കവളങ്ങാട് : കഴിഞ്ഞ അർദ്ധരാത്രിയിൽ അജ്ഞാത വാഹനം നെല്ലിമറ്റംമുതൽ വാളാച്ചിറ പല്ലാരിമംഗലം പഞ്ചായത്ത് കവല വരെയുള്ള റോഡിനിരുവശവും ഉള്ള നിരവധി സ്ഥാപനങ്ങൾ ഇടിച്ച് തകർത്ത് കടന്നു പോയി. നെല്ലിമറ്റം കുറുങ്കുളം സബ്രഹ്മണ്യസ്വാമി ക്ഷേത്ര ഭണ്ഡാരം ഇടിച്ച് തകർത്തു. ഭണ്ഡാരത്തിന്റെ സംരക്ഷണഭിത്തിക്ക് പൊട്ടു വീണിട്ടുണ്ട്. വലിയ നഷ്ടമാണ് ക്ഷേത്രത്തിന് ഉണ്ടായിട്ടുള്ളത്. എതിർ ഭാഗത്തെ ചായക്കടക്കു സമീപം മുള്ള വിറക് അട്ടി ഇടിച്ച് തകർത്തു. തുടർന്ന് വാഹനം വാളാച്ചിറ മക്ക മസ്ജിദ് ന് സമീപത്തെ മംഗലത്ത് പറമ്പിൽ കാസിമിന്റെ ചായക്കടയും പല ചരക്ക് സ്ഥാപനത്തിന്റെയും മുൻവശത്തെ ഷീറ്റ് മേഞ്ഞ ഷെഡ് പൂർണ്ണമായി ഇടിച്ച് തെറിപ്പിച്ചു. ഷീറ്റുകളും തൂണുകളും പൂർണ്ണമായി തകർന്നു. ഇരുപത്തയ്യായിരത്തിന് മുകളിൽ നഷ്ടം സംഭവിച്ചിട്ടുണ്ട്. തുടർന്ന് ചായക്കടയുടെ ഷീറ്റുകളും അവശിഷ്ടങ്ങളും ഇടിച്ച് തെറുപ്പിച്ച അജ്ഞാത വാഹനത്തിനു മുകളിൽ കുടുങ്ങിയത് ഒന്നര കിലോമീറ്റർ അകലെയുള്ള പല്ലാരിമംഗലം പഞ്ചായത്ത് ആഫീസിനു സമീപത്തെ പെട്രോൾ പമ്പ് ഭാഗത്ത് വീണ് കിടക്കുന്ന നിലയിൽ കണ്ടെത്തി.

നെല്ലിമറ്റം ടൗണിൽ പരീക്കണ്ണി റോഡിൽ സ്ഥിതി ചെയ്യുന്ന ഷാജിയുടെ പലചരക്ക് കടയുടെ ഇരുമ്പ് ഷട്ടർ വാഹനമിടിച്ച് തകർന്നിട്ടുണ്ട്.എത്രയും പെട്ടെന്ന് അജ്ഞാത വാഹനം കണ്ടെത്തി നഷ്ടം സംഭവിച്ചവർക്ക് നഷ്ടപരിഹാരം നൽകണമെന്നാണ് ആവശ്യപ്പെട്ട് ഊന്നുകൽ പോലീസിൽ നഷ്ടം സംഭവിച്ച സ്ഥാപന ഉടമകൾ പരാതി നൽകി.

windows 10 pro lizenz kaufen

പൈങ്ങോട്ടൂർ :-ബൈക്കും ബസും തമ്മിൽ കുട്ടിയിച്ചു യുവാവ് മരിച്ചു. പേഴയ്ക്കാപ്പിള്ളി പള്ളിച്ചിറ കിഴക്കേവട്ടംപുത്തൻപുരയിൽ(കോട്ടേപ്പറമ്പിൽ) അബ്ദുൽ ഖാദറിന്റെ മകൻ മുഹമ്മദ് സ്വാലിഹ് കെ.എ (24)ആണ് മരിച്ചത്. ഇന്ന് വൈകുന്നേരം നാലോടെ പൈങ്ങോട്ടൂർ ടൗണിലായിരുന്നു അപകടം. തൊടുപുഴയിൽ നിന്നും മുള്ളരിങ്ങാടിന് പോവുകയായിരുന്ന സ്വകാര്യ ബസും,സ്വാലിഹ് സഞ്ചരിച്ചിരുന്ന ബൈക്കും തമ്മിൽ കൂട്ടിയിടിക്കുകയായിരുന്നു. ഉടൻ കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. മൃതദേഹം പോസ്റ്റുമാർട്ടത്തിനും,കോവിഡ് പരിശോധനകൾക്കും ശേഷം നാളെ പള്ളിച്ചിറങ്ങര ജുമാ മസ്ജിദ് ഖബർസ്ഥാനിൽ സംസ്കരിക്കും.സ്വാലിഹ് മൂവാറ്റുപുഴയിലെ കൊറിയർ സ്ഥാപനത്തിലെ ജീവനക്കാരൻ ആയിരുന്നു. മാതാവ്:-പരേതയായ:-നബീസ, സഹോദരങ്ങൾ :സുമയ്യ,സൗമി.

കോതമംഗലം : പുതുവർഷത്തിൽ കോതമംഗലം കണികണ്ടുണർന്നത് ചെറിയ പള്ളി താഴത്തെ വാഹന അപകടം ആയിരുന്നു. മൂന്നാർ സന്ദർശനം കഴിഞ്ഞു മുവാറ്റുപുഴക്ക് പോകുകയായിരുന്ന കാർ റോഡിലേക്ക് കയറി നിന്നിരുന്ന പോസ്റ്റിൽ ഇടിച്ചു മറിയുകയായിരുന്നു. വാഹനത്തിൽ സഞ്ചിരിച്ചിരുന്നവർക്ക് പരുക്ക് പറ്റുകയും, വിദഗ്ധ ചികിത്സക്കായി കോലഞ്ചേരി ആശുപത്രിയിൽ പ്രവേശിപ്പിക്കുകയും ചെയ്‌തു.

വൈദ്യുതി കാൽ തകർന്നതിനെ തുടർന്ന് വൈദ്യുതി വിതരണത്തിൽ തടസ്സം നേരിടുകയും വൈദ്യുതി വകുപ്പ് ജീവനക്കാർ എത്തി തുടർനടപടികൾ സ്വീകരിക്കുകയും ചെയ്തതോടുകൂടിയാണ് വിവാദം ആരംഭിക്കുന്നത്. തകർന്ന പോസ്റ്റ് നിന്നിരുന്ന ഭാഗത്തിന്റെ സമീപത്തു തന്നെ കുഴികുത്തി പുതിയ പോസ്റ്റ് ഇടുവാൻ തുടങ്ങിയതോടുകൂടി പരിസരവാസികൾ ഇടപെടുകയും, പുതിയ പോസ്റ്റ് പുറകിലേക്ക് ഇറക്കി ഇടണമെന്ന് ആവശ്യപ്പെടുകയുമായിരുന്നു. തുടർന്ന് വാർഡ് കൗൺസിലർ സ്ഥലത്തെത്തുകയും പോസ്റ്റ് പുറകിലേക്ക് മാറ്റിയിടാനുള്ള അനുമതി നഗരസഭയെക്കൊണ്ട് എടുപ്പിക്കുകയും, എസ്റ്റിമേറ്റ് എടുക്കുവാനുള്ള നടപടികൾ വൈദ്യുതി വകുപ്പ് കൈക്കൊള്ളുകയും ചെയ്യുകയായിരുന്നു. തുടർന്ന് പോസ്റ്റ് പുറകോട്ട് മാറ്റി സ്ഥാപിക്കുകയായിരുന്നു.

റോഡ് വീതികൂട്ടി ടാർ ചെയ്തപ്പോൾ നഗരസഭ വൈദ്യുതി വകുപ്പിനെ കൊണ്ട് ചെയ്യേണ്ടിയിരുന്നതും, പൊതുപ്രവർത്തകർ ചെയ്യിക്കേണ്ടിയിരുന്നതുമായ കാര്യം പുതുവർഷത്തിൽ ഒരു വാഹന അപകടം വേണ്ടിവന്നു പോസ്റ്റ് മാറ്റി സ്ഥാപിക്കാൻ എന്ന് നാട്ടുകാർ അടക്കം പറയുന്നു.