കോതമംഗലം: കോതമംഗലം കൺട്രോൾ റൂം വാഹനത്തിലെ പൊലിസ് ഉദ്യോഗസ്ഥൻ്റെ ഡ്യൂട്ടി തടസ്സപ്പെടുത്തുകയും അസഭ്യം പറയുകയും വധഭീഷണി മുഴക്കുകയും ചെയ്ത പിണ്ടിമന വില്ലേജ്, വേട്ടാമ്പാറ ഭാഗത്ത് തവരക്കാട്ട് വീട്ടിൽ ജോസഫ് മകൻ റോബിൻ ജോസഫ് എന്ന പോൾ ( 42 )നെ കോതമംഗലം പൊലിസ് അറസ്റ്റ് ചെയ്തു. ഇന്നലെ രാവിലെ റോബിൻ തൻ്റെ മാതാവിനെ ഉപദ്രവിക്കുന്നു എന്ന് കൺട്രോൾ റൂമിൽ വിവരം ലഭിച്ചതിൻ്റെ അടിസ്ഥാനത്തിൽ വേട്ടാമ്പാറ ഭാഗത്ത് വീട്ടിൽ എത്തിയ പൊലിസ് കാര്യങ്ങൾ ചോദിച്ചറിയാൻ ശ്രമിച്ചപ്പോഴാണ് പ്രതി പൊലിസ് ഉദ്യോഗസ്ഥൻ്റ കോളറിൽ പിടിക്കുകയും അസഭ്യം പറയുകയും വധഭീഷണി മുഴക്കുകയും ചെയ്തത്.

എസ്. തെ ശ്യാംകുമാർ, ഷാജു ഫിലിപ്പ്, എ.എസ്.ഐ ശ്രീകുമാർ, ഷാജി കുര്യാക്കോസ്, പൊലിസുകാരായ അനീഷ്, ജയൻ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻറ് ചെയ്തു.

കോതമംഗലം: പത്തു വയസ്സ് മാത്രം പ്രായമുള്ള പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ചയാൾ അറസ്റ്റിൽ. പെണ്കുട്ടിയെ കാറിൽ കയറ്റികൊണ്ടു പോയി ഇഞ്ചത്തൊട്ടി തൂക്കുപാലത്തിന് സമീപം പീഡിപ്പിക്കാൻ ശ്രമിച്ചു എന്ന പരാതിയിന്മേലാണ് അറസ്റ്. ഇരമല്ലൂർ റേഷൻകടപ്പടി മുണ്ടക്കക്കൂടി വീട്ടിൽ മോഹനൻ മകൻ വിഷ്ണു(26)വാണ് അറസ്റ്റിലായത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

കോതമംഗലം : കുറച്ചു നാളുകൾക്ക് മുൻപ് നെല്ലിക്കുഴി റോഡരുകിൽ വച്ചിരുന്ന മോട്ടോർ സൈക്കിൾ മോഷ്ടിച്ച യുവാവ് പോലീസ് പിടിയിൽ. നെല്ലിക്കുഴി ചെറുവട്ടൂർ കുരുവിനാം പാറ ഭാഗത്തു മറ്റത്തിൽ വീട്ടിൽ മിഥുൻ ലാൽ (18) ആണ് പിടിയിലായത്. ഇൻസ്പെക്ടർ അനിൽ B, SI EP ജോയി, ഷാജു ഫിലിപ്പ്, ഷിബു, സിദ്ധിഖ്, പ്രദീപ്, ജിനേഷ് എന്നിവരുടെ നേതൃത്വത്തിലാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്‌തു.