കോതമംഗലം: കോയമ്പത്തൂരിൽ വച്ച് നടന്ന ഏഷ്യൻ പവർ ലിഫ്റ്റിംഗ് ചാമ്പ്യൻഷിപ്പിൽ സബ് ജൂനിയർ ഗേൾസ് 76 കിലോ വിഭാഗത്തിൽ ഗോൾഡ് മെഡൽ നേടിയ കോതമംഗലം എം. എ. അക്കാദമിയിലെ അഞ്ജലി പി ആർ . 4 വർഷമായി എം. എ. അക്കാദമിയിൽ പരിശീലിക്കുന്ന അഞ്ജലി, മാതിരപ്പിള്ളി ഗവ. സ്കൂളിലെ പ്ലസ് ടു വിദ്യാർത്ഥിനിയായിരുന്നു. 87% മാർക്ക് വാങ്ങി പ്ലസ് ടു വിലും മിന്നും വിജയമാണ് അഞ്ജലി നേടിയത്. മറയൂർ പനച്ചിപറമ്പിൽ രതീഷിന്റെയും, രേഷ്മയുടെയും മകളാണ്.പവർ ലിഫ്റ്റിങ്ങിൽ ഒന്നാം സ്ഥാനം കരസ്ഥമാക്കിയ അഞ്ജലിയെ എം. എ. കോളേജ് അസോസിയേഷൻ സെക്രട്ടറി ഡോ. വിന്നി വർഗീസ് അഭിനന്ദിച്ചു.

കോതമംഗലം : കോയമ്പത്തൂരിൽ വച്ച് നടന്ന ഏഷ്യൻ പവർ ലിഫ്റ്റിംഗ് ചാമ്പ്യൻഷിപ്പിൽ ജൂനിയർ ഗേൾസ് 43 കിലോ വിഭാഗത്തിൽ ഗോൾഡ് മെഡൽ നേടിയ കോതമംഗലം എം. എ. കോളേജിലെ സോനാ ബെന്നി. എം. കോം ഫിനാൻസ് & ടാക്സേഷൻ ഒന്നാം വർഷ വിദ്യാർത്ഥിനിയായ സോനാ തൊടുപുഴ, വഴിത്തല വാഴക്കാലയിൽ ബെന്നിയുടെയും, ഷീലയുടെയും മകളാണ്. പവർ ലിഫ്റ്റിങ്ങിൽ ഒന്നാം സ്ഥാനം കരസ്ഥമാക്കിയ സോനയെ എം. എ. കോളേജ് അസോസിയേഷൻ സെക്രട്ടറി ഡോ. വിന്നി വർഗീസ് അഭിനന്ദിച്ചു.

പതിനൊന്നാമത് കേരള കോളേജ് ഗെയിംസ്ന് ആദിത്യമരുളി എം. എ. കോളേജ്

കോതമംഗലം : കേരള സ്റ്റേറ്റ് സ്പോർട്സ് കൗൺസിലിന്റെ ആഭിമുഖ്യത്തിൽ കേരള കോളേജ് ഗെയിംസ് 2022 ന് ആദിത്യമരുളി കോതമംഗലം മാർ അത്തനേഷ്യസ് കോളേജ്. ആദ്യമായിട്ടാണ് എം. എ. കോളേജ് കേരള കോളേജ് ഗെയിംസ്ന് ആദിത്യ മരുളുന്നത്. ഗെയിംസിലെ അത്ലറ്റിക്സ് ത്രോ ഇനങ്ങളും, പോൾ വാൾട് മത്സരവും 4,5 തിയതികളിൽ എം. എ. കോളേജ് സ്റ്റേഡിയത്തിൽ അരങ്ങേറും. മറ്റു മത്സരങ്ങൾ എറണാകുളം ജില്ലയിലെ വിവിധ കോളേജുകളിൽ വച്ചു നടത്തപെടും. കഴിഞ്ഞ വർഷത്തെ കോളേജ് ഗെയിംസ് ചാമ്പ്യൻമാരാണ് കോതമംഗലം എം. എ. കോളേജ്.