ലിക്കുഴി കുഴിവേലിപ്പാടത്ത് വീട്ടിൽ രാകേഷ് (21) എന്നിവരാണ് കോതമംഗലം പോലീസിൻറെ പിടിയിലായത്. വ്യാജ നമ്പർ പ്ലേറ്റുമായാണ് വാഹനം ഓടിച്ചു കൊണ്ടിരുന്നത്. ഇത് ശ്രദ്ധയിൽപ്പെട്ടതിനെ തുടർന്ന് പോലീസ് നടത്തിയ അന്വേഷണത്തിൽ വാഹനം നെല്ലിക്കുഴിയിൽ നിന്നും മോഷ്ടിച്ചതാണെന്ന് കണ്ടെത്തി. എസ്.എച്ച്.ഒ അനീഷ് ജോയി, എസ്.ഐമാരായ റജി, മാഹിൻ സലിം, ഷാജി കുര്യാക്കോസ് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.