Connect with us

EDITORS CHOICE

കെട്ടിലും, മട്ടിലും പഴമ ചോരാതെ പുന്നേക്കാടിലെ ഒരു ചായ പീടിക.

Published

on

കോതമംഗലം : പണ്ട് എൺപതുകളിലെ മലയാള സിനിമകളിൽ സ്ഥിരം സാനിധ്യമായിരുന്ന പ്രത്യേകിച്ചും ശ്രീ. സത്യൻ അന്തിക്കാടിനെ പോലുള്ളവർ സംവിധാനം ചെയ്ത ഗ്രാമീണത തുളുമ്പുന്ന പല സിനിമകളിലും സ്ഥിരമായി കണ്ടിരുന്ന ചായ പീടികയെയാണ് ‘അർച്ചന ഹോട്ടൽ’ ആദ്യമായി കാണുന്നവർക്ക് പെട്ടന്ന് ഓർമ്മയിൽ വരുക . അനുഗ്രഹീത നടന്മാരായിരുന്ന ശ്രീ. ഒടുവിൽ ഉണ്ണികൃഷ്ണനും,, ശ്രീ. ശങ്കരാടിയും മറ്റും അവതരിപ്പിച്ച എത്രയെത്ര നാടൻ ചായക്കടക്കാരെന്റെ വേഷങ്ങൾ, ചായക്കടയിലെ തമാശകൾ… നാടിന്റെ നന്മകൾ… ഒരു പാട് നല്ല മുഹൂർത്തങ്ങൾക്ക് വേദിയായ ഗ്രാമീണ ചായക്കടകൾ.

കോതമംഗലം പുന്നേക്കാട് കവലയിൽ നിന്ന് പാലമറ്റം പോകുന്ന വഴി തിരിയുമ്പോൾ വലതു വശത്തായി ഓടു മേഞ്ഞ പഴമകൾ പേറുന്ന ഒരു കെട്ടിടം, ‘അതാണ് അർച്ചന ഹോട്ടൽ ‘ പഴമക്കാർക്കിത് ‘അജിത’ഹോട്ടലാണ്, ചിലർക്കു നായരുടെ ചായക്കട ഇങ്ങനെ പലപ്പേരിൽ അറിയപ്പെടുന്ന ഒരു പഴയ ചായക്കട കെട്ടിടം. മിക്കവാറും എല്ലാ പഴയ കെട്ടിടങ്ങളും കോതമംഗലത്തു നിന്നും പരിസര പ്രദേശങ്ങളിൽ നിന്നും, അപ്രത്യക്ഷമായി പകരം കോൺക്രീറ്റ് ബിൽഡി ങ്ങുകൾ വന്നുകൊണ്ടിരിക്കുന്നു, ഈ സമയത്താണ് പഴമയുടെ സൗന്ദര്യം പേറി നാൽപതു വർഷത്തിനടുത്തായി അർച്ചന ഹോട്ടൽ പുന്നേക്കാട് പ്രവർത്തിച്ചുപോരുന്നത്, പഴയ കാലത്തേക്ക് മനസ്സിലെങ്കിലും ഒരു തിരിച്ചു പോക്കിന് ഈ ചായക്കട കാഴ്ച്ച പലരെയും സഹായിക്കാറുണ്ട്.

ODIVA

ഏതാണ്ട് നാൽപതു വർഷത്തിന് മുൻപ് ഈ ഹോട്ടൽ തുടങ്ങിയ സമയത്ത് ഇത് ‘അജിത ഹോട്ടൽ ‘ആയിരുന്നു പിന്നീട് കുറച്ചു വർഷങ്ങൾക്കു ശേഷം ‘അർച്ചന ഹോട്ടൽ ‘എന്ന് പേരുമാറ്റുകയാണുണ്ടായത്, തുടക്കകാലത്തെങ്ങനയോ അങ്ങനെ തന്നെ യാണ് ഇതിന്റെ അകവും പുറവുമിപ്പോഴും. ഭിത്തികൾക്ക് പകരം ചെറിയ തടി കഷണങ്ങൾ കൊണ്ട് വായു കടക്കുന്ന വിധം ചേർത്തു വച്ച മുൻവശം ആരുടെയും ശ്രദ്ധ പിടിച്ചു പറ്റുന്ന ഒന്നാണ്. ചെറുകടി അഥവാ പലഹാരങ്ങൾ നിരത്തി വയ്ക്കുന്ന വലിയ ഒരു തടി അലമാരി ഹോട്ടലിനകത്തേക്ക് കയറുമ്പോൾ തന്നെ കാണുവാൻ സാധിക്കും.

അച്ഛനപ്പൂപ്പന്മാർ അവരുടെ നല്ലകാലങ്ങളിൽ, അവരുടെ ചെറുപ്പത്തിൽ ചായ കുടിച്ചിരുന്ന ഹോട്ടലിരുന്ന് ഇപ്പോൾ പുതു തലമുറക്കും ആ പഴമയുടെ അന്തരീക്ഷത്തിൽ ആസ്വദിച്ചു ചായ കുടിക്കാൻ സാധിക്കുകയെന്നത് പുന്നേക്കാടുകാരുടെ ഒരു ഭാഗ്യമാണ് . ആരംഭിച്ച സമയത്തെ പോലെ തന്നെ കാഴ്ചയിലും, രൂപത്തിലും,കെട്ടിലും മട്ടിലുമെല്ലാം ഒരു മാറ്റവും ഇല്ലാതെ ഹോട്ടൽ ഇപ്പോഴും തുടരുന്നു.

അതുപോലെ തന്നെ പുന്നേക്കാടിന്റെ സാമൂഹിക സാംസ്‌കാരിക വളർച്ച നേരിട്ടുകണ്ട്, പല വിധ ചർച്ചകൾക്ക് വേദിയായിട്ടുണ്ട് അർച്ചന ഹോട്ടൽ. ശ്രീ. കണിയാട്ട് സുകുമാരൻ നായർ ആണ് ഇപ്പോൾ ഈ ഹോട്ടൽ നടത്തുന്നത് കുട്ടൻ എന്നു ഓമന പേരുള്ള ശ്രീ. സുകുമാരൻ നായരുടെ അച്ഛൻ,ശ്രീ.നാരായണൻ നായരാണ് ഈ ഹോട്ടൽ തുടങ്ങിയത്. അച്ഛന്റെ മരണശേഷം ശ്രീ. സുകുമാരൻ ഹോട്ടലിന്റെ എല്ലാ കാര്യങ്ങളും ഏറ്റെടുത്തു. ‘കുട്ടന്റെ കട ‘യെന്നും നാട്ടുകാർ ഈ ഹോട്ടലിനെ വിളിക്കുന്നുണ്ട്. ചായ, കാപ്പി, ഇഡലി, പുട്ട് അപ്പം തുടങ്ങി നാടൻ രുചിയിൽ പ്രഭാത ഭക്ഷണവും, ഉച്ചക്ക് ഊണും, പിന്നെ വൈകുന്നേരം പരിപ്പുവട, പഴംപൊരി തുടങ്ങി ചെറുകടികളും ഇവിടെ ലഭ്യമാണ്. വർഷങ്ങളായി സ്ഥിരമായി ഹോട്ടലിൽ വരുന്ന പ്രായമായവരും പിന്നെ അവരുടെ കൂടെ ഇവിടെ വന്നു ചേർന്ന യുവ തലമുറയും ഹോട്ടലിന്റെ രൂപവും ഭാവവും കണ്ട് ആകൃഷ്ടരായി വന്നുപോകുന്ന മറ്റു നാട്ടുകാരും,ചില യുട്യൂബ് വ്ലോഗർമാരും മറ്റു ടൂറിസ്റ്റ്കളുമെല്ലാമായി അർച്ചന ഹോട്ടലിൽ സന്ദർശകരെറെയാണ്.

പഴയ കാലഘട്ടം ചിത്രീകരിക്കാനുദ്ദേശിക്കുന്ന സിനിമ, സീരിയൽ കലാകാരന്മാർക്ക് പറ്റിയ ലൊക്കേഷൻ ആണ് അർച്ചന ഹോട്ടൽ. ഹോട്ടലിലേക്ക് കയറി ചെല്ലുമ്പോൾ ചെറിയ മുറിയിൽ തൂക്കിയിട്ടിരിക്കുന്ന ഗാന്ധിജി, മന്നത്തു പദ്മനാഭൻ തുടങ്ങി പല മഹാരഥൻമാരുടെയും ഫോട്ടോകൾ ആകർഷകമായ മറ്റൊരുകാഴ്ച്ചയാണ്.കോതമംഗലത്തെ ചില ഗ്രാമപ്രദേശങ്ങളിൽ അപൂർവമായെങ്കിലും ചിലർ ഇതുപോലെ വർഷങ്ങൾ പഴക്കമുള്ള കെട്ടിടങ്ങളിൽ പല കച്ചവടങ്ങളും നടത്തുന്നുണ്ട്.

കോവിഡ് കാരണം പ്രായമായവരും മറ്റു ചില സ്ഥിരം ആളുകളും വരവ് കുറച്ചതോടെ ഇപ്പോൾ തിരക്ക് കുറവാണെങ്കിലും, വർഷങ്ങളായി പുന്നേക്കാടിന്റെ ഓരോ സ്പന്ദനവും അറിഞ്ഞു പഴമയുടെ ഭംഗിയും പേറി ,ഗതകാല സ്മരണകളും , കുറെ തലമുറകളുടെ കഥകളുമായി അർച്ചന ഹോട്ടൽ പ്രവർത്തനം തുടരുന്നു.

EDITORS CHOICE

കോതമംഗലത്തിന്റെ അഭിമാനമായി ക്യാപ്റ്റൻ ഡോ. പി.കെ. സുഷൻ; കേരളത്തിൽ നിന്നും എൻ.സി.സി യുടെ ദേശീയ പുരസ്ക്കാരം നാല് തവണ നേടുന്ന ഏക ഓഫീസർ.

Published

on

കോതമംഗലം : പിറവം ബി.പി.സി. കോളേജ് അധ്യാപകനും, 18 കേരള ബറ്റാലിയൻ എൻ.സി.സി ഓഫീസറുമായ ക്യാപ്റ്റൻ ഡോ. പി.കെ. സുഷന് എൻ.സി.സി യുടെ ദേശീയ പുരസ്ക്കാരം വീണ്ടും ലഭിച്ചു.  കേരളത്തിൽ നിന്നും എൻ.സി.സി യുടെ ദേശീയ പുരസ്ക്കാരം നാല് തവണ നേടുന്ന ഏക ഓഫീസർ ഡോ. പി.കെ. സുഷനാണ്. പിറവം ബി.പി.സി കോളേജിലെ എൻ.സി.സി. ഓഫീസറും ബിസ്സിനസ്സ് അഡ്മിനിസ്ട്രേഷൻ വിഭാഗം മേധാവിയും ആയ ഡോ. പി.കെ. സുഷന് എൻ.സി.സി.യിലെ സ്തുസ്ത്യർഹ സേവനത്തിന് ലഭിക്കുന്ന ദേശീയ പുരസ്ക്കാരം 2013 ലും 2016 ലും 2018 ലും ലഭിച്ചിരുന്നു. 2014 ൽ ദില്ലിയിൽ നടന്ന റിപ്പബ്ലിക് ദിന പരേഡിൽ കേരള ലക്ഷദീപ് എൻ.സി.സി. കണ്ടിൻജന്റിന് നേതൃത്വ൦ നൽകിയിട്ടുമുണ്ട്.

പ്രിൻസിപ്പൽ ഡോ. ടിജി സക്കറിയ, കോട്ടയം ഗ്രൂപ്പ് കമാൻഡർ ബ്രിഗേഡിയർ സുനിൽകുമാർ എൻ വി, 18 കേരള ബറ്റാലിയൻ എൻ.സി.സി ഓഫീസർ കമാൻഡിങ് കേണൽ വീരേന്ദർ ദത്വാലിയ, കേണൽ കിരിത് കെ നായർ, ലഫ്റ്റനൻറ് കേണൽ രഞ്ജിത്ത് എ പി എന്നിവർ അഭിനന്ദിച്ചു. കോതമംഗലം പാറയിൽ ഫാ.പ്രൊഫ. പി.വി.കുര്യാക്കോസിന്റെയും ഹിൽഷയുടെയും മകനാണ്. ഭാര്യ; ഡോ.ഷിമ മാത്യു മണിമലക്കുന്ന് ടി.എം.ജേക്കബ് മെമ്മോറിയൽ ഗവൺമെൻ്റ് കോളേജിലെ ഇംഗ്ലീഷ് വിഭാഗം അധ്യാപികയാണ്. മക്കൾ: സുമിഷ്,സാവന.

360 total security lizenz kaufen

Continue Reading

EDITORS CHOICE

പക്ഷികളുടെ പറുദീസായായ തട്ടേക്കാട്ട് ഡോ. സലിം അലിക്ക് സ്മാരകം വേണം: ഡോ. ആർ സുഗതൻ

Published

on

കോതമംഗലം : കേരളത്തിലെ പക്ഷി ശാസ്ത്രത്തിന്റെ കളിത്തൊട്ടിലും, പക്ഷികളുടെ പറുദീസയുമാണ് എറണാകുളം ജില്ലയിലെ തട്ടേക്കാട്. കാനന ഭംഗി കൊണ്ടും, കളകളരവം പൊഴിച്ച് ഒഴുകുന്ന പെരിയാറിന്റെ നയന മനോഹാരിത കൊണ്ടും സഞ്ചാരികളുടെയും പക്ഷികളുടെയും, ഇഷ്ട്ട കേന്ദ്രമാണിവിടം. 1983 ഓഗസ്റ്റ്‌ 27-നു നിലവിൽ വന്ന പക്ഷിസങ്കേതം ആണ്‌ തട്ടേക്കാട് സ്ഥിതി ചെയുന്ന ഡോ. സാലിം അലി പക്ഷിസങ്കേതം. തെക്കേ ഇന്ത്യയിൽ തന്നെ ഏറ്റവും പക്ഷി നിബിഡമായ പ്രദേശമാണ് പശ്ചിമ ഘട്ടത്തിലെ ആനമുടിയുടെ മടി തട്ടിൽ കിടക്കുന്ന തട്ടേക്കാട്. പ്രകൃതി രമണീയമായ ഈ പ്രദേശം പലവംശത്തിലുള്ള നാട്ടുപക്ഷികളുടെ ആവാസവ്യവസ്ഥയുംകേരളത്തിലെ പ്രശസ്തമായ പക്ഷിസങ്കേതവുമാണ്‌. അവകൂടാതെ പലതരം ദേശാടനപക്ഷികളുംകാലാകാലങ്ങളിൽ ഇവിടെ എത്തുന്നു.

പ്രശസ്ത ഇന്ത്യൻ പക്ഷിശാസ്ത്രജ്ഞനായ ഡോ. സാലിം അലിപക്ഷിനിരീക്ഷണത്തിനായി പലതവണ ഇവിടെ എത്തിയിരുന്നു. 1933 ൽ തിരുവിതാംകൂർ മഹാ രാജാവിന്റെ ക്ഷണം സ്വികരിച്ച്, തിരുവിതാകൂർ – കൊച്ചിയിലെ പക്ഷി ശാസ്ത്ര പഠനത്തിന് വേണ്ടിയാണ് ഡോ സലിം അലി ആദ്യമായി എത്തിയത്. 1950 കളിൽ തന്നെ ഇവിടം ഒരു പക്ഷിസങ്കേതമാക്കണം എന്ന് അദ്ദേഹം ശുപാർശ ചെയ്തിരുന്നു. 1970-കളിൽ സാലിം അലി പ്രദേശത്തു നടത്തിയ സർവേയ്ക്കു ശേഷമാണ് പക്ഷിസങ്കേതമാക്കാനുള്ള പ്രവർത്തനങ്ങൾ ത്വരിതഗതിയിലായത്. അദ്ദേഹത്തോടുള്ള ബഹുമാനാർത്ഥമാണ്‌ ഈ പക്ഷിസങ്കേതത്തിന്‌ ഡോ. സാലിം അലി പക്ഷിസങ്കേതം എന്ന് നാമകരണം ചെയ്തിരിക്കുന്നത്‌.

ഡോ സലിം അലിയോടുള്ള ആദരസൂചകമായി തട്ടേക്കാട്ട് അദ്ദേഹത്തിന്റെ ഒരു സ്‌മാരകം വേണമെന്ന് ഡോ. സലിം അലിയുടെ ശിഷ്യനും, പ്രമുഖ പക്ഷി നിരീക്ഷകനും, സംസ്ഥാന പക്ഷി നിരീക്ഷണ സെല്ലിന്റെ ചുമതലക്കാരനുമായ ഡോ. ആർ സുഗതൻ അഭിപ്രായപ്പെട്ടു. ഇന്ന് ഇവിടെ ദേശാടകരടക്കം ആയിരക്കണക്കിന് ഓരോ ഇനത്തിലുമുള്ള പക്ഷികൾ ഉണ്ടെന്നാണ്‌ കരുതുന്നത്‌.ഏറ്റവും കൂടുതൽ ഇനം പക്ഷികളെയും, ഏറ്റവും കൂടുതൽ പക്ഷികളെയും കണ്ട പ്രദേശം തട്ടേക്കാടാണെന്നു ഡോ സലിം അലി തന്നെ തിരുവിതാംകൂർ – കൊച്ചി പക്ഷി പഠന റിപ്പോർട്ടിൽ എഴുതിയിട്ടുണ്ട്.

(Salim Ali crossing the Periyar river in 1933)

കേരളത്തിലെ പ്രസ്തമായ പെരിയാർ നദി തട്ടേക്കാട് പക്ഷിസങ്കേതത്തിലൂടെ ഒഴുകുന്നു. എറണാകുളം ജില്ലയുടെ കിഴക്കൻ പ്രദേശത്തും ഇടുക്കിജില്ലയുടെ പടിഞ്ഞാറൻ പ്രദേശത്തുമായാണ് ഈ സങ്കേതം നിലകൊള്ളുന്നത്. തട്ടേക്കാടിന്റെകിഴക്ക് വടക്കുകിഴക്കു ഭാഗങ്ങളിൽ കുട്ടമ്പുഴയും, തെക്ക് തെക്കുകിഴക്കു ഭാഗങ്ങളിൽ മലയാറ്റൂർ സംരക്ഷിത വനങ്ങളും, വടക്ക് ഇടമലയാറും, പടിഞ്ഞാറും തെക്കുപടിഞ്ഞാറും പെരിയാറുമാണ്. ഇടമലയാർ പെരിയാറ്റിൽ ചേരുന്നത് തട്ടേക്കാടു പ്രദേശത്തു വെച്ചാണ്. പശ്ചിമഘട്ടത്തിൽ സാധാരണ ഉള്ളതു പോലെ നിമ്നോന്നതങ്ങളായ ഭൂപ്രകൃതിയാണ്. സമുദ്രനിരപ്പിൽ നിന്നുള്ള ഉയരം 35 മീ മുതൽ 523 മീ വരെ വ്യത്യാസപ്പെട്ടിരിക്കുന്നു. ഏറ്റവും ഉയരം കൂടിയ പ്രദേശം ഞായപ്പിള്ളി മലയാണ്
ഉഷ്ണമേഖലാ വനപ്രദേശമായ തട്ടേക്കാട് പക്ഷി സങ്കേതത്തിൽ പ്രധാനമായി മൂന്നിനം വനങ്ങൾ ആണുള്ളത്‌, നിത്യഹരിതവനം, അർദ്ധ നിത്യഹരിതവനം, ഇലപൊഴിയും ഈർപ്പവനം എന്നിവയാണവ. സ്വാഭാവിക വനങ്ങൾക്കു പുറമേ തേക്ക്‌, മഹാഗണിഎന്നിവയുടെ തോട്ടങ്ങളുമുണ്ട്‌. ഭൂതത്താൻ കെട്ട്‌ എന്ന പ്രകൃതിജന്യ അണക്കെട്ടും ഈ പ്രദേശത്താണ്‌. ജലസേചനം ലക്ഷ്യം വച്ചുള്ള കൃത്രിമ അണക്കെട്ടും പ്രദേശത്തോട് ചേർന്നുണ്ട്.

വെള്ളിമൂങ്ങ, മലബാർ കോഴി, കോഴി വേഴാമ്പൽ, തീക്കാക്ക തുടങ്ങി നിരവധി അപൂർവ്വ പക്ഷികളെ പ്രദേശത്തു കണ്ടുവരുന്നു. ലോകത്തു തന്നെ അപൂർവ്വങ്ങളായ തവളവായൻ കിളി(മാക്കാച്ചിക്കാട – Ceylon Frogmouth) മുതലായപക്ഷികളേയും ഇവിടെ കണ്ടെത്തിയിട്ടുണ്ട്‌. ഏഴു ഗ്രാം മുതൽ മൂന്നരകിലോഗ്രാം വരെ ഭാരമുള്ള പക്ഷികളെ പ്രദേശത്തു കാണപ്പെടുന്നു.
തട്ടേക്കാട് വനങ്ങളിൽ പക്ഷികൾക്കു പുറമേ ശലഭങ്ങളും, ആന, കടുവ, കാട്ടുപന്നി, കാട്ടുപൂച്ച, കാട്ടുനായ്‌, നാടൻകുരങ്ങ്‌, പുലി, മാൻ, കുട്ടിത്തേവാങ്ക്, കാട്ടുപോത്ത്, ഉടുമ്പ്, ഈനാംപേച്ചി, മ്ലാവ്‌, കേഴമാൻ, കൂരമാൻ, കീരി, മുള്ളൻ പന്നി, മരപ്പട്ടി, ചെറുവെരുക്‌, മലയണ്ണാൻ, കരടി മുതലായ മൃഗങ്ങളും, കുഴിമണലി മുതൽ പെരുമ്പാമ്പും, രാജവെമ്പാലയും വരെ ഉള്ള ഉരഗങ്ങളുംസങ്കേതത്തിലുണ്ട്‌.

നദികളിലും മറ്റുജലാശയങ്ങളിലും ഉള്ള കനത്ത മത്സ്യസമ്പത്തും പക്ഷികൾക്ക്‌, പ്രത്യേകിച്ച്‌ നീർപക്ഷികൾക്ക്‌ ഇവിടം പ്രിയപ്പെട്ട സ്ഥലമാക്കിയിരിക്കുന്നു.തട്ടേക്കാട് പക്ഷി സങ്കേതത്തിന് ആധാരമായ, പക്ഷികളുടെ കണക്കുകളെ പറ്റി 1933ൽ ഡോ. സലിം അലി പഠിക്കാൻ തട്ടേക്കാട് താമസിച്ചിരുന്ന ആപഴയ കെട്ടിടം ആരും തിരിഞ്ഞു നോക്കാതെ നാമാവശേഷമായി കിടക്കുകയാണെന്നും, അത്‌ പുതുക്കി പണിതു ഡോ സലിം അലി യുടെ ഓർമകൾ കുടികൊള്ളുന്ന ഒരു സ്മാരക മായി മാറ്റണമെന്നു സലിം അലിയോടൊപ്പമുള്ള തന്റെ പഴയകാല ഓർമകൾ ചികഞ്ഞെടുത്തുകൊണ്ട് ഡോ. സുഗതൻ പറഞ്ഞു.

Continue Reading

EDITORS CHOICE

ബോട്ട് നിറയെ സമ്മാനങ്ങളുമായി കോതമംഗലത്ത് ക്യാപ്റ്റൻ സാൻ്റാ എത്തി.

Published

on

കോതമംഗലം: ക്രിസ്തുമസ് കാലത്ത് ഹെലികോപ്റ്ററിൽ വന്നിറങ്ങുന്ന പൈലറ്റ് സാൻ്റയെ നിർമ്മിച്ച് ശ്രദ്ധേയനാകുകയാണ് ഒരു യുവാവ്. കഴിഞ്ഞ ക്രിസ്മസ്ക്കാലത്ത് ഹെലികോപ്റ്ററിൽ വന്നിറങ്ങുന്ന പൈലറ്റ് സാൻ്റയെ നിർമ്മിച്ച കോതമംഗലം സ്വദേശി സിജോ ജോർജ് ഇക്കൊല്ലം ക്യാപ്റ്റൻ സാൻ്റയെ നിർമ്മിച്ചാണ് വേറിട്ട കാഴ്ച ഒരുക്കിയത്. ക്രിസ്മസ്ക്കാലത്ത് കൈനിറയെ സമ്മാനങ്ങളുമായി വരുന്ന സാൻ്റാക്ലോസ് സിജോയുടെ മുറ്റത്ത് ക്യാപ്റ്റൻ-ൻ്റെ വേഷത്തിൽ അവതരിച്ചിരിക്കുകയാണ്. കുത്തുകുഴി, പാറായിത്തോട്ടത്തിന് സമീപമാണ് സിജോയുടെ വീട്. വീടിൻ്റെ മുറ്റത്താണ് ബോട്ട് ഓടിക്കുന്ന സാൻ്റാക്ലോസിനെ അവതരിപ്പിച്ചിരിക്കുന്നത്. കഴുത്ത് ചലിപ്പിച്ച് ബോട്ടിൻ്റെ വളയം തിരിക്കുന്ന സാൻ്റയെ അതി മനോഹരമായാണ് സിജോ ചിത്രീകരിച്ചിരിക്കുന്നത്.

ഉപയോഗശൂന്യമായ വസ്തുക്കൾ ഉപയോഗിച്ചാണ് ബോട്ട് ഓടിക്കുന്ന സാൻ്റയെ നിർമിച്ചിരിക്കുന്നത്.ബോട്ടിൻ്റെ ഫ്രെയിം ഈറ്റ കൊണ്ടാണ് ഉണ്ടാക്കിയിരിക്കുന്നത്. കാർഡ് ബോർഡ്, പഴയ ചാക്ക്, ഫ്ലക്സ്സ് തുടങ്ങിയവയാണ് സാൻ്റ നിർമാണത്തിന് ഉപയോഗിച്ചിരിക്കുന്നത്. രണ്ട് മിനി മോട്ടറുകളാണ് സാൻ്റയെ ചലിപ്പിക്കാൻ ഉപയോഗിച്ചിരിക്കുന്നത്.

ക്രിസ്മസ് ഗാനത്തിൻ്റെ പശ്ചാത്തലത്തിൽ ബോട്ട് ഓടിച്ചു വരുന്ന സാൻറ ആരെയും അതിശയിപ്പിക്കുമെന്ന കാര്യത്തിൽ സംശയമില്ല.  എല്ലാവർഷവും ഒരുക്കുന്ന ഒരു ക്രിസ്മസ്ക്കാല കൗതുകക്കാഴ്ചയുടെ ഭാഗമായിട്ടാണ് ബോട്ട് ഓടിക്കുന്ന സാൻ്റയെ നിർമിച്ചതെന്ന് കലാകാരനായ സിജോ പറഞ്ഞു.

Continue Reading

Recent Updates

AGRICULTURE8 hours ago

സമ്മിശ്രകൃഷിയിൽ വിജയഗാഥ രചിച്ച് ഗോപാലകൃഷ്ണൻ.

കോതമംഗലം : സമ്മിശ്ര കൃഷിയിൽ വിജയഗാഥ രചിക്കുകയാണ് കോതമംഗലം ചെറുവട്ടൂർ സ്വദേശിയായ പടിഞ്ഞാറേക്കര പി. എസ് ഗോപാലകൃഷ്ണൻ.മിക്കവരും കൃഷിയിൽ നിന്ന് ഉൾവലിയുന്ന അവസരത്തിൽ കൃഷിയോടുള്ള താല്പര്യം കൊണ്ട്...

CRIME8 hours ago

പൊലിസ് ഉദ്യോഗസ്ഥന് നേരെ വധഭീഷണി മുഴക്കിയ പ്രതി അറസ്റ്റിൽ.

കോതമംഗലം: കോതമംഗലം കൺട്രോൾ റൂം വാഹനത്തിലെ പൊലിസ് ഉദ്യോഗസ്ഥൻ്റെ ഡ്യൂട്ടി തടസ്സപ്പെടുത്തുകയും അസഭ്യം പറയുകയും വധഭീഷണി മുഴക്കുകയും ചെയ്ത പിണ്ടിമന വില്ലേജ്, വേട്ടാമ്പാറ ഭാഗത്ത് തവരക്കാട്ട് വീട്ടിൽ...

NEWS17 hours ago

എറണാകുളം ജില്ലയിൽ ഇന്ന് 767 പേർക്ക് രോഗം സ്ഥിരീകരിച്ചു.

എറണാകുളം : കേരളത്തില്‍ ഞായറാഴ്ച 5005 പേര്‍ക്ക് കോവിഡ്-19 സ്ഥിരീകരിച്ചു. യുകെയില്‍ നിന്നുവന്ന ആര്‍ക്കും കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചിട്ടില്ല. അടുത്തിടെ യുകെയില്‍ നിന്നുവന്ന 56...

NEWS17 hours ago

ഊരിൽ നിന്ന് പുറത്താക്കപ്പെട്ട് ഇടമലയാർ ജലാശയത്തിന്റെ തീരത്ത് ദുരിതത്തിൽ കഴിയുന്ന കുടുബത്തിന് വീട് വേണം എന്ന ആവശ്യം ശക്തമാകുന്നു.

കോതമംഗലം: ഇടമലയാർ ജലാശയത്തിൻ്റെ തീരത്ത് പാറപ്പുറത്ത് കുടിൽ കെട്ടി ദുരിതജീവിതം നയിക്കുകയാണ് ആദിവാസി വിഭാഗത്തിൽപ്പെട്ട ചെല്ലപ്പനും ഭാര്യ യശോദയും. ഊരു വിലക്കിനെ തുടർന്ന് നീണ്ട 18 വർഷമായി...

NEWS18 hours ago

പല്ലാരിമംഗലം സ്‌റ്റേഡിയം നവീകരണം എം ഒ യു ഒപ്പു വച്ചു : ആന്റണി ജോൺ എം എൽ എ.

കോതമംഗലം: ഒരു കോടി രൂപ രൂപ മുടക്കി നവീകരിക്കുന്ന പല്ലാരിമംഗലം സ്‌റ്റേഡിയം നിർമ്മാണവുമായി ബന്ധപ്പെട്ട് സംസ്ഥാന സർക്കാർ കായിക വകുപ്പും,പല്ലാരിമംഗലം പഞ്ചായത്തും തമ്മിൽ ധാരണ പത്രം (എം...

NEWS18 hours ago

റോഡിൽ വാഴ നട്ട് പ്രതിക്ഷേധം.

കോതമംഗലം : മുവാറ്റുപുഴ -കാളിയാർ പ്രധാന റോഡിന്റെ പൈങ്ങോട്ടൂർ പഞ്ചായത്ത് അതിർത്തിയായ ആയങ്കര മുതൽ കൊല്ലൻപ്പടിവരെ തകർന്നു കിടക്കുന്ന ഭാഗം സഞ്ചാരയോഗ്യമാകണമെന്ന് ആവശ്യപ്പെട്ട് യൂത്ത് കോണ്ഗ്രസ് പൈങ്ങോട്ടൂർ...

NEWS2 days ago

എറണാകുളം ജില്ലയിൽ ആയിരത്തിന് മുകളിൽ രോഗികൾ; കോതമംഗലം മേഖലയിലും സമ്പർക്ക വ്യാപനം രൂക്ഷമാകുന്നു.

എറണാകുളം : കേരളത്തില്‍ ഇന്ന് 5960 പേര്‍ക്ക് കോവിഡ് സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ അറിയിച്ചു. യുകെയില്‍ നിന്നും വന്ന ആര്‍ക്കും തന്നെ കഴിഞ്ഞ...

NEWS2 days ago

കോതമംഗലം താലൂക്കിൽ 78 പേർക്ക് പട്ടയം അനുമതിയായി.

കോതമംഗലം: കോതമംഗലം താലൂക്കിൽ 7 വില്ലേജുകളിലായി 78 പേർക്ക് പട്ടയം നൽകാൻ കമ്മറ്റി അംഗീകരിച്ചു. കുട്ടമ്പുഴ 44, നേര്യമംഗലം 23,ഇരമല്ലൂർ 5, പല്ലാരിമംഗലം 2,വാരപ്പെട്ടി 2, തൃക്കാരിയൂർ...

NEWS2 days ago

പരീക്കണ്ണി – പരുത്തിമാലി റോഡ് ഉദ്ഘാടനം ചെയ്തു.

കോതമംഗലം: പല്ലാരിമംഗലം ഗ്രാമ പഞ്ചായത്തിലെ ആറാം വാർഡിൽ എം എൽ എ ആസ്തി വികസന ഫണ്ടിൽ നിന്നും 28 ലക്ഷം രൂപ ചെലവഴിച്ച് നിർമ്മിച്ച പരീക്കണ്ണി –...

AGRICULTURE2 days ago

പച്ചക്കറി തൈകൾ വിതരണം ചെയ്തു.

കോതമംഗലം: വിഷ രഹിതമായ പച്ചക്കറി ഉത്പ്പാദിപ്പിക്കുന്നതിനു വേണ്ടി കോതമംഗലം മുനിസിപ്പാലിറ്റി എട്ടാം വാർഡിലെ മുഴുവൻ വീട്ടുകാർക്കും പച്ചക്കറി തൈകൾ നൽകി. വാർഡ് കൗൺസിലർ കെ വി തോമസ്...

NEWS2 days ago

കോവിഡ് വാക്സിനേഷൻ്റെ താലൂക്ക് തല ഉദ്ഘാടനം ആൻ്റണി ജോൺ എം എൽ എ നിർവ്വഹിച്ചു.

കോതമംഗലം: കോവിഡ് വാക്സിനേഷൻ്റെ കോതമംഗലം താലൂക്ക് തല ഉദ്ഘാടനം കുട്ടമ്പുഴ കുടുംബാരോഗ്യ കേന്ദ്രത്തിൽ വച്ച് ആൻ്റണി ജോൺ എം എൽ എ നിർവ്വഹിച്ചു.താലൂക്കിലെ സർക്കാർ, സ്വകാര്യ മേഖലയിലെ...

TOURIST PLACES2 days ago

സഞ്ചാരികളുടെ ഒഴുക്ക് തുടങ്ങി; വിസ്മയ കാഴ്ചകൾ ഒരുക്കി ഭൂതത്താൻകെട്ട്.

കോതമംഗലം: വിസ്മയ കാഴ്ചകളുടെ കെട്ടുകൾ അഴിച്ച് സഞ്ചാരികളുടെ പറുദീസയായി ഭൂതത്താൻകെട്ട്. എറണാകുളം ജില്ലയിലെ പ്രധാന ടൂറിസ്റ്റ് കേന്ദ്രമായ ഭൂതത്താൻകെട്ടിൽ വീണ്ടും സഞ്ചാരികളുടെ വൻ തിരക്ക്. കോവിഡ്ക്കാല ലോക്ക്...

NEWS2 days ago

മണികണ്ഠംചാൽ പാലത്തിന് ബഡ്ജറ്റിൽ അവഗണന; ജന സംരക്ഷണ സമിതി കോടതിയിലേക്ക്.

കുട്ടമ്പുഴ: കഴിഞ്ഞ കുറേക്കാലമായി വാർത്തകളിൽ ഇടംപിടിക്കുന്ന മണികണ്ഠൻചാൽ പാലത്തിന് ബഡ്ജറ്റിൽ ഒന്നുമില്ല. എന്നാൽ തൊട്ടടുത്ത ബ്ളാവന പാലത്തിനും ബംഗ്ലാവും കടവ് പാലത്തിനും ഫണ്ട് അനുവദിച്ചിട്ടുണ്ട്. കഴിഞ്ഞ പഞ്ചായത്ത്...

NEWS2 days ago

കർഷക സമരത്തിന് ഐക്യദാർഢ്യം പ്രഖാപിച്ചു കൊണ്ട് ഡി വൈ എഫ് ഐ യുടെ “വിത്തിടാം വിജയിക്കാം” ജില്ലാതല ക്യാമ്പയിനു തുടക്കമായി.

കോതമംഗലം: കോർപ്പറേറ്റുകൾക്ക് കാർഷിക മേഖലയെ തീറെഴുതുന്ന മോഡി സർക്കാരിന്റെ കാർഷിക നിയമങ്ങൾ പിൻവലിക്കണം എന്നാവശ്യപ്പെട്ടു കൊണ്ട് ഡൽഹിയിൽ കഴിഞ്ഞ ഒന്നര മാസത്തിൽ ഏറെയായി പോരാടുന്ന കർഷകർക്ക് ഐക്യദാർഢ്യം...

AGRICULTURE2 days ago

കദളിവാഴകൃഷി വിളവെടുത്ത സന്തോഷത്തിൽ പ്രഗതി ബാലഭവനിലെ കുട്ടികൾ.

കോതമംഗലം : തൃക്കാരിയൂർ പ്രഗതി ബാലഭവനിലെ കുട്ടികൾ അവരുടെ കദളിവാഴ കൃഷി വിളവെടുത്ത സന്തോഷത്തിലാണ്. പഠനം കഴിഞ്ഞുള്ള സമയങ്ങളിൽ പ്രഗതി ബാലഭവനിലെ അന്തേവാസികളായ കുട്ടികളും ബാലഭവനിലെ അവരുടെ...

Trending

error: Content is protected !!

Office Lizenz Kaufen Windows 10 pro lizenz kaufen Office 2019 Lizenz Office 365 lizenz kaufen Windows 10 Home lizenz kaufen Office 2016 lizenz kaufen office lisans satın al office 2019 satın al