Connect with us

EDITORS CHOICE

തട്ടേക്കാടിന്റെ സ്വന്തം കാട്ടു പട്ടികൾ ; നാടൻ പട്ടികളോട് സാമ്യം തോന്നുന്ന രൂപം, സൂത്രശാലികളുടെ ജീവിതം അടുത്തറിയാം

Published

on

കുട്ടമ്പുഴ : വനം വന്യജീവി സമ്പത്താൽ അനുഗ്രഹീതമായ പശ്ചിമഘട്ട മലനിരകളിൽ കാണപ്പെടുന്ന പക്ഷിമൃഗാദികൾ പലതും നമ്മുടെ തട്ടേക്കാട് വനമേഖലയിലെ സജീവ സാനിധ്യമാണ്. അതുപോലെ നമ്മൾ വീട്ടിൽ ഇണക്കി വളർത്തുന്ന നാടൻ പട്ടികളോട് സമാനതകളുള്ള കാട്ടുപട്ടികളും തട്ടേക്കാട് വനവേഖലയിൽ കാണപ്പെടുന്നു. കൂടാതെ പൂയംകുട്ടി വന മേഖലയിലും , മലയാറ്റൂർ വന മേഖലയിലും കാട്ടുപട്ടികൾ കണ്ടുവരുന്നു. കാട്ടുപട്ടി (WILD DOG ) സാധാരണ കാണപ്പെടുന്നത് ഉൾക്കാടുകളിലാണ്. സമൂഹ ജീവിയായ ഇവർ കൂട്ടമായാണ് വസിക്കുന്നത്. ഒരു കൂട്ടത്തിൽ ആറ് മുതൽ പതിനഞ്ച് വരെ അംഗങ്ങൾ കാണപ്പെടുന്നു. കൂട്ടത്തിലെ അംഗങ്ങളുടെ എണ്ണം പെരുകുമ്പോൾ ഇവർ തന്നെ മാതൃകൂട്ടത്തിൽ നിന്നും വേർപിരിഞ്ഞു പുതിയ കൂട്ടം രൂപീകരിക്കുന്നതും കാട്ടുപട്ടികളുടെ പ്രത്യേകതയാണ് . വാസസ്ഥലം തെരഞ്ഞെടുക്കുന്നതിലും , ഭക്ഷണ രീതിയിലും , ഇരപിടിക്കുന്നതിലുമെല്ലാം വ്യക്തമായ കാഴ്ചപ്പാടോടുകൂടിയാണ് ഇവർ ജീവിക്കുന്നത്. കൂട്ടത്തിലെ തലവനായിരിക്കും കാര്യങ്ങൾ നിയന്ത്രിക്കുക.

ഭക്ഷണത്തിനായി ഇരയെ കണ്ടെത്തിയാൽ പിന്നെ അതിനെ ഓടിച്ചു വെള്ളത്തിൽ ചാടിക്കുക എന്ന തന്ത്രമാണ് പലപ്പോളും കാട്ടുപട്ടികൾ ഉപയോഗിക്കുന്നത്. ഇത് കാട്ടുപട്ടികൾ ബുദ്ധിപൂർവ്വം ചെയ്യുന്ന വേട്ട രീതിയാണ്, തന്മൂലം കരുത്തനായ ഇരയെ എളുപ്പത്തിൽ കീഴ്‌പ്പെടുത്തുവാൻ സാധിക്കുന്നു. മരണഭയം മൂലം വെള്ളത്തിൽ നിന്നും കരകയറാൻ നോക്കുന്ന ഇരയുടെ മുഖത്തിൽ കാട്ടുപട്ടികൾ കൂട്ടമായി വന്ന് കടിക്കുകയും കണ്ണ് അടിച്ചു പൊട്ടിക്കുകയും ചെയ്‌താണ്‌ ഇരയെ കീഴ്‌പ്പെടുത്തുന്നത്. ഇരയെ പിടിക്കുവാൻ നേത്രത്വം നൽകിയ കാട്ടുപട്ടി ആദ്യം ഇരയെ ഭക്ഷിക്കുകയും അതിന് ശേഷം മറ്റുള്ളവർ ഭക്ഷണമാക്കുന്നതുമാണ് കണ്ടുവരുന്നത്. അതേസമയം ആ നേതാവ് അൽപ്പം ഉയരമുള്ള സ്ഥലത്തിരുന്ന് പരിസരം നിരീക്ഷിക്കുകയും ചെയ്യും. പ്രായപൂർത്തിയായ ഒരു കാട്ടുപട്ടി ഒരു ദിവസം ഏകദെശം അഞ്ചു കിലോയോളം മാംസ്യം ഭക്ഷിക്കും.

കാഴ്ച്ചയിലുള്ള രൂപസാദർശ്യത്തിനപ്പുറം കാട്ടുപട്ടികൾക്ക് നാടൻ പട്ടികളുമായി യാതൊരു ബന്ധവും ഇല്ലാ എന്നതാണ് വസ്‌തുത. രണ്ട് ജീവികളും വ്യത്യസ്ത ജെനുസ്സിൽ പെടുന്നതാണെന്ന് തട്ടേക്കാട് സലിം അലി പക്ഷി സങ്കേതത്തിലെ പക്ഷി ശാസ്ത്രജ്ഞനായ ഡോക്ടർ ആർ സുഗതൻ വെളിപ്പെടുത്തുന്നു. അവരുടെ ആവാസവ്യവസ്ഥ വിട്ട് നാട്ടിൻപുറങ്ങളിലേക്ക് വരുവാനോ മനുഷ്യനുമായി ഇണങ്ങുവാനോ യാതൊരു സാധ്യതും ഇല്ലാത്ത ജീവികൂടിയാണ് കാട്ടുപട്ടി എന്ന് ഡോക്ടർ ആർ സുഗതൻ പറഞ്ഞു.

മുഖത്ത് മുറുവുകളോ കണ്ണില്ലാത്ത അവസ്ഥയിലോ വന്യജീവികൾ കാട്ടിൽ ചത്തുകിടക്കുന്ന അവസ്ഥയിലാണെങ്കിൽ അത് കാട്ടുപട്ടികളുടെ ആക്രമണത്തിന് ഇരയായ ജീവിയാവാനാണ് സാധ്യതയെന്ന് തട്ടേക്കാട് പക്ഷി സങ്കേതത്തിലെ ഉദ്യോഗസ്ഥനായ ഷിബു ദാസ് വെളിപ്പെടുത്തുന്നു. കാട്ടുപട്ടികളുടെ വിസർജ്ജത്തിന് അസഹനീയമായ ദുർഗന്ധമാണെന്നും അങ്ങനെ അവയുടെ സാന്നിധ്യം കാടുകളിൽ അറിയുവാൻ സാധിക്കുമെന്നും അദ്ദേഹം കൂട്ടിച്ചേർത്തു. മാൻ , മ്ലാവ് , കാട്ടുപന്നി തുടങ്ങിയ മൃഗങ്ങനെയാണ് സാധാരണയായി കാട്ടുപട്ടി ഭക്ഷണത്തിനായി വേട്ടയാടാറ്. ഇവരുടെ ആക്രമണത്തിൽ നിന്നും രക്ഷപെട്ട് ശരീരത്തിലെ മാംസ്യം കടിച്ചു പറിച്ചു തൂങ്ങി കിടക്കുന്ന രീതിയിലുള്ള മൃഗങ്ങളെ കാട്ടിൽ കാണുവാൻ സാധിക്കുന്നത് മനസ്സിനെ വേദനിപ്പിക്കാറുണ്ടെന്ന് തട്ടേക്കാടിലെ ഫോട്ടോഗ്രാഫറും ടൂറിസ്റ്റ് ഗൈഡ് കൂടിയായ റെജീവ് വെളിപ്പെടുത്തുന്നു.

EDITORS CHOICE

ലോക്ക് ഡൗൺ കാലത്തും പ്രാവുകൾക്ക് മുടങ്ങാതെ അന്നം നൽകി ഒരു കുടുംബം

Published

on

കോതമംഗലം : ഈ ലോക്ക് ഡൌൺ കാലത്തും മുടങ്ങാതെ അന്നം തേടി ഒരു കൂട്ടം പ്രാവുകൾ. എന്നും പ്രഭാതത്തിൽ ഒരു കൂട്ടം പ്രാവുകൾക്ക് തീറ്റ കൊടുക്കുന്ന തിരക്കിലാണ് ചെങ്കര മഞ്ഞുമേക്കുടിയിൽ ജീവയും അദ്ദേഹത്തിന്റെ 6 വയസുള്ള മകനും. ഇവരുടെ വീടിന്റെ മട്ടുപ്പാവിൽ പ്രഭാതത്തിൽ തന്നെ ഒരു കൂട്ടം പ്രാവുകൾ എത്തും. പിന്നെ ഇവർക്ക് അരിമണികളും, ഗോതമ്പുമണികളും നൽകുന്ന തിരക്കിലാണ് ജീവയും, മകനും. ലോക് ഡൌൺ ആരംഭിക്കുന്നതിനു മുന്നേ തുടങ്ങിയതാണ്.

ഇപ്പോളും മുടങ്ങാതെ അവർ കൂട്ടമായി പറന്നിറങ്ങും ജീവയുടെ അരിമണികൾക്കായി. കരുണയുടെയും, സ്നേഹത്തിന്റെയും മറ്റൊരു നേർകാഴ്ച്ച.

വാട്ട്സ്ആപ്പിൽ വാർത്തകൾ ലഭിക്കുവാൻ കോതമംഗലം വാർത്തയുടെ ഗ്രൂപ്പിൽ ജോയിൻ ചെയ്യുക.. https://chat.whatsapp.com/DcL8RgJp47d7R9L2iom1zx

Continue Reading

AUTOMOBILE

കൊറോണ സമയത്തെ സുരക്ഷിതയാത്ര; ബൊലേറോയിൽ ടോയ്‌ലെറ്റ് ഒരുക്കി കോതമംഗലത്തെ ഓജസ്

Published

on

കോതമംഗലം : വാഹനത്തിൽ ദൂരയാത്രകൾ ചെയ്യുന്ന എല്ലാവരും അനുഭവിക്കുന്ന പ്രശ്നമായിരിക്കും പൊതു ഇടങ്ങളിലെ വൃത്തിയില്ലാത്ത ശുചിമുറികൾ. ഇവമൂലം യാത്രാ സുരക്ഷിതമല്ലാതാകുകയും സാംക്രമിക രോഗങ്ങൾ പകരുവാൻ ഇടവരുത്തുകയും ചെയ്യും. എന്നാൽ വാഹനത്തിലുള്ളിൽത്തന്നെ ടോയ്‍ലെറ്റ് സൗകര്യം ഉണ്ടെങ്കിൽ അതിൽ നിന്നെല്ലാം ഒരു മോചനമാണ് സാധിക്കുന്നത്. കൊറോണയെന്ന മഹാ മാരിയുടെ കാലഘട്ടത്തിൽ നമ്മുടെ കോതമംഗലത്തെ ഓജസ് എന്ന സ്ഥാപനം യാത്രകളെ കൂടുതൽ സുരക്ഷിതമാക്കുന്നു.

വാട്ട്സ്ആപ്പിൽ വാർത്തകൾ ലഭിക്കുവാൻ കോതമംഗലം വാർത്തയുടെ ഗ്രൂപ്പിൽ ജോയിൻ ചെയ്യുക.. https://chat.whatsapp.com/DcL8RgJp47d7R9L2iom1zx

ഇന്ത്യയിൽ കാരവാൻ നിർമിക്കാൻ ലൈസൻസുള്ള സ്ഥാപനമാണ് ഓജസ് ബോഡി ബിൽഡേഴ്സ്. മമ്മൂട്ടി, മോഹൻലാൽ, പൃഥ്വിരാജ് തുടങ്ങി മലയാള സിനിമയിലെ ഒട്ടുമിക്ക താരങ്ങൾക്കും നിഖിൽ കുമാരസ്വാമി പോലുള്ള കന്നട സിനിമാതാരങ്ങൾക്കും കാരവാൻ നിർമിച്ചു നൽകിയത് ഓജസാണ്. പൊതുഗതാഗതം സുരക്ഷിതമല്ലെന്നു കരുതി ആളുകൾ സ്വകാര്യ വാഹനങ്ങളുടെ ഉപയോഗം കൂട്ടുമെന്നാണ് വാഹന നിർമാതാക്കൾ പറയുന്നത്. അതുപോലെ സ്വകാര്യ വാഹനങ്ങളിൽ ദൂരയാത്ര പോകുന്നവർ പൊതു ശുചിമുറികൾ ഉപയോഗിക്കാനും മടിക്കും. ഇതിനൊരു പരിഹാരവുമായി എത്തിയിരിക്കുകയാണ് കോതമംഗലത്തെ ഓജസ് ഓട്ടോമൊബൈൽസ്.

കൂടുതൽ വിവരങ്ങൾക്ക് ബന്ധപ്പെടുക : 09847042306, 08086700292

Continue Reading

EDITORS CHOICE

എംഎക്‌സ് പ്ലെയറിനെ വെല്ലുന്ന മീഡിയ ആപ്പുമായി കോതമംഗലം സ്വദേശി

Published

on

കോതമംഗലം : കോതമംഗലം പുന്നേക്കാട് കുന്നുംപുറത്തു ശ്രീകാന്ത് ആണ് ആപ്പ് നിർമ്മിച്ചു ശ്രദ്ധേയനാകുന്നു. കീരംബാറ സെന്റ് സ്റ്റീഫൻ സ്കൂളിൽ ഹൈസ്കൂൾ വിദ്യാഭ്യാസവും കുട്ടമ്പുഴ ഗവണ്മെന്റ് സ്കൂളിൽ പ്ലസ് ടുവും പൂർത്തിയാക്കിയ ശ്രീകാന്ത്‌ ഇപ്പോൾ മൂവാറ്റുപുഴ ഇലാഹിയ കോളേജ് വിദ്യാർത്ഥിയാണ്.
ഫേസ്ബുക്കിലെ ആന്‍ഡ്രോയ്ഡ് കമ്മ്യൂണിറ്റി എന്ന ഗ്രൂപ്പില്‍ കുറച്ച് ദിവസങ്ങള്‍ക്കു മുന്‍പ് ഒരു പോസ്റ്റ് വന്നു. എംഎക്‌സ് പ്ലയര്‍ പോലെ, പരസ്യങ്ങള്‍ ഇല്ലാത്ത ഒരു ആപ്പ് സജസ്റ്റ് ചെയ്യാമോ എന്നായിരുന്നു പോസ്റ്റ്. നിരവധി ആളുകള്‍ പല ആപ്പുകളുടെയും പേര് പോസ്റ്റില്‍ കമന്റ് ചെയ്തു. അതില്‍ വ്യത്യസ്തമായ ഒരു കമന്റിന് ഒട്ടേറെ പിന്തുണ ലഭിച്ചു. ആപ്പ് സജസ്റ്റ് ചെയ്യാനില്ല, വേണമെങ്കില്‍ നിര്‍മ്മിക്കാം എന്നായിരുന്നു ആ കമന്റ്. ശ്രീകാന്ത് ആര്‍ തട്ടേക്കാട് എന്ന യുവാവിന്റെ ആ കമന്റ് ചരിത്രമായി.

ആളുകളുടെ പിന്തുണയില്‍ ആപ്പ് നിര്‍മ്മിക്കാന്‍ ആരംഭിച്ച ശ്രീകാന്ത് ഏറെ മുന്നേറിക്കഴിഞ്ഞു. ഗ്രൂപ്പ് അംഗങ്ങളുടെ അഭിപ്രായം ചോദിച്ചു കൊണ്ടായിരുന്നു നിര്‍മ്മാണം. ആപ്പ് നിര്‍മ്മാണത്തിന്റെ വിവരങ്ങള്‍ ശ്രീകാന്ത് ഇടക്കിടെ ഗ്രൂപ്പില്‍ അപ്‌ഡേറ്റ് ചെയ്തു കൊണ്ടിരുന്നു. ആപ്പിനുള്ള പേരിട്ടതും ഗ്രൂപ്പില്‍ ചോദിച്ച ശേഷമാണ്. അങ്ങനെ നിരവധി സവിശേഷതകളുമായി മല്ലു ആന്‍ഡ്രോയ്ഡ് കമ്മ്യൂണിറ്റി പ്ലയര്‍ അഥവാ എം എ സി പ്ലയര്‍ എന്ന മീഡിയ പ്ലയര്‍ ആപ്പ് തയ്യാറായി. അടുത്ത മാസം ബീറ്റ വെര്‍ഷന്‍ ഇറക്കണമെന്നാണ് ആഗ്രഹം. മുന്‍പും യൂടിലിറ്റി, ടൂള്‍സ് വിഭാഗത്തിലുള്ള ആപ്പുകള്‍ താന്‍ തയ്യാറാക്കിയിരുന്നു എന്ന് ശ്രീകാന്ത് പറഞ്ഞു. ആദ്യമായാണ് ഒരു മീഡിയ ആപ്പ് ചെയ്യുന്നത്. മൂവാറ്റുപുഴ ഇലാഹിയ കോളജ് ബിസിഎ മൂന്നാം വര്‍ഷ വിദ്യാര്‍ത്ഥിയായ ശ്രീകാന്ത് ഇലാഹിന്‍ മെസഞ്ചര്‍ എന്ന പേരില്‍ കോളജ് വിദ്യാര്‍ത്ഥികള്‍ക്കായി ഒരു മെസേജിംഗ് ആപ്പും നിര്‍മ്മിച്ചു കൊണ്ടിരിക്കുകയാണ്. അതാണ് ശ്രീകാന്തിന്റെ മെയിന്‍ പ്രൊജക്ട്. അത് പൂര്‍ത്തിയാക്കിയാല്‍ മാത്രമേ ഈ മീഡിയ പ്ലെയറില്‍ ശ്രദ്ധ കൊടുക്കാന്‍ കഴിയൂ. ഇപ്പോള്‍ 70 ശതമാനത്തോളം മാത്രമേ പൂര്‍ത്തിയായിട്ടുള്ളൂ.

ഈ ആപ്പില്‍ ആഡ്‌സെന്‍സ് ചെയ്യാന്‍ കഴിയില്ല. കാരണം, ആഡ് ഇല്ലാത്ത ഒരു ആപ്പ് എന്ന ആളുകളുടെ അഭ്യര്‍ത്ഥന കാരണമാണ് ഈ ആപ്പ് നിര്‍മ്മിക്കാന്‍ തീരുമാനിച്ചത്. അതുകൊണ്ട് തന്നെ സാമ്പത്തിക നേട്ടമൊന്നും ഇതില്‍ നിന്ന് കിട്ടില്ല. ഓപ്പണ്‍ സോഴ്‌സ് കോഡ് ഉപയോഗിച്ചാണ് ആപ്പിന്റെ നിര്‍മ്മാണം. ഇനി ആര്‍ക്കെങ്കിലും എന്തെങ്കിലും കൂട്ടിച്ചേര്‍ക്കലുകള്‍ വേണമെങ്കില്‍ അതാവാം. ഓപ്പണ്‍ സബ്‌ടൈറ്റില്‍സ്, മലയാളം സബ്‌ടൈറ്റില്‍സ് എന്നീ വെബ്‌സൈറ്റുകളില്‍ നിന്ന് സബ്‌ടൈറ്റിലുകളും ലോഡ് ചെയ്യാം. വീഡിയോ പ്ലെയറിനൊപ്പം ഓഡിയോ പ്ലെയര്‍ കൂടി ആപ്പില്‍ ബില്‍റ്റ് ഇന്‍ ആണ്.

Continue Reading

Trending