Connect with us

EDITORS CHOICE

ചരിത്രം ആന്റണിയിലൂടെ; കോതമംഗലത്തിന്റെ കലാ സാംസ്‌കാരിക ചരിത്രം വരച്ചുകാട്ടി ആന്റണി എബ്രഹാം.

Published

on

കോതമംഗലം: പഴയകാല സാംസ്‌കാരിക -കലാ പ്രവർത്തനങ്ങൾ പൊടിതട്ടിയെടുത്തു സമൂഹ മാധ്യമം വഴി പുതു തലമുറയിലേക്ക് പകർന്ന് അവർക്ക് അറിവ് പകരുകയും, പരിചയപെടുത്തുകയുകയും ചെയ്യുകയാണ് കോതമംഗലത്തെ കലാ -സാംസ്‌കാരിക പ്രവർത്തകനായ ആന്റണി എബ്രഹാം. വിസ്മൃതിയിലേക്ക് ആണ്ടുപോയേക്കാവുന്ന ഇത്തരം കലാ -സാംസ്‌കാരിക പ്രവർത്തനങ്ങൾ പുതു തലമുറയിലേക്ക് പകരുന്നത് വഴി കോതമംഗലത്തിന്റെ പഴയകാല സാംസ്‌കാരിക ചരിത്രമാണ് ഇദ്ദേഹം വരച്ചു കാട്ടുന്നത്.

കോതമംഗലത്തിന്റെ കലാ സാംസ്‌കാരിക മേഖലയിലെ നിറസാന്നിധ്യമായാ ഇദ്ദേഹം 1976 മുതൽ കോതമംഗലത്തെ കലാ സാംസ്‌കാരിക പ്രവർത്തനങ്ങൾ ഏകോപിപ്പിക്കുന്നതിൽ മുന്നിട്ടുനിൽക്കുന്നു.45 വർഷങ്ങൾക്ക് മുൻപ് കോതമംഗലത്തു രൂപീകൃതമായ സുമംഗല ഫിലിം സൊസൈറ്റി യുടെ പിന്നിൽ പ്രവർത്തിച്ച മുഖ്യ ആളുകളിൽ ഒരാൾ ആന്റണി ആയിരുന്നു. അന്ന് അതിന്റെ ഉത്‌ഘാടനം നിർവഹിച്ചതാകട്ടെ വിഖ്യാത ചലചിത്രകാരൻ ജോൺ എബ്രഹാം ആയിരുന്നു. അടൂർ ഗോപാലകൃഷ്ണൻ അടക്കം നിരവധി ലോക പ്രശസ്ത ചലച്ചിത്രകാരന്മാരുടെ സിനിമകൾ സുമംഗല യുടെ നേതൃത്വത്തിൽ പ്രദർശിപ്പിച്ചിട്ടുണ്ട്. സാംസ്‌കാരിക സംഘടനയായ സ്മൃതിയിലൂടെ നിരവധി പ്രോഗ്രാമുകളാണ് ഇദ്ദേഹം അണിയിച്ചൊരുക്കിയത്.

പഴയകാല ചലച്ചിത്ര നാടക ഗാനങ്ങളിൽ ആഭിമുഖ്യ പുലർത്തുന്ന ഗായകരും, സംഗീതാസ്വാദകരും ചേർന്ന് കോതമംഗലത്തു രൂപീകരിച്ച സ്മൃതിയുടെ ഉത്‌ഘാടനം അന്ന് നിർവഹിച്ചത് സൂര്യകൃഷ്ണമൂർത്തിയായിരുന്നു. പ്രശസ്ത സംഗീതജ്ഞൻ കെ. പി. ഉദയഭാനു വാണ് ഇത്തരത്തിൽ ആദ്യമായി രൂപം കൊണ്ട ഈ ഗായക -സംഗീതാസ്വാദക സൗഹൃദ സംഘത്തിന്റെ മുഖ്യ രക്ഷാധികാരിയായിരുന്നത് . നിരവധി പ്രമുഖ കലാകാരമാരാണ് സ്മൃതിയുടെ ആഭിമുഖ്യത്തിൽ സംഘടിപ്പിച്ച വിവിധ ചടങ്ങുകളിൽ പങ്കെടുത്തു കോതമംഗലത്തു പ്രോഗ്രാമുകൾ അവതരിപ്പിച്ചത്. 1993ൽ കെ. പി എ സി സുലോചന പങ്കെടുത്ത സംഗീത സൗഹൃദ സംഗമവും, 1995ൽ കെ. പി ഉദയഭാനുവിന്റെ നേതൃത്വത്തിൽ അരങ്ങേറിയ ഗാനസ്മൃതിയുമെല്ലാം ഒരുക്കുന്നതിൽ ആന്റണി എന്ന കലാസ്നേഹിയുടെ പങ്ക് ചെറുതല്ല.

1996ൽ കോതമംഗലം വിമലഗിരി സ്കൂൾ ഗ്രൗണ്ടിൽ അരങ്ങേറിയ ബാബുരാജ് നൈറ്റ്‌ കോതമംഗലത്തെ സംഗീതാസ്വാദകരുടെ മനസ് കവർന്ന സംഗീതാനുഭവം ആയിരുന്നു. ‘ബാബുരാജ് നൈറ്റി’ൽ കോഴിക്കോട്ട് നിന്നെത്തിയ പ്രിയ സംഗീതജ്ഞന്റെ മക്കളായ സാബിറ, ജബ്ബാർ, സുൾഫിക്കർ, ഫർഹത്ത് എന്നിവരും, നാലു ചെറുമക്കളും പങ്കെടുക്കുകയുണ്ടായി. അന്ന് നടന്ന സ്മൃതി സന്ധ്യയിൽ കെ.പി.ഉദയഭാനു, എം.എസ്.നസീം, പി.സുശീലാദേവി, ബി.അരുന്ധതി, കല്ലറ ഗോപൻ, കമുകറ ശ്രീകുമാർ, രാധികാ, സുപ്രിയ തുടങ്ങിയവർ ചേർന്നു് ബാബുക്കയുടെ 65-ാളം ഗാനങ്ങൾ അവതരിപ്പിച്ചു. പി.ഭാസ്കരൻ മാസ്റ്റർ, പരിപാടികളുടെ മുഖ്യ രക്ഷാധികാരിയായിരുന്നു.

1998ൽ മാർ ബേസിൽ സ്കൂളിൽ വച്ചു നടന്ന സ്വപ്നോപഹാരവും, 99ൽ കെ. പി ബ്രഹ്മാനന്ദനും, ഉദയഭാനുവും പങ്കെടുത്ത മധുരിക്കും ഓർമകളും 2002ൽ ഉമ്പായിയുടെ പ്രണാമം ഗസൽ സന്ധ്യ ഗാനാഞ്ജലിയും എല്ലാം കോതമംഗലത്തെ ഗാനാസ്വാദകർക്ക് വേറിട്ട സംഗീത അനുഭവമാണ് സമ്മാനിച്ചത്. തലമുറകൾ നെഞ്ചിലേറ്റിയാ ഒരിക്കലും മറക്കാനാവാത്ത ഒരു പിടി നല്ല ഗാനങ്ങൾ മലയാളികൾക്ക് സമ്മാനിച്ച ഗായക ദമ്പതികളായ എ എം രാജക്കും, ജിക്കി കൃഷ്ണവേണിക്കും പ്രണാമം അർപ്പിച്ചു 2004 ൽ കോതമംഗലം എം. എ. കോളേജിൽ നടന്ന ആകാശ ഗംഗയുടെ കരയിൽ എന്ന സംഗീത സന്ധ്യ സംഘടിപ്പിക്കുന്നതിൽ മുഖ്യ പങ്ക് ആന്റണിയുടേതായിരുന്നു. കോളേജിന്റെ സുവർണ ജൂബിലി ആഘോഷത്തോടനുബന്ധിച്ചായിരുന്നു ഈ പ്രോഗ്രാം.

രാജയുടെയും, ജിക്കിയുടെയും ഗാനങ്ങൾ മാത്രം പുനരാവിഷ്കരിച്ചുകൊണ്ടുള്ള സ്മൃതി സന്ധ്യ അന്ന് സംസ്ഥാനത്തദ്ധ്യമായാണ് അരങ്ങേറിയത്. ആ ഗാന സന്ധ്യ നയിച്ചതാകട്ടെ ഗായക ദമ്പതികളുടെ മകൻ മഹേഷ്‌ കുമാറും. അന്ന് മഹേഷ്‌ കുമാറിനൊപ്പം പ്രശസ്ത ഗായകരായ എം. എസ് നസിം, ദലീമ, കല്ലറ ഗോപൻ, കലാഭവൻ സാബു ജി ശ്രീറാം, ആർ ഉഷ എന്നിവരും അണിനിരന്നു. .കലാ കേരളത്തിന്‌ നിത്യ വിസ്മയമായി ഏഴ് വയസ്സിനുള്ളിൽ ഇരുപതിനായിരത്തിലധികം ചിത്രങ്ങൾ വരച്ചു നക്ഷത്ര ലോകത്തേക്ക് മടങ്ങിയ കുരുന്നു പ്രതിഭ ക്ലിന്റിന്റെ 32 ആം ജന്മദിനത്തോടനുബന്ധിച്ചു ശിവ് കുമാർ സംവിധാനം നിർവഹിച്ച അന്താരാഷ്ട്ര പ്രശസ്തി നേടിയ ക്ലിന്റ് എന്ന ചലച്ചിത്രം 2008 മെയ്‌18 നു കോതമംഗലം ആൻ സിനിമ തീയറ്ററിൽ പ്രദർശിപ്പിക്കാൻ മുൻ കൈ എടുത്തത് സ്മൃതി എന്ന സംഘടനയുടെ അമരക്കാരൻ ആന്റണി ആയിരുന്നു. അത് അദ്ദേഹത്തിന്റെ കലയോടും, സാംസ്‌കാരിക പ്രവർത്തനങ്ങളോടുമുള്ള സമർപ്പണം കൂടിയായിരുന്നു.കെ. ജെ. യേശുദാസ്, പി.ജയചന്ദ്രൻ , മലയാളത്തിന്റെ സൗഭാഗ്യമായ ഈ നാദ വിസ്മയങ്ങളുടെ കാലഘട്ടത്തിൽ ജീവിയ്ക്കാൻ കഴിഞ്ഞതു തന്നെ വലിയ ഭാഗ്യമായി കാണുന്നതായി അദ്ദേഹം പറയുന്നു.

1993ൽ പ്രശസ്ത ഗായിക കെ പി എ സി സുലോചനയും ഭർത്താവ് കലേശനും സ്മൃതിയുടെ ആഭിമുഖ്യത്തിൽ കോതമംഗലത്തു സംഗീത സൗഹൃദ വേദി പങ്കിട്ടതും ഇന്നും മധുരമുള്ള ഓർമയായി കൊണ്ടു നടക്കുന്നു.സംഗീത വഴിയിൽ 51 വർഷങ്ങൾ പിന്നിടുന്ന പി സുശീല ദേവി ടീച്ചർ 25 വർഷങ്ങൾക്ക് മുമ്പ് കോതമംഗലത്തു പരിപാടി അവതരിപ്പിക്കാൻ വന്നതും എല്ലാം മായാതെ അദ്ദേഹത്തിന്റെ മനസ്സിൽ നിൽക്കുന്നു. സമൂഹ മാധ്യമമായ ഫേസ്ബുക്കിലൂടെ ഇദ്ദേഹം തയ്യാറാക്കുന്ന ലഖു കുറിപ്പുകളും, പഴയകാല ചിത്രങ്ങളും അന്തരിച്ച പ്രമുഖ വ്യക്തികളുടെ ഓർമദിവസങ്ങളും, ജീവിച്ചിരിക്കുന്ന പ്രമുഖ വ്യക്തിത്വങ്ങളുടെ ജന്മ ദിനങ്ങളും പിന്നിട്ട നാൾവഴികളും എല്ലാം കേവലം ഓർമപെടുത്തലുകൾ മാത്രമല്ല, മറിച്ചു തലമുറകൾക്ക് പുത്തൻ അറിവിന്റെ വാതയാനങ്ങൾകൂടിയാണ് തുറന്നിടുന്നത്. 64കാരനായ ഇദ്ദേഹത്തിന്റെ മുഖ പുസ്തകം വഴിയുള്ള പഴയകാല ഓര്മപെടത്തലുകൾ പുതു തലമുറയ്ക്ക് പുത്തൻ അറിവുകളാണ് സമ്മാനിക്കുന്നത്. ഒപ്പം കോതമംഗലത്തിന്റെ കലാ സാംസ്‌കാരിക ചരിത്രവും.

EDITORS CHOICE

നാട്ടിലെ താരമായി തെരുവിൽ നിന്ന് കിട്ടിയ കൊച്ചു സുന്ദരി; ഒരു യമണ്ടൻ നായ കഥ.

Published

on

കോതമംഗലം :കുട്ടമ്പുഴ ഇലവുങ്കൽ സെബാസ്റ്റ്യൻ ജോസെഫിന്റെ വീട്ടിൽ ഒരു കൊച്ചു സുന്ദരിയായ നായയുണ്ട്. ഒരു വയസേ ആയിട്ടുള്ളുവെങ്കിലും അവള് ചില്ലറക്കാരിയല്ല, പു പുലിയാണ്. റൂബി എന്ന് വീട്ടുകാർ സ്നേഹ പൂർവ്വം വിളിക്കുന്ന ഈ പെൺ നായ വീട് കാവലിന് പുറമെ വീട്ടുകാരെ രാവിലെ എഴുന്നേൽപ്പിക്കുന്നതും, വാർത്തയുടെ ലോകത്തേക്ക് കൂട്ടികൊണ്ട്പോകുന്നതും എല്ലാം ഇവളാണ്. രാവിലെ പത്രക്കാരൻ മുറ്റത്തു ഇട്ടിട്ടു പോകുന്ന ദിനപത്രം എടുത്തു വീട്ടിൽ കൊണ്ടു പോയി ഗൃഹനാഥനായ സെബാസ്റ്റിന് നൽകും. സെബാസ്റ്റിന്റെയും വീട്ടുകാരുടെയും പത്ര വായനക്ക് ശേഷം അവര് പത്രം മടക്കേണ്ട താമസമേയുള്ളു അയൽ വാസിയായ ഷാജിയുടെ വീട്ടിലേക്ക് റൂബി പത്രവുമായി വച്ചു പിടിക്കും. രണ്ടു മാസമായി ഇതാണ് അവളുടെ പ്രഭാത ദിനചര്യ. പത്രം കൊടുത്തിട്ട് തിരികെ വീട്ടിലേക്ക്. തിരികെ എത്തിയാൽ പിന്നെ സെബാസ്ററ്യനുമായും വീട്ടുകാരുമായും ചങ്ങാത്തം കൂടലായി.

അതിന്റെ ഇടയിൽ പ്ലസ് ടു വിദ്യാർത്ഥിയായ സെബാസ്റ്റിന്റെ മൂത്ത മകൻ സെബിനും , ഒമ്പതാം ക്ലാസ്സ്‌ വിദ്യാർത്ഥിനിയായ മകൾ സ്‌നേഹയും എഴുനേൽക്കാൻ വൈകിയാൽ അവരെ എഴുന്നേല്പിക്കും. മൂക്ക് കൊണ്ട് കുത്തി കുത്തി യാണ് റൂബി അവരെ എഴുന്നേൽപ്പിക്കുന്നത്. അടുക്കള ജോലിയിൽ വ്യാവൃതയായിരിക്കുന്ന സെബാസ്റ്റിന്റെ ഭാര്യയുമായും, അമ്മയുമായും എപ്പോഴും വലിയ ചങ്ങാത്തമാണ്. അതിന് കാരണം മറ്റൊന്നുമല്ല നല്ല ഭക്ഷണം റൂബിക്ക് കിട്ടണമെങ്കിൽ അവര് കനിയണമല്ലോ. ഒരു വർഷം മുൻപ് വഴിയിൽ നിന്ന് കിട്ടിയ ഈ നായ ഇന്ന് ഇവരുടെ എല്ലാം എല്ലാമാണ്. ഈ വീട്ടിലെ ഒരംഗമായി മാറിക്കഴിഞ്ഞു. കുട്ടമ്പുഴ ഇലവുങ്കൽ വീട്ടിലെ റൂബി എന്ന ഈ നായ വീട്ടുകാർക്കും, നാട്ടുകാർക്കും ഒരു കൗതുകമായി മാറിയിരിക്കുകയാണ്. പരസ്പരം പങ്കുവെക്കലിന്റെയും, സഹകരണത്തിന്റെയും, കരുതലിന്റെയും പുതിയൊരു നല്ല പാഠം പഠിപ്പിക്കുകയാണ് റൂബി.

Continue Reading

EDITORS CHOICE

കുട്ടമ്പുഴയിലെ ആദിവാസിക്കുടിയിൽ ഒരു കുടുംബത്തിൽ മൂന്നു ഡോക്ടർമാർ, ഊരിന്‌ നക്ഷത്രമായി കോരാളിയിലെ രാഘവന്റെയും പുഷ്പയുടെയും കുടുംബം.

Published

on

കോതമംഗലം; പ്രതികൂല ജീവിത സാഹചര്യങ്ങളോടു പൊരുതി ജീവിതലക്ഷ്യം കൈപ്പിടിയിലൊതുക്കിയതിന്റെ നിർവൃതിയിലാണ് ആദിവാസി ദമ്പതികളായ രാഘവനും പുഷ്പയും. വിശന്നപ്പോൾ മുണ്ടുമുറുക്കിയുടുത്ത്,വന്യമൃഗങ്ങളുടെ ആക്രമണഭീഷിണി വകവയ്ക്കാതെ മണ്ണിൽ ആദ്ധ്വനിച്ചും വിശ്രമില്ലാതെ കൂലിപ്പണിചെയ്തും ചേർത്തുവച്ച സമ്പാദ്യം കൊണ്ട് ഇവർ മക്കൾ മൂന്നുപേരെയും ഡോക്ടർമാരാക്കി. അതും മൂന്ന് ചികത്സ ശാഖകളിൽ. മക്കളിലൊരാളെയെങ്കിലും പഠിപ്പിച്ച് ഒരു നിലയിലാക്കാൻ പരിഷ്‌കൃത സമൂഹത്തിലെ ഭൂരിപക്ഷം കുടുംബങ്ങളും പെടാപ്പാടുപെടുമ്പോഴാണ്്സ്വപ്‌നം കാണാൻ മാത്രം കഴിഞ്ഞിരുന്ന ഈ നേട്ടം കാടിന്റെ മക്കളായ ഇവർ സ്വന്തമാക്കിയിരിയ്ക്കുന്നത്.

അനുഭവിച്ച കഷ്ടപ്പാടുകൾക്കും ഒഴുക്കിയ കണ്ണീരിനും ദൈവം നൽകിയ പ്രതിഫലമാണ് ഇത്.മക്കളെ പഠിപ്പിച്ചതിന് കളിയാക്കിയവരും ആക്ഷേപിച്ചവരുമുണ്ട്.ഇതുവരെ എത്തിയ്ക്കാൻ അനുഭവിച്ച കഷ്ടതകൾ ഏറെയാണ്.പിന്നിട്ട 20 വർഷം വെല്ലുവിളകൾ നിറഞ്ഞതായിരുന്നു.ഇട്ടുമാറാൻ വസ്ത്രമില്ലാതെ,വിശപ്പകറ്റാൻ ഭക്ഷമില്ലാതെ കഴിയേണ്ടിവന്നിട്ടുണ്ട്.ജീവിതം സമ്മാനിച്ച തിരിച്ചറിവുകൾ വളരെ വലുതാണ്.ഒന്നിലും തളരാത്ത മനസ്സായിരുന്നു മുതൽക്കൂട്ട്.അതിപ്പോഴുമുണ്ട്.രാഘവനും പുഷ്പയും ഒരേസ്വരത്തിൽ പറയുന്നു. മൂത്തമകൻ പ്രതീപ്് ഹോമിയോയിലും സഹോദരി സൂര്യ അലോപ്പതിയിലും ഇളയമകൻ  സന്ദീപിന് ആയുർവ്വേദത്തിലുമാണ് പ്രവിണ്യം നേടിയിരിയ്ക്കുന്നത്.

പ്രിതീപ് എറണാകുളം ജില്ലയിലെ കവളങ്ങാട് പഞ്ചായത്ത് സർക്കാർ ഹോമിയോ ഡിസ്‌പെൻസറിയിൽ മെഡിയ്ക്കൽ ഓഫീസറാണ്.സൂര്യ കാഞ്ഞങ്ങാട് ചിറ്റാരിയ്ക്കൽ പി എച്ച് സിയിൽ അസിസ്റ്റ്റ്റന്റ് സർജ്ജനായും സന്ദീപ് പരിയാരം ആയുർവ്വേദ മെഡിയിക്കൽ കോളേജിൽ ഹൗസർജ്ജനായും സേവനമനുഷ്ടിച്ചുവരികയാണ്.ഇതിൽ പ്രതീപും സൂര്യയും വിവാഹതരാണ്. പ്രതീപിന്റെ ഭാര്യ നിത്യയും സുര്യയുടെ ഭർത്താവ് സന്ദീപും ഡോക്ടർമാരാണ്. നിത്യ ഇപ്പോൾ കോഴിക്കോട് ഹോമിയോ മെഡിയ്ക്കൽ കോളേജിൽ എം ഡിയ്ക്കുചേർന്നിട്ടുണ്ട്. ദന്തിസ്റ്റായ സന്ദീപ് ചെറുപുഴയിൽ സ്വന്തമായി ക്ലീനിക് നടത്തിവരികയാണ്. ഇതോടെ മക്കളും മരുമക്കളുമായി ഇവരുടെ കുടുംബത്തിൽ ഡോക്ടർമാരുടെ എണ്ണം അഞ്ചായി.

വണ്ണപ്പുറം പഞ്ചായത്തിലെ പട്ടയക്കുടിയായിരുന്നു രാഘവന്റെ ജന്മസ്ഥലം. വർഷങ്ങളോളം കൂലിപ്പണിയുമായി കഴിഞ്ഞു .ഇതിനിടയിൽ പരിചയപ്പെട്ട പുഷ്പയുമായി വിവാഹവും കഴിഞ്ഞു.
വിവാഹത്തോടെ വീട്ടിൽ നിന്നും പുറത്തായി.ഊരാളി സമുദായ അംഗമായിരുന്ന രാഘവൻ മുതുവ സമുദായ അംഗമായിരുന്ന പുഷ്പയെ വിവാഹം ചെയ്തത് സമുദായ ആചാരങ്ങൾക്ക് വിരുദ്ധമാണെന്നതായിരുന്നു ഇതിന് കാരണം.മാതാപിതാക്കൾ വിവാഹത്തെ അനുകൂലിച്ചിരുന്നെങ്കിലുംകൂട്ടത്തിലെ തലമുതിർന്നവരിലെറെയും ഒറ്റക്കെട്ടായി എതിർത്തു.അങ്ങിനെ ഊരുവിലക്കും പ്രാബല്യത്തിലായി.പിന്നെ എളംബ്ലാശേരിയിലെ പുഷ്പയുടെ വീട്ടിലായി താമസം. ഏതാനുവർഷങ്ങൾ കഴിഞ്ഞപ്പോൾ ഭാര്യവീട്ടിലെ താമസം അത്രസുഖമുള്ള ഏർപ്പാടല്ലന്ന് രാഘവന് തോന്നി.പുഷ്പയുടെ വീടിന്റെ തൊട്ടടുത്തുതന്നെ ഒരു കുടിൽക്കെട്ടി താമസം അങ്ങോട്ടുമാറി.അവിടെയാണ് ഇന്ന് ഡോക്ടർമാരായി മാറിയ മൂന്നുമക്കളും കളിച്ചുവളർന്നത്.

രാവിലെ 6 മണിമുതൽ 8 വരെ വീട്ടിലെ പറമ്പിൽകൃഷിപ്പണി.8 മണി മുതൽ 2 മണിവരെ കിട്ടുന്ന കൂലിപ്പണിക്കുപോകും.100 രൂപ കിട്ടും.ഇതിനുശേഷം മാവിന്റെയും പ്ലാവിന്റെയുമൊക്കെ കൊമ്പിറക്കാൻ പോകും.അപ്പോഴും കിട്ടും 100 രൂപ.പിന്നെയുള്ള സമയത്ത് കട്ടയോ ചുടിഷ്ടികയോ സിമന്റോ ഒക്കെ ചുമക്കാൻ പോകും.50 നൂറുമൊക്കെ ഇതിനും കിട്ടും.രാത്രിയായൽ പനമ്പുനെയ്യാൻ തുടങ്ങും.11 മണിയോടെ 2 എണ്ണം തീരും.ഇതിന് 40 രൂപ കിട്ടും.ഇതിൽ നിന്നും ഒരു വിഹിതം കൂടി മക്കളുടെ പഠിപ്പിനായി മാറ്റിവയ്ക്കും.മക്കളുടെ പഠനകാലത്ത് ഒരുദിവസത്തെ ഈ ദമ്പതികളുടെ ജീവിതക്രമം ഇതായിരുന്നു.10 വർഷത്തോളം ഏതാണ്ടിങ്ങിനെ തന്നെയായിരുന്നു  ജീവിതം മുന്നോട്ടുപോയിരുന്നത്.

ഇന്നുകാണുന്ന കൃഷിഭൂമിയാക്കി മാറ്റാൻ വർഷങ്ങളുടെ അദ്ധ്വാനം വേണ്ടിവന്നു.പുലർച്ചെ വെട്ടം വീഴുമ്പോൾ ഇരുവരും കൂടി സ്വന്തം പുരയിടത്തിൽ കൃഷിപ്പണിയ്ക്കിറങ്ങും.8 മണിയോടെ ഇവർ സമീപസ്ഥലങ്ങളിൽ കൂലപ്പണിയ്ക്കുപോകും.2 മണിവരെ നീളുന്ന കൂലിപ്പണിയ്ക്കുശേഷം രാഘവൻ വെകിട്ട് 6 മണിവരെ കിട്ടുന്ന ചെറിയ ചെറിയ പണികൾക്കും പോകും.പിന്നെ വീട്ടിലെത്തിയാൽ 2 പനമ്പുകൂടി നെയ്തുപൂർത്തിയാക്കിയിട്ടെ ഇവർ ഉറങ്ങാറുള്ളു.മക്കളുടെ പഠനത്തിനുള്ള തുക ഒപ്പിയ്ക്കാൻ വയറുചുരുക്കി,ഇല്ലായ്മകളോട് പടവെട്ടിയാണ് ഒരു ദശാബ്ദത്തോളം ഇവർ കഴിഞ്ഞത്. കാപ്പിയുടെ ഇലവെട്ടിയെടുത്ത് ,അത് പാത്രത്തിലിട്ട് അടുപ്പിൽവച്ച് ചൂടാക്കി അരച്ചുപൊടിയാക്കി ഇതിട്ട് തിളപ്പിച്ച വെള്ളം മാത്രം കുടിച്ച് ദിവസങ്ങളോളം കഴിഞ്ഞിട്ടുണ്ട്.വല്ലപ്പോഴും കാട്ടുകിഴങ്ങുകുത്താൻ പോകും.എന്തെങ്കിലും കിട്ടിയാൽ കഴിയ്ക്കും.ഇതിനിടയിൽ കുട്ടികളെയും കൊണ്ട് ചികത്സയ്ക്കായും പോകണം.കോതമംഗലത്താണ് അന്ന് ആശുപത്രിയുള്ളത്.

എളംബ്ലാശേരിയിൽ നിന്നും 10 കിലോമീറ്ററോളം പിന്നിട്ട് 6-ാം മൈലിലെത്തി ബസുകയറിവേണം കോതമംഗലത്തെത്താൻ.മൂന്നുമക്കളെയും മാറാപ്പുക്കെട്ടി പുറത്തും നെഞ്ചത്തുമൊക്കെയായി തൂക്കും.എന്നിട്ട് പുഷ്പയുടെ കൈയ്യും പിടിച്ച് 6-ാം മൈൽ വരെ ആനയിറങ്ങുന്ന കാട്ടിൽക്കൂടി നടക്കും.രാത്രിയിലും ഇങ്ങിനെ പോകേണ്ടിവന്നിട്ടുണ്ട്.കോതമംഗലം ധർമ്മഗിരി ആശുപത്രിയിലാണ് കൂടുതലും പോയിട്ടുള്ളത്.അവിടെയുള്ളവർക്ക് ഞങ്ങളോട് വലിയ സ്‌നേഹമായിരുന്നു.ഭക്ഷണമൊക്കെ തരും.ഒത്തിരി പൈസയൊന്നും വാങ്ങില്ലായിരുന്നു.

മൂത്തമകൻ പ്രതീപ് പ്ലസ്സ്ടുവിന് പഠിച്ചത് വയനാടാട്ടിലെ പട്ടിക ജാതിക്കാർക്കുള്ള സർക്കാർ വക പഠന കേന്ദ്രത്തിലായിരുന്നു.ഇവിടെ പഠിപ്പിയ്ക്കാൻ വേണ്ട അധ്യാപകർ പോലുമില്ലായിരുന്നു.കൂടുതലും സ്വയം പഠനം.പരിക്ഷയുടെ റിസൽട്ടുവന്നപ്പോൾ പ്രതീക്ഷിച്ചതിലും കൂടുതൽ മാർക്കുണ്ടായിരുന്നു.തുടർന്ന് മെഡിയ്ക്കൽ എൻട്രൻസ് എഴുതിയപ്പോൾ വിജയിച്ചു.അങ്ങിനെ കോഴിക്കോട് ഹോമിയോ മെഡിയ്ക്കൽ കോളേജിൽ പഠനത്തിന് അവസരമൊരുങ്ങി.എം ഡി യിൽ പഠനം പൂർത്തിയാക്കിയതും ഇവിടെ നിന്നാണ്.
പ്രതീപ് വയനാട് പഠിച്ചിരുന്നപ്പോഴായിരുന്നു കൂടുതൽ കഷ്ടപ്പാടികൾ അനുഭവിച്ചത്. രാവിലെ കോതമംഗലത്തെത്തി അവനെ ബസ്സ് കയറ്റി വിടും.പിന്നെ ഇവിടെ കാത്തിരിയ്ക്കും.അവൻ അവിടെ ഇറങ്ങിയെന്ന് ഫോൺവിളിയെത്തുന്നതുവരെ. കോളനിയിൽ ഫോൺ സൗകര്യം ഉണ്ടായിരുന്നില്ല.കോതമംഗലത്തെ കടയിലെ ഫോൺനമ്പറിലേയ്ക്കായിരുന്നു കോളെത്തിയിരുന്നത്.വീട്ടിൽ നിന്നിറങ്ങിയാൽ ഒരു ചായകുടിയ്ക്കും.കടിവാങ്ങാൻ പണമുണ്ടാവാറില്ല.രാവിലെ വീട്ടിൽ നിന്നിറങ്ങിയാൽ രാത്രിയായാമ്പുഴോ പിന്നേന്ന് പുലർച്ചയോ ഒക്കെയാണ് വീട്ടിലെത്തുക. നാടിനും വീടിനും അഭിമാനമായി മക്കൾ മാറിയശേഷവും രാഘവനും പുഷ്പയും പുരയിടത്തിൽ മണ്ണിനോട് മല്ലിടുകയാണ് പിന്നിട്ട വഴികൾ മറക്കാതെ.

Continue Reading

EDITORS CHOICE

വൈകല്യങ്ങളെ തോൽപ്പിച്ച് വരയിൽ കുഞ്ഞു താരമായി നസ്‌ബിൻ.

Published

on

കോതമംഗലം : വൈകല്യങ്ങളെ കരളുറപ്പുകൊണ്ട് പൊരുതി തോൽപ്പിക്കുകയാണ് അതിഥി തൊഴിലാളിയുടെ മകൾ. ഇരുകൈയ്യും കാലുകളും അംഗപരിമിതിയിൽ വിഷമിക്കുമ്പോഴും നസ്ബിൻ സുൽത്താന എന്ന കൊച്ചു മിടുക്കി വരയിലും പാട്ടിലും കഥയെഴുത്തിലും ശ്രദ്ധേയമാവുകയാണ്. പല്ലാരിമംഗലം ജിവിഎച്ച്എസ്എസ് ആറാം ക്ലാസ് വിദ്യാർഥിനിയാണ് പതിനൊന്നുകാരി നസ്ബിൻ. അംഗപരിമിതിയിൽ കൈകാലുകൾ വഴങ്ങാതിരിക്കുമ്പോഴും ചിത്രരചന ജീവനാണ് നസ്ബിന്. കുഞ്ഞുപെൻസിലും സ്‌കെച്ചു പേനയും ഉപയോഗിച്ച് നിറമുള്ള ചിത്രങ്ങളാണ് നെസ്ബിൻ വരക്കുന്നത്.

പരിമിതികൾക്കുള്ളിൽ നസ്ബിന്റെ വര അധ്യാപകരുടെ ഇടയിലും അത്ഭുതം സൃഷ്ടിക്കുകയാണ്. പാട്ടും കഥയെഴുത്തുമായി പരിമിതികളെ അതിജീവിക്കുന്ന നസ്ബിന്റെ വരയിൽ പൂമ്പാറ്റ, പർവതങ്ങൾ, പക്ഷികൾ, വീട്, ഉദയസൂര്യൻ, കുട്ടിപ്പാവാടയിട്ട ബൊമ്മ, മയിൽപ്പീലി തുടങ്ങി നിറമുള്ള ചിത്രങ്ങളാണ്. വരച്ച ചിത്രങ്ങൾ മറ്റുള്ളവരുടെ മുന്നിൽ നിരത്തുമ്പോൾ ആഹ്ലാദവും ആത്മവിശ്വാസവും സമന്വയിച്ച നസ്ബിന്റെ മുഖത്ത് പുഞ്ചിരി വിരിയും.

ആസാം ഗുഹാത്തി നോവ്ഗവിൽ നിന്നും നാലുവർഷം മുമ്പ് കൂലിവേലക്ക് കേരളത്തിലെത്തിയതാണ് ഇവരുടെ കുടുംബം. ഹുസൈൻ അലിയുടെയും ജെലഹ കതന്റെയും മകളാണ് വൈകല്യങ്ങളെ തോൽപ്പിച്ച ഈ കൊച്ചുമിടുക്കി. മാഹിനുദ്ദീൻ, ഷഹനാസ്, ഷഹലം എന്നിവർ സഹോദരങ്ങളാണ്. എല്ലാവരും പല്ലാരിമംഗലം അടിവാട് തെക്കേക്കവലയിൽ വാടകക്കാണ് താമസം.

Continue Reading

Recent Updates

ACCIDENT2 hours ago

പറമ്പിൽ മേയാൻ വിട്ടിരുന്ന കന്നുകാലികൾ ഷോക്കേറ്റ് ചത്തു.

കോതമംഗലം : കോതമംഗലത്തിന് സമീപം പറമ്പിൽ മേയാൻ വിട്ടിരുന്ന കന്നുകാലികൾ ഷോക്കേറ്റ് ചത്തു. കോതമംഗലം ശോഭനപ്പടിക്ക് സമീപം പറമ്പിൽ മേയുകയായിരുന്ന കന്നുകാലികൾക്കാണ് ഷോക്കേറ്റത്. സമീപത്ത് കേടുപിടിച്ചു നിന്ന...

NEWS3 hours ago

ബസ്സ് കെട്ടി വലിച്ചുകൊണ്ട് പ്രതിഷേധ സമരവും, ഭക്ഷ്യ കിറ്റ് വിതരണവും സംഘടിപ്പിച്ചു.

പല്ലാരിമംഗലം : അടിവാട് ഹീറോയംഗ്സ് ക്ലബ്ബ് & റീഡിംഗ് റൂമിന്റെ ആഭിമുഖ്യത്തിൽ ഇന്ധന വിലവർദ്ധനവിനെതിരെ സ്വകാര്യ ബസ്സ് മേഖലയെ സംരക്ഷിക്കണം എന്ന് ആവശ്യപ്പെട്ടുകൊണ്ട് പി ബി ഒ...

NEWS5 hours ago

നഗരത്തിലെ വീടിൻ്റെ അടുക്കളയിൽ നിന്ന് കാട്ടുപാമ്പിനെ പിടികൂടി.

കോതമംഗലം : കോതമംഗലത്തിന് സമീപം കോഴിപ്പിള്ളിയിൽ വീടിൻ്റെ അടുക്കളയിൽ നിന്ന് കാട്ടുപാമ്പിനെ പിടികൂടി. കോഴിപ്പിള്ളി ഒറവലക്കുടി ബിനുവിന്റെ അടുക്കളയുടെ സ്ലാബ്നടിയിൽ കയറിയ Trinkect snake – നെയാണ്...

NEWS16 hours ago

ഒച്ച് ശല്യം മൂലം ജനജീവിതം ദുസ്സഹമാകുന്നു.

കോതമംഗലം:കുട്ടമ്പുഴ പഞ്ചായത്തിലെ വടാട്ടുപാറ യിൽ ഒച്ച് ശല്യം മൂലം ജനജീവിതം ദുസ്സഹമാകുന്നു. വടാട്ടുപാറ യിൽ പലവൻപടിയിലെ ജനവാസമേഖലയിലാണ് കൃഷിയും ജനജീവിതവും തകർക്കുന്ന വില്ലനായി ഒച്ച് പ്രത്യക്ഷപ്പെട്ടിരിക്കുന്നത്. കൃഷിയിടങ്ങളും പരിസരവും മറികടന്ന്...

NEWS1 day ago

അജൈവമാലിന്യ സംസ്കരണത്തിന് ശാശ്വത പരിഹാരമായി ബൃഹത് പദ്ധതിക്ക് തുടക്കമായി.

കോതമംഗലം : നെല്ലിക്കുഴി പഞ്ചായത്തിലെ അജൈവമാലിന്യ സംസ്കരണത്തിന് ശാശ്വത പരിഹാരമായി ബൃഹത് പദ്ധതിക്ക് തുടക്കമായി . പഞ്ചായത്ത് നടപ്പിലാക്കുന്ന ക്ളീൻ നെല്ലിക്കുഴി പദ്ധതിയുടെ രജിസ്‌ട്രേഷൻ പ്രസിഡന്റ് പി...

NEWS1 day ago

അധികൃതരുടെ ഇരട്ടത്താപ് നയം; കർഷകർക്ക് അനുമതി നൽകി വെട്ടിയ തടി തടഞ്ഞു.

കുട്ടമ്പുഴ: വനം വകുപ്പിന്റെ കട്ടിംങ് പെർമിഷനോടു കൂടി വെട്ടിയിട്ട തടികൾ ണ്ടുപോകുന്നതിനെതിരെ വനം വകുപ്പ് . തുടർന്ന് കർഷകരുമായി വാക്കുതർക്കം. തട്ടേക്കാട് പക്ഷിസങ്കേതത്തോടനുബന്ധിച്ചുള്ള പട്ടയ പറമ്പിൽ നിന്നിരുന്ന...

EDITORS CHOICE1 day ago

നാട്ടിലെ താരമായി തെരുവിൽ നിന്ന് കിട്ടിയ കൊച്ചു സുന്ദരി; ഒരു യമണ്ടൻ നായ കഥ.

കോതമംഗലം :കുട്ടമ്പുഴ ഇലവുങ്കൽ സെബാസ്റ്റ്യൻ ജോസെഫിന്റെ വീട്ടിൽ ഒരു കൊച്ചു സുന്ദരിയായ നായയുണ്ട്. ഒരു വയസേ ആയിട്ടുള്ളുവെങ്കിലും അവള് ചില്ലറക്കാരിയല്ല, പു പുലിയാണ്. റൂബി എന്ന് വീട്ടുകാർ...

EDITORS CHOICE2 days ago

കുട്ടമ്പുഴയിലെ ആദിവാസിക്കുടിയിൽ ഒരു കുടുംബത്തിൽ മൂന്നു ഡോക്ടർമാർ, ഊരിന്‌ നക്ഷത്രമായി കോരാളിയിലെ രാഘവന്റെയും പുഷ്പയുടെയും കുടുംബം.

കോതമംഗലം; പ്രതികൂല ജീവിത സാഹചര്യങ്ങളോടു പൊരുതി ജീവിതലക്ഷ്യം കൈപ്പിടിയിലൊതുക്കിയതിന്റെ നിർവൃതിയിലാണ് ആദിവാസി ദമ്പതികളായ രാഘവനും പുഷ്പയും. വിശന്നപ്പോൾ മുണ്ടുമുറുക്കിയുടുത്ത്,വന്യമൃഗങ്ങളുടെ ആക്രമണഭീഷിണി വകവയ്ക്കാതെ മണ്ണിൽ ആദ്ധ്വനിച്ചും വിശ്രമില്ലാതെ കൂലിപ്പണിചെയ്തും...

NEWS2 days ago

താളുംകണ്ടം ഊരുവിദ്യാകേന്ദ്രത്തിലെ വൈദ്യുതി വിളക്കുകൾ മിഴി തുറന്നു, കുട്ടികൾക്ക് ആശ്വാസമായി.

കോതമംഗലം : വനം വകുപ്പിന്റെ ഇടപെടലിൽ കുട്ടമ്പുഴ പഞ്ചായത്തിലെ താളുംകണ്ടം ആദിവാസികുടിയിലെ ഊരു വിദ്യാകേന്ദ്രത്തിൽ വൈദ്യുതി എത്തി. താളുംകണ്ടം ഊരിലെ കുരുന്നുകൾക്ക് ആശ്വാസമായത് മലയാറ്റൂർ ഡി എഫ്...

NEWS2 days ago

ആദിവാസി മേഖലയിൽ കോവിഡ് വ്യാപനം കൂടുന്നു; കാടിന്റെ മക്കൾ കൂട്ടത്തോടെ താലൂക്കിലെ വിവിധ ഡി സി സി കളിലേക്ക്.

കോതമംഗലം : കുട്ടമ്പുഴയിലെ ആദിവാസി ഊരുകളിൽ കോവിഡ് വ്യാപനം കൂടുന്നു. കാടിന്റെ മക്കൾ കൂട്ടത്തോടെ താലൂക്കിലെ വിവിധ ഡി സി സി കളിലേക്ക് മാറ്റുന്നു. കുട്ടംമ്പുഴ പഞ്ചായത്തിലെ തലവച്ചപ്പാറ,...

NEWS2 days ago

കോതമംഗലത്ത് ബി ജെ പി വിഭാഗീയത സമരത്തിലും മറനീക്കി പുറത്ത്.

കോതമംഗലം: ബി ജെ പി യുടെ സമരം വിഭാഗീയത നിലനിൽക്കുന്ന കോതമംഗലത്ത് ചേരിതിരിഞ്ഞ് നടത്തി ഇരു വിഭാഗങ്ങൾ നേർക്കുനേർ നിന്നത് വിവാദമാകുന്നു. കൊടകര സാമ്പത്തിക ഇടപാടിൽ ബി...

NEWS2 days ago

മാധ്യമപ്രവര്‍ത്തകനെയും വിദ്യാര്‍ഥിയെയും ആദരിച്ചു.

കോതമംഗലം : കേരള സംസ്ഥാന യുവജനക്ഷേമ ബോര്‍ഡ് പല്ലാരിമംഗലം പഞ്ചായത്തിന്റെ നേതൃത്വത്തില്‍ മാധ്യമപ്രവര്‍ത്തകനെയും വിദ്യാര്‍ഥിയെയും ആദരിച്ചു. പെന്‍സില്‍ ഡ്രോയിംഗില്‍ മികച്ച പ്രകടനം കാഴ്ചവെച്ച പത്താംക്ലാസ് വിദ്യാര്‍ഥി മുഹമ്മദ്...

NEWS2 days ago

വാരപ്പെട്ടി പഞ്ചായത്തിലെ ജനങ്ങളെ വിഡ്ഢികളാക്കി പൊതുമരാമത്ത്വകുപ്പ്.

വാരപ്പെട്ടി : ഏകദേശം ഒരു വർഷക്കാലമായി തകർന്നു കിടക്കുന്ന വാരപ്പെട്ടി NSS HSS കവലയിൽ ഉള്ള റോഡിന്റെ അവസ്ഥ അതിദയനീയമായി. പരാതികൾ ഏറെ കൊടുത്തിട്ടു റോഡ് പണി...

NEWS2 days ago

അഗതി മന്ദിരങ്ങൾക്ക് സഹായഹസ്തവുമായി എന്റെ നാട് ജനകീയ കൂട്ടായ്മ.

കോതമംഗലം : എന്റെ നാട് ജനകീയ കൂട്ടായ്മ കരുതൽ പദ്ധതിയുടെ ഭാഗമായി ദക്ഷ്യ കിറ്റുകളും പഴവർഗങ്ങളും മദർ കൊച്ചുറാണിക്ക് (പ്രതീക്ഷ റീഹാബിലിറ്റേഷൻ സെന്റർ നെല്ലിമറ്റം) നൽകി താലുക്ക്തല...

NEWS3 days ago

ടാറിങ് കഴിഞ്ഞു, അടുത്ത മഴയത്ത് ഒലിച്ചും പോയി; ലോകോത്തര നിലവാരത്തിൽ അമ്പരന്ന് നാട്ടുകാർ.

കോതമംഗലം : ടാറിങ് കഴിഞ്ഞതിന്റെ മൂന്നാംപക്കം മഴയത്ത് റോഡ് ഒലിച്ചുപോയി. ഏറെ വിവാദങ്ങൾക്കും ചർച്ചകൾക്കും സാക്ഷിയായ റോഡാണ് ഊരംകുഴി കോട്ടപ്പടി കണ്ണക്കടറോഡ്. 2018 ൽ നിർമ്മാണം ആരംഭിച്ച...

Trending

error: Content is protected !!