Connect with us

AGRICULTURE

വേട്ടാമ്പാറയിൽ തുടർച്ചയായ കാട്ടാന ശല്യം; കർഷകർ പ്രതിസന്ധിയിൽ.

Published

on

പിണ്ടിമന: പിണ്ടിമന പഞ്ചായത്തിലെ വേട്ടാമ്പാറയിൽ തുടർച്ചയായി കാട്ടാനയിറങ്ങി ഏത്തവാഴകളടക്കമുള്ള കാർഷിക വിളകൾ നശിപ്പിക്കുന്നതിനാൽ കർഷകർ പ്രതിസന്ധിയിലാകുന്നു.കഴിഞ്ഞ ഒരാഴ്ച്ചക്കിടെ രണ്ടാം പ്രാവശ്യമാണ് റ്റി.വി. ജോസ് തറമുട്ടത്ത് എന്ന കർഷകൻ്റെ കൃഷിയിടത്തിലെത്തി കാട്ടാനകൾ കൃഷി നശിപ്പിച്ചത്. പാട്ടത്തിനെടുത്ത് കൃഷി ചെയ്ത കുലച്ച നൂറോളം ഏത്തവാഴകളാണ് ഇത്തവണ നശിപ്പിച്ചത്.ഫെൻസിംഗ് ഇല്ലാത്ത ചെറിയ വിടവ് നോക്കി കൃഷിയിടത്തിൻ്റെ അകത്ത് കയറുകയും തിരിച്ച് ഇറങ്ങുമ്പോൾ കയ്യാലകളും, ഫെൻസിംഗും ഉൾപ്പെടെ തകർത്തുകൊണ്ടാണ് ആനകളുടെ രാത്രി കാല സഞ്ചാരം. നിത്യവും ആനകൾ വരുന്നത് പ്രദേശത്തെ ജനങ്ങളിൽ ആശങ്ക പരത്തിയിരിക്കുകയാണ്.

അധികൃതരുടെ ഇടപെടൽ കൂടുതൽ കാര്യക്ഷമമാക്കണ മെന്ന് നാശനഷ്ടം സംഭവിച്ച കൃഷിയിടങ്ങൾ സന്ദർശിച്ച ഗ്രാമ പഞ്ചായത്ത് പ്രസിഡൻ്റ് ജെസ്സി സാജു അഭിപ്രായപ്പെട്ടു. കാട്ടാന ശല്യം രൂക്ഷമാകുന്ന പഞ്ചായത്തുകളിൽ കാർഷിക വിളകൾക്കുണ്ടാകുന്ന നഷ്ടം കുറക്കുന്നതിനായി കർഷകരെ വിള ഇൻഷൂറൻസ് പദ്ധതിയിൽ അംഗമാക്കുന്നതിനും, പദ്ധതി ഈ പ്രദേശങ്ങളിൽ വ്യാപിപ്പിക്കുന്നതിനുള്ള ബോധവത്ക്കരണ ക്യാമ്പയിനുകൾ നടപ്പാക്കുന്നതിനുള്ള നടപടികൾ സ്വീകരിക്കുന്നതാണെന്നും സ്ഥലത്തെത്തിയ കോതമംഗലം കൃഷി അസിസ്റ്റൻ്റ് ഡയറക്ടർ വി.പി.സിന്ധു അറിയിച്ചു.പഞ്ചായത്ത് സ്ഥിരം സമിതി അദ്ധ്യക്ഷൻമാരായ സിബി പോൾ, സിജി ആൻ്റണി, കൃഷി ഓഫീസർ ഇ.എം ഹനീഫ, കൃഷി അസിസ്റ്റൻ്റ് വി.കെ ജിൻസ് എന്നിവരും സംഘത്തോടൊപ്പം ഉണ്ടായിരുന്നു.


AGRICULTURE

കോതമംഗലം അഗ്രോ സർവ്വീസ് സെൻ്ററിൻ്റെ നേതൃത്വത്തിൽ തരിശു പാടത്ത് കൃഷി ആരംഭിച്ചു.

Published

on

കോതമംഗലം: വാരപ്പെട്ടി പഞ്ചായത്തിലെ വർഷങ്ങളായി തരിശായി കിടന്ന കരിങ്ങാട്ട് പാടം കതിരണിയാനൊരുങ്ങുന്നു. വിത്തിടൽ ഉദ്ഘാടനം കോതമംഗലം എം.എൽ.എ. ആൻ്റണി ജോൺ നിർവ്വഹിച്ചു.പഞ്ചായത്ത് ജനകീയാസൂത്രണം 2021 – 22 വാർഷിക പദ്ധതിയിൽ ഉൾപ്പെടുത്തി 2,40,000 രൂപ പഞ്ചായത്ത് ഫണ്ട് വകയിരുത്തിയാണ് പദ്ധതി നടപ്പിലാക്കുന്നത്. കോതമംഗലം അഗ്രോ സർവ്വീസ് സെൻ്ററാണ് കൃഷി ഏറ്റെടുത്തു നടത്തുന്നത്. 16 പേരുടെ ഉടമസ്ഥതയിലുള്ള വർഷങ്ങളോളം തരിശായ ഇഞ്ചൂർ കരിങ്ങാട്ട് പാടശേഖര സമിതിയുടെ എട്ട് ഏക്കർ സ്ഥലത്താണ് കൃഷി. പഞ്ചായത്ത് പ്രസിഡൻ്റ് പി കെ ചന്ദ്രശേഖരൻ നായർ അദ്ധ്യക്ഷത വഹിച്ചു.

കൃഷി അസിസ്റ്റൻ്റ് ഡയറക്ടർ വി.പി സിന്ധു പദ്ധതി വിശദീകരിച്ചു. വൈസ് പ്രസിഡൻ്റ് ബിന്ദു ശശി, ജില്ലാ പഞ്ചായത്ത് വികസന സ്റ്റാൻ്റിങ് കമ്മിറ്റി ചെയർപേഴ്സൺ റാണിക്കുട്ടി ജോർജ്, മെമ്പർമാരായ എം എസ് ബെന്നി,ബേസിൽ യോഹന്നാൻ, പി.എം സെയ്ത്, ദിവ്യാസാലി, പ്രിയ സന്തോഷ്, ശ്രീകല സി,ദീപാ ഷാജു, ഷജി ബെസി, ഏഞ്ചൽ റാണി, കൃഷി ഓഫീസർ കെ.എസ് സണ്ണി, ബിൻസി ജോൺ, ആബിത ഒ.എം, പാടശേഖര സമിതി അംഗങ്ങളായ ഡൊമനിക് സാവിയോ,സെബാസ്റ്റ്യൻ കരിങ്ങാട്ടിൽ എന്നിവർ പങ്കെടുത്തു.


Continue Reading

AGRICULTURE

ഹോട്ടൽ മുറ്റത്ത് പച്ചക്കറി തോട്ടം ഒരുക്കി 20 രൂപക്ക് ഊണ്; പോത്താനിക്കാട്ടെ ജനകീയ ഹോട്ടല്‍ ശ്രദ്ധേയമാകുന്നു.

Published

on

കോതമംഗലം: നാവിൽ കൊതിയൂറും വിഭവങ്ങൾ ഒരുക്കി കാത്തിരിക്കുകയാണ് പോത്താനിക്കാട് കുടുംബശ്രീ പ്രവർത്തകർ. ഇവരുടെ ഹോട്ടലിൽ ഭക്ഷണത്തിന്റെ രുചിക്ക് പുറമെ, ഹോട്ടലിന്റെ മുറ്റം നിറയെ കായിച്ചുല്ലസിച്ച് പച്ചക്കറികളും നിൽക്കുന്നു. പോത്താനിക്കാട് കുടുംബശ്രീ നടത്തുന്ന ജനകീയ ഹോട്ടലിലാണ് മനസ്സിന് കുളിർമ്മയേകുന്ന ഈ വിത്യസ്തമായ കാഴ്ച. സംസ്ഥാന സർക്കാരിൻ്റെ വിശപ്പുരഹിത കേരളം പദ്ധതിയുടെ ഭാഗമായാണ് 2020 ജനുവരി ഒന്നിന് ഇരുപത് രൂപയ്ക്ക് ഊണ് നൽകുന്ന ജനകീയ ഹോട്ടൽ പോത്താനിക്കാട് കുടുംബശ്രീയുടെ നേത്യത്വത്തിൽ ആരംഭിച്ചത്. സി ഡി എസ്സ് മെമ്പർമാരായ
മഞ്ജു സാബു, ശ്രീദേവി സിജു, ജസീന്ത വർഗ്ഗീസ്, ഉഷ ഭാസ്കരൻ, ദീപ എൽദോസ് എന്നിവരാണ് ജനകീയ ഹോട്ടൽ നടത്തിപ്പുകാർ.

രാവിലെ 7 മണിക്ക് എത്തുന്ന ഇവർ ഹോട്ടലിലെ ജോലി തിരക്കുകൾക്കിടയിലാണ് പച്ചക്കറി കൃഷിക്ക് സമയം കണ്ടെത്തുന്നത്. ടൗണിൽ സ്ഥിതി ചെയ്യുന്ന ഹോട്ടലിന് ചുറ്റുമുള്ള മുറ്റത്താണ് ഒരിഞ്ച് സ്ഥലം പോലും പാഴാക്കാതെ പച്ചക്കറിതൈകൾ ഗ്രോബാഗിൽ നട്ട് വളർത്തി ഹോട്ടലിലെ ആവശ്യങ്ങൾക്കുള്ള വിഷരഹിതമായ വെണ്ടക്കയും, തക്കാളിയും, പയറും, ഇഞ്ചിയും, പടവലങ്ങയും വെള്ളരിയും, വഴുതനയ്ങ്ങായും, ആവശ്യത്തിനായുള്ള മുളകും കൃഷി ചെയ്ത് ഉൽപാദിപ്പിക്കുന്നത്. മറ്റുള്ളവരുടെ വിശപ്പകറ്റുന്നതോടൊപ്പം പച്ചക്കറി കൃഷിയോടുള്ള ഇവരുടെ താൽപര്യം കൂടിയാണ് ഇവിടെ കാണുവാൻ കഴിയുന്നത്.പോത്താനിക്കാട് കൃഷി ഓഫീസിൽ നിന്നും ആണ് മണ്ണ് നിറച്ച ഗ്രോബാഗും പച്ചക്കറിതൈകളും വിതരണം ചെയ്തത്.

ലോക് ഡൗൺ കാലത്ത് മുഴുവൻ തദ്ദേശ സ്വയംഭരണ സ്ഥാപനങ്ങൾക്ക് കീഴിലും ആരംഭിച്ച കമ്യുണിറ്റി കിച്ചൻ്റെ തുടർച്ചയെന്നോണമാണ് ജനകീയ ഹോട്ടലുകൾ ആരംഭിച്ചത്. 1100 ഓളം ജനകീയ ഹോട്ടലുകളാണ് ഇത്തരത്തിൽ സംസ്ഥാനത്ത് പ്രവർത്തിക്കുന്നത്.ഇതിൻ്റെ ഭാഗമായി 20 രൂപയ് ഉച്ചയൂൺ ലഭ്യമാക്കി കുറഞ്ഞ നിരക്കിൽ ഭക്ഷണം നൽകി സർക്കാരിൻ്റെ വിശപ്പുരഹിത കേരളം എന്ന ലക്ഷ്യത്തെ യാഥാർത്യമാക്കുകയാണ് പോത്താ നിക്കാട്ടെ ഒരു കൂട്ടം കുടുംബശ്രീ പ്രവർത്തകർ. ഉച്ചയൂൺ കൂടാതെ ഇടനേരങ്ങളിലെ ഭക്ഷണവും അശ്യക്കാർക്ക് ഹോം ഡെലിവറി സൗകര്യവും കുറഞ്ഞ നിരക്കിൽ ഇവിടെ നിന്ന് ഓഡർ സ്വീകരിച്ച് ലഭ്യമാക്കുന്നുണ്ട്.

ജില്ലാ പഞ്ചായത്തിൻ്റെ വാർഷിക പദ്ധതിയിൽ ഉൾപ്പെടുത്തിയ ജനകീയ ഹോട്ടലിനുള്ള റിവോൾവിംങ് ഫണ്ട് തദ്ദേശ സ്വയംഭരണ സ്ഥാപനങ്ങൾ വഴിയാണ് കുടുംബശ്രീ യൂണിറ്റുകൾക്ക് ലഭ്യമാക്കുന്നത്.കൂടാതെ ഒരു ഊണിന് 10 രൂപ നിരക്കിൽ സർക്കാർ സബ്സീഡിയും ലഭിക്കുന്നുണ്ട്.
ചോറ്, തോരൻ, അച്ചാർ, സാമ്പാർ / രസം / മോര്കറി എന്നിവയുൾപ്പെടെയാണ് ഇരുപത് രൂപയ്ക്കുള്ള ഊണ് നൽകുന്നത്. ഇത് കൂടാതെ 30 രൂപ മുതൽ മീൻ പൊരിച്ചതും 60 രൂപയ്ക്ക് സ്വാധിഷ്ടമായ ചിക്കൻ കറിയും 100 രൂപയ്ക്ക് ബിരിയാണിയും ഇവിടെ നിന്ന് ലഭിക്കും. ദിനംപ്രതി 100 നും 180 നും ഇടയിൽ ഊണ് ഇവിടെ നിന്നും നൽകുന്നുണ്ട്. പാവപ്പെട്ട ആളുകൾക്കും, തൊഴിലാളികൾക്കും, കൂടാതെ വഴി യാത്രക്കാർക്കും ഈ ജനകീയ ഹോട്ടലും ഇവിടുത്തെ ഭക്ഷണവും ഏറെ ആശ്വാസകരമാണ് എന്ന് പറയാതിരിക്കാൻ വയ്യ.

മികച്ച പ്രവർത്തനം കാഴ്ചവയ്ക്കുന്ന പോത്താനിക്കാട് ജനകീയ ഹോട്ടൽ കുടുംബശ്രീ ജില്ലാ മിഷൻ്റെ ഗ്രേഡ് പരിശോധനയിൽ എ പ്ലസ് ഗ്രേഡാണ് കരസ്ഥമാക്കിയത്. പൊതുജനങ്ങളിൽ നിന്നും വലിയ തോതിലുള്ള ജനപിൻന്തുണ നേടിക്കൊണ്ടാണ് ഹോട്ടലിൻ്റെ പ്രവർത്തനം മുന്നോട് പോകുന്നത്.


Continue Reading

AGRICULTURE

കീരംപാറയിൽ കൃഷിപാഠശാലയ്ക്ക് തുടക്കമായി.

Published

on

കോതമംഗലം: കീരംപാറയിൽ കൃഷിപാഠശാലയ്ക്ക് തുടക്കമായി. കോതമംഗലം എം.എൽ.എ ആൻ്റണി ജോൺ പരിശീലന ക്ലാസുകളുടെ ഉദ്ഘാടനം നിർവ്വഹിച്ചു. സംസ്ഥാന കൃഷിവകുപ്പ് കൃഷി ,മൃഗസംരക്ഷണം, ക്ഷീരവികസനം ,ഫിഷറീസ് അനുബന്ധ മേഖലയിൽ വിവിധ വിഷയങ്ങളിൽ കർഷകർക്ക് പരിശീലനം നൽകുകയാണ് കൃഷിപാഠശാല വഴി ഉദ്ദേശിക്കുന്നത്. പുന്നേക്കാട് സ്വാശ്രയ കർഷക വിപണിയിൽ ചേർന്ന യോഗത്തിൽ കീരംപാറ ഗ്രാമ പഞ്ചായത്ത് പ്രസിഡൻറ് വി.സി ചാക്കോ അദ്ധ്യക്ഷനായി. ചsങ്ങിൽ ഭാരതീയ പ്രകൃതികൃഷി സുഭിക്ഷം സുരക്ഷിതം പദ്ധതി പ്രകാരം ജീവനി ഗ്രൂപ്പ് നിർമ്മിച്ച ജൈവ സസ്യ സംരക്ഷണ ഉൽപ്പന്നങ്ങളുടെ വിതരണവും എം.എൽ.എ നിർവഹിച്ചു.

കൃഷി അസിസ്റ്റൻ്റ് ഡയറക്ർ വി.പി സിന്ധു പദ്ധതി വിശദീകരണം നടത്തി.ജില്ലാ പഞ്ചായത്ത് മെമ്പർ കെ.കെ ദാനി, ഗ്രാമ പഞ്ചായത്ത് വൈസ് പ്രസിഡൻ്റ് ഷീബ ജോർജ് ,ബ്ലോക്ക് പഞ്ചായത്ത് വികസന സ്റ്റാൻ്റിങ്ങ് കമ്മിറ്റി ചെയർമാൻ ജോമി തെക്കേക്കര, ഗ്രാമ പഞ്ചായത്ത് മെമ്പർമാരായ സിനി ബിജു, ജിജോ ആൻ്റണി, മഞ്ജുസാബു, മാമച്ചൻ ജോസഫ്,അൽഫോൻസ രാജു, ബീന റോജോ, ബേസിൽ ബേബി, ആഷ ജയപ്രകാശ് ഗോപി എം പി, ലിസി ജോസ്,വി.കെ വർഗീസ്. സ്വാശ്രയ കർഷക സമിതി പ്രസിഡൻ്റ് റിജോ എന്നിവർ പ്രസംഗിച്ചു.കൃഷി ഓഫീസർ ബോസ് മത്തായി സ്വാഗതവും, അസി. ക്യഷി ഓഫീസർ എൽദോസ് പി നന്ദിയും പറഞ്ഞു.

ആദ്യ പരിശീലന ക്ലാസ് ദിവസത്തിൽ വാഴകൃഷിയെ സംബന്ധിച്ച് കാർഷിക വിജ്ഞാന കേന്ദ്രം അസോസിയേറ്റ് പ്രൊഫസർ ഡോ. ഷോജി ജോയി എഡിസൺ പരിശീലനം നടത്തി. തുടർ ദിവസങ്ങളിൽ വിവിധ വിഷയങ്ങളിലെ വിദ്ഗദ്ധർ പരിശീലനം നടത്തുന്നതാണെന്ന് കൃഷി ഓഫീസർ ബോസ് മത്തായി അറിയിച്ചു.


Continue Reading

Recent Updates

CRIME10 hours ago

വിസ വാഗ്ദാനം ചെയ്ത് ഉദ്യോഗാർത്ഥികളിൽ നിന്ന് കോടിക്കണക്കിന് രൂപ തട്ടിച്ച കേസിൽ ഒരാൾ കൂടി പിടിയൽ.

മുവാറ്റുപുഴ : വിസ വാഗ്ദാനം ചെയ്ത് ഉദ്യോഗാർത്ഥികളിൽ നിന്ന് കോടിക്കണക്കിന് രൂപ തട്ടിച്ച കേസിൽ ഒരാൾ കൂടി പിടിയൽ. കണ്ണൂർ നടുവിൽ മണ്ടളം തോട്ടത്തിൽ വീട്ടിൽ അരുൺ...

EDITORS CHOICE12 hours ago

അതി ജീവന പാതയിൽ ഭിന്നശേഷിക്കാർക്ക് താങ്ങായി തണലായി രാജീവ് പള്ളുരുത്തി.

കൊച്ചി: മറ്റൊരു ലോക ഭിന്നശേഷി ദിനം കൂടി കടന്നു പോയി. ഭിന്നശേഷിക്കാരുടെ അവകാശങ്ങൾ നേടിയെടുക്കുന്നതിനും, അവരുടെ ഉന്നമനത്തിനായി ജീവിതം തന്നെ ഉഴിഞ്ഞു വെച്ച മനുഷ്യസ്നേഹിയുണ്ട് കൊച്ചിയിൽ. വീൽ...

CHUTTUVATTOM12 hours ago

വിലകയറ്റത്തിലും സ്ത്രീകൾക്കെതിരെയുള്ള അതിക്രമങ്ങളിലും പ്രതിഷേധിച്ച് പദയാത്ര സംഘടിപ്പിച്ചു.

കോതമംഗലം : വിലകയറ്റത്തിലും സ്ത്രീകൾക്കെതിരെയുള്ള അതിക്രമങ്ങളിലും പ്രതിഷേധിച്ച് പിണ്ടിമന മണ്ഡലം കമ്മിറ്റിയുടെ നേതൃത്വത്തിൽ പദയാത്ര സംഘടിപ്പിച്ചു. മാലിപ്പാറ പള്ളിപടിയിൽ പദയാത്രയുടെ ഫ്ളാഗ് ഓഫ് മുൻ കെ പി...

CHUTTUVATTOM12 hours ago

പരിമിതിയില്ലാതെ ഭരതനാട്യത്തിൽ വിസ്മയം തീർത്ത് വിഷ്ണു.

മുവാറ്റുപുഴ:  മുവാറ്റുപുഴയിലെ വിഷ്ണു പരിമിതികളെ തോൽപ്പിച്ച് ഭരതനാട്യത്തിൽ വിസ്മയം തീർക്കുകയാണ്. ഡൗൺ സിൻഡ്രോം രോഗത്തെ തോൽപ്പിച്ചാണ് വിഷ്ണു അമർനാഥ് എന്ന ഈ കലാകാരൻ തന്റെ ഇഷ്ടത്തെ നേടിയെടുത്തത്....

CHUTTUVATTOM24 hours ago

കോതമംഗലം ബി.ആർ.സിയുടെ ആഭിമുഖ്യത്തിൽ പാട്ടും ഡാൻസുമായി ചങ്ങാതികൂട്ടം.

കോതമംഗലം : ഡാൻസും പാട്ടുമായി ചങ്ങാതിക്കൂട്ടം എത്തി. സമഗ്ര ശിക്ഷ കേരളം കോതമംഗലം ബിആർസി യുടെ ആഭിമുഖ്യത്തിൽ പ്രത്യേക പരിഗണന അർഹിക്കുന്ന കുട്ടികൾക്കായി സംഘടിപ്പിച്ച ഭിന്നശേഷി വാരാചരണത്തിന്റെ...

NEWS1 day ago

ചെറിയ പള്ളിയുടെ ആഭ്യമുഖ്യത്തിൽ ലോകഭിന്നശേഷിദിനം ആചരിച്ചു.

കോതമംഗലം: ആഗോള സർവ്വമത തീർത്ഥാടന കേന്ദ്രമായ കോതമംഗലം മാർ തോമാ ചെറിയ പള്ളിയുടെ ആഭ്യമുഖ്യത്തിൽ ലോകഭിന്നശേഷിദിനം ആചരിച്ചു. ഭിന്നശേഷി കൂട്ടായ്മയിലുള്ളവർക്ക് ഭക്ഷ്യധാന്യ കിറ്റ് വിതരണം ചെയ്തു. യോഗത്തിൽ...

NEWS1 day ago

നെല്ലിക്കുഴി ഗ്രാമപഞ്ചായത്ത് കമ്പ്യൂട്ടര്‍ സെര്‍വര്‍ റൂമില്‍ തീപിടിത്തം ; ഫയര്‍ഫോഴ്സിന്‍റെ അവസരോചിത ഇടപെടല്‍ വന്‍ ദുരന്തം ഒഴിവായി.

കോതമംഗലം ; നെല്ലിക്കുഴി ഗ്രാമപഞ്ചായത്ത് കമ്പ്യൂട്ടര്‍ സെര്‍വര്‍ റൂമില്‍ തീപിടിത്തം. കമ്പ്യൂട്ടര്‍ ഉപകരണങ്ങള്‍ കത്തി നശിച്ചു.വൈദ്യുതി ഷോര്‍ട്ട് സര്‍ക്യൂട്ട് ആണ് തീപിടത്തത്തിന് കാരണമെന്ന് അനുമാനം. കോതമംഗലം ഫയര്‍ഫോഴ്സിന്‍റെ...

CRIME2 days ago

പോളണ്ടിൽ ജോലി വാഗ്ദാനം ചെയ്ത് പണം തട്ടിയ വ്യാജ റിക്രൂട്ട്മെന്‍റ് കേസില്‍ രണ്ട് പ്രതികൾ പിടിയിൽ.

മുവാറ്റുപുഴ : പോളണ്ടിൽ ജോലി വാഗ്ദാനം ചെയ്ത് ഉദ്യോഗാർത്ഥികളിൽ നിന്നും പണം തട്ടിയ അഡോണ വ്യാജ റിക്രൂട്ട്മെന്‍റ് കേസില്‍ രണ്ട് പ്രതികൾ കൂടി പിടിയിൽ. ഇടുക്കി കുടയത്തൂർ...

NEWS2 days ago

വനമേഖലയിലെ സംയുക്ത പരിശോധന ഉടന്‍ പൂര്‍ത്തിയാക്കും: മന്ത്രി എ. കെ ശശീന്ദ്രന്‍

കൊച്ചി : എറണാകുളം ജില്ലയിലെ വനമേഖലയിലെ വിവിധ പരാതികള്‍ക്ക് പരിഹാരം കാണുന്നതിനായി ജനുവരി 15നകം വനം, റവന്യൂ വകുപ്പുകളുടെ സംയുക്ത പരിശോധന പൂര്‍ത്തിയാക്കാന്‍ വനംവകുപ്പ് മന്ത്രി എ.കെ...

CRIME2 days ago

സഹായം വാഗ്ദാനം ചെയ്ത് വീട്ടമ്മയെ പീഢിപ്പിച്ചയാൾ പിടിയിൽ.

പെരുമ്പാവൂർ: നെല്ലാട് കണ്ടോത്തുകുടി പുത്തൻ വീട്ടിൽ ഷാജി (ഷിജിൽ 49) യാണ് കുന്നത്തുനാട് പോലീസിന്റെ പിടിയിലായത്. വീടുപണിക്കായി വീട്ടമ്മ ലോൺ എടുത്തിരുന്നു. തിരിച്ചടവ് മുടങ്ങിയതിനെ തുടർന്ന് ബാങ്കിൽ...

CRIME2 days ago

രഹസ്യമായി കഞ്ചാവ് വിൽപ്പന നടത്തി വന്നയാളെ പേഴക്കാപ്പിള്ളിയിൽ നിന്ന് പിടികൂടി.

മൂവാറ്റുപുഴ: പേഴയ്ക്കാപ്പിള്ളിയിൽ നടന്ന റെയ്ഡിൽ രഹസ്യമായി കഞ്ചാവ് വിൽപ്പന നടത്തി വന്ന അന്യസംസ്ഥാന തൊഴിലാളിയായ ഇനാമുൾ ഹക്കിൻ്റെ പക്കൽ നിന്ന് 50 ഗ്രാം കഞ്ചാവ് മൂവാറ്റുപുഴ എക്സൈസ്...

CHUTTUVATTOM2 days ago

ആലൂവ-മൂന്നാർ റോഡ് 23 മീറ്റർ വീതിയിൽ നവീകരിക്കുന്നു; സ്ഥലമേറ്റുടക്കൽ നടപടികൾ സമയബന്ധിതമായി പൂർത്തിയാക്കും.

പെരുമ്പാവൂർ : പെരുമ്പാവൂർ എം എൽ എ യുടെ പ്രവർത്തനങ്ങൾ വിലയിരുത്താനും തുടർ നടപടികൾക്ക് വേണ്ടി സമയപരിധികൾ വെച്ച് പ്രവർത്തനങ്ങളുമായി മുന്നോട്ട് പോകുന്നതിനും വേണ്ടിയുള്ള യോഗം നടന്നു....

NEWS2 days ago

പീസ് വാലി സഹജീവി സ്നേഹത്തിന്റെ ഉദാത്തമായ മാതൃക: ഗവർണർ

തിരുവനന്തപുരം : നിരാലംബർക്കും നിസ്സഹായർക്കും തണൽ വിരിക്കുന്ന കോതമംഗലത്തെ പീസ് വാലിയുടെ പ്രവർത്തനങ്ങൾ സഹജീവി സ്നേഹത്തിന്റെ ഉദാത്തമായ മാതൃകയെന്ന് ഗവർണർ ആരിഫ് മുഹമ്മദ്‌ ഖാൻ. രാജ്ഭവനിൽ നടന്ന...

CRIME3 days ago

മോഫിയ പർവീൺ ആത്മഹത്യ; പ്രതികളെ കോതമംഗലത്തെത്തിച്ചു തെളിവെടുപ്പ് നടത്തി, സത്യം ഉടൻ പുറത്ത് വരുമെന്ന് സുഹൈൽ.

കോതമംഗലം: നിയമവിദ്യാർത്ഥിനിയായ മോഫിയ പർവീൺ ആത്മഹത്യ ചെയ്ത സംഭവത്തിൽ ഭർത്താവ് ഇരമല്ലൂർ കുറ്റിലഞ്ഞി മലേക്കുടി വീട്ടിൽ മുഹമ്മദ് സുഹൈൽ (27), ഭർതൃമാതാവ് റുഖിയ (55), ഭർതൃ പിതാവ്...

CHUTTUVATTOM3 days ago

കോതമംഗലം സ്വദേശി സാബു ചെറിയാൻ ഫിലിം ഫെഡറേഷൻ ഓഫ് ഇന്ത്യ വൈസ് പ്രസിഡന്റ്.

കോതമംഗലം: ഗോവയിൽ നടന്ന ഫിലിം ഫെഡറേഷൻ ഓഫ് ഇന്ത്യയുടെ ഭാരവാഹി തെരഞ്ഞെടുപ്പിൽ ദേശീയ വൈസ് പ്രസിഡൻ്റായി സാബു ചെറിയാനെ തെരഞ്ഞെടുത്തു. ഇന്ത്യയിലെ എല്ലാ ഫിലിം ചേമ്പറുകളുടേയും അപ്പക്സ്...

Trending

error: Content is protected !!