Connect with us

EDITORS CHOICE

‘കൊറോണ പരീത്’ ; കൊറോണയിലൂടെ ജീവിതവിജയം കൈവരിച്ച കോതമംഗലം സ്വദേശി

Published

on

  • സലാം കാവാട്ട്

കോതമംഗലം: ജനകോടികൾ ഞെട്ടിവിറയ്ക്കുന്ന കൊറോണ എന്ന ഒരൊറ്റ പേരിൽ ജീവിത വിജയമുണ്ടാക്കിയ ഒരാൾ അതിജീവനത്തിന്റെ പ്രതീക്ഷപകർന്ന് ഇവിടെ നമുക്കിടയിലുണ്ട്.
ചെറുവട്ടൂരിനടുത്ത് ബീവിപ്പടിയിലാണ് ആരും കിടുകിടാവിറച്ചു പോകുന്ന ഭയാനകമായ കൊറോണ എന്ന ആ സവിശേഷ നാമത്തിന് കീഴിൽ ജീവിത വിജയം വെട്ടിപ്പിടിച്ചെത്തിയ പരീത് എന്നവസ്ത്രവ്യാപാരി വേറിട്ട കാഴ്ചയായിരിക്കുന്നത്. കോതമംഗലം താലൂക്കിലെ നെല്ലിക്കുഴി പഞ്ചായത്തും മൂവ്വാറ്റുപുഴയിലെ പായിപ്ര പഞ്ചായത്തും അതിരിടുന്ന ബീവിപ്പടിയിൽ കയറ്റം കയറി എത്തുന്ന വാഹന യാത്രികർ റോഡിന്റെ പാർശ്വഭാഗത്തേയ്ക്ക് കണ്ണിമപായിക്കുമ്പോൾ വരവേൽക്കുന്നത് ഒറ്റപ്പെട്ടു നിൽക്കുന്ന ഒരു ഷോപ്പിങ്ങ് കോംപ്ലക്സിലെ ബോർഡിൽ മനോഹരമായി എഴുതി വച്ചിരിക്കുന്ന ലോകജനത ഏറ്റവും കൂടുതൽ ഭയാശങ്കകളോടെ കാണുന്ന കോവിഡ് 19 രോഗത്തിന്റെ ആദ്യ നാമമായിവന്ന കൊറോണ എന്ന പേരാണ്.

പായിപ്ര കക്ഷായി പുത്തൻപുരയിൽ പരീത് എന്ന വസ്ത്രവ്യാപാരിക്ക് കഴിഞ്ഞ കാൽനൂറ്റാണ്ടിലേറെയായി സമൂഹം കൽപ്പിച്ചു നൽകിയ അപരനാമം കൂടിയാണ് ‘കൊറോണ പരീത് ‘ എന്ന വിളിപ്പേര്. ഇന്ന്ലോക ആരോഗ്യ സംഘടനയും ആധുനിക വൈദ്യശാസ്ത്രവും ആഗോള മാധ്യമങ്ങളും കൊറോണ എന്ന വാക്ക് പ്രചരിപ്പിക്കുന്നതിന് മുമ്പ് തയ്യൽ ജോലികളിലെ കരവിരുതിൽ പ്രശസ്തനായിരുന്ന പരീത് 1993ൽ എം.സി.റോഡിലെ പേഴയക്കാപ്പിള്ളിയിൽ പാന്റ് ഹൗസ് എന്ന തന്റെ കട നവീകരിച്ച് നടത്തിയ
പേര്മാറ്റം കൊണ്ടെത്തിച്ചത് കൊറോണ എന്ന വേറിട്ട വാക്കിലായിരുന്നു.
27 വർഷംമുമ്പ് തന്റെ ജീവിത സ്വപ്നമായി പടുത്തുയർത്തിയ വസ്ത്രവ്യാപാരശാലയ്ക്ക് കൊറോണ എന്ന പേരിടുമ്പോൾ ഇന്നത്തെ നോവൽ കൊറോണ വൈറൽ ഡിസീസ് അഥവാ കോവിഡ് 19 എന്ന മഹാമാരിയുടെ രൂപത്തിലേക്ക് അത് പരിണമിച്ച് തന്റെകടയുടെ പേരുമായികെട്ടുപിണഞ്ഞ് ഒരു കൗതുക കാഴ്ചയാകുമെന്ന് പരീത് കരുതിയിരുന്നില്ല.
എന്നാൽ, ഒരു കാര്യം ഈ വ്യാപാരി തിരിച്ചറിയുന്നുണ്ട്; ലോകവിപണിയെപ്പോലും സ്തംഭിപ്പിച്ചുകൊണ്ട് അനുദിനംപടരുന്ന കൊറോണ എന്ന ഒരൊറ്റ പേരിന് കീഴിലാണ് താൻ ഇത്രത്തോളം വളർന്നതെന്ന ജീവിത യാഥാർത്ഥ്യം.

ഒരു പക്ഷേ കൊറോണ എന്ന പേരിന് കീഴിൽ ഇരുന്ന് ലോകത്ത് ഏറ്റവും സംതൃപ്തിയും സുഖവും അനുഭവിക്കുന്ന ഒരാൾ പരീത് എന്ന ഈ അറുപത് വയസ്സുകാരനായിരിക്കും.
കൊറോണപരിത് എന്ന ഈ വ്യാപാരി നടന്നെത്തിയ നാൾവഴികളിലേയ്ക്ക് കോതമംഗലം വാർത്ത ചെന്നെത്തുകയാണ്.

പായിപ്ര പഞ്ചായത്തിലെ ജീവിത ക്ലേശങ്ങൾ ഏറെയുള്ള ഒരു വീട്ടിൽ പിറന്ന പരീത് തയ്യൽക്കാരനായിരുന്ന ജേഷ്ഠൻ മക്കാരിന്റെ ശിഷ്യനായാണ് തന്റെ ജീവിത സങ്കൽപ്പങ്ങൾ തുന്നിച്ചേർക്കാനായി ചെറുവട്ടൂർ കവലയിലെ ആദ്യത്തെ ടെക്സ്റ്റയിൽസായി (ഇപ്പോഴത്തെ ഹൽദി ഫാൻസി ഷോപ്പ് ഉടമ) കെ.എം.അലിയാർ തുടങ്ങിയ വസ്ത്രശാലയിലേക്ക് 1973ൽ എത്തുന്നത്. അന്ന് ജേഷ്ഠൻ മക്കാരിനെക്കൂടാതെ ആശാൻമാരായി ഉണ്ടായിരുന്ന മാപ്പിള കുടിയിൽ ശേഖരന്റേയും കുറ്റിലഞ്ഞി സ്വദേശിയായ ശ്രീധരന്റേയും കീഴിൽ പരീത് വളരെവേഗം തുന്നൽ പഠിച്ചെടുത്തു. ഇന്ത്യയിൽ അടിയന്തിരാവസ്ഥ പ്രഖ്യാപിക്കപ്പെട്ട 1975 ൽ പായിപ്ര സൊസൈറ്റി പടിയിൽ ഒരു ചെറിയമുറി വാടകയ്ക്കെടുത്ത് പരീത് സ്വന്തമായി തയ്യൽകട ആരംഭിച്ചു. കുറച്ചു നാൾ കഴിഞ്ഞപ്പോൾ ഒരു രാത്രി കടയിൽ കവർച്ച നടന്നതോടെ അവിടെ നിന്നും എം.സി.റോഡിലെ പേഴക്കാപ്പിള്ളിയിലേക്ക് സ്ഥാപനംമാറ്റാൻ പരീത് നിർബന്ധിതനായി. പാന്റ് ഹൗസ് എന്ന പേരിൽ അവിടെ റെഡിമെയ്ഡ് ഷോപ്പുകൂടിയുള്ള തയ്യൽ കടയിൽ നിന്നും തുടങ്ങിയ സംരഭയാത്രയാണ് അങ്ങനെ കൊറോണയായി പരിണമിച്ചത്.

കൊറോണ എന്നവാക്ക് സൂര്യനും ചന്ദ്രനും ചുറ്റുമുള്ളപ്രഭാവലയം എന്ന അർത്ഥം വരുന്നതായിരുന്നു. കൊറോണറി – ഹൃദയവുമായി ബന്ധപ്പെട്ടത് എന്നതും കൊറോണയ്ക്ക് ആധാരമായി. 15 ജോലിക്കാരുള്ള സ്റ്റിച്ചിങ്ങ് യൂണീറ്റും ടെക്സ്റ്റയിൽസുമെന്ന നിലയിൽ മൂവാറ്റുപുഴ മേഖലയിലെ യുവതയുടെ ഫാഷൻവസ്ത്രധാരണ സങ്കൽപ്പങ്ങളെ സ്വാധീനിച്ച പുത്തൻ ട്രെൻഡ് സെറ്ററായിട്ടായിരുന്നു കൊറോണ ബ്രാൻഡ് റെഡിമെയ്ഡ് ഷർട്ടും പാന്റും സഫാരി സ്യൂട്ടുമൊക്കെയായി പരീതിന്റെ ജൈത്രയാത്ര. കൊറോണ സാമ്പത്തിക വിജയമായി. അതോടെ അതിൽനിന്നും കിട്ടിയലാഭം റിയൽ എസ്റ്റേറ്റ് ബിസിനസിലേക്ക് ബുദ്ധിപൂർവ്വം വഴിതിരിച്ചുവിട്ടു. ബിസിനസ്സിലെ വൈവിധ്യവൽക്കരണത്തിലൂടെ കൂടുതൽ നേട്ടങ്ങൾ കൊയ്തതിന്റെ ഗുണഫലമാണ് ഇന്ന് കൊറോണ എന്നപേരിൽ തന്നെ ചെറുവട്ടൂർ-പായിപ്ര റോഡിലെ ബീവിപ്പടിയിലെ സ്വന്തം ഷോപ്പിങ്ങ് കോംപ്ലക്സും പിന്നിൽ പണികഴിപ്പിച്ച് വാടകയ്ക്ക് നൽകിയിരിക്കുന്ന വില്ലകളും അതിൽ നിന്നുള്ള സംതൃപ്തി പകരുന്ന വാടക വരുമാനവും.

ലോകത്തെ പേടിപ്പിക്കുന്നകൊറോണ എന്ന രോഗപ്രതിഭാസം സമസ്ത മേഖലകളെയും പിടിച്ചുലച്ച് സർവ്വനാശം വിതയ്ക്കുകയും WHOമഹാമാരിയെന്ന് വിളംബരം ചെയ്യുകയും ഇന്ത്യാരാജ്യത്തത് ദേശീയ ദുരന്തമായി സർക്കാർ പ്രഖ്യാപിക്കുകയും കേരളത്തിന്റെ കോവിഡ് വിരുദ്ധ പ്രതിരോധ പ്രവർത്തനങ്ങൾ ലോക മാതൃകയായി വാഴ്ത്തപ്പെടുകയും ചെയ്യുമ്പോൾ ചെറുവട്ടൂർ ബീവിപ്പടിയിലെ കൊറോണയിലിരുന്ന് പരീത് എന്ന അറുപത് വയസ്സുകാരൻ ചെറുപുഞ്ചിരിയോടെയും നിറഞ്ഞസന്തോഷത്തോടെയും അവിടെ എത്തുന്നവരെ വരവേൽക്കുകയാണ്.

Continue Reading

EDITORS CHOICE

ലോക്ക് ഡൗൺ കാലത്തും പ്രാവുകൾക്ക് മുടങ്ങാതെ അന്നം നൽകി ഒരു കുടുംബം

Published

on

കോതമംഗലം : ഈ ലോക്ക് ഡൌൺ കാലത്തും മുടങ്ങാതെ അന്നം തേടി ഒരു കൂട്ടം പ്രാവുകൾ. എന്നും പ്രഭാതത്തിൽ ഒരു കൂട്ടം പ്രാവുകൾക്ക് തീറ്റ കൊടുക്കുന്ന തിരക്കിലാണ് ചെങ്കര മഞ്ഞുമേക്കുടിയിൽ ജീവയും അദ്ദേഹത്തിന്റെ 6 വയസുള്ള മകനും. ഇവരുടെ വീടിന്റെ മട്ടുപ്പാവിൽ പ്രഭാതത്തിൽ തന്നെ ഒരു കൂട്ടം പ്രാവുകൾ എത്തും. പിന്നെ ഇവർക്ക് അരിമണികളും, ഗോതമ്പുമണികളും നൽകുന്ന തിരക്കിലാണ് ജീവയും, മകനും. ലോക് ഡൌൺ ആരംഭിക്കുന്നതിനു മുന്നേ തുടങ്ങിയതാണ്.

ഇപ്പോളും മുടങ്ങാതെ അവർ കൂട്ടമായി പറന്നിറങ്ങും ജീവയുടെ അരിമണികൾക്കായി. കരുണയുടെയും, സ്നേഹത്തിന്റെയും മറ്റൊരു നേർകാഴ്ച്ച.

വാട്ട്സ്ആപ്പിൽ വാർത്തകൾ ലഭിക്കുവാൻ കോതമംഗലം വാർത്തയുടെ ഗ്രൂപ്പിൽ ജോയിൻ ചെയ്യുക.. https://chat.whatsapp.com/DcL8RgJp47d7R9L2iom1zx

Continue Reading

AUTOMOBILE

കൊറോണ സമയത്തെ സുരക്ഷിതയാത്ര; ബൊലേറോയിൽ ടോയ്‌ലെറ്റ് ഒരുക്കി കോതമംഗലത്തെ ഓജസ്

Published

on

കോതമംഗലം : വാഹനത്തിൽ ദൂരയാത്രകൾ ചെയ്യുന്ന എല്ലാവരും അനുഭവിക്കുന്ന പ്രശ്നമായിരിക്കും പൊതു ഇടങ്ങളിലെ വൃത്തിയില്ലാത്ത ശുചിമുറികൾ. ഇവമൂലം യാത്രാ സുരക്ഷിതമല്ലാതാകുകയും സാംക്രമിക രോഗങ്ങൾ പകരുവാൻ ഇടവരുത്തുകയും ചെയ്യും. എന്നാൽ വാഹനത്തിലുള്ളിൽത്തന്നെ ടോയ്‍ലെറ്റ് സൗകര്യം ഉണ്ടെങ്കിൽ അതിൽ നിന്നെല്ലാം ഒരു മോചനമാണ് സാധിക്കുന്നത്. കൊറോണയെന്ന മഹാ മാരിയുടെ കാലഘട്ടത്തിൽ നമ്മുടെ കോതമംഗലത്തെ ഓജസ് എന്ന സ്ഥാപനം യാത്രകളെ കൂടുതൽ സുരക്ഷിതമാക്കുന്നു.

വാട്ട്സ്ആപ്പിൽ വാർത്തകൾ ലഭിക്കുവാൻ കോതമംഗലം വാർത്തയുടെ ഗ്രൂപ്പിൽ ജോയിൻ ചെയ്യുക.. https://chat.whatsapp.com/DcL8RgJp47d7R9L2iom1zx

ഇന്ത്യയിൽ കാരവാൻ നിർമിക്കാൻ ലൈസൻസുള്ള സ്ഥാപനമാണ് ഓജസ് ബോഡി ബിൽഡേഴ്സ്. മമ്മൂട്ടി, മോഹൻലാൽ, പൃഥ്വിരാജ് തുടങ്ങി മലയാള സിനിമയിലെ ഒട്ടുമിക്ക താരങ്ങൾക്കും നിഖിൽ കുമാരസ്വാമി പോലുള്ള കന്നട സിനിമാതാരങ്ങൾക്കും കാരവാൻ നിർമിച്ചു നൽകിയത് ഓജസാണ്. പൊതുഗതാഗതം സുരക്ഷിതമല്ലെന്നു കരുതി ആളുകൾ സ്വകാര്യ വാഹനങ്ങളുടെ ഉപയോഗം കൂട്ടുമെന്നാണ് വാഹന നിർമാതാക്കൾ പറയുന്നത്. അതുപോലെ സ്വകാര്യ വാഹനങ്ങളിൽ ദൂരയാത്ര പോകുന്നവർ പൊതു ശുചിമുറികൾ ഉപയോഗിക്കാനും മടിക്കും. ഇതിനൊരു പരിഹാരവുമായി എത്തിയിരിക്കുകയാണ് കോതമംഗലത്തെ ഓജസ് ഓട്ടോമൊബൈൽസ്.

കൂടുതൽ വിവരങ്ങൾക്ക് ബന്ധപ്പെടുക : 09847042306, 08086700292

Continue Reading

EDITORS CHOICE

എംഎക്‌സ് പ്ലെയറിനെ വെല്ലുന്ന മീഡിയ ആപ്പുമായി കോതമംഗലം സ്വദേശി

Published

on

കോതമംഗലം : കോതമംഗലം പുന്നേക്കാട് കുന്നുംപുറത്തു ശ്രീകാന്ത് ആണ് ആപ്പ് നിർമ്മിച്ചു ശ്രദ്ധേയനാകുന്നു. കീരംബാറ സെന്റ് സ്റ്റീഫൻ സ്കൂളിൽ ഹൈസ്കൂൾ വിദ്യാഭ്യാസവും കുട്ടമ്പുഴ ഗവണ്മെന്റ് സ്കൂളിൽ പ്ലസ് ടുവും പൂർത്തിയാക്കിയ ശ്രീകാന്ത്‌ ഇപ്പോൾ മൂവാറ്റുപുഴ ഇലാഹിയ കോളേജ് വിദ്യാർത്ഥിയാണ്.
ഫേസ്ബുക്കിലെ ആന്‍ഡ്രോയ്ഡ് കമ്മ്യൂണിറ്റി എന്ന ഗ്രൂപ്പില്‍ കുറച്ച് ദിവസങ്ങള്‍ക്കു മുന്‍പ് ഒരു പോസ്റ്റ് വന്നു. എംഎക്‌സ് പ്ലയര്‍ പോലെ, പരസ്യങ്ങള്‍ ഇല്ലാത്ത ഒരു ആപ്പ് സജസ്റ്റ് ചെയ്യാമോ എന്നായിരുന്നു പോസ്റ്റ്. നിരവധി ആളുകള്‍ പല ആപ്പുകളുടെയും പേര് പോസ്റ്റില്‍ കമന്റ് ചെയ്തു. അതില്‍ വ്യത്യസ്തമായ ഒരു കമന്റിന് ഒട്ടേറെ പിന്തുണ ലഭിച്ചു. ആപ്പ് സജസ്റ്റ് ചെയ്യാനില്ല, വേണമെങ്കില്‍ നിര്‍മ്മിക്കാം എന്നായിരുന്നു ആ കമന്റ്. ശ്രീകാന്ത് ആര്‍ തട്ടേക്കാട് എന്ന യുവാവിന്റെ ആ കമന്റ് ചരിത്രമായി.

ആളുകളുടെ പിന്തുണയില്‍ ആപ്പ് നിര്‍മ്മിക്കാന്‍ ആരംഭിച്ച ശ്രീകാന്ത് ഏറെ മുന്നേറിക്കഴിഞ്ഞു. ഗ്രൂപ്പ് അംഗങ്ങളുടെ അഭിപ്രായം ചോദിച്ചു കൊണ്ടായിരുന്നു നിര്‍മ്മാണം. ആപ്പ് നിര്‍മ്മാണത്തിന്റെ വിവരങ്ങള്‍ ശ്രീകാന്ത് ഇടക്കിടെ ഗ്രൂപ്പില്‍ അപ്‌ഡേറ്റ് ചെയ്തു കൊണ്ടിരുന്നു. ആപ്പിനുള്ള പേരിട്ടതും ഗ്രൂപ്പില്‍ ചോദിച്ച ശേഷമാണ്. അങ്ങനെ നിരവധി സവിശേഷതകളുമായി മല്ലു ആന്‍ഡ്രോയ്ഡ് കമ്മ്യൂണിറ്റി പ്ലയര്‍ അഥവാ എം എ സി പ്ലയര്‍ എന്ന മീഡിയ പ്ലയര്‍ ആപ്പ് തയ്യാറായി. അടുത്ത മാസം ബീറ്റ വെര്‍ഷന്‍ ഇറക്കണമെന്നാണ് ആഗ്രഹം. മുന്‍പും യൂടിലിറ്റി, ടൂള്‍സ് വിഭാഗത്തിലുള്ള ആപ്പുകള്‍ താന്‍ തയ്യാറാക്കിയിരുന്നു എന്ന് ശ്രീകാന്ത് പറഞ്ഞു. ആദ്യമായാണ് ഒരു മീഡിയ ആപ്പ് ചെയ്യുന്നത്. മൂവാറ്റുപുഴ ഇലാഹിയ കോളജ് ബിസിഎ മൂന്നാം വര്‍ഷ വിദ്യാര്‍ത്ഥിയായ ശ്രീകാന്ത് ഇലാഹിന്‍ മെസഞ്ചര്‍ എന്ന പേരില്‍ കോളജ് വിദ്യാര്‍ത്ഥികള്‍ക്കായി ഒരു മെസേജിംഗ് ആപ്പും നിര്‍മ്മിച്ചു കൊണ്ടിരിക്കുകയാണ്. അതാണ് ശ്രീകാന്തിന്റെ മെയിന്‍ പ്രൊജക്ട്. അത് പൂര്‍ത്തിയാക്കിയാല്‍ മാത്രമേ ഈ മീഡിയ പ്ലെയറില്‍ ശ്രദ്ധ കൊടുക്കാന്‍ കഴിയൂ. ഇപ്പോള്‍ 70 ശതമാനത്തോളം മാത്രമേ പൂര്‍ത്തിയായിട്ടുള്ളൂ.

ഈ ആപ്പില്‍ ആഡ്‌സെന്‍സ് ചെയ്യാന്‍ കഴിയില്ല. കാരണം, ആഡ് ഇല്ലാത്ത ഒരു ആപ്പ് എന്ന ആളുകളുടെ അഭ്യര്‍ത്ഥന കാരണമാണ് ഈ ആപ്പ് നിര്‍മ്മിക്കാന്‍ തീരുമാനിച്ചത്. അതുകൊണ്ട് തന്നെ സാമ്പത്തിക നേട്ടമൊന്നും ഇതില്‍ നിന്ന് കിട്ടില്ല. ഓപ്പണ്‍ സോഴ്‌സ് കോഡ് ഉപയോഗിച്ചാണ് ആപ്പിന്റെ നിര്‍മ്മാണം. ഇനി ആര്‍ക്കെങ്കിലും എന്തെങ്കിലും കൂട്ടിച്ചേര്‍ക്കലുകള്‍ വേണമെങ്കില്‍ അതാവാം. ഓപ്പണ്‍ സബ്‌ടൈറ്റില്‍സ്, മലയാളം സബ്‌ടൈറ്റില്‍സ് എന്നീ വെബ്‌സൈറ്റുകളില്‍ നിന്ന് സബ്‌ടൈറ്റിലുകളും ലോഡ് ചെയ്യാം. വീഡിയോ പ്ലെയറിനൊപ്പം ഓഡിയോ പ്ലെയര്‍ കൂടി ആപ്പില്‍ ബില്‍റ്റ് ഇന്‍ ആണ്.

Continue Reading

Trending