Connect with us

AGRICULTURE

കൗതുകവും, കണ്ണിന് കുളിർമ്മയേകുന്ന കാഴ്ചയുമായി കുട്ടമ്പുഴ വന മേഖലയിലെ ‘മൂട്ടിപ്പഴം’

Published

on

കോതമംഗലം : കുട്ടമ്പുഴ വനമേഖല പ്രകൃതി സമ്പത്തുകൊണ്ട് നാടിന്റെ വിസ്മയ ഖനിയാണ്. വന്യ മൃഗങ്ങളും , പക്ഷി മൃഗാദികളും, വന സസ്യലതാതികളും , വൻ മരങ്ങളും , ഫല വൃക്ഷങ്ങളും തുടങ്ങി എണ്ണിയാൽ ഒടുങ്ങാത്ത പ്രകൃതി സമ്പത്തിന്റെ അമൂല്യ ശേഖരമാണ് കോതമംഗലം മണ്ഡലത്തിനെ തലപ്പാവ് പോലെ ആവരണം ചെയ്തിരിക്കുന്ന കുട്ടമ്പുഴ വന മേഖല . കുട്ടമ്പുഴ തട്ടേക്കാട് കാട്ടിനുള്ളിലാണ് നയന മനോഹര കാഴ്ചയായി മൂട്ടിപ്പഴ മരം പൂത്തു നിൽക്കുന്നത്.

ബക്കൗറിയ കോറിട്ടിലെൻസിസ് (വൈൽഡ് ലിച്ചി ) എന്ന ശാസ്ത്രീയ നാമത്തിലാണ് ഈ സസ്യത്തെ അറിയപ്പെടുന്നത്. മൂട്ടിപ്പഴം, മൂട്ടിപ്പുളി, മൂട്ടിക്കായ്പൻ, കുറുക്കൻതൂറി, കുന്തപ്പഴം, മൂട്ടിത്തൂറി തുടങ്ങിയ പേരുകളിലും ഇവ അറിയപ്പെടുന്നു. ദക്ഷിണേന്ത്യയിലെ നിത്യഹരിത വനങ്ങളിലാണു മൂട്ടിപ്പഴമരത്തെ സാധാരണ കാണപ്പെടുന്നത്. ആദിവാസി വിഭാഗത്തിൽപെട്ടവരും വന വിഭവങ്ങൾ ശേഖരിക്കുവാൻ കാട്ടിൽ കയറുന്നവരുമാണ് ഈ പഴം ഉപയോഗിച്ചു വന്നിരുന്നത്.

തട്ടേക്കാട് പക്ഷി സങ്കേതത്തിലെ വനത്തിനുള്ളിലെ ചെറിയ ഇടവഴികളോട് ചേർന്ന് മുട്ടി മരങ്ങൾ പൂത്തു നിൽക്കുന്ന മനോഹര ദൃശങ്ങൾ പകർത്തിയത് വനം വകുപ്പിലെ ഉദ്യോഗസ്ഥനായ ഷിബു ദാസ് ആണ് . പഴ പ്രിയരായ കുരങ്ങന്മാർ മുതൽ ഇഴ ജന്തുക്കൾ വരെ വനത്തിലെ മൂട്ടി പഴത്തിന്റെ അവകാശികൾ ആണ് . പലപ്പോളും മരത്തിന്റെ താഴേ ആമകളെ കാണുവാറുണ്ടെന്ന് ഷിബു ദാസ് വ്യക്തമാക്കുന്നു. ഭൂതത്താൻകെട്ട് , ഇടമലയാർ , മലയാറ്റൂർ, പൂയംകുട്ടി വന മേഖലകളിൽ ധാരാളം മുട്ടി മരങ്ങൾ ഉണ്ടെന്ന് വന പാലകരും വ്യക്തമാക്കുന്നു.

മറ്റ് മരങ്ങളിൽ നിന്നും വ്യത്യസ്തമായി വൃക്ഷത്തിന്റെ തായ്ത്തടിയുടെ മൂട്ടിൽ ആണ് പഴങ്ങൾ തൂങ്ങി കിടക്കുന്നത് . ഇതുകൊണ്ടാണ് ഈ വൃക്ഷത്തിനു മൂട്ടിപ്പഴമെന്ന പേരുവന്നത്. പുളിപ്പും മധുരവുമുള്ളതുമാണ് ഈ ഫലം. റംബൂട്ടാന്റെ ഫലവുമായി ഇതിന് ഏറെ സാമ്യമുണ്ട്. നേർത്ത കട്ടി കുറഞ്ഞ തോട് പൊളിച്ച് അകത്തുള്ള ജെല്ലി പോലെയുള്ള ഭാഗമാണ് ഭക്ഷിക്കുന്നത്. ഉദരരോഗത്തിനു മൂട്ടിപ്പഴം ഉത്തമമാണെന്നും,  ഡെങ്കി പണി ബാധിതർ മൂട്ടിപ്പഴം കഴിക്കുക വഴി രക്തത്തിലെ കൗണ്ടിന്റെ അളവ് വർദ്ധിക്കുന്നതായും പറയപ്പെടുന്നു.

വനത്തിൽ താനേ മുളച്ചു വളരുന്ന മുട്ടി മരം കായ്ക്കുവാൻ ഏകദെശം 6 – 8 വർഷം എടുക്കും. ഓരോ വനത്തിലെയും ആവാസവ്യവസ്ഥക്ക് അനുസരിച്ചു മരത്തിലെ പൂക്കൾക്ക് നിറവ്യത്യാസം ഉണ്ടാകുന്നതായി വനം വകുപ്പിലെ ജീവനക്കാർ വ്യക്തമാക്കുന്നു. ശബരിമല , മറയൂർ മേഖലകളിൽ വെള്ളയുടെ പല വകഭേദങ്ങളിൽ പൂക്കൾ ഉണ്ടാകുന്നുണ്ട്.

മാർച്ച് മാസത്തോടെ പൂക്കൾ കൊണ്ട് നിറയുന്ന മരങ്ങളിൽ മെയ് ,ജൂൺ മാസങ്ങളിൽ മൂട്ടിപ്പഴം കഴിക്കുവാൻ പാകത്തിൽ വിളയുകയും ചെയ്യും. ആൺ, പെൺ മരങ്ങൾ പൂക്കുമെങ്കിലും പരാഗണത്തിന് ശേഷം ആൺ മരത്തിലെ പൂക്കൾ കൊഴിഞ്ഞു പോകുകയും , പെൺ മരത്തിൽ കായ്‌കൾ പിടിക്കുകയും ചെയ്യുന്നു.

മൂട്ടിപ്പഴത്തിന്റെ ഗുണത്തിലും മനോഹാരിതയിലും ആകൃഷ്ടരായ ചിലർ വീടുകളിൽ മരം നട്ടുവളർത്തി തുടങ്ങിയിട്ടുണ്ട്. മരത്തിന്റെ തടിയിൽ അടിഭാഗത്തുനിന്നും പൂക്കൾ വിരിഞ്ഞു വരുന്നതും , കടും ചുമപ്പിൽ തടി മുഴുവൻ തൂങ്ങി കിടക്കുന്നതും മനോഹര കാഴ്ചയാണ് സമ്മാനിക്കുന്നത്. ദളങ്ങളില്ലാത്ത പൂക്കൾക്കു ചുവപ്പു നിറമാണ്. പഴുക്കുമ്പോൾ പഴത്തിന്റെ നിറം കടുംചുവപ്പാകും.

മറ്റുള്ള വൃക്ഷങ്ങളെ പോലെ ഇതിന്റെ ശിഖരങ്ങളിൽ അധികം പഴം ഉണ്ടാകാറില്ല. അങ്ങനെ വീടിന്റെ അരികിൽ അലങ്കാര ഫലവൃക്ഷമായി വളർത്തുകയും ചെയ്യുന്നു.

Kothamangalam News

കുട്ടമ്പുഴ വന മേഖലയിലെ 'മൂട്ടിപ്പഴം'

Posted by Kothamangalamnews on Sunday, March 10, 2019

മലയണ്ണാൻ, കുരങ്ങ്, കരടി തുടങ്ങിയ മൃഗങ്ങളുടെ ഇഷ്ടഭക്ഷണമായിരുന്ന മുട്ടി പഴം ഇപ്പോൾ നാടിറങ്ങി നാട്ടുകാരുടെ കൂടി ഇഷ്ടപെട്ട പഴമായിരിക്കുകയാണ്.

AGRICULTURE

കേരള കോൺഗ്രസ് (എം) നിൽപ്പ് സമരം നടത്തി; സാമ്പത്തിക പാക്കേജ് കർഷകരോടുള്ള വെല്ലുവിളിയാണെന്ന് ജില്ലാ പ്രസിഡൻറ് ഷിബു തെക്കുംപുറം

Published

on

കൊച്ചി : കേന്ദ്ര സംസ്ഥാന സർക്കാരുകളുടെ കർഷക അവഗണനയിൽ പ്രതിഷേധിച്ച് കേരള കോൺഗ്രസ് (എം) ജില്ലാ കമ്മിറ്റിയുടെ നേതൃത്വത്തിൽ 14 നിയോജകമണ്ഡലം കേന്ദ്രങ്ങളിൽ നിൽപ്പ് സമരം നടത്തി. കേന്ദ്ര ഗവൺമെൻറ് സാമ്പത്തിക പാക്കേജ് കർഷകരോടുള്ള വെല്ലുവിളിയാണെന്ന് ജില്ലാ പ്രസിഡൻറ് ഷിബു തെക്കുംപുറം പറഞ്ഞു. കണയന്നൂർ താലൂക്ക് ഓഫീസിനു മുന്നിൽ നടത്തിയ സമരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

5 ലക്ഷം വരെയുള്ള കർഷകകടങ്ങൾ എഴുതിത്തള്ളണമെന്നും, അടിയന്തരമായി പതിനായിരം രൂപ സാമ്പത്തിക സഹായം നേരിട്ട് നൽകണമെന്നും ഷിബു ആവശ്യപ്പെട്ടു. സംസ്ഥാന ജനറൽ സെക്രട്ടറി സേവി കുരിശു വീട്ടിൽ, ബെന്നി മണവാളൻ, കെ.വി വർഗീസ്, സോണി ജോബ്, ജോഷ്വ തായങ്കരി, ടോമി കുരിശുവീട്ടിൽ, ഗ്രേസി ആൻറണി, സാബു ചേരാനല്ലൂർ,അന്റണി നെല്ലിശ്ശേരി, ജോയി വടുതല, അജേഷ് ജോസഫ് എന്നിവർ പങ്കെടുത്തു.

വിവിധ നിയോജക മണ്ഡലം കേന്ദ്രങ്ങളിൽ നടത്തിയ സമരം അങ്കമാലി തോമസ് ഉണ്ണിയാടൻ, പിറവം ഫ്രാൻസിസ് ജോർജ്ജ്, മൂവാറ്റുപുഴ ജോണിനെല്ലൂർ, കോതമംഗലം ടു.യു കുരുവിള, തൃക്കാക്കര വിൻസൻറ് ജോസഫ്, കുന്നത്തുനാട് ബേബി വട്ടക്കുന്നേൽ, പെരുമ്പാവൂർ ജോസ് വള്ളമറ്റം, കളമശ്ശേരി സേവി കുരിശുവീട്ടിൽ, പറവൂർ തോമസ് ഉണ്ണിയാടൻ, തൃപ്പൂണിത്തുറ ജോണി അരീകാട്ടിൽ, വൈപ്പിൻ കെ.വി വർഗീസ്, കൊച്ചി സോണി ജോബ്, ആലുവ ജോസഫ് വടശ്ശേരി, തുടങ്ങിയവർ ഉദ്ഘാടനം നിർവ്വഹിച്ചു.

Continue Reading

AGRICULTURE

തെങ്ങിൻ തൈകൾ വിതരണം ചെയ്തു.

Published

on

കോതമംഗലം: ഹരിതം സഹകരണം പദ്ധതിയുടെ ഭാഗമായി കവളങ്ങാട് സർവ്വീസ് സഹകരണ ബാങ്ക് കുറ്റ്യാടി തെങ്ങിൻ തൈകൾ വിതരണം ചെയ്തു. തൈകളുടെ വിതരണോദ്ഘാടനം ആന്റണി ജോൺ എംഎൽഎ നിർവ്വഹിച്ചു. ചടങ്ങിൽ ബാങ്ക് പ്രസിഡന്റ് കെ ബി മുഹമ്മദ്, ബോർസ് മെമ്പർമാരായ കെ കെ ലെവൻ,നാഷാദ് റ്റി എച്ച്,അനസ് എസ് എം,മാണി പി കെ,വിനയൻ പി ബി,നാഷാദ് ഹസ്സൻ,മിനി ജിജോ,ലിസ്സി ജോർജ്,സുമ ശിവൻ,ബാങ്ക് സെക്രട്ടറി പി കെ മധുസൂദനൻ തുടങ്ങിയവർ പങ്കെടുത്തു.

Continue Reading

AGRICULTURE

കേരള കോൺഗ്രസ് എം ജൈവ മിത്ര പദ്ധതിക്ക് തുടക്കം കുറിച്ചു

Published

on

കോതമംഗലം: ജൈവകൃഷിയിലൂടെ മാത്രമേ ജനങ്ങളുടെ ആരോഗ്യം സംരക്ഷിക്കാൻ കഴിയൂ എന്ന് കേരള കോൺഗ്രസ് എം പാർട്ടി വർക്കിങ് ചെയർമാൻ പി ജെ ജോസഫ് പറഞ്ഞു. കേരള കോൺഗ്രസ് എം ജില്ലാ കമ്മിറ്റിയുടെ ആഭിമുഖ്യത്തിൽ വിഷ രഹിത പച്ചക്കറി ഉൽപ്പാദനത്തിൽ സ്വയംപര്യാപ്തത ലക്ഷ്യമിട്ട് ആരംഭിക്കുന്ന ജൈവ മിത്രം പദ്ധതിയുടെ ഉദ്ഘാടനം നിർവഹിക്കുകയായിരുന്നു അദ്ദേഹം. ജില്ലയിലെ 2000 കേന്ദ്രങ്ങളിലാണ് പാർട്ടി പ്രവർത്തകരുടെ നേതൃത്വത്തിൽ ജൈവപച്ചക്കറി കൃഷി ആരംഭിക്കുന്നത്.

പാർട്ടി അംഗങ്ങളുടെയും അനുഭാവികളുടെയും വീടുകളിലും തിരഞ്ഞെടുക്കപ്പെട്ട സ്ഥലങ്ങളിലും ആണ് ജൈവ കൃഷി തുടങ്ങുന്നത്. കാർഷിക മേഖലയിലേക്ക് യുവാക്കളെ ആകർഷിക്കുന്ന ജൈവ കൃഷി പ്രോത്സാഹിപ്പിക്കുക എന്നിവയാണ് ജൈവ മിത്ര പദ്ധതിയിൽ ലക്ഷ്യമിടുന്നത്. കാർഷിക രംഗത്തെ വിദഗ്ധർ യുവാക്കൾ വിദ്യാർഥികൾ കർഷകർ എന്നിവർ അടങ്ങുന്ന സമിതികളുടെ നേതൃത്വത്തിലാണ് പദ്ധതി നടപ്പിലാക്കുന്നത്.

ജില്ലാ പ്രസിഡണ്ട് ഷിബു തെക്കുംപുറം അധ്യക്ഷത വഹിച്ചു. ടി.യു. കുരുവിള, ഫ്രാൻസിസ് ജോർജ്, സേവി കുരിശുവീട്ടിൽ, ജോസ് വള്ളമറ്റം, ലിസി ജോസ്, ബേബി വട്ടക്കുന്നേൽ, ജോണി അരീക്കാട്ടിൽ, വിൻസെന്റ് ജോസഫ്, ഷൈസൺ മാങ്കുഴ, ജോമി തെക്കേക്കര, ബേബി മുണ്ടാടൻ, ടോം കുര്യച്ചൻ, സോണി ജോബ്, എ .റ്റി. പൗലോസ്, സി.കെ.സത്യൻ, റോയ്‌സ് സ്കറിയ, കെന്നഡി പീറ്റർ, റോയ് മൂഞ്ഞനാട്ട് , കെ. വി . വർഗീസ്, ജോർജ് അമ്പാട്ട് തുടങ്ങിയവർ പങ്കെടുത്തു.

Continue Reading

Trending