Connect with us

AUTOMOBILE

സബ് സ്‌റ്റേഷനിലേക്ക് 90 ടൺ ഭാരമുള്ള ട്രാൻസ്‌ഫോർമറുമായി വന്നത് 74 ടയറുകളുള്ള ഭീമൻ വണ്ടി

Published

on

കോതമംഗലം : വർദ്ധിച്ചുവരുന്ന വൈദ്യുതിയുടെ ആവശ്യം നിറവേറ്റുന്നതിനായി കോതമംഗലം സബ്‌സ്റ്റേഷൻ നവീകരണത്തിന്റെ ഭാഗമായി പുതിയതായി കൊണ്ടുവന്ന ട്രാൻസ്‌ഫോർമറും , വന്ന വാഹനവും കൗതുക കാഴ്ചയായി. സബ്‌സ്റ്റേഷൻ 220 കെ വി ശേഷിയിലേക്ക് ഉയർത്തുന്നതിന്റെ നടപടിക്രമങ്ങളുടെ ഭാഗമായാണ് പുതിയ ട്രാൻസ്‌ഫോർമർ എത്തിച്ചിരിക്കുന്നത്. അടുത്ത വർഷത്തോടുകൂടി പണിപൂർത്തീകരിക്കുവാനുള്ള പരിശ്രമത്തിലാണ് വൈദ്യുതി ബോർഡ്.

വെള്ളിയാഴ്ച്ച അങ്കമാലി ടെൽക്കിൽ നിന്നും ട്രാൻസ്‌ഫോർമറുമായി യാത്രതിരിച്ച ഭീമൻ ട്രൈലെർ ഇന്ന് വെളുപ്പിനാണ് കോതമംഗലം സബ്‌സ്റ്റേഷനിൽ എത്തിയത്. പണികളുടെ കരാർ എടുത്തിരിക്കുന്ന സീമെൻസ് കമ്പനിയുടെ 20 ഓളം ജീവനക്കാരുടെ പരിശ്രമഫലമാണ് അപകടങ്ങളൊന്നും കൂടാതെ 100 MVA ശേഷിയും 90 ടൺ ഭാരവുമുള്ള ട്രാസ്‌ഫോർമർ എത്തിക്കുവാൻ സാധിച്ചത്. രാത്രി മാത്രം സഞ്ചരിക്കുമ്പോൾ വരുന്ന വഴികളിലെ വൈദ്യുതി പ്രസരണം നിർത്തി വെച്ചും ഗതാഗതം നിയന്ത്രിച്ചുമുള്ള ശ്രമകരമായ പ്രവർത്തനം നടത്തിയാണ് 74 ടയറുകൾ ഉള്ള ഭീമൻ വോൾവോ ട്രൈലെർ കോതമംഗലത്തു എത്തിയത്.

Continue Reading
Click to comment

You must be logged in to post a comment Login

Leave a Reply

AUTOMOBILE

കൊറോണ സമയത്തെ സുരക്ഷിതയാത്ര; ബൊലേറോയിൽ ടോയ്‌ലെറ്റ് ഒരുക്കി കോതമംഗലത്തെ ഓജസ്

Published

on

കോതമംഗലം : വാഹനത്തിൽ ദൂരയാത്രകൾ ചെയ്യുന്ന എല്ലാവരും അനുഭവിക്കുന്ന പ്രശ്നമായിരിക്കും പൊതു ഇടങ്ങളിലെ വൃത്തിയില്ലാത്ത ശുചിമുറികൾ. ഇവമൂലം യാത്രാ സുരക്ഷിതമല്ലാതാകുകയും സാംക്രമിക രോഗങ്ങൾ പകരുവാൻ ഇടവരുത്തുകയും ചെയ്യും. എന്നാൽ വാഹനത്തിലുള്ളിൽത്തന്നെ ടോയ്‍ലെറ്റ് സൗകര്യം ഉണ്ടെങ്കിൽ അതിൽ നിന്നെല്ലാം ഒരു മോചനമാണ് സാധിക്കുന്നത്. കൊറോണയെന്ന മഹാ മാരിയുടെ കാലഘട്ടത്തിൽ നമ്മുടെ കോതമംഗലത്തെ ഓജസ് എന്ന സ്ഥാപനം യാത്രകളെ കൂടുതൽ സുരക്ഷിതമാക്കുന്നു.

വാട്ട്സ്ആപ്പിൽ വാർത്തകൾ ലഭിക്കുവാൻ കോതമംഗലം വാർത്തയുടെ ഗ്രൂപ്പിൽ ജോയിൻ ചെയ്യുക.. https://chat.whatsapp.com/DcL8RgJp47d7R9L2iom1zx

ഇന്ത്യയിൽ കാരവാൻ നിർമിക്കാൻ ലൈസൻസുള്ള സ്ഥാപനമാണ് ഓജസ് ബോഡി ബിൽഡേഴ്സ്. മമ്മൂട്ടി, മോഹൻലാൽ, പൃഥ്വിരാജ് തുടങ്ങി മലയാള സിനിമയിലെ ഒട്ടുമിക്ക താരങ്ങൾക്കും നിഖിൽ കുമാരസ്വാമി പോലുള്ള കന്നട സിനിമാതാരങ്ങൾക്കും കാരവാൻ നിർമിച്ചു നൽകിയത് ഓജസാണ്. പൊതുഗതാഗതം സുരക്ഷിതമല്ലെന്നു കരുതി ആളുകൾ സ്വകാര്യ വാഹനങ്ങളുടെ ഉപയോഗം കൂട്ടുമെന്നാണ് വാഹന നിർമാതാക്കൾ പറയുന്നത്. അതുപോലെ സ്വകാര്യ വാഹനങ്ങളിൽ ദൂരയാത്ര പോകുന്നവർ പൊതു ശുചിമുറികൾ ഉപയോഗിക്കാനും മടിക്കും. ഇതിനൊരു പരിഹാരവുമായി എത്തിയിരിക്കുകയാണ് കോതമംഗലത്തെ ഓജസ് ഓട്ടോമൊബൈൽസ്.

കൂടുതൽ വിവരങ്ങൾക്ക് ബന്ധപ്പെടുക : 09847042306, 08086700292

Continue Reading

AUTOMOBILE

കോ​ത​മം​ഗ​ലം മുൻസിപ്പൽ ബസ് സ്റ്റാൻഡ് സജീവമായി; സ്വകാര്യ ബസുകളും സർവീസ് ആരംഭിച്ചു

Published

on

കോ​ത​മം​ഗ​ലം: കെ​എ​സ്ആ​ർ​ടി​സി​ക്കു പു​റ​മെ കോ​ത​മം​ഗ​ല​ത്ത് ഏ​താ​നും സ്വ​കാ​ര്യ ബ​സു​ക​ളൾ കൂടി ഇന്നലെ സ​ർ​വീ​സ് ആരംഭിച്ചു. ബസിൽ യാ​ത്ര​ക്കാ​ർ നന്നേ കു​റ​വാ​യി​രു​ന്നു. ലോ​ക്ഡൗ​ണ്‍ ഇ​ള​വി​നെ​ത്തു​ട​ർ​ന്നാ​ണ് ഇ​ന്ന​ലെ സ്വ​കാ​ര്യ ബ​സു​ക​ൾ സ​ർ​വീ​സ് ആ​രം​ഭി​ച്ച​ത്. കോതമംഗലത്തു നിന്നും മുവാറ്റുപുഴ, നേര്യമംഗലം , പൂയംകുട്ടി , പെരുമ്പാവൂർ റൂ​ട്ടു​ക​ളി​ലേക്ക് പതിനഞ്ചിൽ താ​ഴെ ബ​സു​ക​ൾ മാത്രമാണ് സ​ർ​വീ​സ് ന​ട​ത്തിയത്.

ബസിന്റെ സീ​റ്റിം​ഗ് ക​പ്പാ​സി​റ്റി​യു​ടെ പ​കു​തി യാ​ത്ര​ക്കാ​രെ മാ​ത്ര​മെ ക​യ​റ്റാ​വൂ​വെ​ന്ന നി​ബ​ന്ധ​ന പാലിച്ചുകൊണ്ടായിരുന്നു ബസ് സർവീസ് നടത്തിയത്. പരിഷ്കരിച്ച യാ​ത്ര​ക്കൂ​ലി ഈടാക്കിയെങ്കിലും ബസുകൾ വൻ നഷ്ടത്തിലാണ് സർവീസ് നടത്തിയത്. വ​രും ദി​വ​സ​ങ്ങ​ളി​ൽ കൂ​ടു​ത​ൽ ബ​സു​ക​ൾ നി​ര​ത്തി​ലി​റ​ങ്ങുന്നതോടുകൂടി സ്ഥിതിഗതികളിൽ മാറ്റമുണ്ടാകുമെന്ന പ്രതീക്ഷയിലാണ് ബസ് ഉടമകൾ.

Continue Reading

AUTOMOBILE

ഒരു കോടി രൂപയുടെ ബെൻസ്; ബിഎസ് കുരുക്കില്‍ ബുദ്ധിമുട്ടി കോതമംഗലം സ്വദേശി

Published

on

കോതമംഗലം : ഇന്ത്യയിലെ മലിനീകരണ ചട്ടങ്ങൾ പരിഷ്ക്കരിച്ചപ്പോൾ കാറുകൾക്ക് ഭാരത് സ്റ്റേജ്- 6 നിബന്ധന ഏർപ്പെടുത്തുകയും , ബി.എസ് 4 കാറുകൾ നിർമ്മാണം നിർത്തുകയും ചെയ്തിരുന്നു. പുതിയ നിയമങ്ങള്‍ ഒന്നും തുടര്‍ന്നു കൊണ്ടുപോകാന്‍ സാധിക്കാത്ത കാർ മോഡലുകള്‍ വിപണിയില്‍ നിന്ന് പിന്‍വലിയുകയും ചെയ്തു. അന്തരീക്ഷ മലിനീകരണം കുറയ്ക്കുന്നതിനായിട്ടാണ് രാജ്യത്ത് ബിഎസ് VI പ്രാബല്യത്തില്‍ കൊണ്ടുന്നത്.

ഇന്ത്യയിലെ മെര്‍സിഡീസ് ബെന്‍സ് GLE -യുടെ ആദ്യ ഡെലിവറി നടന്നത് കേരളത്തിലാണ്, അതും കോതമംഗലം സ്വദേശിയായ റോയി കുര്യൻ ആണ് രാജ്യത്തെ ആദ്യ ബെന്‍സ് GLE സ്വന്തമാക്കിയത്. നിലവിലെ സാഹചര്യത്തില്‍ താത്ക്കാലിക രജിസ്‌ട്രേഷന്‍ അദ്ദേഹം എടുക്കുകയും ചെയ്തിരുന്നു. കാർ ബി.സ് 4 നിലവാരത്തിലുള്ളതായിരിക്കും എന്ന ധാരണയിൽ കോതമംഗലം ആര്‍ടിഒ വിളിക്കുകയും ഉടന്‍ തന്നെ രജിസ്റ്റര്‍ ചെയ്യണമെന്നും റോയിയോട് ആവശ്യപ്പെടുകയായിരുന്നു. അല്ലെങ്കില്‍ ആര്‍ടിഒ തന്നെ രജിസ്റ്റര്‍ ചെയ്യുമെന്ന് അറിയിക്കുകയും ചെയ്‌തു. തുടർന്ന് ബെൻസ് കമ്പനി അധികാരികളുമായി ബന്ധപ്പെട്ട് കാർ പുതിയ ബി.എസ് 6 നിലവാരത്തിലുള്ളതാണെന്ന് ഉറപ്പുവരുത്തുകയും , മോട്ടോർ വകുപ്പ് ഉദ്യോഗസ്ഥരെ ബോധ്യപ്പെടുത്തുകയുമായിരുന്നു.

ബി.എസ് 4 കാറുകളുടെ രെജിസ്ട്രേഷൻ നടപടികൾ അവസാനിപ്പിക്കുന്നതിന്റെ ഭാഗമായാണ് അധികാരികൾ വേണ്ട നടപടികൾ കൈകൊണ്ടത്. പുതിയ കാറിന്റെ മലിനീകരണ ചട്ടത്തിൽ വന്ന ആശങ്ക ഒഴിഞ്ഞ ആശ്വാസത്തിലും , തന്റെ ഇഷ്ട്ട നമ്പറിനുവേണ്ടിയുള്ള കാത്തിരിപ്പിലുമാണ് റോയ് കുര്യൻ.

Continue Reading

Trending