Connect with us

CHUTTUVATTOM

5000 വർഷത്തെ ചരിത്രവും ഐതിഹ്യവും ഉറങ്ങുന്ന ജൈന ക്ഷേത്രം സന്ദർശിച്ചു കോട്ടപ്പടി സെന്റ് ജോർജിലെ കുട്ടികൾ

Published

on

കോട്ടപ്പടി : ചരിത്രവും ഐതിഹ്യവും ഒരുപോലെ സംഗമിക്കുന്ന കല്ലിൽ ഭഗവതി ക്ഷേത്രം പഠനാനുഭവം ആക്കി സെൻറ് ജോർജിലെ ആറാം ക്ലാസ്സുകാർ. അതിശയിപ്പിക്കുന്ന പഴമയുടെ കഥകളും , കൗതുകം നിറഞ്ഞ ഗുഹാക്ഷേത്രവും, കല്ലിൽ കൊത്തിയ മഹാവീരന്റെയും പദ്മാവതി യുടെയും രൂപങ്ങളും, 120 ൽ പരം കല്പടവുകളും എല്ലാം അവർ അത്ഭുതത്തോടെ നോക്കികണ്ടു . ആദ്യ കാലങ്ങളിൽ ജൈന ക്ഷേത്രമായിരുന്ന ഈ പുണ്യ സ്ഥലം പിന്നീട് ഭഗവതി ക്ഷേത്രമായി ആണ് അറിയപ്പെടുന്നത്.

വലിയ രണ്ട് പാറകളിൽ ആയാണ് ക്ഷേത്രം നിലകൊള്ളുന്നത്. മുകളിലത്തെ പാറ ക്ഷേത്ര ത്തിന്റെ മേൽക്കൂരയും താഴത്തെ പാറ കല്ലിൽ ഭഗവതിയുടെ ഇരിപ്പിടവും ആണ് . ശ്രീകോവിലിന്റെ മേൽക്കൂരയായി നിൽക്കുന്ന കൂറ്റൻ പാറ നിലത്തു സ്പർശിക്കാതെ ആണ് നിൽക്കുന്നത്. അന്തരീക്ഷത്തിൽ തലയുയർത്തി നിൽക്കുന്ന ഈ പാറ 15 ആനകൾ ഒന്നിച്ചു വലിച്ചാൽ പോലും അങ്ങില്ലാത്രേ. കൽ ഗുഹയിൽ വാഴുന്ന ദേവി പ്രതിഷ്ഠയാണ് ഇവിടുള്ളത്. പാറകളിൽ കൊത്തിയ രൂപങ്ങളും അടയാളങ്ങളും നൂറ്റാണ്ടുകൾ പഴക്കം ഉള്ളതാണ്.

പുരാവസ്തു വകുപ്പിന്റെ കീഴിൽ ഉള്ള ഒരു സംരക്ഷിത സ്മാരകമായാണ് ഇപ്പോൾ ഇത് സംരക്ഷിക്കുന്നത്. ജൈന മതത്തെക്കുറിച്ചുള്ള പഠനാനുബന്ധന പ്രവർത്തനം ആയാണ് സ്വന്തം നാട്ടിലെ പുരാതന ജൈന ക്ഷേത്രം സന്ദർശിക്കൽ അധ്യാപകർ സംഘടിപ്പിച്ചത്. അറിവ് അനുഭവ വേദ്യമാക്കിയ ഈ പഠന യാത്ര കുട്ടികൾക്ക് അവിസ്മരണീയമായി.

CHUTTUVATTOM

മണ്ണ് കടത്ത് കേസിൽ പഞ്ചായത്ത് പ്രസിഡന്റും, വാർഡ് മെമ്പറും രാജിവയ്ക്കുക; സി പി ഐ എം പ്രതിഷേധം.

Published

on

പല്ലാരിമംഗലം : പല്ലാരിമംഗലം പഞ്ചായത്തിലെ രണ്ടാം വാർഡിൽ ഈട്ടിപ്പാറ – മോഡേൺ പടി റോഡ് കുഴിച്ച് അനധികൃതമായി മണ്ണ് കടത്തിക്കൊണ്ടു
പോയെന്ന് കാണിച്ച് പല്ലാരിമംഗലം ഗ്രാമ പഞ്ചായത്ത് സെക്രട്ടറി പോത്താനിക്കാട് പോലീസിൽ കൊടുത്ത പരാതിയിൽമേൽ പ്രതികളായി പേര് ചേർക്കപ്പെട്ട പഞ്ചായത്ത് പ്രസിഡന്റ് പി കെ മൊയ്തുവും, വാർഡ് മെമ്പർ ഷാജിമോൾ റഫീഖും രാജിവയ്ക്കണമെ ന്നാവശ്യപ്പെട്ട് സി പി ഐ എം പല്ലാരിമംഗലം ലോക്കൽ കമ്മിറ്റിയുടെ ആഭിമുഖ്യത്തിൽ ഗ്രാമപഞ്ചായത്ത് ഓഫീസിന് മുന്നിലും, പാർട്ടിയുടെ പതിനാല് ബ്രാഞ്ച് കേന്ദ്രങ്ങളിലും സമരം സംഘടിപ്പിച്ചു. പഞ്ചായത്ത് ഓഫീസിന് മുന്നിൽ നടന്ന സമരം
സി പി ഐ എം ജില്ലാ കമ്മിറ്റി അംഗ് പി എൻ ബാലകൃഷ്ണൻ ഉദ്ഘാടനം ചെയ്തു.

ലോക്കൽ കമ്മിറ്റി സെക്രട്ടറി എം എം ബക്കർ അദ്ധ്യക്ഷത വഹിച്ചു. വിവിധ കേന്ദ്രങ്ങളിൽ നടന്ന സമരങ്ങൾ ഏരിയാ കമ്മിറ്റി അംഗം കെ ബി മുഹമ്മദ്, ബ്ലോക് പഞ്ചായത്ത് അംഗം ഒ ഇ അബ്ബാസ്, ഗ്രാമ പഞ്ചായത്തംഗങ്ങളായ എ എ രമണൻ, എ പി മുഹമ്മദ്, മുബീന ആലിക്കുട്ടി, ലോക്കൽ കമ്മിറ്റി അംഗങ്ങൾ എന്നിവർ ഉദ്ഘാടനം ചെയ്തു. പഞ്ചായത്തിന്റെ അനുമതിയില്ലാതെ ടാർ റോഡ് കുഴിച്ച് ഇരുന്നൂറ് ലോഡ്മണ്ണ് കടത്തിക്കൊണ്ടുപോയി വിൽപന നടത്തി എന്നതാണ് പോലീസ് കേസ്. മുസ്ലിം ലീഗ് പഞ്ചായത്ത് കമ്മിറ്റിയുടെ ജനറൽ സെക്രട്ടറി കൂടിയായ കെ എം മൈതീൻ
കുറിഞ്ഞിലിക്കാട്ട്, സി പി ഐ എം ലോക്കൽ കമ്മിറ്റി എന്നിവരാണ് വിഷയം ചൂണ്ടിക്കാട്ടി ഗ്രാമപഞ്ചായത്ത് സെക്രട്ടറിക്ക് പരാതി നൽകിയിട്ടുള്ളത്. തദ്ദേശ സ്വയംഭരണ വകുപ്പ് മന്ത്രി, വിജിലൻസ് ആന്റി കറപ്ഷൻ ബ്യൂറോ, കളക്ടർ എന്നിവർക്കും സി പി എം പരാതി നൽകിയിട്ടുണ്ട്.

Continue Reading

CHUTTUVATTOM

സ്വന്തം ഗ്രാമം ശുചീകരിച്ച് സി.പി.ഐ.(എം) മണിക്കിണർ ബ്രാഞ്ചിലെ ഒരു കൂട്ടം യുവാക്കൾ നാടിന് മാതൃകയാകുന്നു.

Published

on

നെല്ലിമറ്റം: കൊറോണ വ്യാപനം തടയാൻ കേന്ദ്ര സംസ്ഥാന സർക്കാരുകളും ആരോഗ്യ പ്രവർത്തകരും മറ്റും വിശ്രമമില്ലാതെ പൊതു സമൂഹത്തിന്റെ ആരോഗ്യസംരക്ഷണത്തിനും രോഗവ്യാപനം തടയുന്നതിനുമായി രാപകലില്ലാതെ കഷ്ടപ്പെടുകയാണ്.ഇതിനിടയിൽ നാട്ടുകാർക്ക് വലിയ ആശ്വാസവും മറ്റ് ഉള്ളവർക്ക് പ്രചോദനവും നൽകുന്ന രീതിയിൽ പല്ലാരിമംഗലം പഞ്ചായത്തിലെ മണിക്കിണർ വാളാച്ചിറ ഗ്രാമത്തിലെ ഒരു പറ്റം സി.പി.എം പ്രവർത്തകരായ ചെറുപ്പക്കാർ തങ്ങളുടെ ഗ്രാമവഴികൾ ശുചീകരിച്ചത്.

വലിയ കല്ലുകളും മാലിന്യ കൂമ്പാരങ്ങളും നീക്കം ചെയ്ത് ഗ്രാമം ശുചീകരിച്ചു. ശുചീകരണ പ്രവർത്തനങ്ങൾക്ക് സി.പി.എം.മണിക്കിണർ ബ്രാഞ്ച് സെക്രട്ടറി ജോസ് വർഗ്ഗീസ്, സി.പി.എം,ഡി.വൈ.എഫ് ഐ പ്രവർത്തകരായ റിയാസ് തുരുത്തേൽ, സജീവ് മുളമ്പേൽ, മാഹിൻ കെ.എം, ഷംസു കടുപ്പം കുടി, ജയിംസ് കെ.എം, എബിജയിംസ്, റ്റിബിൻ എൽദോസ് ,ഷഫീക്ക് നാസർ, അഷറഫ് എ.ഇ.തുടങ്ങിയവർ ശുചീകരണ പ്രവർത്തനങ്ങൾക്ക് നേതൃത്വം നൽകി.

Continue Reading

CHUTTUVATTOM

സി പി ഐ എം മഴക്കാലപൂർവ്വ ശുചീകരണം നടത്തി.

Published

on

പല്ലാരിമംഗലം : പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി സി പി ഐ എം സംസ്ഥാന കമ്മിറ്റിയുടെ ആഹ്വാന പ്രകാരം എല്ലാ പാർട്ടി ബ്രാഞ്ച് കേന്ദ്രങ്ങളിലും നടത്തുന്ന മഴക്കാല പൂർവ്വ ശുചീകരണ പ്രവർത്തനം അടിവാട് ഈസ്റ്റ് ബ്രാഞ്ചിൽ റിട്ടയേർഡ് പോലീസ് സബ് ഇൻസ്പെക്ടർ കെ എ മുഹമ്മദ് ഉദ്ഘാടനം ചെയ്തു.

ബ്ലോക് പഞ്ചായത്തംഗം ഒ ഇ അബ്ബാസ്, ബ്രാഞ്ച് സെക്രട്ടറി പി എം സിയാദ്, മുൻ ബ്രാഞ്ച് സെക്രട്ടറി പി എം കബീർ, ഡി വൈ എഫ് ഐ യൂണിറ്റ് സെക്രട്ടറി എൽദോസ് ലോമി, പ്രസിഡന്റ് കെ എ റെയ്ഷാൻ, എം എം ഷംസുദ്ധീൻ എന്നിവർ നേതൃത്വം നൽകി. ശുചീകരണ ശേഷം അടിവാട് തെക്കേ കവല അണു വിമുക്തമാക്കുന്ന പ്രവർത്തനവും നടത്തി.

Continue Reading

Trending