കോതമംഗലം: കൊച്ചി-ധനുഷ് കോടി ദേശീയപാതയിൽ ബസ്സും ബൈക്കും കൂട്ടിയിടിച്ച് ബൈക്ക് യാത്രികന് ദാരുണാന്ത്യം. രാവിലെ  8.30 ന് കെഎസ്ഇബി താൽക്കാലിക ജീവനക്കാരനായ മാമലക്കണ്ടം വട്ടക്കുഴിയിൽ ബെന്നി ഓമന ദമ്പതികളുടെ മകൻ ഡെനീഷ് (24) ആണ് മരണപ്പെട്ടത്. ജോലി സ്ഥലത്തേക്ക് ബന്ധുവായ യുവാവിനൊപ്പമാണ് ഡെനീഷ് പോയത് വാളറ മൂന്നു കലുങ്ക് ഭാഗത്ത് വച്ചാണ് അപകടം നടന്നത് തൽക്ഷണം ഡെനീഷ് മരണമടഞ്ഞു.കൂടെ ഉണ്ടായിരുന്നയാൾക്ക് ഗുരുതരമായ പരുക്കുകളോടെ കളമശേരി മെഡിക്കൽ കോളേജിൽ പ്രവേശിപ്പിച്ചു. ഡെനീഷിൻ്റെ മൃതദേഹം കോതമംഗലം താലുക്ക് ആശുപത്രി മോർച്ചറിയിലേക്ക് മാറ്റി പോസ്റ്റ്മോർട്ടത്തിന് ശേഷം നാളെ മൂന്ന് മണിക്ക്  സംസ്കരിക്കും.

കവളങ്ങാട്: നിയന്ത്രണം വിട്ട കാർ കടയിലേക്ക് ഇടിച്ചു കയറാതിരുന്നത് മുൻ ചക്രം കടക്കു മുന്നിലെ സ്ലാബിൽ കുടുങ്ങിയത് മൂലം. നിരവധി പേരുടെ ജീവൻ രക്ഷപെട്ടത് തലനാരിഴക്ക്. ഇന്ന് രാവിലെ എട്ട് മണിയോടെ കവളങ്ങാട് കവലക്ക് സമീപം രിഫായി ജുമാ മസ്ജിദ് പള്ളിക്കു സമീപത്തെ ചായക്കടയിലേക്ക് നിയന്ത്രണം വിട്ട സ്വിഫ്റ്റ് കാർ സ്വകാര്യ വ്യക്തിയുടെ മതിലിൽ തട്ടിയ ശേഷം കടയ്ക്ക് മുന്നിലെ സ്ലാബിൽ കുരുങ്ങി ഇടിച്ച് നിൽക്കുകയായിരുന്നു. കൊച്ചി – ധനുഷ്ക്കോടി ദേശീയപാതയിൽ കവളങ്ങാട് പ്രദേശത്ത് അപകടം തുടർക്കഥയാണ്. നെടുങ്കണ്ടം സ്വദേശി തൂമ്പിൽ വീട്ടിൽ ജോഷി അബ്രഹാം ഓടിച്ചിരുന്ന കാറാണ് അപകടത്തിലായത്നേ. നെര്യമംഗലം ഭാഗത്ത് നിന്ന് കോതമംഗലം ഭാഗത്തേക്ക് പോകുകയായിരുന്ന കാറാണ് എതിർദിശയിലേക്ക് നിയന്ത്രണം വിട്ട് ഇടിച്ചത്.കടയിൽ ആളുകൾ ഉണ്ടായിരുന്നു. ഉടൻ തന്നെ സാരമായി പരിക്കേറ്റ ജോഷിയെ കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഊന്നുകൽ പോലീസ് സ്ഥലത്തെത്തിയിട്ടുണ്ട്.

കോതമംഗലം : കൊച്ചി – ധനുഷ്കോടി ദേശീയ പാതയിൽ കോതമംഗലം – നേര്യമംഗലം റൂട്ടിൽ തലക്കോട് വില്ലാൻ ചിറയിൽ സ്വകാര്യ ബസുകളും ടാങ്കർ ലോറിയും കൂട്ടിയിടിച്ചു. ഇന്ന് വ്യാഴാഴ്ച്ച ഉച്ചക്കഴിഞ്ഞ് മൂന്നു മണിയോടെയാണ് അപകടം. തൊടുപുഴ – കബ്ലികണ്ടം റൂട്ടിലോടുന്ന സെന്റ് മേരീസ് ബസും തൊടുപുഴ – അടിമാലി റൂട്ടിലോടുന്ന പി എൻ എസ് ബസും തമ്മിലാണ് കൂട്ടിയിടിച്ചത്. സെന്റ് മേരീസ് ബസ് ടാങ്കർ ലോറിയെ മറികടക്കാനുള്ള ശ്രമത്തിനിടയിലാണ് അപകടം സംഭവിച്ചത്. പി എൻ എസ് ബസ് ടാങ്കർ ലോറിയിലിടിച്ചു നിന്നു. ക്രെയിൻ ഉപയോഗിച്ച് വാഹനങ്ങൾമാറ്റി. ബസുകളിൽ സഞ്ചരിച്ച ഏതാനും പേർക്ക് പരുക്കേറ്റു.

ചിത്രം : വില്ലാൻ ചിറയിൽ ടാങ്കർ ലോറിയും ബസുകളും കൂട്ടിയിടിച്ചുണ്ടായ അപകടം