Connect with us

CHUTTUVATTOM

കേരള പ്രവാസി ഫെഡറേഷൻ കോതമംഗലം മണ്ഡലം കൺവൻഷൻ ഉദ്ഘാടനം ചെയ്തു

Published

on

കോതമംഗലം: പ്രവാസികൾക്കുള്ള ആനുകൂല്യങ്ങൾ നേടിയെടുക്കുന്നതിന് ഇടനിലക്കാരായി പ്രവർത്തിക്കാനും  അവകാശങ്ങൾക്കായി നിരന്തരം സമരങ്ങൾ സംഘടിപ്പിക്കാനും കേരള പ്രവാസി ഫെഡറേഷന് കഴിഞ്ഞിട്ടുണ്ടെന്നും ഇനിയും ഒട്ടനവധി അവകാശങ്ങൾ നേടിയെടുക്കാൻ പ്രവർത്തനം ശക്തമാക്കണമെന്നും ബാബു പോൾ എക്സ് .എം.എൽ.എ പറഞ്ഞു. സംസ്ഥാനത്തെ സാമ്പത്തിക അടിത്തറക്ക് വിലപ്പെട്ട സംഭാവനകൾ നൽകിയ പ്രവാസികൾക്ക്‌ അർഹതപ്പെട്ട അംഗീകാരം നാളിതുവരെ ലഭിച്ചിട്ടില്ലെന്നും അദ്ദേഹം പറഞ്ഞു. വിമാനയാത്ര നിരക്കു കുത്തനെ വർദ്ധിപ്പിച്ച് പ്രവാസികളെ കൊള്ളയടിക്കുന്നതിനെതിരെ ശക്തമായ സമരം സംഘടിപ്പിച്ച കേരള പ്രവാസി ഫെഡറേഷൻ കൂടുതൽ ഉത്തരവാദിത്വങ്ങൾ ഏറ്റടുക്കേണ്ട സാഹചര്യമാണു നിലവിലുള്ള തെന്നും അദ്ദേഹം പറഞ്ഞു. പ്രവാസികളും അവരുടെ കുടുംബങ്ങളും നേരിടുന്ന പ്രശ്നങ്ങൾക്ക് പരിഹാരമുണ്ടാകാൻ കൂട്ടായ പ്രവർത്തനം ഊർജിതപ്പെടുത്തണമെന്നും ബാബു പോൾ പറഞ്ഞു. കേരള പ്രവാസി ഫെഡറേഷൻ കോതമംഗലം മണ്ഡലം കൺവൻഷൻ ഉദ്ഘാടനം ചെയ്തു പ്രസംഗിക്കുകയായിരുന്നു ബാബു പോൾ.

സംഘാടക സമതി ചെയർമാൻ അഡ്വ.മാർട്ടിൻ സണ്ണി അദ്ധ്യക്ഷത വഹിച്ചു.സി.പി.ഐ മണ്ഡലം സെക്രട്ടറി എം.കെ.രാമചന്ദ്രൻ ,എ.ഐ.റ്റി.യു.സി മണ്ഡലം സെക്രട്ടറി എം.എസ് ജോർജ്, ബ്ലോക്ക് പഞ്ചായത്ത് വൈസ് പ്രസിഡന്റ് ശാന്തമ്മ പയസ് ,കെ.പി.എഫ് സംസ്ഥാന കമ്മറ്റിയംഗങ്ങളായ പി.കെ രാജീവൻ, പി.എ സുബൈർ , ജില്ലാ പ്രസിഡന്റ് സി.എം ഇബ്രാഹിം കരീം, മുൻ ജില്ലാ സെക്രട്ടറി സീതി മുഹമ്മദ്, സി.പി.ഐ മണ്ഡലം സെക്രട്ടറിയേറ്റംഗം പി.എം ശിവൻ എന്നിവർ പ്രസംഗിച്ചു. സംഘാടക സമതി ചെയർമാൻ ഷക്കീർ ചുള്ളിക്കാട്ട് സ്വാഗതവും ട്രഷറാർ കെ.എ. സൈനുദ്ദീൻ നന്ദിയും പറഞ്ഞു. കേരള പ്രവാസി ഫെഡറേഷൻ കോതമംഗലം മണ്ഡലം കമ്മറ്റി ഭാരവാഹികളായി എം.കെ.രാമചന്ദ്രൻ ,അഡ്വ.മാർട്ടിൻ സണ്ണി, അഡ്വ.സി.കെ.ജോർജ് ,സീതി മുഹമ്മദ്, പി.എം ശിവൻ (രക്ഷാധികാരികൾ) , ഷക്കീർ ചുള്ളിക്കാട്ട് (പ്രസിഡന്റ്), കെ.എ യൂസഫ്, റിയാസ് റ്റി.എ (വൈസ് പ്രസിഡന്റുമാർ), കെ.എ. സൈനുദ്ദീൻ (സെക്രട്ടറി) ,ബേസിൽ എം എൽദോസ് ,യു.എം ഉസ്മാൻ ,ദീപു കൃഷ്ണൻ, താജുദ്ദീൻ എസ്.എ, പി.എം അബ്ദുൾ ഖാദർ ,ടി.എസ് സലിം ,വി.എ സുധീർ (കമ്മറ്റിയംഗങ്ങൾ) എന്നിവരെ തെരഞ്ഞെടുത്തു.

CHUTTUVATTOM

മണ്ണ് കടത്ത് കേസിൽ പഞ്ചായത്ത് പ്രസിഡന്റും, വാർഡ് മെമ്പറും രാജിവയ്ക്കുക; സി പി ഐ എം പ്രതിഷേധം.

Published

on

പല്ലാരിമംഗലം : പല്ലാരിമംഗലം പഞ്ചായത്തിലെ രണ്ടാം വാർഡിൽ ഈട്ടിപ്പാറ – മോഡേൺ പടി റോഡ് കുഴിച്ച് അനധികൃതമായി മണ്ണ് കടത്തിക്കൊണ്ടു
പോയെന്ന് കാണിച്ച് പല്ലാരിമംഗലം ഗ്രാമ പഞ്ചായത്ത് സെക്രട്ടറി പോത്താനിക്കാട് പോലീസിൽ കൊടുത്ത പരാതിയിൽമേൽ പ്രതികളായി പേര് ചേർക്കപ്പെട്ട പഞ്ചായത്ത് പ്രസിഡന്റ് പി കെ മൊയ്തുവും, വാർഡ് മെമ്പർ ഷാജിമോൾ റഫീഖും രാജിവയ്ക്കണമെ ന്നാവശ്യപ്പെട്ട് സി പി ഐ എം പല്ലാരിമംഗലം ലോക്കൽ കമ്മിറ്റിയുടെ ആഭിമുഖ്യത്തിൽ ഗ്രാമപഞ്ചായത്ത് ഓഫീസിന് മുന്നിലും, പാർട്ടിയുടെ പതിനാല് ബ്രാഞ്ച് കേന്ദ്രങ്ങളിലും സമരം സംഘടിപ്പിച്ചു. പഞ്ചായത്ത് ഓഫീസിന് മുന്നിൽ നടന്ന സമരം
സി പി ഐ എം ജില്ലാ കമ്മിറ്റി അംഗ് പി എൻ ബാലകൃഷ്ണൻ ഉദ്ഘാടനം ചെയ്തു.

ലോക്കൽ കമ്മിറ്റി സെക്രട്ടറി എം എം ബക്കർ അദ്ധ്യക്ഷത വഹിച്ചു. വിവിധ കേന്ദ്രങ്ങളിൽ നടന്ന സമരങ്ങൾ ഏരിയാ കമ്മിറ്റി അംഗം കെ ബി മുഹമ്മദ്, ബ്ലോക് പഞ്ചായത്ത് അംഗം ഒ ഇ അബ്ബാസ്, ഗ്രാമ പഞ്ചായത്തംഗങ്ങളായ എ എ രമണൻ, എ പി മുഹമ്മദ്, മുബീന ആലിക്കുട്ടി, ലോക്കൽ കമ്മിറ്റി അംഗങ്ങൾ എന്നിവർ ഉദ്ഘാടനം ചെയ്തു. പഞ്ചായത്തിന്റെ അനുമതിയില്ലാതെ ടാർ റോഡ് കുഴിച്ച് ഇരുന്നൂറ് ലോഡ്മണ്ണ് കടത്തിക്കൊണ്ടുപോയി വിൽപന നടത്തി എന്നതാണ് പോലീസ് കേസ്. മുസ്ലിം ലീഗ് പഞ്ചായത്ത് കമ്മിറ്റിയുടെ ജനറൽ സെക്രട്ടറി കൂടിയായ കെ എം മൈതീൻ
കുറിഞ്ഞിലിക്കാട്ട്, സി പി ഐ എം ലോക്കൽ കമ്മിറ്റി എന്നിവരാണ് വിഷയം ചൂണ്ടിക്കാട്ടി ഗ്രാമപഞ്ചായത്ത് സെക്രട്ടറിക്ക് പരാതി നൽകിയിട്ടുള്ളത്. തദ്ദേശ സ്വയംഭരണ വകുപ്പ് മന്ത്രി, വിജിലൻസ് ആന്റി കറപ്ഷൻ ബ്യൂറോ, കളക്ടർ എന്നിവർക്കും സി പി എം പരാതി നൽകിയിട്ടുണ്ട്.

Continue Reading

CHUTTUVATTOM

സ്വന്തം ഗ്രാമം ശുചീകരിച്ച് സി.പി.ഐ.(എം) മണിക്കിണർ ബ്രാഞ്ചിലെ ഒരു കൂട്ടം യുവാക്കൾ നാടിന് മാതൃകയാകുന്നു.

Published

on

നെല്ലിമറ്റം: കൊറോണ വ്യാപനം തടയാൻ കേന്ദ്ര സംസ്ഥാന സർക്കാരുകളും ആരോഗ്യ പ്രവർത്തകരും മറ്റും വിശ്രമമില്ലാതെ പൊതു സമൂഹത്തിന്റെ ആരോഗ്യസംരക്ഷണത്തിനും രോഗവ്യാപനം തടയുന്നതിനുമായി രാപകലില്ലാതെ കഷ്ടപ്പെടുകയാണ്.ഇതിനിടയിൽ നാട്ടുകാർക്ക് വലിയ ആശ്വാസവും മറ്റ് ഉള്ളവർക്ക് പ്രചോദനവും നൽകുന്ന രീതിയിൽ പല്ലാരിമംഗലം പഞ്ചായത്തിലെ മണിക്കിണർ വാളാച്ചിറ ഗ്രാമത്തിലെ ഒരു പറ്റം സി.പി.എം പ്രവർത്തകരായ ചെറുപ്പക്കാർ തങ്ങളുടെ ഗ്രാമവഴികൾ ശുചീകരിച്ചത്.

വലിയ കല്ലുകളും മാലിന്യ കൂമ്പാരങ്ങളും നീക്കം ചെയ്ത് ഗ്രാമം ശുചീകരിച്ചു. ശുചീകരണ പ്രവർത്തനങ്ങൾക്ക് സി.പി.എം.മണിക്കിണർ ബ്രാഞ്ച് സെക്രട്ടറി ജോസ് വർഗ്ഗീസ്, സി.പി.എം,ഡി.വൈ.എഫ് ഐ പ്രവർത്തകരായ റിയാസ് തുരുത്തേൽ, സജീവ് മുളമ്പേൽ, മാഹിൻ കെ.എം, ഷംസു കടുപ്പം കുടി, ജയിംസ് കെ.എം, എബിജയിംസ്, റ്റിബിൻ എൽദോസ് ,ഷഫീക്ക് നാസർ, അഷറഫ് എ.ഇ.തുടങ്ങിയവർ ശുചീകരണ പ്രവർത്തനങ്ങൾക്ക് നേതൃത്വം നൽകി.

Continue Reading

CHUTTUVATTOM

സി പി ഐ എം മഴക്കാലപൂർവ്വ ശുചീകരണം നടത്തി.

Published

on

പല്ലാരിമംഗലം : പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി സി പി ഐ എം സംസ്ഥാന കമ്മിറ്റിയുടെ ആഹ്വാന പ്രകാരം എല്ലാ പാർട്ടി ബ്രാഞ്ച് കേന്ദ്രങ്ങളിലും നടത്തുന്ന മഴക്കാല പൂർവ്വ ശുചീകരണ പ്രവർത്തനം അടിവാട് ഈസ്റ്റ് ബ്രാഞ്ചിൽ റിട്ടയേർഡ് പോലീസ് സബ് ഇൻസ്പെക്ടർ കെ എ മുഹമ്മദ് ഉദ്ഘാടനം ചെയ്തു.

ബ്ലോക് പഞ്ചായത്തംഗം ഒ ഇ അബ്ബാസ്, ബ്രാഞ്ച് സെക്രട്ടറി പി എം സിയാദ്, മുൻ ബ്രാഞ്ച് സെക്രട്ടറി പി എം കബീർ, ഡി വൈ എഫ് ഐ യൂണിറ്റ് സെക്രട്ടറി എൽദോസ് ലോമി, പ്രസിഡന്റ് കെ എ റെയ്ഷാൻ, എം എം ഷംസുദ്ധീൻ എന്നിവർ നേതൃത്വം നൽകി. ശുചീകരണ ശേഷം അടിവാട് തെക്കേ കവല അണു വിമുക്തമാക്കുന്ന പ്രവർത്തനവും നടത്തി.

Continue Reading

Trending